வட்டார வளர்ச்சி அலுவலருக்கு மிரட்டல்; 2 பேர் கைது
ஊத்தங்கரை வட்டார வளர்ச்சி அலுவலராக பணியாற்றி வருபவர் அசோகன். சம்பவத்தன்று இவர் கல்லாவி அருகே கொல்லப்பட்டியில் ஊராட்சி தண்ணீர் தொட்டி அருகில் ஆய்வு பணியில் ஈடுபட்டிருந்தார்.
கல்லாவி,
கொல்லப்பட்டி ஊராட்சி பகுதியை சேர்ந்த ஆனந்தன் (வயது 41), சூர்யா (22) ஆகிய 2 பேர் ஊராட்சி தண்ணீர் தொட்டியில் இருந்து தண்ணீரை விவசாய நிலத்திற்கு எடுத்து கொண்டிருந்தனர்.
இது குறித்து வட்டார வளர்ச்சி அலுவலர் அசோகன் கேட்டார். அப்போது ஆனந்தன், சூர்யா ஆகிய 2 பேரும் அவரிடம் தகராறு செய்து அவரை பணி செய்ய விடாமல் தடுத்து மிரட்டினார்கள்.
இது குறித்து வட்டார வளர்ச்சி அலுவலர் அசோகன் கல்லாவி போலீசில் புகார் செய்தார்.
அதன் பேரில் போலீசார் ஆனந்தன், சூர்யா ஆகிய 2 பேரை கைது செய்தனர்.