டென்னிஸ்

டேவிஸ் கோப்பை டென்னிஸ்: பாகிஸ்தானை பந்தாடியது இந்திய அணி அடுத்த சுற்றுக்கு முன்னேற்றம் + "||" + Davis Cup tennis: India beat Pakistan to advance to next round

டேவிஸ் கோப்பை டென்னிஸ்: பாகிஸ்தானை பந்தாடியது இந்திய அணி அடுத்த சுற்றுக்கு முன்னேற்றம்

டேவிஸ் கோப்பை டென்னிஸ்: பாகிஸ்தானை பந்தாடியது இந்திய அணி அடுத்த சுற்றுக்கு முன்னேற்றம்
டேவிஸ் கோப்பை டென்னிஸ் போட்டியில் இந்திய அணி 4-0 என்ற கணக்கில் பாகிஸ்தானை பந்தாடி உலக குரூப் சுற்றுக்கு தகுதி பெற்றது.
நூர் சுல்தான், 

டேவிஸ் கோப்பை டென்னிஸ் போட்டியின் ஆசிய-ஓசியானா குரூப்-1 முதல் சுற்றில் இந்தியா-பாகிஸ்தான் அணிகள் மோதிய ஆட்டம் கஜகஸ்தான் தலைநகர் நூர் சுல்தானில் நடந்தது. பாகிஸ்தான் இளம் வீரர்களை களம் இறக்கியதால் இந்திய அணி எதிர்பார்த்தது போலவே ஆதிக்கம் செலுத்தியது.

இதில் முதல் நாளில் நடந்த ஒற்றையர் பிரிவு ஆட்டங்களில் இந்திய வீரர்கள் ராம்குமார், சுமித் நாகல் ஆகியோர் சுலபமாக வெற்றி பெற்றனர். இதனால் இந்திய அணி 2-0 என்ற கணக்கில் முன்னிலை பெற்றது.

2-வது நாளான நேற்று நடந்த இரட்டையர் பிரிவு ஆட்டத்தில் இந்தியாவின் லியாண்டர் பெயஸ்-ஜீவன் நெடுஞ்செழியன் ஜோடி, பாகிஸ்தானின் முகமது சோகைப்-ஹூஜைய்பா அப்துல் ரகுமான் இணையை சந்தித்தது. 53 நிமிடம் நடந்த இந்த ஆட்டத்தில் பெயஸ்- ஜீவன் நெடுஞ்செழியன் இணை 6-1, 6-3 என்ற நேர்செட்டில் வெற்றி கண்டது.

46 வயதான லியாண்டர் பெயஸ் டேவிஸ் கோப்பை இரட்டையர் பிரிவில் பெற்ற 44-வது வெற்றி இதுவாகும். கடந்த ஆண்டு சீனாவுக்கு எதிரான டேவிஸ் கோப்பை ஆட்டத்தில் வென்றதன் மூலம் லியாண்டர் பெயஸ் (56 ஆட்டத்தில் 43 வெற்றி), அதிக இரட்டையர் ஆட்டத்தில் வென்று இருந்த இத்தாலி வீரர் நிகோலா பியட்ரான்ஜெலியின் சாதனையை (66 ஆட்டத்தில் 42 வெற்றி) முறியடித்து இருந்தார். தற்போது அந்த சாதனையில் லியாண்டர் பெயஸ் முன்னேற்றம் கண்டுள்ளார்.டேவிஸ் கோப்பை இரட்டையர் பிரிவில் லியாண்டர் பெயசின் சாதனையை மற்ற வீரர்கள் எட்டுவது என்பது கடினம் தான். அறிமுக போட்டியில் அடியெடுத்து வைத்த சென்னையை சேர்ந்த ஜீவன் நெடுஞ்செழியன் முதல் வெற்றியை ருசித்துள்ளார்.

அடுத்து நடந்த மாற்று ஒற்றையர் ஆட்டத்தில் இந்தியாவின் சுமித் நாகல் 6-1, 6-0 என்ற நேர்செட்டில் யூசப் கலிலை (பாகிஸ்தான்) ஊதித்தள்ளி தனது 2-வது வெற்றியை பதிவு செய்தார். எஞ்சிய ஒரு (கடைசி) ஆட்டம் கைவிடப்பட்டது. இதன் மூலம் இந்திய அணி 4-0 என்ற கணக்கில் பாகிஸ்தானை வீழ்த்தி அடுத்த ஆண்டு (2020) மார்ச் 6 மற்றும் 7-ந் தேதி நடைபெறும் உலக குரூப் சுற்றுக்கு தகுதி பெற்றது. உலக குரூப் சுற்றில் இந்திய அணி குரோஷியாவை சந்திக்கிறது. இதில் வெற்றி பெற்றால் இந்திய அணி டேவிஸ் கோப்பை பிரதான சுற்றுக்குள் நுழையும்.

வெற்றிக்கு பிறகு லியாண்டர் பெயஸ் கூறுகையில் ‘முதல்முறையாக டேவிஸ் கோப்பை போட்டியில் விளையாடும் ஜீவனுடன் இணைந்து ஆடியது அருமையானதாகும். தொடக்கம் முதலே ஜீவன் சரியாக செயல்பட்டார். பரந்த மனப்பான்மை கொண்ட ஜீவன் நாட்டுக்காக விளையாடுவதில் மிகவும் ஆர்வமாக இருக்கிறார். அவருடன் களத்தை பகிர்ந்து கொண்டதில் பெருமை அடைகிறேன். இதுபோன்ற வீரர்கள் நான் இளமையுடனும், துடிப்புடனும், புத்துணர்ச்சியுடன் தொடர்ந்து விளையாட வழிவகுக்கிறார்கள். அவர்கள் எனது சிறந்த ஆட்டத்தை வெளிக்கொணருகிறார்கள். வெவ்வேறு தலைமுறை மற்றும் பல்வேறு வயது பிரிவினருடன் இணைந்து விளையாடுவது சிறப்பானதாகும். இந்திய அணிக்காக மீண்டும் விளையாடியது மிகுந்த மகிழ்ச்சியை அளிக்கிறது’ என்றார்.

தொடர்புடைய செய்திகள்

1. “இந்தியா-பாகிஸ்தான் இடையே நடக்கும் மோதல்” - டெல்லி தேர்தல் குறித்து பா.ஜனதா வேட்பாளர் “டுவிட்டர்” பதிவால் சர்ச்சை
இந்தியா-பாகிஸ்தான் இடையே நடக்கும் மோதல் என டெல்லி தேர்தல் குறித்து பா.ஜனதா வேட்பாளர் வெளியிட்ட “டுவிட்டர்” பதிவால் சர்ச்சை எழுந்துள்ளது.
2. ஜம்மு காஷ்மீர் இந்தியாவின் முடிவுக்கு பதிலளிக்க பாகிஸ்தான் விருப்பம் - அமெரிக்க சிஆர்எஸ் அறிக்கை
ஜம்மு காஷ்மீர் தொடர்பான இந்தியாவின் முடிவுக்கு பதிலளிக்க பாகிஸ்தானுக்கு விருப்பம் உள்ளது என அமெரிக்க பாராளுமன்றத்தின் ஆராய்ச்சி அறிக்கை கூறுகிறது.
3. சுதந்திரத்துக்கு பிறகு பாகிஸ்தானில் வசிக்க காந்தி விரும்பினார்: எம்.ஜே.அக்பர் எழுதிய புத்தகத்தில் தகவல்
சுதந்திரத்துக்கு பிறகு பாகிஸ்தானில் வசிக்க காந்தி விரும்பியதாக, எம்.ஜே.அக்பர் எழுதிய புத்தகத்தில் தகவல் தெரிவிக்கப்பட்டுள்ளது.
4. ஷாங்காய் ஒத்துழைப்பு மாநாட்டிற்கு பாகிஸ்தான் பிரதமர் இம்ரான்கானுக்கு அழைப்பு - மத்திய அரசு
டெல்லியில் நடைபெற உள்ள ஷாங்காய் ஒத்துழைப்பு அமைப்பின் மாநாட்டில் கலந்து கொள்ள, பாகிஸ்தான் பிரதமர் இம்ரான்கானுக்கு அழைப்பு விடுக்கப்படும் என்று மத்திய அரசு கூறியுள்ளது.
5. ஐநாவில் மீண்டும் காஷ்மீர் பிரச்சினையை எழுப்ப முயன்ற சீனாவின் முயற்சி தோல்வி
ஐநாவில் பாகிஸ்தானுக்கு ஆதரவாக மீண்டும் காஷ்மீர் பிரச்சினையை எழுப்ப முயன்ற சீனாவின் முயற்சி தோல்வி அடைந்தது.