மாவட்ட செய்திகள்
கோவிலுக்கு செல்ல வழிவிடாததை கண்டித்து சாலைமறியல்

திமிரி அருகே கோவிலுக்கு செல்ல வழிவிடாததை கண்டித்து பொதுமக்கள் திடீர் சாலைமறியல் போராட்டத்தில் ஈடுபட்டனர். இதனால் போக்குவரத்து பாதிக்கப்பட்டது.
ஆற்காடு, 


திமிரி அருகே உள்ள ஆயிரமங்கலம் கிராமத்தில் ஏகவல்லி அம்மன் கோவில் உள்ளது. இந்த கோவிலை கிராம மக்கள் அனைவரும் ஒன்றுசேர்ந்து கட்டி வழிபாடு மற்றும் திருவிழாக்கள் நடத்தி வந்தனர். கோவிலுக்கு செல்லும் மக்கள் தனிநபர்களுக்கு சொந்தமான பட்டா நிலத்தின் வழியாக சென்று வந்துள்ளனர்.

இந்த நிலையில் கோவிலுக்கு செல்பவர்கள் தங்கள் நிலத்தின் வழியாக செல்லக்கூடாது என்று தனிநபர்கள் எதிர்ப்பு தெரிவித்துள்ளனர். இதனால் கடந்த 3 மாதங்களாக கோவில் பூட்டப்பட்டு திருவிழாக்கள் நடத்தப்படவில்லை என்று கூறப்படுகிறது. இது குறித்து வருகிற 18-ந்தேதி ஆற்காடு தாலுகா அலுவலகத்தில் சமாதான கூட்டம் நடைபெற உள்ளது.

இந்த நிலையில் நேற்று காலை ஆயிரமங்கலம் பகுதியை சேர்ந்த நூற்றுக்கும் மேற்பட்டோர் ஏகவல்லி அம்மன் கோவிலில் தினசரி பூஜைகள் செய்யவும், திருவிழாக்கள் நடத்தவேண்டும் என்று வலியுறுத்தியும், கோவிலுக்கு செல்ல பாதைவசதிசெய்ய வலியுறுத்தியும் ஆற்காடு- ஆரணி சாலையில் உள்ள வளையாத்தூர் கூட்ரோடு அருகே திடீரென சாலை மறியலில் ஈடுபட்டனர்.

இது பற்றி தகவல் அறிந்ததும் ஆற்காடு தாசில்தார் சுமதி, ராணிப்பேட்டை துணை போலீஸ் சூப்பிரண்டு கலைச்செல்வம், திமிரி இன்ஸ்பெக்டர் காண்டீபன் மற்றும் போலீசார் சம்பவ இடத்திற்கு விரைந்து சென்று மறியலில் ஈடுபட்டவர்களிடம் பேச்சுவார்த்தை நடத்தினர். இதில் உடன்பாடு ஏற்படவே அனைவரும் கலைந்து சென்றனர்.

இந்த திடீர் சாலை மறியல் காரணமாக அப்பகுதியில் ஒரு மணி நேரம் போக்கு வரத்து பாதிப்பு ஏற்பட்டது. 

தொடர்புடைய செய்திகள்

1. மடத்துக்குளம் அருகே குடிநீரில் சாக்கடைநீர் கலந்து வந்ததால் பொதுமக்கள் சாலை மறியல்
மடத்துக்குளம் அருகே குடிநீரில் சாக்கடை நீர் கலந்து வந்ததால் பொதுமக்கள் சாலை மறியல் போராட்டத்தில் ஈடுபட்டனர்.
2. அவினாசி அருகே இருதரப்பினர் மோதிக்கொண்ட விவகாரம்: பொதுமக்கள் சாலைமறியல் வீடு புகுந்து தாக்கிய 10 பேர் கைது
அவினாசி அருகே இருதரப்பினர் மோதிக்கொண்ட விவகாரம் தொடர்பாக வீடுபுகுந்து தாக்கியவர்களை கைது செய்யக்கோரி பொதுமக்கள் சாலை மறியல் போராட்டத்தில் ஈடுபட்டனர். இதையடுத்து வீடுபுகுந்து தாக்கியதாக 10 பேரை போலீசார் கைது செய்தனர்.
3. திருப்பூரில் கஞ்சா விற்பனை செய்த பெண்ணின் வீட்டுக்கு பூட்டு போட்ட பொதுமக்கள் சாலை மறியலில் ஈடுபட்டதால் பரபரப்பு
திருப்பூரில் குடியிருப்பு பகுதியில் கஞ்சா விற்பனை செய்யப்படுவதை கண்டித்து பொதுமக்கள் திடீர் சாலை மறியலில் ஈடுபட்டனர். மேலும் கஞ்சா வியாபாரியின் வீட்டை முற்றுகையிட்ட பொதுமக்கள் அந்த வீட்டை சூறையாடியதால் பரபரப்பு ஏற்பட்டது.
4. பொள்ளாச்சி அருகே வஞ்சியாபுரத்தில் மதுக்கடை அமைக்க பொதுமக்கள் எதிர்ப்பு, சப்–கலெக்டரிடம் மனு
பொள்ளாச்சி அருகே வஞ்சியாபுரத்தில் மதுக்கடை அமைக்க எதிர்ப்பு தெரிவித்து பொதுமக்கள் சப்–கலெக்டர் காயத்ரி கிருஷ்ணனிடம் மனு கொடுத்தனர்.
5. மக்கள் குறைதீர்க்கும் கூட்டத்தில் வீடு கட்டித்தரக்கோரி பொதுமக்கள் மனு
ராமநாதபுரத்தில் நடைபெற்ற மக்கள் குறைதீர்க்கும் கூட்டத்தில் மருத்துவர் சமூக மக்கள் தங்களுக்கு பிரதமரின் திட்டத்தில் வீடு கட்டித்தர வேண்டும் என்று மனு அளித்தனர்.