டென்னிஸ்
ஹாலே ஓபன் டென்னிஸ் போட்டி: ரோஜர் பெடரர் அரையிறுதிக்குத் தகுதி

ஹாலே ஓபன் டென்னிஸ் போட்டியின் அரைறுதிச் சுற்றுக்கு ரோஜர் பெடரர் முன்னேறினார். #RogerFederer
ஹாலே(வெஸ்ட்ஃபாலன்),

ஜெர்மனியின் ஹாலே வெஸ்ட்ஃபாலன் நகரில், க்ராஸ்கோர்ட் ஹாலே ஓபன் டென்னிஸ் போட்டிகள் நடைபெற்று வருகின்றன.

முந்தைய போட்டியில் பிரான்ஸ் வீரர் பெனாய்ட் பைரே-வுக்கு எதிரான ஆட்டத்தில், பெடரர் 6-3, 3-6, 7-6 (9/7) என்ற புள்ளி கணக்கில் வெற்றி பெற்று காலிறுதிச் சுற்றுக்கு முன்னேறினார்.

இந்நிலையில் நேற்று நடைபெற்ற காலிறுதிப்போட்டியில் உலக தரவரிசையில் 60 இடத்தில் உள்ள ஆஸ்திரேலியாவின் மேத்யூ எப்டென்-ஜ 7-6 (7/2) 7-5 என்ற புள்ளிக் கணக்கில் வீழ்த்தினார். இது அவருக்கு 19-வது தொடர்ச்சியான வெற்றியாகும். உலகின் நம்பர் ஒன் வீரரான சுவிட்சர்லாந்தின் ரோஜர் பெடரர் தனது தொடர்ச்சியான வெற்றி மூலம் 10-வது சாம்பியன் பட்டத்தைப் பெறுவார் என எதிர்பார்க்கப்படுகிறது.

அடுத்து நடைபெற உள்ள அரையிறுதிச் சுற்றில் பெடரர், அமெரிக்க வீரர் டேனிஸ் குட்லா-வை எதிர் கொள்கிறார்.