தினமும் துளசி டீ குடித்தால் மருத்துவரைத் தேடவேண்டாம்!

வழிபாடுகளிலும், ஆயுர்வேத மருத்துவத்திலும் பயன்படுத்தப்படும் சக்திவாய்ந்த மூலிகையாக துளசி விளங்குகிறது. பழங்காலத்திலிருந்தே துளசி மருத்துவ நோக்கங்களுக்காக பயன்படுத்தப்பட்டு வருகிறது.

சுவாச ஆரோக்கியம்: துளசியில் ஆண்டி-மைக்ரோபியல் மற்றும் அழற்சி எதிர்ப்பு பண்புகள் உள்ளன. இவை சுவாச பாதைகளை சுத்தப்படுத்தி, ஆஸ்துமா, மூச்சுக்குழாய் அழற்சி, ஒவ்வாமை போன்ற பிரச்சினைகளை குறைக்க உதவுகின்றன.

சரும பாதுகாப்பு: துளசியில் பிளவனாய்டுகள் மற்றும் பாலிபினால்கள் போன்ற ஆன்டி-ஆக்ஸிடென்டுகள் அதிகம் உள்ளன. இவை செல்களுக்கு சேதம் ஏற்படுத்தும் ‘ஃப்ரீ ராடிக்கல்கள்’ தாக்கத்திலிருந்து சருமத்தை பாதுகாக்கின்றன.

செரிமானம் மேம்பாடு: அஜீரணம், வாயு தொல்லை போன்ற வயிற்று பிரச்சினைகளை குறைத்து, செரிமானத்தை சீராக்க உதவுகிறது. குடல் இயக்கத்தையும் சீராக வைத்திருக்க உதவுகிறது.

அழற்சி குறைப்பு: துளசியில் உள்ள அழற்சி எதிர்ப்பு பண்புகள், உடலில் ஏற்படும் நாள்பட்ட அழற்சியை குறைக்க உதவுகின்றன.

மன நலம்: துளசி நினைவாற்றல் மற்றும் அறிவாற்றலை மேம்படுத்த உதவுகிறது. மன அழுத்தத்தையும் குறைக்க உதவும் என்று நம்பப்படுகிறது.

ரத்த சர்க்கரை கட்டுப்பாடு: சில ஆய்வுகள் துளசி ரத்தத்தில் சர்க்கரை அளவை கட்டுப்படுத்த உதவுகிறது என கூறுகின்றன. இதனால் நீரிழிவு நோயாளிகள் மற்றும் முன்னிலை நிலையில் உள்ளவர்களுக்கு பயனுள்ளதாக இருக்கும்.

எடை மேலாண்மை: உடல் எடையை கட்டுப்பாட்டில் வைத்திருக்க உதவுகிறது. தினசரி துளசி டீ பருகுவது எடை சமநிலைக்கு துணைபுரியும்.

இதய ஆரோக்கியம்: ரத்த அழுத்தத்தையும், கொழுப்பின் அளவையும் கட்டுப்படுத்த உதவி செய்து, இதய ஆரோக்கியத்தை மேம்படுத்துகிறது.