மான்டே கார்லோ மாஸ்டர்ஸ் டென்னிஸ்:கிரீஸ் வீரர் சிட்சிபாஸ் சாம்பியன்

மான்டே கார்லோ, 

மான்டே கார்லோ மாஸ்டர்ஸ் சர்வதேச டென்னிஸ் போட்டி மொனாக்கோவில் நடந்தது. இதில் நேற்று நடந்த ஒற்றையர் இறுதி ஆட்டத்தில் தரவரிசையில் 5-வது இடம் வகிக்கும் கிரீஸ் வீரர் ஸ்டெபனோஸ் சிட்சிபாஸ் 6-3, 6-3 என்ற நேர் செட்டில் ஆந்த்ரே ரூப்லெவை (ரஷியா) வீழ்த்தி சாம்பியன் மகுடத்தை சூடினார். இது ஆயிரம் தரவரிசை புள்ளிகளை வழங்கும் மாஸ்டர்ஸ் போட்டியாகும். இத்தகைய போட்டியில் சிட்சிபாஸ் பட்டம் வெல்வது இதுவே முதல் முறையாகும்.

ரூ.2¼ கோடியை பரிசுத்தொகையாக அள்ளிய 22 வயதான சிட்சிபாஸ் கூறுகையில், ‘இந்த வாரம் எனக்கு நம்பமுடியாத அளவுக்கு அமைந்துள்ளது. மகிழ்ச்சியை விவரிக்க வார்த்தைகளே இல்லை. எனது வாழ்க்கையில் மிகச்சிறந்த வாரம் இது தான்’ என்று கூறி உணர்ச்சி வசப்பட்டார்.