சினிமா செய்திகள்
‘‘இளம் கதாநாயகர்களுடன் ஜோடி சேர தயார்’’ – காஜல் அகர்வால்

காஜல் அகர்வாலுக்கு கடந்த வருடம் தமிழ், தெலுங்கில் 4 படங்கள் வந்தன. அவற்றில் இரண்டு படங்கள் விஜய், அஜித்குமாருடன் நடித்தவை.
சீனியர் நடிகர்களுடன் இதுவரை  ஜோடி சேர்ந்த காஜல் அகர்வால் இப்போது இளம் கதாநாயகர்களை தேடுகிறார். இது மார்க்கெட்டை தக்க வைக்கும் தந்திரமாம். இதுகுறித்து காஜல் அகர்வால் அளித்த பேட்டி வருமாறு:–

‘‘நான் அழகாக இருப்பதாக எல்லோரும் சொல்கிறார்கள். அதற்கு ஏற்றமாதிரி இருக்க ஒவ்வொரு நாளும் உழைக்கிறேன். 15 வருடங்களாக சினிமாவில் நடிக்கிறேன். நல்ல கதைகள், கதாபாத்திரங்கள் அமைகின்றன. அதிர்ஷ்டம் இல்லாமல் இதெல்லாம் நடக்காது. என் திறமையை எவ்வளவு முடியுமோ அவ்வளவு வெளிப்படுத்துகிறேன்.

தமிழ், தெலுங்கு மொழிகளில்தான் அதிக படங்கள் வருகின்றன. இந்த இரு மொழி ரசிகர்களுமே என்னை வட இந்திய நடிகையாக பார்க்காமல் தங்கள் சொந்த மாநிலத்து பெண்போல நேசிக்கின்றனர். இது மகிழ்ச்சி அளிக்கிறது. பாரிஸ் பாரிஸ் என்ற தமிழ் படத்தில் நடிக்கிறேன். இந்தியில் வெளியாகி வெற்றி பெற்ற குயின் படத்தின் தமிழ் பதிப்பாக இது தயாராகிறது.

சர்வானந்த் ஜோடியாக தெலுங்கு படமொன்றில் நடிக்கிறேன். இளம் கதாநாயகன் சர்வானந்த். இப்போதுதான் வளர்ந்து வருகிறார். அவரோடு ஜோடி சேர்வது உங்கள் தகுதிக்கு சரியானதா? என்று பலரும் கேட்கின்றனர். காலத்துக்கு ஏற்ப மாறினால்தான் நிலைத்து இருக்க முடியும். இப்போதைய கதாநாயகிகள் திறமையை காட்ட புதிய முயற்சிகளில் ஈடுபடுகிறார்கள். நானும் அப்படித்தான். கதை பிடித்து இருந்தால் இளம் நடிகர்களுடன் ஜோடி சேர தயாராக இருக்கிறேன்.’’

இவ்வாறு காஜல் அகர்வால் கூறினார்.

தொடர்புடைய செய்திகள்

1. ‘‘மம்முட்டி–மோகன்லால் இருவரையும் பிடிக்கும்’’ – காஜல் அகர்வால்
காஜல் அகர்வால் நடித்து கடந்த வருடம் தமிழிலும், தெலுங்கிலும் தலா 4 படங்கள் திரைக்கு வந்தன.
2. ‘அனிருத்’தில், காஜல் அகர்வால்
ஆந்திராவில் வெற்றிகரமாக ஓடிய ‘பிரம்மோற்சவம்’ என்ற தெலுங்கு படத்தை ‘அனிருத்’ என்ற பெயரில் தமிழில் மொழிமாற்றம் செய்கிறார்கள்.
3. எனக்கு ரகசிய திருமணமா? –காஜல் அகர்வால்
காஜல் அகர்வால் நடிகையாகி 14 வருடங்கள் ஆகிவிட்டன. தமிழ், தெலுங்கு, இந்தி மொழிகளில் நடித்து 50 படங்களை தாண்டி விட்டார்.
4. “பிரபல கதாநாயகர்களுடன் எனக்கு நட்பு இல்லை” -காஜல் அகர்வால்
பிரபல கதாநாயகர்களுடன் எனக்கு நட்பு இல்லை என்று நடிகை காஜல் அகர்வால் கூறியுள்ளார்.
5. வாரிசு நடிகர்கள் பிடியில் சினிமா உலகமா?-காஜல் அகர்வால்
சினிமாவில் வாரிசு நடிகர்-நடிகைகள் ஆதிக்கம் இருக்கிறது என்றும் தாய் தந்தை யாரேனும் ஒருவர் நடிகராகவோ இயக்குனராகவோ இருந்தால்தான் நிலைக்க முடியும் என்றும் அப்படி இல்லாதவர்களை ஒதுக்கி விடுவார்கள் என்றும் பேச்சு பரவி கிடக்கிறது.