இங்கிலாந்து டெஸ்ட் அணியில் மீண்டும் அடில் ரஷித்
இங்கிலாந்து டெஸ்ட் அணியில் மீண்டும் அடில் ரஷித் இடம் பிடித்தார்.
லண்டன்,
சொந்த மண்ணில், இந்தியாவுக்கு எதிராக 5 போட்டிகள் கொண்ட டெஸ்ட் கிரிக்கெட் தொடரில் இங்கிலாந்து அணி விளையாட உள்ளது. முதலாவது டெஸ்ட் போட்டி பர்மிங்காமில் வருகிற 1-ந்தேதி தொடங்குகிறது. முதலாவது டெஸ்ட் போட்டிக்கான இங்கிலாந்து அணி நேற்று அறிவிக்கப்பட்டது. இதில் சுழற்பந்து வீச்சாளர் அடில் ரஷித் மீண்டும் டெஸ்ட் அணிக்கு திரும்புகிறார்.
30 வயதான ரஷித் இதுவரை 10 டெஸ்டுகளில் ஆடி 38 விக்கெட்டுகள் வீழ்த்தியுள்ளார். கடைசியாக 2016-ம் ஆண்டு டிசம்பரில் சென்னையில் நடந்த டெஸ்ட் போட்டியில் ஆடியிருந்தார். சிவப்பு நிற பந்துகளில் விளையாடுவதை தவிர்த்து குறுகிய வடிவிலான போட்டிகளில் மட்டும் தற்போது கவனம் செலுத்துவதாக அவர் கூறி வந்த நிலையில், திடீரென டெஸ்ட் அணிக்கு அழைக்கப்பட்டிருப்பது அனைவரையும் ஆச்சரியப்படுத்தியுள்ளது. எஸ்செக்ஸ் கவுண்டி அணிக்காக ஆடும் வேகப்பந்து வீச்சாளர் 25 வயதான ஜாமி போர்ட்டர் முதல் முறையாக இங்கிலாந்து அணிக்கு தேர்வாகியுள்ளார்.
இங்கிலாந்து அணி வருமாறு:- ஜோ ரூட் (கேப்டன்), மொயீன் அலி, ஜேம்ஸ் ஆண்டர்சன், ஜானி பேர்ஸ்டோ (விக்கெட் கீப்பர்), ஸ்டூவர்ட் பிராட், ஜோஸ் பட்லர், அலஸ்டயர் குக், சாம் குர்ரன், கீடான் ஜென்னிங்ஸ், டேவிட் மலான், ஜாமி போர்ட்டர், அடில் ரஷித், பென் ஸ்டோக்ஸ்.
சொந்த மண்ணில், இந்தியாவுக்கு எதிராக 5 போட்டிகள் கொண்ட டெஸ்ட் கிரிக்கெட் தொடரில் இங்கிலாந்து அணி விளையாட உள்ளது. முதலாவது டெஸ்ட் போட்டி பர்மிங்காமில் வருகிற 1-ந்தேதி தொடங்குகிறது. முதலாவது டெஸ்ட் போட்டிக்கான இங்கிலாந்து அணி நேற்று அறிவிக்கப்பட்டது. இதில் சுழற்பந்து வீச்சாளர் அடில் ரஷித் மீண்டும் டெஸ்ட் அணிக்கு திரும்புகிறார்.
30 வயதான ரஷித் இதுவரை 10 டெஸ்டுகளில் ஆடி 38 விக்கெட்டுகள் வீழ்த்தியுள்ளார். கடைசியாக 2016-ம் ஆண்டு டிசம்பரில் சென்னையில் நடந்த டெஸ்ட் போட்டியில் ஆடியிருந்தார். சிவப்பு நிற பந்துகளில் விளையாடுவதை தவிர்த்து குறுகிய வடிவிலான போட்டிகளில் மட்டும் தற்போது கவனம் செலுத்துவதாக அவர் கூறி வந்த நிலையில், திடீரென டெஸ்ட் அணிக்கு அழைக்கப்பட்டிருப்பது அனைவரையும் ஆச்சரியப்படுத்தியுள்ளது. எஸ்செக்ஸ் கவுண்டி அணிக்காக ஆடும் வேகப்பந்து வீச்சாளர் 25 வயதான ஜாமி போர்ட்டர் முதல் முறையாக இங்கிலாந்து அணிக்கு தேர்வாகியுள்ளார்.
இங்கிலாந்து அணி வருமாறு:- ஜோ ரூட் (கேப்டன்), மொயீன் அலி, ஜேம்ஸ் ஆண்டர்சன், ஜானி பேர்ஸ்டோ (விக்கெட் கீப்பர்), ஸ்டூவர்ட் பிராட், ஜோஸ் பட்லர், அலஸ்டயர் குக், சாம் குர்ரன், கீடான் ஜென்னிங்ஸ், டேவிட் மலான், ஜாமி போர்ட்டர், அடில் ரஷித், பென் ஸ்டோக்ஸ்.