தமிழகத்துக்கு தீங்கு விளைவிக்கும் திட்டங்களை முழுமையாக எதிர்ப்போம் துணை முதல்-அமைச்சர் ஓ.பன்னீர்செல்வம் உறுதி
ஹைட்ரோ கார்பன் திட்ட பணிகளுக்கு அனுமதி: தமிழக மக்களுக்கு தீங்கு விளைவிக்கக் கூடிய திட்டங்களை தமிழக அரசு முழுமையாக எதிர்க்கும் என்று ஓ.பன்னீர்செல்வம் உறுதிபட தெரிவித்தார்.;
சென்னை,
சென்னை தியாகராயநகரில் தமிழக துணை முதல்-அமைச்சர் ஓ.பன்னீர்செல்வம் நிருபர்களுக்கு பேட்டியளித்தார். அப்போது அவரிடம் நிருபர்கள் எழுப்பிய கேள்விகளும், அதற்கு அவர் அளித்த பதில்களும் வருமாறு:-
கேள்வி:- தமிழகத்தில் ஹைட்ரோ கார்பன் திட்ட பணிகளுக்கு அனுமதி வழங்கப்பட்டு இருக்கிறதே?...
பதில்:- தமிழக மக்களுக்கு தீங்கு விளைவிக்க கூடிய திட்டங்களை தமிழக அரசு முழுமையாக எதிர்க்கும்.
கேள்வி:- தூத்துக்குடியில் ஸ்டெர்லைட் ஆலையை மீண்டும் திறக்க அந்த நிறுவனம் முயற்சி எடுத்து வருகிறதே?
பதில்:- நீதிமன்றத்தின் மூலம் ஆளுமை செலுத்த முயற்சி செய்து கொண்டிருக்கிறார்கள். அதை தடுத்து நிறுத்தக்கூடிய செயலில் தமிழக அரசு தனது கடமையை செய்து கொண்டிருக்கிறது.
கேள்வி:- கருணாசுக்கு ஆதரவு தெரிவித்த எம்.எல்.ஏ.க்கள் மீது நடவடிக்கை எடுக்கப்படுமா?
பதில்:- உறுதியாக, கருணாஸ் கொண்டிருக்கிற கொள்கைக்கு உறுதுணையாக இருப்பவர்கள் யாராக இருந்தாலும் நடவடிக்கை எடுக்கப்படும்.
கேள்வி:- கருணாஸ் உள்ளிட்ட 4 எம்.எல்.ஏ.க்களை தகுதி நீக்கம் செய்வதற்கான நடவடிக்கைகளை எடுத்து இருக்கிறீர்களா?
பதில்:- நீங்கள் சொல்லித்தான் இந்த தகவல் எனக்கு தெரிகிறது.
கேள்வி:- மதுரையில் அமையவிருக்கும் எய்ம்ஸ் ஆஸ்பத்திரிக்கு நிதி ஒதுக்கீடு செய்யப்படவில்லை என்று தகவல் வெளியாகி உள்ளதே?
பதில்:- கொள்கை ரீதியாக, மத்திய அரசு எய்ம்ஸ் ஆஸ்பத்திரியை அறிவித்திருக்கிறது. அது முறைப்படி மத்திய அமைச்சரவையில் அங்கீகாரம் பெறவேண்டும் என்பது தான் நடைமுறை. அது கூடிய விரைவில் நடக்கும் என்று நம்புகிறேன்.
கேள்வி:- தமிழக உள்ளாட்சி துறைக்கு மத்திய அரசு அளிக்க வேண்டிய நிதி வந்து விட்டதா?
பதில்:- மத்திய நிதி பகிர்வில் இருந்து தமிழகத்தின் உள்ளாட்சி பணிகளுக்கு ரூ.1,350 கோடி வந்து சேர்ந்து விட்டது. அதற்குரிய பணிகள் நடைபெற்று வருகிறது.
கேள்வி:- தமிழகத்தில் பயங்கரவாதிகள், நக்சலைட்டுகள் இருக்கிறார்கள் என்று மத்திய மந்திரி பொன்.ராதாகிருஷ்ணன் தொடர்ந்து கூறி வருகிறாரே?
பதில்:- தமிழகத்தில் சட்டம்-ஒழுங்கு முழுமையாக பாதுகாக்கப்பட்டு வருகிறது. எந்த பகுதியிலும் பயங்கரவாதமோ, நக்சலைட்டுகள் நடமாட்டமோ இல்லை. முற்றிலும் ஒடுக்கப்பட்டு விட்டது.
பொன்.ராதாகிருஷ்ணன் அறிந்து, புரிந்திருந்தால் அவர் எங்களிடம் தெரிவித்தால் சட்டப்படி உரிய நடவடிக்கை எடுக்கப்படும். மேற்கண்டவாறு அவர் பதில் அளித்தார்.
சென்னை தியாகராயநகரில் தமிழக துணை முதல்-அமைச்சர் ஓ.பன்னீர்செல்வம் நிருபர்களுக்கு பேட்டியளித்தார். அப்போது அவரிடம் நிருபர்கள் எழுப்பிய கேள்விகளும், அதற்கு அவர் அளித்த பதில்களும் வருமாறு:-
கேள்வி:- தமிழகத்தில் ஹைட்ரோ கார்பன் திட்ட பணிகளுக்கு அனுமதி வழங்கப்பட்டு இருக்கிறதே?...
பதில்:- தமிழக மக்களுக்கு தீங்கு விளைவிக்க கூடிய திட்டங்களை தமிழக அரசு முழுமையாக எதிர்க்கும்.
கேள்வி:- தூத்துக்குடியில் ஸ்டெர்லைட் ஆலையை மீண்டும் திறக்க அந்த நிறுவனம் முயற்சி எடுத்து வருகிறதே?
பதில்:- நீதிமன்றத்தின் மூலம் ஆளுமை செலுத்த முயற்சி செய்து கொண்டிருக்கிறார்கள். அதை தடுத்து நிறுத்தக்கூடிய செயலில் தமிழக அரசு தனது கடமையை செய்து கொண்டிருக்கிறது.
கேள்வி:- கருணாசுக்கு ஆதரவு தெரிவித்த எம்.எல்.ஏ.க்கள் மீது நடவடிக்கை எடுக்கப்படுமா?
பதில்:- உறுதியாக, கருணாஸ் கொண்டிருக்கிற கொள்கைக்கு உறுதுணையாக இருப்பவர்கள் யாராக இருந்தாலும் நடவடிக்கை எடுக்கப்படும்.
கேள்வி:- கருணாஸ் உள்ளிட்ட 4 எம்.எல்.ஏ.க்களை தகுதி நீக்கம் செய்வதற்கான நடவடிக்கைகளை எடுத்து இருக்கிறீர்களா?
பதில்:- நீங்கள் சொல்லித்தான் இந்த தகவல் எனக்கு தெரிகிறது.
கேள்வி:- மதுரையில் அமையவிருக்கும் எய்ம்ஸ் ஆஸ்பத்திரிக்கு நிதி ஒதுக்கீடு செய்யப்படவில்லை என்று தகவல் வெளியாகி உள்ளதே?
பதில்:- கொள்கை ரீதியாக, மத்திய அரசு எய்ம்ஸ் ஆஸ்பத்திரியை அறிவித்திருக்கிறது. அது முறைப்படி மத்திய அமைச்சரவையில் அங்கீகாரம் பெறவேண்டும் என்பது தான் நடைமுறை. அது கூடிய விரைவில் நடக்கும் என்று நம்புகிறேன்.
கேள்வி:- தமிழக உள்ளாட்சி துறைக்கு மத்திய அரசு அளிக்க வேண்டிய நிதி வந்து விட்டதா?
பதில்:- மத்திய நிதி பகிர்வில் இருந்து தமிழகத்தின் உள்ளாட்சி பணிகளுக்கு ரூ.1,350 கோடி வந்து சேர்ந்து விட்டது. அதற்குரிய பணிகள் நடைபெற்று வருகிறது.
கேள்வி:- தமிழகத்தில் பயங்கரவாதிகள், நக்சலைட்டுகள் இருக்கிறார்கள் என்று மத்திய மந்திரி பொன்.ராதாகிருஷ்ணன் தொடர்ந்து கூறி வருகிறாரே?
பதில்:- தமிழகத்தில் சட்டம்-ஒழுங்கு முழுமையாக பாதுகாக்கப்பட்டு வருகிறது. எந்த பகுதியிலும் பயங்கரவாதமோ, நக்சலைட்டுகள் நடமாட்டமோ இல்லை. முற்றிலும் ஒடுக்கப்பட்டு விட்டது.
பொன்.ராதாகிருஷ்ணன் அறிந்து, புரிந்திருந்தால் அவர் எங்களிடம் தெரிவித்தால் சட்டப்படி உரிய நடவடிக்கை எடுக்கப்படும். மேற்கண்டவாறு அவர் பதில் அளித்தார்.