டென்னிஸ்

மியாமி ஓபன் டென்னிஸ்: ஒசாகா, மெட்விடேவ் 3-வது சுற்றுக்கு முன்னேற்றம் - அலெக்சாண்டர் ஸ்வெரேவ் அதிர்ச்சி தோல்வி + "||" + Miami Open Tennis: Osaka, Medvedev advance to 3rd round - Alexander Sverev shock defeat

மியாமி ஓபன் டென்னிஸ்: ஒசாகா, மெட்விடேவ் 3-வது சுற்றுக்கு முன்னேற்றம் - அலெக்சாண்டர் ஸ்வெரேவ் அதிர்ச்சி தோல்வி

மியாமி ஓபன் டென்னிஸ்: ஒசாகா, மெட்விடேவ் 3-வது சுற்றுக்கு முன்னேற்றம் - அலெக்சாண்டர் ஸ்வெரேவ் அதிர்ச்சி தோல்வி
மியாமி ஓபன் டென்னிஸ் போட்டியில் ஒசாகா, மெட்விடேவ் 3-வது சுற்றுக்கு முன்னேறினர். அலெக்சாண்டர் ஸ்வெரேவ் அதிர்ச்சி தோல்வி கண்டு வெளியேறினார்.
மியாமி, 

மியாமி ஓபன் சர்வதேச டென்னிஸ் போட்டி அமெரிக்காவில் நடந்து வருகிறது. இதில் ஆண்கள் ஒற்றையர் பிரிவு 2-வது சுற்று ஆட்டம் ஒன்றில் உலக தரவரிசையில் 2-வது இடத்தில் இருக்கும் ரஷிய வீரர் டேனில் மேட்விடேவ் 6-2, 6-2 என்ற நேர்செட்டில் யென் ஹூன் லூவை (சீனதைபே) எளிதில் தோற்கடித்து 3-வது சுற்றுக்கு முன்னேறினார். மற்றொரு ஆட்டத்தில் தரவரிசையில் 7-வது இடம் வகிக்கும் ஜெர்மனி வீரர் அலெக்சாண்டர் ஸ்வெரேவ் 6-1, 3-6, 1-6 என்ற செட் கணக்கில் 83-வது இடத்தில் இருக்கும் பின்லாந்தின் இமில் ருசுவோரியிடம் அதிர்ச்சி தோல்வி கண்டு வெளியேறினார். மற்ற ஆட்டங்களில் ஜான் இஸ்னர் (அமெரிக்கா), கச்சனோவ் (ரஷியா) வெற்றி பெற்றனர்.

பெண்கள் ஒற்றையர் பிரிவின் 2-வது சுற்று ஆட்டம் ஒன்றில் உலக தரவரிசையில் 2-வது இடத்தில் இருப்பவரும், ஆஸ்திரேலிய ஓபன் சாம்பியனுமான நவோமி ஒசாகா (ஜப்பான்) 7-6 (7-3), 6-4 என்ற நேர்செட்டில் டாம்ஜனோவிச்சை (ஆஸ்திரேலியா) வீழ்த்தி 3-வது சுற்றுக்குள் அடியெடுத்து வைத்தார். நவோமி ஒசாகா தொடர்ச்சியாக பெற்ற 22-வது வெற்றி இதுவாகும். இன்னொரு ஆட்டத்தில் முன்னாள் சாம்பியனான ஸ்லோன் ஸ்டீபன்ஸ் (அமெரிக்கா) 3-6, 3-6 என்ற நேர்செட்டில் சக நாட்டு வீராங்கனை அமன்டா அனிசிமோவாவிடம் வீழ்ந்து நடையை கட்டினார். இதேபோல் தரவரிசையில் 11-வது இடத்தில் உள்ள கிகி பெர்டென்ஸ் (நெதர்லாந்து) 2-6, 1-6 என்ற நேர்செட்டில் ரஷியாவின் லிட்மிலா சாம்சோனாவிடம் தோல்வியை தழுவினார். மற்ற ஆட்டங்களில் சோபியா கெனின் (அமெரிக்கா), பியான்கா ஆன்ட்ரீஸ்கு (கனடா), மரியா சக்காரி (கிரீஸ்), கரோலினா பிளிஸ்கோவா (செக்குடியரசு), கார்பின் முகுருஜா (ஸ்பெயின்) ஆகியோர் வெற்றியை ருசித்தனர்.

தொடர்புடைய செய்திகள்

1. மியாமி ஓபன் டென்னிஸ்: இறுதிப்போட்டியில் ஆஷ்லி பார்ட்டி-பியான்கா
மியாமி ஓபன் டென்னிஸ் போட்டியில் ஆஷ்லி பார்ட்டி, பியான்கா ஆன்ட்ரீஸ்கு ஆகியோர் இறுதிப்போட்டிக்கு முன்னேறினார்கள்.
2. மியாமி ஓபன் டென்னிஸ்: கால்இறுதியில் மெட்விடேவ், ஒசாகா அதிர்ச்சி தோல்வி
மியாமி ஓபன் டென்னிஸ் போட்டியின் கால்இறுதியில் ரஷிய வீரர் மெட்விடேவ், ஜப்பான் வீராங்கனை நவோமி ஒசாகா ஆகியோர் அதிர்ச்சி தோல்வி கண்டனர்.