சின்சினாட்டி டென்னிஸ்: ஜோகோவிச், செரீனா 3-வது சுற்றுக்கு முன்னேற்றம்


சின்சினாட்டி டென்னிஸ்: ஜோகோவிச், செரீனா 3-வது சுற்றுக்கு முன்னேற்றம்
x
தினத்தந்தி 26 Aug 2020 12:11 AM GMT (Updated: 26 Aug 2020 12:11 AM GMT)

சின்சினாட்டி டென்னிஸ் போட்டியில் ஜோகோவிச், செரீனா 3-வது சுற்றுக்கு முன்னேற்றியுள்ளனர்.

நியூயார்க்,

சின்சினாட்டி ஓபன் சர்வதேச டென்னிஸ் போட்டி அமெரிக்காவின் நியூயார்க் நகரில் நடந்து வருகிறது. இதில் ஆண்கள் ஒற்றையர் பிரிவில் நடந்த 2-வது சுற்று ஆட்டம் ஒன்றில் கழுத்து வலிக்கு சிகிச்சை பெற்று ஆடிய நம்பர் ஒன் வீரரான நோவக் ஜோகோவிச் (செர்பியா) 7-6 (7-2), 6-4 என்ற நேர்செட்டில் ரிச்சர்ட்ஸ் பெரான்கிஸ்சை (லிதுவேனியா) வீழ்த்தி 3-வது சுற்றுக்கு முன்னேறினார்.

ஒலிம்பிக் சாம்பியனான ஆன்டி முர்ரே (இங்கிலாந்து) 6-3, 3-6, 7-5 என்ற செட் கணக்கில் 7-ம் நிலை வீரர் அலெக்சாண்டர் ஸ்வெரேவை (ஜெர்மனி) வெளியேற்றினார். மற்ற ஆட்டங்களில் டொமினிக் திம் (ஆஸ்திரியா) 2-6, 1-6 என்ற நேர்செட்டில் செர்பியா வீரர் கிராஜினோவிச்சிடமும், பல்கேரியா வீரர் டிமிட்ரோவ் 5-7, 6-4, 2-6 என்ற செட் கணக்கில் தகுதி சுற்று மூலம் பிரதான சுற்றுக்கு வந்த மார்டோன் புசோவிக்கிடமும் (ஹங்கேரி) அதிர்ச்சி தோல்வி அடைந்தனர்.

பெண்கள் ஒற்றையர் 2-வது சுற்று ஆட்டம் ஒன்றில் முன்னாள் சாம்பியன் செரீனா வில்லியம்ஸ் (அமெரிக்கா) 7-6 (8-6), 3-6, 7-6 (7-0) என்ற செட் கணக்கில் நெதர்லாந்தின் அரன்ட்சா ருஸ்சை 2 மணி 48 நிமிடங்கள் போராடி தோற்கடித்து 3-வது சுற்றுக்குள் நுழைந்தார். நவோமி ஒசாகா (ஜப்பான்), சபலென்கா (பெலாரஸ்), ஜோஹன்னா கோன்டா (இங்கிலாந்து) ஆகியோரும் 3-வது சுற்றை எட்டினர்.

Next Story