மாவட்ட செய்திகள்
ரூ.40 ஆயிரம் புகையிலை பொருட்கள் பறிமுதல்; வியாபாரி கைது

விளாத்திகுளத்தில் கிட்டங்கியில் பதுக்கி வைத்து இருந்த ரூ.40 ஆயிரம் மதிப்பிலான தடைசெய்யப்பட்ட புகையிலை பொருட்களை போலீசார் பறிமுதல் செய்தனர். இது தொடர்பாக வியாபாரியை போலீசார் கைது செய்து விசாரணை நடத்தி வருகின்றனர்.
விளாத்திகுளம், 


விளாத்திகுளம் காமராஜர் நகரை சேர்ந்தவர் கனிராஜ். இவருடைய மகன் ஜெயராஜ் (வயது 45). அவர் மிட்டாய், மளிகை பொருட்கள் மொத்த வியாபாரி. வெளியூர்களில் இருந்து மொத்தமாக வாங்கி வரும் பொருட்களை விளாத்திகுளம் கீழரத வீதியில் உள்ள கிட்டங்கியில் வைத்து, சில்லரை வியாபாரிகளுக்கு விற்பனை செய்து வருகிறார். இவருடைய கிட்டங்கியில் அரசால் தடை செய்யப்பட்ட புகையிலை பொருட்கள் பதுக்கி வைக்கப்பட்டு, அவைகள் வெளியூர்களுக்கு விற்பனை செய்யப்பட்டு வருவதாக போலீசாருக்கு தகவல் கிடைத்தது.

இதனையடுத்து விளாத்திகுளம் போலீஸ் இன்ஸ்பெக்டர் செல்வகுமார் தலைமையிலான போலீசார் நேற்று காலையில் குடோனில் சோதனை மேற்கொண்டனர். அப்போது அங்கு சுமார் ரூ.40 ஆயிரம் மதிப்புள்ள தடை செய்யப்பட்ட புகையிலை பொருட்கள் பதுக்கி வைக்கப்பட்டு இருந்தது கண்டு பிடிக்கப்பட்டது.இதனையடுத்து போலீசார் அந்த புகையிலை பொருட் களை பறிமுதல் செய்தனர். இது குறித்து போலீசார் வழக்குப்பதிவு செய்து ஜெயராஜை கைது செய்து விசாரணை நடத்தி வருகின்றனர். 

தொடர்புடைய செய்திகள்

1. வீட்டில் பதுக்கிய ரூ.5 லட்சம் மதிப்புள்ள புகையிலை பொருட்கள் பறிமுதல்
தேனி அருகே வடபுதுப்பட்டியில் வீட்டில் பதுக்கி வைத்திருந்த ரூ.5 லட்சம் மதிப்புள்ள புகையிலை பொருட்களை உணவு பாதுகாப்புத்துறை அதிகாரிகள் பறிமுதல் செய்தனர்.
2. சிங்கம்புணரி, எஸ்.புதூர் பகுதிகளில் புகையிலை பொருட்கள் விற்ற கடைக்காரர்களுக்கு அபராதம்
சிங்கம்புணரி மற்றும் எஸ்.புதூர் பகுதிகளில் தடை செய்யப்பட்ட புகையிலை பொருட்கள் விற்பனை செய்த கடைக்காரர்களுக்கு அபராதம் விதிக்கப்பட்டது.
3. புகையிலை பொருட்கள் விற்பனையா? கடைகளில் அதிகாரிகள் ஆய்வு
கடைகளில் புகையிலை பொருட்கள் விற்பனை செய்யப்படுகிறதா? என்பது பற்றி அதிகாரிகள் ஆய்வு மேற்கொண்டனர். இதில் ரூ.3,400 அபராதம் வசூலிக்கப் பட்டது.
4. கடைகளில் அதிகாரிகள் அதிரடி சோதனை: 300 கிலோ புகையிலை பொருட்கள் பறிமுதல்
கடைகளில் அதிகாரிகள் அதிரடி சோதனை நடத்தினர். அப்போது 300 கிலோ புகையிலை பொருட்கள் பறிமுதல் செய்யப்பட்டன.
5. புகையிலை பொருட்கள் விற்ற 3 பேர் மீது வழக்கு
திருவள்ளூரில் புகையிலை பொருட்கள் விற்ற 3 பேர் மீது வழக்குப் பதிவு செய்யப்பட்டுள்ளது.