பசிபிக் ஓபன் டென்னிஸ்: அரைஇறுதியில் ஒசாகா

டோக்கியோ,

பான் பசிபிக் ஓபன் சர்வதேச டென்னிஸ் போட்டி ஜப்பான் தலைநகர் டோக்கியோவில் நடந்து வருகிறது. இதில் நேற்று நடந்த கால்இறுதியில் அமெரிக்க ஓபன் சாம்பியனான ஜப்பானின் நவோமி ஒசாகா 6-3, 6-4 என்ற நேர் செட்டில் ஸ்டிரிகோவாவை (செக்குடியரசு) தோற்கடித்து அரைஇறுதிக்கு முன்னேறினார். மற்றொரு கால்இறுதியில் கமிலா ஜியார்கிக்கு (இத்தாலி) எதிராக விக்டோரியா அஸரென்கா (பெலாரஸ்) 3-5 என்ற கணக்கில் பின்தங்கி இருந்த போது காயத்தால் விலகினார். இதனால் வெற்றி பெற்றதாக அறிவிக்கப்பட்ட கமிலா ஜியார்கி அரைஇறுதியில் ஒசாகாவுடன் மோத இருக்கிறார்.