மாவட்ட செய்திகள்
வானவில் :எல்.ஜி.யின் புதிய அறிமுகம் ‘க்யூ 9’

மின்னணு பொருட்கள் தயாரிப்பில் முன்னணியில் உள்ளது கொரியாவைச் சேர்ந்த எல்.ஜி. நிறுவனம். இந்நிறுவனம் புதிதாக அறிமுகப்படுத்தியுள்ள ஸ்மார்ட்போன் ‘க்யூ 9’ (Q9).
5.7 அங்குல தொடு திரையைக் கொண்ட இது, ஆண்ட்ராய்டு வி 8.1 ஓரியோ இயங்குதளத்தில் இயங்குகிறது. இதில் ஆக்டா கோர் 2.2 கிகா ஹெர்ட்ஸ், குவாட் கோர், கிரையோ 260+1.8 ஜிகா ஹெர்ட்ஸ், குவாட் கோர், கோர்டெக்ஸ் ஏ 53 பிராசஸர் உள்ளன. இதில் 4 ஜி.பி. ரேம் உள்ளது. 3500 எம்.ஏ.ஹெச். பேட்டரி இருப்பதால் இடையூறின்றி நீண்ட நேரம் பேச முடியும்.

மேலும் இதில் 16 மெகா பிக்ஸெல் கேமரா உள்ளது. இது தவிர லைட் சென்சார், பிராக்ஸிமிடி சென்சார், ஆக்ஸிலரோ மீட்டர், காம்பஸ் கைராஸ்கோப் ஆகியன உள்ளன. இதில் விரல் ரேகை உணர் செயலியும் உள்ளது. இதில் இருக்கும் அட்ரீனோ 512 ஜிபியு தொழில்நுட்பம் கிராபிக்ஸ் அம்சங்களை சிறப்பாக்குகின்றன. இதன் முழு நினைவகத் திறன் 32 ஜி.பி. ஆகும். இதை 2 டெரா பைட் வரை விரிவாக்கம் செய்யலாம். இதன் விலை ரூ. 21,990 ஆகும்.