டென்னிஸ்

ஒலிம்பிக்கில் பங்கேற்க இருந்த முன்னனி ஆஸ்திரேலிய டென்னிஸ் வீரருக்கு கொரோனா + "||" + Australian tennis player test covid positive who was to play in Olympics

ஒலிம்பிக்கில் பங்கேற்க இருந்த முன்னனி ஆஸ்திரேலிய டென்னிஸ் வீரருக்கு கொரோனா

ஒலிம்பிக்கில் பங்கேற்க இருந்த முன்னனி ஆஸ்திரேலிய டென்னிஸ் வீரருக்கு கொரோனா
ஒலிம்பிக்கில் பங்கேற்க இருந்த முன்னனி ஆஸ்திரேலிய டென்னிஸ் வீரர் அலெக்ஸ் டி மினாருக்கு கொரோனா தொற்று உறுதி செய்யப்பட்டுள்ளது.
சிட்னி,

ஆஸ்திரேலியாவின் நம்பர் 1 டென்னிஸ் வீரராக திகழ்பவர் அலெக்ஸ் டி மினார் (வயது 22). சர்வதேச டென்னீஸ் வீரர்களின் தரவரிசைப் பட்டியலில் 17-வது ரேங்கில் உள்ள இவர், ஒலிம்பிக் போட்டியில் ஆஸ்திரேலியா சார்பில் ஒற்றையர், இரட்டையர் பிரிவுகளில் பங்கேற்க இருந்தார். 

தற்போது ஸ்பெயின் நாட்டில் இருந்தபடி, ஒலிம்பிற்காக தீவிர பயிற்சி மேற்கொண்டிருந்த அலெக்ஸ், நாளை நேரடியாக ஜப்பான் செல்ல திட்டமிட்டிருந்தார். இந்த நிலையில் கொரோனா பரிசோதனையில் அவருக்கு தொற்று இருப்பது உறுதியானது. அதனால் அவர் தனது பயணத்தை ரத்து செய்ததுடன், அங்கேயே தன்னை தனிமைப்படுத்திக் கொண்டுள்ளார்.

இது குறித்து ஆஸ்திரேலிய ஒலிம்பிக் குழு தலைவர் செஸ்டர்மேன் கூறுகையில், “அலெக்ஸ் பங்கேற்க முடியாதது மிகுந்த ஏமாற்றமளிக்கிறது. சிறுவயது முதலே ஒலம்பிக்கில் விளையாடுவது அவரது கனவாக இருந்தது. ஒற்றையர், இரட்டையர் பிரிவுகளில் விளையாட இருந்தார். இரட்டையர் பிரிவில் அவருடன் விளையாட இருந்த ஜான் பியர்ஸ் எப்படி களம் காணப்போகிறார் என்பது குறித்து இன்னும் தெளிவாகவில்லை.

அலெக்சுடன் மற்ற வீரர்கள் நேரடி தொடர்பில் இல்லாததால் அவர்களின் டோக்கியோ பயணத்திற்கு எந்த தடையும் இல்லை. அவர்களுக்கு தொற்று இல்லை என்பதும் உறுதியாகி உள்ளது” என்றார். அலெக்ஸ் டி மினார் விலகியதையடுத்து ஆஸ்திரேலிய டென்னிஸ் அணி சார்பில் 5 வீரர்களும், 5 வீராங்கனைகளும் பங்கேற்க உள்ளனர் என்பது குறிப்பிடத்தக்கது.

தொடர்புடைய செய்திகள்

1. ஒலிம்பிக் போட்டி துவக்க விழாவில் இந்தியா சார்பில் 6 அதிகாரிகள் மட்டுமே பங்கேற்பு
ஒலிம்பிக் போட்டி தொடக்க விழாவில் இந்தியா சார்பாக 6 அதிகாரிகள் மட்டுமே பங்கேற்பார்கள் என இந்திய ஒலிம்பிக் அணி அதிகாரி தெரிவித்துள்ளார்.
2. ஒலிம்பிக்: டோக்கியோ சென்றடைந்த இந்தியாவின் முதல் குழுவினர்
ஒலிம்பிக்கில் பங்கேற்கும் இந்திய துப்பாக்கிச் சுடுதல் குழுவினர் டோக்கியோ சென்றடைந்தனர்.
3. ஒலிம்பிக் கொடியின் ரகசியம்
வெள்ளை நிறத்தில் உள்ள ஒலிம்பிக் கொடியின் நடுவே அழகிய 5 வளையங்கள் ஒன்றோடு ஒன்று பிணைந்தபடி அமைந்திருக்கும்.
4. இந்திய தடகள அணியில் இடம்: தமிழகத்தை சேர்ந்த 5 பேர் ஒலிம்பிக் போட்டிக்கு தேர்வு
டோக்கியோ ஒலிம்பிக் போட்டிக்கு தமிழக ஓட்டப்பந்தய வீரர், வீராங்கனைகள் 5 பேர் தேர்வாகியுள்ளனர்.
5. ஒலிம்பிக்கில் பங்கேற்கும் தமிழக வீரர்களுக்கு தலா ரூ.5 லட்சம் ஊக்கத்தொகை - முதல்-அமைச்சர் மு.க.ஸ்டாலின் அறிவிப்பு
ஒலிம்பிக் போட்டிக்கு தேர்வாகியுள்ள தமிழக வீரர், வீராங்கனைகளுக்கு தலா ரூ.5 லட்சம் ஊக்கத்தொகையை முதல்-அமைச்சர் மு.க.ஸ்டாலின் அறிவித்துள்ளார்.