டென்னிஸ்

தாமஸ் கோப்பை பேட்மிண்டன்: இந்திய அணி அபாரம் + "||" + Thomas Cup Badminton: Indian team Aparam

தாமஸ் கோப்பை பேட்மிண்டன்: இந்திய அணி அபாரம்

தாமஸ் கோப்பை பேட்மிண்டன்: இந்திய அணி அபாரம்
தாமஸ் மற்றும் உபேர் கோப்பை பேட்மிண்டன் போட்டி டென்மார்க்கில் நடந்து வருகிறது.
ஆர்ஹஸ்,

தாமஸ் மற்றும் உபேர் கோப்பை பேட்மிண்டன் போட்டி டென்மார்க்கில் நடந்து வருகிறது. இதில் ஆண்களுக்கான தாமஸ் கோப்பை போட்டியில் 16 அணிகள் பங்கேற்றுள்ளன. இதன் லீக் சுற்றில் ‘சி’ பிரிவில் இடம் பிடித்துள்ள இந்திய அணி தனது தொடக்க ஆட்டத்தில் நெதர்லாந்தை சந்தித்தது. இதில் தொடக்கம் முதலே ஆதிக்கம் செலுத்திய இந்திய அணி 5-0 என்ற கணக்கில் நெதர்லாந்தை தோற்கடித்து போட்டியை வெற்றியுடன் தொடங்கியது. ஒற்றையர் ஆட்டங்களில் இந்திய வீரர்கள் ஸ்ரீகாந்த் 21-12, 21-14 என்ற நேர்செட்டில் ஜோரன் வீகெலையும் (நெதர்லாந்து), சாய் பிரனீத் 21-4, 21-12 என்ற நேர்செட்டில் ராபின் மெஸ்மனையும், சமீர் வர்மா 21-6, 21-11 என்ற நேர்செட்டில் கிஜிஸ் துஜிஸ்சையும் வீழ்த்தினார்கள். இரட்டையர் பிரிவில் இந்தியாவின் சாத்விக் சாய்ராஜ் ரங்கிரெட்டி-சிராக் ஷெட்டி இணை 21-19, 21-12 என்ற நேர்செட்டில் ரூபென் ஜிலி-டிஸ் வான்டெர் ஜோடியையும், எம்.ஆர்.அர்ஜூன்-துருவ் கபிலா ஜோடி 21-12, 21-13 என்ற நேர்செட்டில் ஆன்டி புஜிக்-பிரையன் வாஸ்சிங் இணையையும் தோற்கடித்தன. இன்று நடைபெறும் ஆட்டத்தில் இந்திய அணி தஹிதியை எதிர்கொள்கிறது. பெண்கள் பிரிவில் முதல் ஆட்டத்தில் ஸ்பெயினை வீழ்த்தி இருந்த இந்திய அணி இன்று ஸ்காட்லாந்துடன் மோதுகிறது.


தொடர்புடைய செய்திகள்

1. தாமஸ் மற்றும் உபேர் கோப்பை பேட்மிண்டன்: ஸ்பெயின் அணியை வீழ்த்தியது இந்தியா
இந்தியாவின் தனிஷா கிராஸ்டோ மற்றும் ருடபர்னா பாண்டா ஜோடி இரட்டையர் பிரிவில் வெற்றி பெற்றதன் மூலம் இந்திய அணி 3-2 என்ற கணக்கில் ஸ்பெயின் அணியை வீழ்த்தியது.
2. இந்தியாவுக்கு 5வது தங்கப்பதக்கம்: பேட்மிண்டனில் இந்திய வீரர் கிருஷ்ணா நாகர் அசத்தல் வெற்றி!
டோக்கியோ பாராலிம்பிக் பேட்மிண்டன் போட்டியில் இந்திய வீரர் கிருஷ்ணா நாகர் தங்கப்பதக்கம் வென்று அசத்தினார்.
3. பாராலிம்பிக் பேட்மிண்டன்: ஐ.ஏ.எஸ். அதிகாரி சுகாஷ் யத்திராஜ் வெள்ளிப்பதக்கம் வென்று அசத்தல்!
பாராலிம்பிக் பேட்மிண்டன் போட்டியில் இந்திய வீரரும், ஐ.ஏ.எஸ். அதிகாரியுமான சுகாஷ் யத்திராஜ் வெள்ளிப்பதக்கம் வென்றார்.
4. பாராஒலிம்பிக் பேட்மிண்டன்: இந்திய வீரர் பிரமோத் இறுதிபோட்டிக்கு தகுதி
பாராஒலிம்பிக் பேட்மிண்டன் ஒற்றையர்பிரிவின் இறுதிபோட்டிக்கு இந்திய வீரர் பிரமோத் பகத் முன்னேறினார்.
5. கொரோனா பரவல் எதிரொலி: இந்திய ஓபன் பேட்மிண்டன் தள்ளிவைப்பு
கொரோனா பரவல் எதிரொலி: இந்திய ஓபன் பேட்மிண்டன் தள்ளிவைப்பு.