டென்னிஸ்

அமெரிக்க ஓபன் டென்னிஸ்: அரைஇறுதியில் நவோமி ஒசாகா + "||" + US Open Tennis: Naomi Osaka in the semifinals

அமெரிக்க ஓபன் டென்னிஸ்: அரைஇறுதியில் நவோமி ஒசாகா

அமெரிக்க ஓபன் டென்னிஸ்: அரைஇறுதியில் நவோமி ஒசாகா
அமெரிக்க ஓபன்டென்னிஸ் போட்டியில் ஜப்பான் வீராங்கனை நவோமி ஒசாகா அரைஇறுதிக்கு முன்னேறினார்.
நியூயார்க், 

‘கிராண்ட்ஸ்லாம்’ அந்தஸ்து பெற்ற அமெரிக்க ஓபன் டென்னிஸ் போட்டி நியூயார்க் நகரில் நடந்து வருகிறது. இதில் ஆண்கள் ஒற்றையர் பிரிவு கால்இறுதி ஆட்டம் ஒன்றில் உலக தரவரிசையில் 7-வது இடத்தில் இருக்கும் ஜெர்மனி வீரர் அலெக்சாண்டர் ஸ்வெரேவ், 32-வது இடத்தில் உள்ள போர்னா கோரிச்சை (குரோஷியா) எதிர்கொண்டார்.

விறுவிறுப்பான இந்த ஆட்டத்தில் அலெக்சாண்டர் ஸ்வெரேவ் தொடக்கத்தில் திணறியதுடன், சில தவறுகளையும் இழைத்தார். இதனால் முதல் செட்டை எளிதில் இழந்ததுடன், 2-வது செட்டில் 2-4 என்ற கணக்கில் பின்தங்கினார். பின்னர் சுதாரித்து ஆடிய அவர் 2-வது செட்டை டைபிரேக்கரில் கைப்பற்றியதுடன், அடுத்த செட்டையும் டைபிரேக்கர் வரை போராடி சொந்தமாக்கினார். 3 மணி 25 நிமிடம் நடந்த ஆட்டத்தின் முடிவில் அலெக்சாண்டர் ஸ்வெரேவ் 1-6, 7-6 (7-5), 7-6 (7-1), 6-3 என்ற செட் கணக்கில் போர்னா கோரிச்சை வீழ்த்தி முதல்முறையாக அரைஇறுதியை எட்டினார். அவரது இந்த வெற்றிக்கு 18 ஏஸ் சர்வீஸ்களும் கைகொடுத்தது.

மற்றொரு கால்இறுதியில் ஸ்பெயின் வீரர் பாப்லோ காரெனோ பஸ்டா 3-6, 7-6 (7-5), 7-6 (7-4), 0-6, 6-3 என்ற செட் கணக்கில் 4 மணி 8 நிமிடங்கள் மல்லுகட்டி கனடாவின் டெனிஸ் ஷபோவலோவை சாய்த்தார்.

பெண்கள் ஒற்றையர் பிரிவில் நடந்த கால்இறுதி ஆட்டம் ஒன்றில் 2018-ம் ஆண்டு சாம்பியனான நவோமி ஒசாகா (ஜப்பான்) 6-3, 6-4 என்ற நேர்செட்டில் அமெரிக்காவின் செல்பி ரோஜர்சை தோற்கடித்து 2-வது முறையாக அரைஇறுதிக்குள் நுழைந்தார். இதே போல் அமெரிக்க வீராங்கனை ஜெனிபர் பிராடி 6-3, 6-2 என்ற நேர்செட்டில் புதின்சேவாவுக்கு (கஜகஸ்தான்) அதிர்ச்சி அளித்தார். ஒரு அரைஇறுதியில் நவோமி ஒசாகா-ஜெனிபர் பிராடி சந்திக்கின்றனர்.


தொடர்புடைய செய்திகள்

1. அமெரிக்க ஓபன் டென்னிஸ்: செரீனா வில்லியம்ஸ் கால்இறுதிக்கு முன்னேற்றம்
அமெரிக்க ஓபன் டென்னிஸ் போட்டியில் முன்னாள் நம்பர் ஒன் வீராங்கனை செரீனா வில்லியம்ஸ் போராடி கால்இறுதிக்கு முன்னேறினார்.
2. அமெரிக்க ஓபன் டென்னிஸ்: நட்சத்திர வீரர் ஜோகோவிச் தகுதி நீக்கம்
உலகின் முதல் நிலை டென்னிஸ் வீரரான நோவக் ஜோகாவிச் அமெரிக்கா ஓபன் டென்னிஸ் போட்டியில் இருந்து தகுதி நீக்கம் செய்யப்பட்டுள்ளார்.
3. அமெரிக்க ஓபன் டென்னிஸ்: 4-வது சுற்றில் செரீனா, டொமினிக் திம்
அமெரிக்க ஓபன் டென்னிஸ் போட்டியில் அமெரிக்காவின் செரீனா, ஆஸ்திரியாவின் டொமினிக் திம் ஆகியோர் 4-வது சுற்றுக்கு முன்னேறினர். இரட்டையர் பிரிவில் இந்தியாவின் ரோகன் போபண்ணா ஜோடியும் அசத்தியது.
4. அமெரிக்க ஓபன் டென்னிஸ்: ஜோகோவிச், கிவிடோவா 4-வது சுற்றுக்கு முன்னேற்றம்
அமெரிக்க ஓபன் டென்னிஸ் போட்டியின் ஒற்றையர் பிரிவில் ஜோகோவிச், கிவிடோவா ஆகியோர் 4-வது சுற்றுக்கு முன்னேறினார்கள்.
5. அமெரிக்க ஓபன் டென்னிஸ்: செரீனா வில்லியம்ஸ் 3-வது சுற்றுக்கு தகுதி - இந்திய வீரர் சுமித் நாகல் தோல்வி
அமெரிக்க ஓபன் டென்னிஸ் போட்டியில் முன்னாள் நம்பர் ஒன் வீராங்கனை செரீனா வில்லியம்ஸ் 3-வது சுற்றுக்கு தகுதி பெற்றார். இந்திய வீரர் சுமித் நாகல் தோல்வி கண்டு வெளியேறினார்.