டென்னிஸ்

விம்பிள்டன் டென்னிஸ்: ஜோகோவிச் மீண்டும் சாம்பியன் 5 மணி நேரம் போராடி பெடரரை சாய்த்தார் + "||" + Djokovic fought back champion 5 hours Leaned Federer

விம்பிள்டன் டென்னிஸ்: ஜோகோவிச் மீண்டும் சாம்பியன் 5 மணி நேரம் போராடி பெடரரை சாய்த்தார்

விம்பிள்டன் டென்னிஸ்: ஜோகோவிச் மீண்டும் சாம்பியன் 5 மணி நேரம் போராடி பெடரரை சாய்த்தார்
விம்பிள்டன் டென்னிஸ் போட்டியில் செர்பியாவின் ஜோகோவிச் ஏறக்குறைய 5 மணி நேரம் போராடி பெடரரை வீழ்த்தி பட்டத்தை மீண்டும் கைப்பற்றினார்.

லண்டன், 

விம்பிள்டன் டென்னிஸ் போட்டியில் செர்பியாவின் ஜோகோவிச் ஏறக்குறைய 5 மணி நேரம் போராடி பெடரரை வீழ்த்தி பட்டத்தை மீண்டும் கைப்பற்றினார்.

விம்பிள்டன்

‘கிராண்ட்ஸ்லாம்’ அந்தஸ்து பெற்ற விம்பிள்டன் டென்னிஸ் போட்டி கடந்த 2 வார காலமாக லண்டனில் நடந்து வந்தது. பெண்கள் பிரிவில் ருமேனியாவின் சிமோனா ஹாலெப் பட்டத்தை கைப்பற்றினார்.

ஆண்கள் ஒற்றையர் பிரிவில் நேற்று நடந்த இறுதி ஆட்டத்தில் 3–ம் நிலை வீரரும், 8 முறை சாம்பியனுமான ரோஜர் பெடரரும் (சுவிட்சர்லாந்து), நம்பர் ஒன் வீரரும், நடப்பு சாம்பியனுமான நோவக் ஜோகோவிச்சும் (செர்பியா) பலப்பரீட்சை நடத்தினர்.

இரு வலிமையான வீரர்கள் மோதியதால் எதிர்பார்த்தது போலவே களத்தில் அனல் பறந்தது. முதல் செட்டில் இருவரும் தங்களது சர்வீஸ்களை மட்டுமே புள்ளிகளாக மாற்றுவதில் கவனம் செலுத்தினர். இதனால் 6–6 என்று சமநிலை நீடிக்க அதன் பிறகு டைபிரேக்கரில் முதல் செட் ஜோகோவிச் பக்கம் சென்றது. அடுத்த செட்டில் பெடரர் பதிலடி கொடுத்தார். 3–வது செட்டை ஜோகோவிச் மீண்டும் டைபிரேக்கர் வரை போராடி வசப்படுத்த, 4–வது செட் பெடரருக்கு உரியதானது.

ஜோகோவிச் சாம்பியன்

இதனால் ஆட்டம் 5–வது செட்டுக்கு நகர்ந்தது. இதன் 6–வது கேமில் பெடரரின் சர்வீசை ஜோகோவிச் முறியடித்ததால் 4–2 என்று முன்னிலை கண்டார். உடனே சுதாரித்துக்கொண்ட பெடரர் அவரது சர்வீசை தகர்த்து 4–4 என்று சமனுக்கு கொண்டு வந்தார். தொடர்ந்து நீயா–நானா? என்று இருவரும் உத்வேகம் குறையாமல் மல்லுகட்டியதால் ரசிகர்கள் பரவசத்திற்கு உள்ளானார்கள். ஆட்டம் அனுமார் வால் போல் நீண்டு கொண்டே போனது. இறுதியில் ஜோகோவிச் வெற்றிக்கனியை பறித்தார்.

4 மணி 55 நிமிடங்கள் நீடித்த இந்த திரிலிங்கான ஆட்டத்தில் ஜோகோவிச் 7–6 (7–5), 1–6, 7–6 (7–4), 4–6, 13–12 (7–3) என்ற செட் கணக்கில் ஜோகோவிச்சை வீழ்த்தி பட்டத்தை தக்க வைத்துக் கொண்டார். அவர் விம்பிள்டனில் வாகை சூடுவது இது 5–வது முறையாகும். ஏற்கனவே 2011, 2015, 2015, 2018–ம் ஆண்டுகளிலும் பட்டம் வென்று இருந்தார். அவருக்கு ரூ.20½ கோடியும், பெடரருக்கு ரூ.10¼ கோடியும் பரிசுத்தொகையாக கிடைத்தது. மொத்தத்தில் ஜோகோவிச் கைப்பற்றிய 16–வது கிராண்ட்ஸ்லாம் பட்டம் இதுவாகும்.


தொடர்புடைய செய்திகள்

1. நாகர்கோவிலில் நடந்த தென்மாநில டென்னிஸ் போட்டியில் சென்னை அணி முதலிடம் போலீஸ் சூப்பிரண்டு பரிசு வழங்கினார்
நாகர்கோவிலில் நடந்த தென்மாநில டென்னிஸ் போட்டியில் சென்னை அணி முதலிடம் பிடித்தது. போலீஸ் சூப்பிரண்டு ஸ்ரீநாத் பரிசு வழங்கினார்.
2. அமெரிக்க ஓபன் டென்னிஸ் தொடரில் 100-வது வெற்றியை பதிவு செய்த செரீனா வில்லியம்ஸ்
அமெரிக்க ஓபன் டென்னிஸ் தொடரில் 100-வது வெற்றியை பதிவு செய்த செரீனா வில்லியம்ஸ், அரையிறுதிக்கு முன்னேறினார்.
3. ரோஜர்ஸ் கோப்பை: இறுதிப்போட்டியில் காயம் காரணமாக செரீனா விலகல்
பெண்கள் ரோஜர்ஸ் கோப்பையின் இறுதிப் போட்டியில், செரீனா வில்லியம்ஸ் அதித முதுகுவலியால் போட்டியின் பாதியில் வெளியேறினார். இதனால், பியன்கா ஆண்ட்ரீஸ் சாம்பியன் பட்டம் வென்றார்.
4. விம்பிள்டன் டென்னிஸ்: இறுதிப்போட்டியில் ஜோகோவிச்
‘கிராண்ட்ஸ்லாம்’ போட்டிகளில் மிக உயரியதான விம்பிள்டன் டென்னிஸ் தொடர் லண்டனில் நடந்து வருகிறது.
5. விம்பிள்டன் டென்னிஸ்: இறுதிப்போட்டியில் செரீனா–ஹாலெப்
விம்பிள்டன் டென்னிஸ் போட்டியில் பெண்கள் பிரிவில் செரீனாவும், ஹாலெப்பும் இறுதிப்போட்டிக்கு முன்னேறியுள்ளனர்.