மியாமி ஓபன் டென்னிஸ்: தகுதி சுற்றில் ராம்குமார் தோல்வி

மியாமி,

முன்னணி வீரர், வீராங்கனைகள் பங்கேற்கும் மியாமி ஓபன் சர்வதேச டென்னிஸ் போட்டி அமெரிக்காவில் இன்று தொடங்குகிறது. இதையொட்டி நடந்த தகுதி சுற்றின் முதல் ரவுண்டில் இந்திய வீரரான சென்னையைச் சேர்ந்த ராம்குமார் 4-6, 1-6 என்ற நேர் செட்டில் இத்தாலியின் லோரென்ஜோ சோனிகோவிடம் தோல்வி அடைந்து வெளியேறினார். மற்றொரு தகுதி சுற்றில் தமிழகத்தை சேர்ந்த பிரஜ்னேஷ் குணேஸ்வரன் 6-2, 6-4 என்ற நேர் செட் கணக்கில் அட்ரியன் மெனன்டேஸ் மாசெரியாசை (ஸ்பெயின்) வீழ்த்தினார். தகுதி சுற்றின் 2-வது ரவுண்டிலும் குணேஸ்வரன் வெற்றி பெற்றால் பிரதான சுற்றுக்குள் நுழைவார்.