தேசிய சப்–ஜூனியர் டேபிள் டென்னிஸ் தமிழக ஆண்கள் அணி ‘சாம்பியன்’

சண்டிகார், 

80–வது தேசிய கேடட் மற்றும் சப்–ஜூனியர் டேபிள் டென்னிஸ் சாம்பியன்ஷிப் போட்டி சண்டிகாரில் நடந்தது. இதில் சப்–ஜூனியர் ஆண்கள் பிரிவில் இறுதி ஆட்டத்தில் தமிழக அணி 3–0 என்ற கணக்கில் தெலுங்கானாவை வீழ்த்தி சாம்பியன் பட்டத்தை தனதாக்கியது. தமிழக வீரர்கள் பிரியேஷ், விஸ்வா தீனதயாளன் ஆகியோர் ஒற்றையர் பிரிவிலும், பிரியேஷ்–விஸ்வா தீனதயாளன் இணை இரட்டையர் பிரிவிலும் வெற்றி பெற்றனர். இதன் பெண்கள் பிரிவில் இறுதி ஆட்டத்தில் தமிழக அணி 2–3 என்ற கணக்கில் கர்நாடகாவிடம் தோல்வி கண்டு 2–வது இடம் பெற்றது. கேடட் ஆண்கள் பிரிவில் இறுதி ஆட்டத்தில் தமிழக அணி 0–3 என்ற கணக்கில் மேற்கு வங்காளத்திடம் வீழ்ந்தது.