டென்னிஸ்

ஆஸ்திரேலிய ஓபன் டென்னிஸ்: அரைஇறுதியில் செரீனா தோல்வி + "||" + Australian Open tennis: Serena loses semifinals

ஆஸ்திரேலிய ஓபன் டென்னிஸ்: அரைஇறுதியில் செரீனா தோல்வி

ஆஸ்திரேலிய ஓபன் டென்னிஸ்: அரைஇறுதியில் செரீனா தோல்வி
ஆஸ்திரேலிய ஓபன் டென்னிஸ் தொடர் அரைஇறுதியில் செரீனா வில்லியம்ஸ் தோல்வி அடைந்தார்.
மெல்போர்ன்,

ஆஸ்திரேலிய ஓபன் டென்னிஸ் தொடர் மெல்போர்னில் நடந்து வருகிறது. இதில் நேற்று நடந்த பெண்கள் ஒற்றையர் அரைஇறுதி ஆட்டத்தில் முன்னாள் சாம்பியனான நவோமி ஒசாகா (ஜப்பான்) 6-3, 6-4 என்ற நேர் செட்டில் முன்னாள் நம்பர் ஒன் வீராங்கனையான அமெரிக்காவின் செரீனா வில்லியம்சை சாய்த்து இறுதி சுற்றை எட்டினார். 24-வது கிராண்ட்ஸ்லாம் பட்டம் வென்று ஆஸ்திரேலிய வீராங்கனை மார்கரெட் கோர்ட்டின் சாதனையை சமன் செய்ய செரீனா எடுத்த முயற்சியில் மீண்டும் ஒரு முறை சறுக்கல் ஏற்பட்டுள்ளது. செரீனா கண்ணீர் மல்க விடைபெற்றார்.

மற்றொரு அரைஇறுதியில் அமெரிக்க வீராங்கனை ஜெனிபர் பிராடி 6-4, 3-6, 6-4 என்ற செட் கணக்கில் கரோலினா முசோவாவை (செக்குடியரசு) வீழ்த்தி முதல்முறையாக இறுதிப்போட்டிக்குள் அடியெடுத்து வைத்தார். நாளை நடக்கும் மகுடத்துக்கான ஆட்டத்தில் ஒசாகா-ஜெனிபர் பிராடி பலப்பரீட்சை நடத்துகிறார்கள்.

ஆண்கள் ஒற்றையர் பிரிவில் நடந்த அரைஇறுதி ஆட்டத்தில் நடப்பு சாம்பியனான நோவக் ஜோகோவிச் (செர்பியா) 6-3, 6-4, 6-2 என்ற நேர்செட்டில் ரஷிய இளம் வீரர் அஸ்லான் கரட்செவை விரட்டியடித்து 9-வது முறையாக இறுதிப்போட்டிக்கு முன்னேறினார்.