டென்னிஸ்

மியாமி ஓபன் டென்னிஸ்: போலந்து வீரர் ஹியூபெர்ட் ‘சாம்பியன்’ + "||" + Miami Open tennis: Polish player Hubert 'champion'

மியாமி ஓபன் டென்னிஸ்: போலந்து வீரர் ஹியூபெர்ட் ‘சாம்பியன்’

மியாமி ஓபன் டென்னிஸ்: போலந்து வீரர் ஹியூபெர்ட் ‘சாம்பியன்’
மியாமி ஓபன் டென்னிஸ் போட்டியில் போலந்து வீரர் ஹியூபெர்ட் ஹோர்காக்ஸ் சாம்பியன் பட்டத்தை கைப்பற்றினார்.
மியாமி,

மியாமி ஓபன் சர்வதேச டென்னிஸ் போட்டி அமெரிக்காவில் நடந்தது. இதன் ஆண்கள் ஒற்றையர் பிரிவு இறுதிப்போட்டியில் உலக தரவரிசையில் 37-வது இடம் வகித்த போலந்து வீரர் ஹியூபெர்ட் ஹோர்காக்ஸ், 19 வயது ஜானிக் சின்னெரை (இத்தாலி) சந்தித்தார்.

விறுவிறுப்பான இந்த ஆட்டத்தில் ஹியூபெர்ட் ஹோர்காக்ஸ் 7-6 (7-4), 6-4 என்ற நேர்செட்டில் ஜானிக் சின்னெரை வீழ்த்தி சாம்பியன் பட்டத்தை தனதாக்கினார். இந்த வெற்றியை பெற அவருக்கு 1 மணி 45 நிமிடம் தேவைப்பட்டது.

ரூ.2.20 கோடி பரிசு

சாம்பியன் பட்டத்தை கைப்பற்றிய ஹியூபெர்ட் ஹோர்காக்ஸ்க்கு ரூ.2.20 கோடி பரிசும், ஆயிரம் தரவரிசை புள்ளியும் கிடைத்தது. தோல்வி அடைந்த ஜானிக் சின்னெருக்கு ரூ.1.20 கோடி பரிசுடன், 600 தரவரிசை புள்ளியும் கிட்டியது. 24 வயதான ஹியூபெர்ட் இந்த வெற்றியின் மூலம் 1000 தரவரிசை புள்ளிகள் கொண்ட ஏ.டி.பி. மாஸ்டர்ஸ் பட்டத்தை ருசித்த முதல் போலந்து வீரர் என்ற பெருமையை பெற்றார். இந்த ஆண்டில் அவர் கைப்பற்றிய 2-வது பட்டம் இதுவாகும்.

தரவரிசையில் முன்னேற்றம்

அரைஇறுதியில் ஆந்த்ரே ரூப்லெவ் (ரஷியா), கால்இறுதியில் சிட்சிபாஸ் (கிரீஸ்) ஆகிய முன்னணி வீரர்களுக்கு அதிர்ச்சி அளித்து இருந்த ஹியூபெர்ட் நேற்று வெளியிடப்பட்ட உலக ஒற்றையர் தரவரிசையில் 21 இடங்கள் உயர்ந்து 16-வது இடத்தை பிடித்துள்ளார். தரவரிசையில் டாப்-20 இடத்துக்குள் அவர் நுழைந்து இருப்பது இதுவே முதல்முறையாகும். இதேபோல் இறுதிப்போட்டியில் தோல்வி கண்ட ஜானிக் சின்னெர் தரவரிசையில் 31-வது இடத்தில் இருந்து 23-வது இடத்துக்கு முன்னேறி இருக்கிறார்.

வெற்றிக்கு பிறகு ஹியூபெர்ட் அளித்த பேட்டியில், ‘எனது டென்னிஸ் வாழ்க்கையில் பெற்ற இந்த மிகப்பெரிய வெற்றி மிகுந்த மகிழ்ச்சியை அளிக்கிறது. இந்த போட்டி முழுவதும் நான் சிறப்பான ஆட்டத்தை வெளிப்படுத்தினேன். கடந்த ஆண்டில் 6 மாதங்களுக்கு மேலாக இங்கு நான் பயிற்சி மேற்கொண்டதும் எனக்கு ஒருவகையில் உதவிகரமாக இருந்தது. என்னுடைய வெற்றி போலந்து மக்களுக்கு உத்வேகம் அளிக்கும் என்று நம்புகிறேன். ஜானிக் சின்னெர் அருமையான வீரர். அவருக்கு பிரகாசமான எதிர்காலம் இருக்கிறது’ என்று தெரிவித்தார்.

தோல்வி குறித்து ஜானிக் சின்னெர் கருத்து தெரிவிக்கையில், ‘இறுதிப்போட்டியின் ஆரம்பத்தில் சற்று பதற்றம் அடைந்தேன். அத்துடன் எனது ‘செர்வ்’ சிறப்பாக இருக்கவில்லை. குறிப்பாக 2-வது செட்டின் தொடக்கத்தில் மோசமாக ‘செர்வ்’ செய்தேன். இந்த ஆட்டம் நல்ல அனுபவமாகும்’ என்றார்.

தொடர்புடைய செய்திகள்

1. பிரிட்டிஷ் விளையாட்டு விருதுகள்: இந்த ஆண்டின் சிறந்த வீராங்கனையாக எம்மா ராடுகானு தேர்வு
19 வயதான ராடுகானு, அமெரிக்க ஓபனில் தனது முதல் கிராண்ட்ஸ்லாம் பட்டத்தை கைப்பற்றியதன் மூலம் டென்னிஸ் உலகையே திகைக்க வைத்தார்.
2. டேவிஸ் கோப்பை டென்னிஸ்: இத்தாலியை வீழ்த்தியது குரேஷியா
குரேஷிய அணி தனது அரை இறுதி ஆட்டத்தில் செர்பியா அல்லது கசகஸ்தான் அணியை எதிர்கொள்ள உள்ளது.
3. ஏடிபி சேலஞ்சர் டென்னிஸ்: பட்டம் வென்றார் இந்தியாவின் ராம்குமார் ராமநாதன்...!
ஏடிபி சேலஞ்சர் இறுதிப் போட்டிகளில் முதல்முறையாக ஒற்றையர் பட்டத்தை ராம்குமார் ராமநாதன் வென்றுள்ளார்
4. காணாமல் போன டென்னிஸ் வீராங்கனை... சீனாவுக்கு சர்வதேச ஒலிம்பிக் சங்கம் எச்சரிக்கை!
சீன டென்னிஸ் வீராங்கனை காணாமல் போன சம்பவம் சர்வதேச அளவில் பெரும் சலசலப்பை ஏற்படுத்தி உள்ளது.
5. பாரிபாஸ் ஓபன் டென்னிஸ்: இங்கிலாந்து வீரர் கேமரூன் நோரி ‘சாம்பியன்’
பாரிபாஸ் ஓபன் டென்னிஸ் போட்டியில் இங்கிலாந்து வீரர் கேமரூன் நோரி, ஸ்பெயின் வீராங்கனை பாலா படோசா ஆகியோர் ‘சாம்பியன்’ பட்டம் வென்று சாதனை படைத்தனர்.