இந்தியன் வெல்ஸ் டென்னிஸ் தொடர்: ரோஜர் பெடரர் தோல்வி


இந்தியன் வெல்ஸ் டென்னிஸ் தொடர்:  ரோஜர் பெடரர் தோல்வி
x
தினத்தந்தி 18 March 2019 11:58 AM GMT (Updated: 18 March 2019 7:13 PM GMT)

இந்தியன் வெல்ஸ் டென்னிஸ் தொடரின் இறுதி போட்டியில் முன்னணி வீரர் ரோஜர் பெடரர் தோல்வி அடைந்துள்ளார்.

இந்தியன் வெல்ஸ்,

அமெரிக்காவின் இந்தியன் வெல்ஸ் நகரில் இந்தியன் வெல்ஸ் டென்னிஸ் தொடர் போட்டிகள் நடந்தன.  இதில், ஆடவர் பிரிவு இறுதி போட்டியில் ஆஸ்திரிய வீரர் டோமினிக் தீம் மற்றும் சுவிட்சர்லாந்தின் ரோஜர் பெடரர் விளையாடினர்.

உலக தரவரிசையில் 4வது இடத்தில் உள்ள பெடரர், முதல் செட்டை 6-3 என்ற கணக்கில் கைப்பற்றினார்.  ஆனால் தொடர்ந்து நடந்த ஆட்டத்தில் 2வது செட்டில் 6-3 என்ற கணக்கில் தீம் வெற்றி பெற்றார்.

இதனால் 3வது செட்டிற்கான ஆட்டத்தில், சாம்பியன் பட்டத்தினை வெல்வது யார் என்ற பரபரப்பு ஏற்பட்டது.  இதில், 7-5 என்ற கணக்கில் அதிரடியாக விளையாடி டோமினிக் தீம் வெற்றி பெற்றுள்ளார்.  அவர் முதன்முறையாக இந்தியன் வெல்ஸ் மாஸ்டர்ஸ் சாம்பியன் பட்டத்தினை கைப்பற்றி உள்ளார்.

இதேபோன்று மகளிர் ஒற்றையர் பிரிவின் இறுதி போட்டியில் ஏஞ்செலிக் கெர்பர் மற்றும் பியான்கா ஆண்ட்ரீஸ்கு விளையாடினர்.  இதில் உலக தரவரிசையில் 6வது இடத்தில் உள்ள கெர்பரை, 4-6, 6-3 மற்றும் 4-6 என்ற செட் கணக்கில் வீழ்த்தி பியான்கா வெற்றி பெற்றுள்ளார்.

Next Story