சினிமா செய்திகள்
ஹாலிவுட் ஆக்‌ஷன் நடிகர் சில்வஸ்டர் ஸ்டாலோன் மீது நடிகை பாலியல் புகார்

ஹாலிவுட் சினிமா பிரபலங்கள் பாலியல் புகார்களில் சிக்கி உலக ரசிகர்கள் மத்தியில் அதிர்ச்சியை ஏற்படுத்தி வருகிறார்கள்.
 ஆஸ்கார் விருது பெற்ற ஹாலிவுட் தயாரிப்பாளர் ஹார்வி வெயின்ஸ்டீன் 30 ஆண்டுகளுக்கு மேலாக நடிகைகளுக்கு பாலியல் தொல்லை கொடுத்ததாகவும் அவர்களை படுக்கையில் செக்ஸ் வன்கொடுமைகள் செய்ததாகவும் நியூயார்க் டைம்ஸ் செய்தி வெளியிட்டது.

ஹாலிவுட் நடிகைகள் ஏஞ்சலினா ஜோலி, கைன்த் பால்ட்ரோ, காரா டெலவிங்கினி உள்பட பல நடிகைகள் ஹார்வி வெயின்ஸ்டீன் மீது செக்ஸ் புகார்களை தெரிவித்தனர். மொத்தம் 80 நடிகைகள் அவர் மீது பாலியல் குற்றச்சாட்டுகள் கூறினார்கள். இது குறித்து வழக்கு தொடரப்பட்டு விசாரணை நடக்கிறது.

இந்த பிரச்சினைக்கு பிறகு சமூக வலைத்தளத்தில் ‘மீ டூ’ என்ற ‘ஹேஸ்டேக்’ உருவாக்கப்பட்டது. இதில் பாலியல் கொடுமைக்கு உள்ளான நடிகைகள் தங்கள் புகார்களை பதிவு செய்து வருகிறார்கள். இந்த நிலையில் பிரபல ஹாலிவுட் அதிரடி கதாநாயகன் சில்வஸ்டர் ஸ்டாலோன் மீதும் திடீர் செக்ஸ் புகார் கிளம்பி உள்ளது.

சில்வஸ்டர் ஸ்டாலோனுக்கு இப்போது 71 வயது ஆகிறது. இவர் ராக்கி, ராம்போ, த எக்ஸ்பெண்டபிள் வரிசை படங்களில் நடித்து புகழ் பெற்றவர். இவரது அதிரடி சண்டை காட்சிகளுக்கு உலகம் முழுவதும் ரசிகர்கள் உள்ளனர். 1990-ம் ஆண்டு சில்வஸ்டர் ஸ்டாலோன் தன்னை பாலியல் வன்கொடுமை செய்ததாக நடிகை ஒருவர் ‘மீ டூ’ ஹேஷ்டேக்கில் புகார் கூறியிருக்கிறார்.

இதுகுறித்து போலீசார் வழக்கு பதிவு செய்து விசாரணை நடத்துகிறார்கள். இது ஹாலிவுட்டில் பரபரப்பை ஏற்படுத்தி உள்ளது.