மாவட்ட செய்திகள்
புனேயில் புதுப்பெண் தூக்குப்போட்டு தற்கொலை

புனேயில் திருமணமான 3 மாதத்தில் புதுப்பெண் தூக்குப் போட்டு தற்கொலை செய்து கொண்டார். இது தொடர்பாக அவரது கணவர் உள்பட 4 பேரை போலீசார் கைது செய்தனர்.
புனே,

புனே சந்தன்நகர் பகுதியை சேர்ந்தவர் பிரவின் வாக்மரே (வயது25). இவரது மனைவி ஆர்த்தி(20). இவர்களுக்கு திருமணமாகி 3 மாதம் தான் ஆகிறது. இந்தநிலையில், பிரவின் வாக்மரே தொழில் தொடங்க திட்டமிட்டு இருந்ததாக கூறப்படு கிறது. இதற்காக அவர் ஆர்த்தியிடம் அவரது பெற்றோர் வீட்டில் இருந்து ரூ.2 லட்சம் வாங்கி தரும்படி கூறியுள்ளார்.

ஆனால் இதற்கு ஆர்த்தி மறுத்ததாக தெரிகிறது. இதனால் கோபம் அடைந்த பிரவின் வாக்மரே மனைவியை உடல் ரீதியாகவும், மன ரீதியாகவும் துன்புறுத்தி வந்துள்ளார்.

இதற்கு அவரது தந்தை லட்சுமண் வாக்மரே (48), தாய் லலிதா (45), தம்பி சச்சின் வாக்மரே (21) ஆகியோர் உடந்தையாக செயல்பட்டு உள்ளனர்.

இதனால் வாழ்க்கையில் விரக்தி அடைந்த புதுப்பெண் ஆர்த்தி சம்பவத்தன்று வீட்டில் தூக்குப்போட்டு தற்கொலை செய்து கொண்டார். தகவல் அறிந்து வந்த சந்தன்நகர் போலீசார் அவரது உடலை கைப்பற்றி பிரேத பரிசோதனைக்கு அனுப்பி வைத்தனர். பிரவின் வாக்மரே மற்றும் அவரது குடும்பத்தினர் ஆர்த்தியை தற்கொலைக்கு தூண்டியதாக அவரது சகோதரர் ஆகாஷ் போலீசில் புகார் கொடுத்தார்.

அதன்பேரில் போலீசார் வழக்குப்பதிவு செய்து பிரவின் வாக்மரே மற்றும் அவரது தாய், தந்தை, தம்பி ஆகிய 4 பேரையும் கைது செய்தனர்.

பின்னர் அவர்கள் கோர்ட்டில் ஆஜர்படுத்தப்பட்டு 4 நாட்கள் போலீஸ் காவலில் ஒப்படைக்கப்பட்டனர். 

தொடர்புடைய செய்திகள்

1. சிவகங்கை அருகே தண்டவாளத்தில் மர்மமான முறையில் இறந்து கிடந்த பட்டதாரி வாலிபர், போலீஸ் விசாரணை
சிவகங்கை அருகே ரெயில் தண்டவாளத்தில் பட்டதாரி வாலிபர் மர்மமான முறையில் இறந்துகிடந்தார். அவர் கொலை செய்யப்பட்டாரா அல்லது தற்கொலை செய்தாரா என்று போலீசார் விசாரித்து வருகின்றனர்.
2. ஈரோடு கலெக்டர் அலுவலகம் முன்பு தீக்குளிக்க முயன்ற ஒரே குடும்பத்தை சேர்ந்த 4 பேர் கைது
ஈரோடு கலெக்டர் அலுவலகம் முன்பு தீக்குளிக்க முயன்ற ஒரே குடும்பத்தை சேர்ந்த 4 பேரை போலீசார் கைது செய்தனர்.
3. தற்கொலைக்கு அனுமதி கேட்டு என்.எல்.சி. ஒப்பந்ததாரரின் குடும்பத்தினர் போராட்டம்
கந்துவட்டி கொடுமை தாங்க முடியாமல் குடும்பத்துடன் தற்கொலை செய்துகொள்ள அனுமதி கேட்டு மகன், மருமகளுடன் என்.எல்.சி. ஒப்பந்ததாரரின் மனைவி கடலூர் கலெக்டர் அலுவலக வளாகத்தில் திடீர் போராட்டத்தில் ஈடுபட்டார். இதனால் அங்கு பரபரப்பு ஏற்பட்டது.
4. மாணவியின் உடலை வாங்க மறுத்து உறவினர்கள் போராட்டம்
காதல் விவகாரத்தில் தற்கொலை செய்த மாணவியின் உடலை வாங்க மறுத்து உறவினர்கள் போராட்டம் நடத்தினர்.
5. தொட்டியம் அருகே பள்ளி மாணவன் தூக்குப்போட்டு தற்கொலை
தொட்டியம் அருகே, ‘தேர்வுக்கு படி’ என்று தந்தை திட்டியதால் 9-ம் வகுப்பு மாணவன் தூக்குப்போட்டு தற்கொலை செய்து கொண்டான்.