அம்பிகை வழிபாட்டால் இன்பங்கள் வந்து சேரும் நாள். ஒளிமயமான வாழ்க்கைக்கு நண்பர்கள் உறுதுணைபுரிவர். இல்லத்தில் உள்ளவர்களின் தேவைகளைப் பூர்த்தி செய்வீர்கள்.

23-10-2020 முதல் 29-10-2020 வரை

உங்கள் பணிகளில் கூடுதலான அக்கறை செலுத்துவதன் மூலம், உயர் அதிகாரிகளின் மதிப்பை பெறலாம். தொழில், வியாபாரம் ஆகியவற்றில் படிப்படியான முன்னேற்றம் ஏற்படும். குடும்பத்தில் அமைதியான சூழ்நிலை காணப்படும். பெண்களின் பக்குவமான நடவடிக்கை களால் பிரச்சினைகள் சரியாகிவிடும். ஆடை, ஆபரணச் சேர்க்கை உண்டு. இந்த வாரம் வியாழக் கிழமை குரு பகவானை வணங்குங்கள்.

17.10.2020 முதல் 15.11.2020 வரை

சார்வரி வருடம் ஐப்பசி மாதக் கிரக நிலைகளை ஆராய்ந்து பார்க்கும்பொழுது, மாதத் தொடக்கத்தில் உங்கள் ராசிநாதனான செவ்வாய் வக்ரம் பெற்று உங்கள் ராசியிலேயே சஞ்சரிக்கின்றார். 6-ம் இடத்தில் புதன் உச்சம் பெற்று வக்ரம் பெற்றிருக்கின்றார். குரு தனுசு ராசியில் இருந்தபடி உங்கள் ராசியைப் பார்க்கின்றார். குரு பார்வை இருப்பதால் வக்ர கிரகங்களின் ஆதிக்கமாக இருந்தாலும் அவற்றால் பெரிய அளவில் பாதிப்புகள் ஏற்படாது. மேலும் ‘குரு மங்கள யோக’மும் இருப்பதால் மங்கல நிகழ்ச்சிகள் மனையில் நடைபெறுவதற்கான அறிகுறிகள் தென்படும்.

நீச்சம் பெறும் சுக்ரன்

இதுவரை சிம்ம ராசியில் சஞ்சரித்து வந்த சுக்ரன், அக்டோபர் 23-ந் தேதி கன்னி ராசிக்குச் செல்கின்றார். கன்னி ராசி, சுக்ரனுக்கு வலிமையிழந்த வீடாகும். உங்கள் ராசிக்கு 2, 7 ஆகிய இடங்களுக்கு அதிபதியானவர் சுக்ரன். உச்சம் பெற்ற புதனோடு சுக்ரன் சேர்வதால் ‘நீச்சபங்க ராஜயோக’ அடிப்படையில் உங்களுக்கு நன்மைகளையே செய்யும். கொடுத்த வாக்கைக் காப்பாற்ற இயலும். வெளிநாடு சம்பந்தமாக அனுகூலமான தகவல் வரலாம். உத்தியோகத்தில் இருப்பவர்களுக்கு எதிர்பார்ப்புகள் நிறைவேறும்.

மீன செவ்வாய்

உங்கள் ராசிநாதன் செவ்வாய், அக்டோபர் 26-ந் தேதி வக்ர இயக்கத்தில் மீன ராசிக்குச் செல்கின்றார். வக்ரமாக இருந்தாலும் குரு வீட்டிற்கு செல்வதால் பெரும் பாதிப்பு ஏற்படாது. பொதுவாக தைரியகாரகன் செவ்வாய் என்பதால் தைரியத்தையும், தன்னம்பிக்கையையும் இழக்க வேண்டாம். இடம், பூமிக்கு அதிபதியானவர் செவ்வாய் என்பதால் வக்ர இயக்க காலத்தில், நிலுவை பணம் வரலாம். வீடு மாற்றங்கள், இடமாற்றங்கள் எதிர்பாராத விதமாக வந்துசேரலாம்.

புதனின் வக்ர நிவர்த்திக் காலம்

அக்டோபர் 27-ந் தேதி கன்னி ராசியில் சஞ்சரிக்கும் புதன், வக்ர நிவர்த்தியாகின்றார். ஜீவன ஸ்தானம் பலம்பெறுவதால் நிறைய வாய்ப்புகள் உங்களுக்கு வரப்போகின்றது. நீங்கள் தொழில் செய்பவராக இருந்தால் கூட்டாளிகள் வந்திணைவர். மூலதனம் போட்ட வங்கிகளில் ஒத்துழைப்பு கிடைக்கும். உத்தியோக முயற்சியில் ஈடுபட்டவர்களாக இருந்தால் உயர்பதவிகள் கிடைப்பதற்கான வாய்ப்பும், சம்பள உயர்வு பற்றிய சந்தோஷத் தகவலும் வரலாம். நவம்பர் 4-ந் தேதி துலாம் ராசிக்கு புதன் செல்கின்றார். அங்குள்ள சூரியனோடு சேரும்பொழுது ‘புத-ஆதித்ய யோகம்’ உருவாகும். எனவே கல்வி சம்பந்தமாக எடுத்த முயற்சி கைகூடும்.

மகர குருவின் சஞ்சாரம்

நவம்பர் 15-ந் தேதி மகர ராசிக்கு குரு செல்கின்றார். கடந்த ஓராண்டாக தனுசு ராசியில் சஞ்சரித்த குரு இப்போது மகர ராசிக்கு செல்கின்றார். மகர ராசி குருவிற்கு நீச்ச வீடாகும். அங்கிருந்தபடி 2, 4, 6 ஆகிய இடங்களைப் பார்வையிடுகின்றார். இதன்மூலம் குடும்ப முன்னேற்றம், தாய்வழி அனுகூலம், பணிபுரியும் இடத்தில் பாராட்டு போன்றவை கிடைக்க வழிவகுப்பார். நீச்ச குருவாக இருந்தாலும், குருவின் பார்வைக்கு பலன் உண்டு என்பதால் குரு கவசம் பாடி வழிபடுவது நல்லது. இம்மாதம் செவ்வாய்க்கிழமை தோறும் அம்பிகை வழிபாட்டை மேற்கொள்வது நல்லது.

பணத்தேவையைப் பூர்த்திசெய்யும் நாட்கள்:-

அக்டோபர்: 22, 23, 27, 28, நவம்பர்: 1, 2, 6, 7, 8

மகிழ்ச்சி தரும் வண்ணம்:- வைலட்.

பெண்களுக்கான பலன்கள்

இம்மாதம் வரவும், செலவும் சமமாகும். வாழ்க்கைத் தேவைகள் கடைசி நேரத்தில் பூர்த்தியாகும். குடும்பத்தில் சுபகாரியப் பேச்சுக்கள் திடீரென முடிவிற்கு வரலாம். கணவன்-மனைவிக்குள் ஒற்றுமை பலப்படும். தாய்வழி ஆதரவும் உண்டு. பணிபுரியும் பெண்களுக்கு புதிய வாய்ப்புகள் பொருளாதார முன்னேற்றத்தோடு வரலாம். உத்தியோகத்தில் உள்ளவர்கள் சுயதொழில் தொடங்கும் முயற்சியில் ஆர்வம் காட்டுவர். நவராத்திரி நாயகியை வழிபடுவது நல்லது.

சார்வரி வருடத்தொடக்கத்தில் உங்கள் ராசிநாதன் செவ்வாய் 10-ம் இடத்தில் குருவோடு இணைந்து குரு-மங்கள யோகத்தை உருவாக்குகிறார். உங்கள் ராசியில் பஞ்சம ஸ்தானாதிபதி சூரியன், உச்சம் பெற்றிருக்கிறார். தன ஸ்தானத்தில் சுக்ரன் சொந்த வீட்டில் பலம்பெற்று சஞ்சரிக்கிறார். பிதுர்ரார்ஜித ஸ்தானமான 9-ம் இடத்தில் சனி, சந்திரன், கேது ஆகிய மூன்று கிரகங்களும் இணைந்திருக்கின்றன. இதனால் கூட்டுக்கிரக யோகமும், சனி - சந்திர யோகமும் உருவாகிறது. சகாய ஸ்தானத்தில் ராகுவும், விரய ஸ்தானத்தில் புதனும் வீற்றிருக்க, புத்தாண்டு தொடங்குகிறது. நான்கு கிரகங்கள் நல்ல நிலையில் சஞ்சரிக்கின்றன. 6-க்கு அதிபதி புதனும், 12-க்கு அதிபதியான குருவும் நீச்சம் பெற்றிருப்பது யோகம்தான். வருடத்தொடக்கமே வசந்தமாக அமையும்.

ராகு-கேது பெயர்ச்சி

1.9.2020 அன்று உங்கள் ராசிக்கு 2-ம் இடத்திற்கு ராகுவும், 8-ம் இடத்திற்கு கேதுவும் பெயர்ச்சியாகிறார்கள்.  எனவே சேமிப்பு உயரும். பாதியில் நின்ற பணிகள் மீதியும் தொடரும். மனக்குழப்பம் அகலும்.  கேதுவால் விரயங்கள் அதிகரிக்கும். குடும்பச்சுமை கூடும். சுபவிரயங்களை ஏற்படுத்தி கொள்ளலாம்.  ஆரோக்கியத்தில் மட்டும் அடிக்கடி அச்சுறுத்தல் ஏற்படும். மருத்துவ ஆலோசனைகளை பெறுவது நல்லது.

குருப்பெயர்ச்சி

15.11.2020 அன்று மகர ராசிக்கு குருபகவான் பெயர்ச்சியாகிறார். 12-ம் இடத்திற்கு அதிபதியான குரு, அங்கு நீச்சம் பெறுவதால் யோகம் சேரும். விரயாதிபதி நீச்சம் பெறுவதால், சில நன்மைகளை செய்வார். குரு 9-ம் இடத்திற்கும் அதிபதி என்பதால், தந்தை வழியில் கொஞ்சம் அனுசரித்து செல்லுங்கள். சொத்துக்களில் முறையான பங்கீடு கிடைக்காது. அதேநேரம் குடும்பப்பிரச்சினைகள் நல்ல முடிவிற்கு வரும். கொடுத்த வாக்கை காப்பாற்றுவீர்கள். சுப காரியங்கள் பல, இல்லத்தில் நடைபெறும். தாயின் உடல்நலம் சீராகும். பகையை வெல்வீர்கள். தொழில் புரிபவர்களுக்கு, பணியாளர் தொல்லை அகலும்.

சனிப்பெயர்ச்சி

26.12.2020 அன்று சனிப்பெயர்ச்சி நிகழ இருக்கிறது. அன்றைய தினம் உத்ராடம் 2-ம் பாதத்தில், உங்கள் ராசிக்கு பத்தாம் இடமான மகர ராசிக்கு வாக்கிய கணித பஞ்சாங்கம் ரீதியாக சனிபகவான் பெயர்ச்சியாகிறார். தொழிலில் தொல்லை தந்த எதிரிகள் விலகுவர். அளவோடு நடந்த தொழில் இனி ஆதாயம் தரும் விதத்தில் நடக்கலாம். அரசு வேலை கிடைப்பதற்கான சூழ்நிலை தென்படும். பெற்றோரின் உடல்நலத்தில் கவனம் தேவை.

குரு வக்ரமும், அதிசாரமும்

13.5.2020 முதல் 7.7.2020 வரை குரு பகவான் அதிசாரமாகி வக்ரம் பெற்று சஞ்சரிக்கிறார். 8.7.2020 முதல் 9.9.2020 வரை தனுசு ராசியில் குரு வக்ர இயக்கத்தில் இருக்கிறார். அதே நேரத்தில் சனியும் வக்ர கதியிலேயே அவரோடு இணைந்து சஞ்சாரம் செய்கிறார். மீண்டும் குருபகவான் 6.4.2021-ல் கும்ப ராசிக்கு அதிசாரத்தில் செல்கிறார். இவற்றின் விளைவாக வரும் மாற்றங்கள், நன்மை வழங்கும். சிலநேரம் மனதை குழப்பமடையவும் செய்யும்.  வழிபாடுகள் அவசியமான தருணம் இது.

வழிபாடு

சதுர்த்தி திதி அன்று விநாயகரை வழிபட்டு வருவதோடு, யோகபலம் பெற்ற நாளில் வைத்தீஸ்வரன் கோவில் சென்று தரிசனம் செய்து வாருங்கள்.

பெண்களுக்கு..

ஆண்டின் தொடக்கம் அற்புதமாக அமையும். கணவன் - மனைவிக்குள் ஒற்றுமை பலப்படும். பணப்புழக்கம் அதிகரிக்கும். இல்லத்தில் மங்கல ஓசையும், மழலையின் ஓசையும் கேட்கும். குடும்ப முன்னேற்றம் கூடும். உறவுகளின் ஆதரவு கிடைக்கும். பெண்களுக்கு எதிர்பார்த்த சலுகைகள் கிடைக்கும். ஊதிய உயர்வும், உத்தியோக உயர்வும் கிடைக்கும். இடம் வாங்கும் யோகம் உண்டு. குரு, சனி வக்ர காலங்களில் கவனம் தேவை.

19-12-2017 முதல் 28-03-2020 வரை

அசுவதி, பரணி, கார்த்திகை 1-ம் பாதம் வரை (பெயரின் முதல் எழுத்துக்கள்: சு, சே, சோ, ல, லி, லு, லே, லோ, அ உள்ளவர்களுக்கும்)

விலகிவிட்டது சனி! விரும்பியது நடக்கும் இனி!

மனதில் பட்டதை மறைக்காமல் சொல்லும் மகத்தான குணம் பெற்ற மேஷ ராசி நேயர்களே!

எந்தக் காரியத்தையும் வெற்றிகரமாகச் செய்து முடிக்க நினைக்கும் உங்களுக்கு கடந்த இரண்டரை ஆண்டுகளுக்கு மேலாக நடைபெற்று வந்த அஷ்டமத்துச் சனியின் ஆதிக் கம் விலகி, இப்பொழுது ஆனந்தமான வாழ்க்கையை அமைத்துக் கொடுக்கப் போகின்றது.

இந்த சனிப்பெயர்ச்சியால் மிகுந்த நற்பலன்களைப் பெறும் ராசிகளில் முதன்மையான ராசியாக உங்கள் ராசி விளங்கப் போகின்றது. எண்ணற்ற பிரச்சினைகளைச் சந்தித்து வந்த உங்களுக்கு இப்பொழுது விடிவுகாலம் பிறந்துவிட்டது.

விலகிய சனியை, விலகும் நாளிலேயே கும்பிட்டு மகிழ்வது நல்லது. பொதுவாக திருநள்ளாறு சென்று நளதீர்த்தத்தில் குளித்து அங்குள்ள காக வாகனச்சனியை வழிபட்டு வந்தால் கடந்த காலத்தில் ஏற்பட்ட சிக்கல் களும், சிரமங்களும் அகலும்.

திருக்கொள்ளிக் காட்டிலுள்ள பொங்கு சனீஸ்வரர் வழிபாட்டையும் நீங்கள் மேற்கொள்ளலாம். மேலும் சிவகங்கை மாவட்டம் திருப்பத்தூர் அருகிலுள்ள பெரிச்சிக் கோவிலில் வீற்றிருந்து அருள்வழங்கும் வன்னி மரத்தடி சனீஸ்வரர், குச்சானூர் சனிபகவான் போன்ற ஆலயங்களுக்குச் சென்று வழிபட்டு வருவது நல்லது. சனி விலகும் இந்த நேரத்தில் சனி பகவான் சன்னிதியில் எள் தீபம் ஏற்றி வழிபட்டால் நல்லது நடக்கும்.

9-ம் இடத்தில் சஞ்சரிக்கும் சனி பகவான் ஒளிமயமான வாழ்க்கைக்கு வழிவகுத்துக் கொடுப்பார். பொன், பொருட்களின் சேர்க்கை அதிகரிக் கும். பிரிந்து சென்ற உறவினர்கள் இனி பாசத்தோடு வந்திணைவர். செல்வாக்கு உயரும்.

ஒன்பதாமிடத்துச் சனி பொன், பொருளைத் தருமா?

மாபெரும் கிரகம் என்று வர்ணிக்கப்படும் சனி பகவான் உங்கள் ராசிக்கு 10, 11 ஆகிய இடங்களுக்கு அதிபதியாவார். தொழில் மற்றும் லாப ஸ்தானத்திற்கு அதிபதியாக விளங்கும் சனி பகவான், தற்சமயம் பிதுர்ரார்ஜித ஸ்தானம் எனப்படும் தந்தைவழி முன்னேற்றத்தைக் குறிக்கும் இடத்திற்கு பெயர்ச்சியாகப் போகின்றார். எனவே பெற்றோர்களின் ஆதரவு உங்களுக்கு கிடைக்கும். அவர்கள் மூலமாக தொழில்வளர்ச்சியைப் பெருக்கிக் கொள்ள வாய்ப்புகள் உருவாகும். உடன்பிறப்புகளிடம் காட்டிய பாசத்தை இனி உங்களிடமும் காட்டுவர். உறவுகளிலிருந்த மனக்கசப்புகள் மாறும்.

ஒன்பதில் வந்த ஈசன்
உன்னத வாழ்வைத் தந்து
பொன்பொருள் குவிய வைக்க
புகழ்மிக்க வாழ்வு காண
அன்புடன் சனியைக் கண்டும்
அனுமனை வழி பட்டாலும்
வன்பகை மாறும்! நல்ல
வசந்தமும் வந்து சேரும்!

என்று ஜோதிட சாஸ்திரம் சொல்கின்றது.

எனவே, காக வாகனத்தானையும், அனுமனையும் கைகூப்பி வழிபடுவது நல்லது.

ஒரு கிரகம் எந்த இடத்தின் ஆதிபத்யத்திற்கு உரியதோ அந்த இடத்திற்குரிய செயல்பாடுகளை செய்வதில் தடை ஏற்படுத்தாது.

ஒரு வேளை உங்கள் சுயஜாதகத்தில் திசாபுத்தி வலிமை இழந்திருந்தாலோ, ராகு-கேதுக்களின் ஆதிக்கத்தில் சிக்கி இருந்தாலோ சனி, குரு போன்ற கிரகங்கள் பகை கிரகத்தின் பாத சாரத்தில் இருந்தாலோ, உங்களுக்கு நற்பலன்கள் ஏற்படுவதில் தாமதங்கள் ஏற்படலாம்.

தடைக்கற்களை படிக்கற்களாக மாற்றுவது பரிகாரங்கள் தான். எனவே ஜாதக அடிப்படையில் வரம் கொடுக் கும் தெய்வத்தை தேர்ந் தெடுத்து அதற்குரிய ஸ்தலங்களுக்கு யோகபலம் பெற்ற நாளில் சென்று வழிபட்டு வந்தால் வாய்ப்புகள் வாயிற் கதவைத் தட்டும். வருமானம் திருப்திகரமாக இருக்கும்.

இதுவரை எட்டில் சனி சஞ்சரித்த பொழுது மன உளைச்சல் அதிகமாக இருந்திருக்கலாம். குடும்பத்தில் கருத்து வேறுபாடுகளும் பணத்தட்டுப்பாடுகளும் அதிகரித்திருக்கலாம். ஆரோக்கியப் பாதிப்பால் மருத்துவச் செலவு கூடியிருக்கலாம். உத்தியோகத்தில் நிரந்தரமில்லாத நிலை, சம்பள உயர்வில் தடை போன்றவைகள் ஏற்பட்டிருக்கலாம்.

இனி அந்த நிலை மாறப்போகின்றது. வாகன வசதிகளும், வளர்ச்சியும் கூடப்போகின்றது. பாக்கிய ஸ்தானத்தில் சஞ்சரிக்கும் சனி சகல பாக்கியங்களையும் உங்களுக்கு வழங்கப் போகின்றது. நீங்கள் தீட்டிய திட்டங் களுக்கு முக்கிய நபர்கள் வந்து ஒத்துழைப்புச் செய்வர்.

மந்தனின் பார்வையால் ஏற்படும் மகத்தான பலன்கள்!

சனி பகவான் 9-ம் இடத்தில் சஞ்சரிக்கும் பொழுது அதன் பார்வை 3, 6, 11 ஆகிய இடங்களில் பதிகின்றது. எனவே இதுவரை மனஅமைதியின்றி பிரச்சினைக்கு மத்தியில் வாழ்ந்த உங்களுக்கு இனி மன அமைதி கிடைக்கப் போகின்றது. சகோதரர்களுடன் இருந்த சச்சரவுகள் அகலும். பாகப் பிரிவினைகள் சுமுகமாக முடிய அவர்கள் ஒத்துழைப்புச் செய்வர். இளைய சகோதரத்துடன் இணக்கம் ஏற்படும்.

உடன்பிறப்புகள் வழியில் தொழில் தொடங்கும் முயற்சியில் ஈடுபட்டவர் களுக்கு அது கைகூடும். நீண்ட நாட்கள் நிலுவையில் இருந்த வழக்குகள் சாதகமாக முடியும். கட்டிடப் பணி பாதியில் நிற்கின்றதே என்ற கவலை இனி அகலும். அசையா சொத்துகள் வாங்குவதில் இருந்த தடைகள் அகலும். பணியாளர்கள் பக்குவமாக நடந்து கொள்வர்.

6-ம் இடத்தையும் சனி பார்ப்பதால் எதிரிகள் சரணடைவர். இல்லம் தேடி நல்ல தகவல் வந்து சேரும். உத்தியோகத்தில் ஒரு சிலருக்கு பதவி உயர்வு, ஊதிய உயர்வு, அதிகார பலம் போன்றவை தானாகத் தேடிவரும். சக பணியாளர்களின் ஒத்துழைப்பு கிடைக்கும். வியாபாரத்தில் ஈடுபட்டிருப்பவர்களுக்கு வங்கிகளின் ஒத்துழைப்போடு அதிக முதலீடு செய்ய தொகை கிடைக்கும்.

சனியின் பார்வை லாப ஸ்தானத்தில் பதிவதால் பொருளாதாரப் பற்றாக்குறை அகலும். சேமிப்பு உயர வழிவகை செய்து கொள்வீர்கள். இப்பொழுது பிள்ளைகளாலும், வாழ்க்கைத் துணையாலும் வருமானம் வரலாம்.

குதூகலம் தரும் குருப்பெயர்ச்சிக் காலம்!

4.10.2018-ல் விருச்சிக ராசியில் குரு சஞ்சரிக்கப் போகின்றார். அதன்பிறகு 28.10.2019-ல் தனுசு ராசிக்கு குரு செல்கின்றார். இந்த சனிப் பெயர்ச்சிக் காலத்தில் இரண்டு முறை குருப்பெயர்ச்சி நிகழவிருக்கின்றது. இதன் விளைவாகவும் நீங்கள் நல்ல மாற்றங்களைச் சந்திக்கப் போகிறீர்கள்.

விருச்சிகத்தில் குரு சஞ்சரிக்கும் பொழுது அதன் பார்வை 2, 4, 12 ஆகிய இடங்களில் பதிகின்றது. எனவே வாக்கு, தனம், குடும்பம் ஆகிய இடங்கள் புனிதமடைகின்றன. எனவே பொருளாதார நிலையில் இருந்த ஏற்ற இறக்கங்கள் மாறும். கல்யாணப் பேச்சு வார்த்தைகள் கைகூடும். புத்திர விருத்திக்கான வாய்ப்பு உருவாகும்.

அஷ்டமத்தில் குரு அடியயெடுத்து வைக்கின்றாரே என்று நீங்கள் நினைக்க வேண்டாம். 12-க்கு அதி பதியான குரு பகவான் அஷ்டமத்தில் சஞ்சரிக்கும் பொழுது பலவித நல்ல வாய்ப்புகள் வந்து சேரும். தாய் வழி ஆதரவு உண்டு. உத்தியோகத்தில் விருப்ப ஓய்வில் சுயதொழில் தொடங்கும் வாய்ப்பு உண்டு.

தனுசு ராசியில் குரு சஞ்சரிக்கும் பொழுது உங்கள் ராசியையும், மூன்று, ஐந்து ஆகிய இடங்களையும் பார்க்கப் போகின்றார். எனவே ஆரோக்கியம் சீராகும். குடும்பத்தில் சுபகாரியப் பேச்சுகள் கைகூடும். பூர்வீக சொத்து களை விற்றுப் புதிய சொத்துகளை வாங்கும் முயற்சியில் ஆர்வம் காட்டுவீர்கள்.

ராகு-கேது பெயர்ச்சிக் காலம்!

13.2.2019-ல் மிதுன ராசியில் ராகுவும், தனுசு ராசியில் கேதுவும் சஞ்சரிக்கின்றார்கள். உங்கள் ராசிக்கு 3-ல் சஞ்சரிக்கும் ராகு முன்னேற்றப் பாதைக்கு வழிகாட்டப் போகின்றார்.

9-ல் சஞ்சரிக்கும் கேது ஒளிமயமான வாழ்விற்கு உத்தரவாதம் தரப்போகின்றது. அடிப்படை வசதிகள் பெருகும். மறைமுக எதிர்ப்புகள் மாறும். மாற்று இனத்தவர்களின் ஒத்துழைப்பு கூடுதலாக கிடைக்கும்.

பரம்பரை சொத்துகளில் உங்களுக்கு கிடைக்க வேண்டிய பங்கு முறையாக வந்து சேரும். வெளிநாட்டு தொடர்பு அனுகூலம் தரும். பங்காளிப் பகை மாறும். பிறருக்கு பொறுப்பு சொல்லி வாங்கிக் கொடுத்த தொகை வந்து சேரும். ஆலயத்திருப்பணிகளில் ஆர்வம் காட்டுவீர்கள்.

மங்கையருக்கான மகத்தான பலன்கள்!

மேஷ ராசியில் பிறந்த பெண்களுக்கு இந்த சனிப்பெயர்ச்சி நினைத்தது நினைத்தபடியே நிறைவேறும். கல்யாணம், குழந்தை பாக்கியம் போன்றவற்றில் இருந்த தடைகள் அகலும். சுபநிகழ்ச்சிகள் அதிகம் நடைபெறும். கணவன்- மனைவி ஒற்றுமை பலப்படும். குலதெய்வப் பிரார்த்தனைகளை நிறைவேற்றி குடும்ப முன்னேற்றத்திற்கு வழிவகுத்துக் கொள்வீர்கள்.

பிள்ளைகளின் கல்வி சம்பந்தமாகவோ, எதிர்கால முன்னேற்றம் கருதியோ எடுத்த முயற்சிகள் பலன்தரும். தாய் மற்றும் உடன் பிறப்புகளின் ஆதரவு கூடுதலாகக் கிடைக்கும்.

9-ல் சஞ்சரிக்கும் சனி பொன், பொருட்கள் சேர வழிவகுத்துக் கொடுப்பார். ஆரோக்கியம் சீராகும். உத்தியோகத்தில் உள்ளவர் களுக்கு சம்பள உயர்வு, பதவியில் உயர்வு போன்றவைகள் வந்து சேரும்.

சுய ஜாதகத்தில் திசாபுத்திக்கேற்ற தெய்வங்களை வழிபடுவதோடு சனிக்கிழமை தோறும் விநாயகப் பெருமானை வழிபடுவது நல்லது.

தொட்ட காரியங்களில் வெற்றி பெற வழிபாடு!

சிவாலயத்திற்கு சென்று சனி பகவான் சன்னிதியில் எள் தீபம் ஏற்றி அர்ச்சனை செய்து வழிபட்டு வருவது நல்லது. வியாழன் தோறும் குரு வழிபாட்டையும் மேற்கொள்ளுங் கள். ராகு-கேதுக்களின் மூலம் நற்பலன்கள் கிடைக்க சர்ப்ப சாந்திப் பரிகாரம் செய்வது நல்லது.

சிறப்பு வழிபாடாக யோகபலம் பெற்ற நாளில் தஞ்சை பெரிய கோவிலுக்குச் சென்று பிரகதீஸ்வரர், அம்பிகை, வராஹி வழிபாட்டை மேற்கொண்டால் வளர்ச்சி கூடும்.

சனியின் வக்ர காலம்!

25.4.2018 முதல் 21.8.2018 வரை மூல நட்சத்திரக் காலில் சனி வக்ரம் பெறுகின்றார். 8.5.2019 முதல் 3.9.2019 வரை மீண்டும் பூராட நட்சத்திரக் காலில் சனி வக்ரம் பெறுகின்றார்.

இக்காலத்தில் தொழிலில் கொஞ்சம் கூடுதல் கவனம் தேவை. இழப்பு களையும், ஏமாற்றங்களையும் சந்திக்க நேரிடும். விரயங்கள் கூடுதலாக இருக்கும். எதிர்காலத்தைப் பற்றிய பயம் உருவாகும். அருகில் உள்ளவர்களின் ஆதரவு குறைவாகவே கிடைக்கும். பங்குதாரர்கள் உங்கள் பணிக்கு ஒத்துழைப்புச் செய்ய மறுப்பர். உடல் ஆரோக்கியத்தில் அச்சுறுத்தல்கள் ஏற்பட்டு அகலும். புதியவர்களை நம்பி ஒப் படைத்த பொறுப்புகள் நடைபெறாமல் போகலாம். வழிபாட்டில் கவனம் செலுத்துவதன் மூலமே வளர்ச்சியைக் கூட்டிக் கொள்ள இயலும்.

01.09.2020 முதல் 20.03.2022 வரை

இரண்டில் ராகு வருகிறது..எதிர்பார்ப்புகளில் இனி வெற்றி..

மேஷ ராசி நேயர்களே!

வாழ்வில் நாம் முன்னோக்கிச் செல்ல, நவக்கிரகங் களில் பின்னோக்கி நகரும் கிரகங்களான ராகுவும், கேதுவும் வரும் செப்டம்பர் 1-ந் தேதி மாற்றமடைகின் றார்கள். மிதுனத்தில் சஞ்சரித்து வந்த ராகு பகவான் ரிஷப ராசிக்கு வரப்போகின்றார். அதே நாளில் தனுசு ராசியில் சஞ்சரித்து வந்த கேது பகவான் விருச்சிகத்திற்கு வரப்போகின்றார். அதாவது 2-ம் இடத்தில் ராகுவும், 8-ம் இடத்தில் கேதுவும் சுமார் ஒன்றரை ஆண்டு காலம் சஞ்சரிக்கப் போகின்றார்கள்.

இதற்கிடையில் நவம்பர் 15-ந் தேதி மகர ராசிக்கு குரு செல்கின்றார். அங்கிருந்து கொண்டு உங்கள் ராசிக்கு 2, 4, 6 ஆகிய இடங்களைப் பார்க்கப் போகின்றார். அதன்பிறகு டிசம்பர் 26-ந் தேதி மகர ராசிக்கு சனி செல்கின்றார். 2021-ம் வருடம் நவம்பர் 13-ந் தேதி குரு, கும்ப ராசிக்குச் செல்கின்றார். ராகு-கேது பெயர்ச்சிக்கு இடையில் மேற்கண்ட மூன்று கிரகப் பெயர்ச்சிகள் நடைபெறப்போவதால் அவற்றைக் கருத்தில் கொண்டும், கோச்சாரப் பலன்களை அடிப்படையாக வைத்தும் உங்கள் சுய ஜாதகத்தில் ராகு-கேதுக்களின் பலம் அறிந்தும் பலன்களை அறிந்து கொண்டு செயல்படுவது நல்லது.

குடும்ப ஸ்தானத்தை பலப்படுத்தும் ராகு!

கொடுத்த பணத்தை செலவிட வைக்கும் கேது!

ராகு இப்பொழுது சஞ்சரிக்கப் போகும் 2-ம் இடம் என்பது வாக்கு, தனம், குடும்பம் ஆகியவற்றைக் குறிக்கும் இடமாகும். அந்த இடத்தில் சஞ்சரிக்கப் போகும் ராகுவால் நல்ல மாற்றங்களும், ஏற்றங்களும் வரப்போகின்றது. இல்லறம் நல்லறமாக மாறும். எதிர்பார்த்தபடியே வரவுகள் வந்து சேரும். வாரிசுகளால் ஏற்பட்ட கவலை மாறும்.

8-ம் இடத்தில் சஞ்சரிக்கும் கேதுவால் எதிர்பார்த்த இலாகா மாற்றங்கள், வீடு மாற்றங்கள் போன்றவை கிடைக்கும். முயற்சிகளில் தடை ஏற்பட்டாலும், பிறகு தானாக நடைபெற்றுவிடும். உங்களுக்கோ, உங்கள் குடும்பத்தைச் சார்ந்தவர்களுக்கோ சிறுசிறு மருத் துவச் செலவுகள் ஏற்படலாம். வீண் விரயங்களில் இருந்து விடுபட, சுபவிரயங்களை மேற்கொள்வது நல்லது.

செவ்வாய் சாரத்தில் ராகுவின் சஞ்சாரம் (1.9.2020 முதல் 4.1.2021 வரை)

மிருகசீர்ஷ நட்சத்திரக்காலில் செவ்வாய் சாரத்தில் ராகு சஞ்சரிக்கும் பொழுது, பொருளாதார நிலை சிறப்பாக இருக்கும். உங்கள் ராசிநாதனான செவ்வாய், தைரியகாரகன் என்பதால் இந்த காலகட்டத்தில் உங்களது தைரியமும், தன்னம்பிக்கையும் கூடும். தொழிலில் மிகப்பெரிய முன்னேற்றம் உண்டாகும். அதிகாரப் பதவியில் இருப்பவர்களுக்கு பொறுப்புகளும், பதவிகளும் கிடைக்கலாம். இடம் வாங்கும் யோகம் உண்டு. உத்தியோகத்தில் உள்ளவர்களுக்கு உயர் பதவிகளும் கிடைக்கலாம்.

சந்திரன் சாரத்தில் ராகுவின் சஞ்சாரம் (5.1.2021 முதல் 12.9.2021 வரை)

உங்கள் ராசிக்கு 4-ம் இடமான சுக ஸ்தானத்திற்கு அதிபதியானவர் சந்திரன். அது மட்டுமல்லாமல் தாய், வாகனம், வீடு, கல்வி, பயணங்கள், காரியவெற்றி, திறமை, நம்பிக்கை, சேமிப்பு ஆகியவற்றையும் குறிக்கும் இடங்களாகும். எனவே கல்விக்காக எடுத்த முயற்சி கைகூடும். திருமண முயற்சிகளும் கைகூடும். புதிய வாகனங்கள், வீடு, இடம் போன்றவை வாங்குவதற்கான அறிகுறி தென்படும். பரம்பரை சொத்துக்களை கொடுத்துவிட்டுப் புதிதாக கட்டப்பட்ட வீடுகளைக் கூட ஒருசிலர் வாங்க நேரிடும்.

சூரியன் சாரத்தில் ராகுவின் சஞ்சாரம் (13.9.2021 முதல் 20.3.2022 வரை)

கார்த்திகை நட்சத்திரக்காலில் சூரியனின் சாரத்தில் ராகு சஞ்சரிக்கும் இந்த நேரத்தில், பிள்ளைகள் வழியில் நல்ல காரியங்கள் நடைபெறும். பொதுவாக உங்கள் ராசிக்கு 5-ம் இடம் சூரியனுடைய வீடாகும். ஆனால் அவர் தன் சாரத்தில் பகை கிரகமான ராகு சஞ்சரிக்கும் பொழுது திருப்தியான பலனைக் கொடுக்க மாட்டார். எதிலும் கூடுதல் கவனம் செலுத்த வேண்டிய நேரமிது. கோபத்தைக் குறைத்துக்கொள்ள வேண்டும். பிள்ளைகளை உங்கள் மேற்பார்வையில் வைத்துக்கொள்வதும், தேக நலனில் அக்கறை காட்டுவதும் அவசியம்.

பாதசார அடிப்படையில் கேது தரும் பலன்கள்

கேது பகவான் முதலில் புதன் சாரத்திலும், பிறகு சனி சாரத்திலும், அதன்பிறகு குரு சாரத்திலும் சஞ்சரிக்கப் போகின்றார். இதன் விளைவாக கிடைக்கும் பலன்களைப் பற்றிப் பார்ப்போம்.

புதன் சாரத்தில் கேதுவின் சஞ்சாரம்(1.9.2020 முதல் 9.5.2021 வரை)

கேட்டை நட்சத்திரக்காலில் புதன் சாரத்தில் கேது சஞ்சரிக்கும் பொழுது, சகோதர சச்சரவுகள் உருவாகி மறையும். 3, 6 ஆகிய இடங்களுக்கு அதிபதியானவர் புதன். ‘சகோதர’ சகாய ஸ்தானம் மற்றும் எதிர்ப்பு, வியாதி, கடன், ஜீவனம் ஆகியவற்றைக் குறிக்கும் இடங்களுக்கும் புதனே அதிபதி. எனவே மறைமுக எதிர்ப்புகள் அதிகரிக்கலாம். பணிபுரியும் இடத்தில் உங்கள் திறமைக்கு ஏற்ப உயர்வு கிடைப்பதில் தாமதம் ஏற்படலாம். பஞ்சாயத்துக்களில் பொறுமை அவசியம்.

சனி சாரத்தில் கேதுவின் சஞ்சாரம் (10.5.2021 முதல் 16.1.2022 வரை)

உங்கள் ராசிக்கு 10, 11 ஆகிய இடங்களுக்கு அதிபதியானவர் சனி பகவான். அவருடைய சாரத்தில் கேது வரும்பொழுது, தொழில் மாற்றச் சிந்தனைகள் அதிகரிக்கும். வாங்கல்-கொடுக்கல்களில் கொஞ்சம் கவனம் தேவை. ‘கிடைத்த வேலை நிரந்தரமாகவில்லையே’ என்றும் ஒருசிலர் கவலைப்படலாம். வெளிநாட்டிலிருந்து வரும் அழைப்பில் தாமதம் ஏற்படுவதால் ‘கூட்டுத்தொழில் செய்யலாமா?’ என்று சிந்திப்பீர்கள். அதே சமயம் புதிய கூட்டாளிகள் இணைவதிலும் திருப்தி ஏற்படாது.

குரு சாரத்தில் கேதுவின் சஞ்சாரம் (17.1.2022 முதல் 20.3.2022 வரை)

குரு பகவான், உங்கள் ராசிக்கு 9, 12 ஆகிய இடங்களுக்கு அதிபதியானவர். எனவே அவரது சாரத்தில் கேது சஞ்சரிக்கும் போது வருமானம் வந்த மறுநிமிடம் செலவாகி விடும். உத்தியோகத்தில் திடீர் இடமாற்றங்கள் ஏற்படலாம். ஒருசிலருக்கு வெளி மாநிலங்கள் அல்லது வெளிநாடு போன்ற நீண்ட தூரப்பயணங்கள் உருவாகலாம். ஆரோக்கியத்திற்காக ஒரு தொகையைச் செலவிடும் சூழ்நிலை உருவாகும்.

வளர்ச்சி தரும் வழிபாடு

இரண்டாமிடத்து ராகுவால் இனிய பலன் கிடைக்கவும், அஷ்டமத்து கேதுவால் ஆரோக்கியத் தொல்லை அகலவும் ராகு- கேதுக்களுக்கு உரிய நாக கவசப்பாடலைப் பாடி இல்லத்துப் பூஜை அறையில் வழிபடுவது நல்லது. வாய்ப்பிருக்கும் பொழுது ஆலயங் களுக்குச் சென்று துர்க்கையை வழிபடுவதன் மூலம் துயரங்களிலிருந்து விடுபட இயலும்.

பெண்களுக்கு...

இந்த ராகு-கேது பெயர்ச்சியின் விளைவாக தடைக்கற்களை படிக்கற்களாக மாற்றிக்கொள்ள தன்னம்பிக்கையும், தைரியமும் தேவை. திருமண வாய்ப்பும் சிலருக்கு உண்டு. கேது பலத்தால் திட்டமிட்ட பணிகளில் தேக்க நிலை உருவாகும். உடன்பிறப்புகளை பகைத்துக் கொள்ள வேண்டாம். கணவன்-மனைவிக்குள் விட்டுக்கொடுத்துச் செல்வது நல்லது. பணிபுரியும் பெண்களுக்கு வீடு, வாகனம் வாங்கக் கடனுதவி கிடைக்கும். சர்ப்ப விநாயகர் வழிபாடு பலன் தரும்.

28-10-2019 முதல்  15-11-2020 வரை

அசுவதி, பரணி, கார்த்திகை 1-ம் பாதம் வரை

(பெயரின் முதல் எழுத்துக்கள்: சு, சே, சோ, ல, லி, லு, லே, லோ, அ உள்ளவர்களுக்கும்)

ஒன்பதில் வந்த குருபகவான்! ஒளிமயமாகும் எதிர்காலம்!

உதவி செய்வதன் மூலம் நல்ல பதவிகளை வரவழைத்துக் கொள்ளும் மேஷ ராசி நேயர்களே!

உங்கள் ராசிநாதன் செவ்வாய் ‘தைரியகாரகன்’ என்று அழைக்கப் படுபவர். தன்னம்பிக்கையும், தெய்வ நம்பிக்கையும் அதிகம் பெற்றவர்கள் நீங்கள். உயர்ந்த சிந்தனையும், உதவும் மனப்பான்மையும் உங்களுக்கு இயல் பாகவே இருக்கும்

 இப்படிப்பட்ட குணங்களைப் பெற்ற உங்களுக்கு விருச்சிக ராசியில் இருந்து பெயர்ச்சியாகி தனுசு ராசியில் அடியெடுத்து வைக்கும் குரு கோடி, கோடியாய் கொட்டிக் கொடுக்கப் போகின்றாரா? குடும்பத்தில் மகிழ்ச்சிக்கு வித்திடப் போகின்றாரா என்பதைப் பற்றிப் பார்ப்போம்.

வரப்போகும் குருப்பெயர்ச்சி உங்கள் ராசிக்கு 9-ம் இடத்தை புனிதப் படுத்துகின்றது. அங்கிருந்து கொண்டு 5-ம் பார்வையாக உங்கள் ராசியையும் பார்க்கின்றது. 9-ம் இடம் என்பது தகப்பனாரைப் பற்றி அறிந்து கொள்ளும் இடமாகும். தந்தை வழிச்சொத்து, வம்சவிருத்தி, தர்மம் செய்யும் வாய்ப்பு, குருவின் மூலமாக தீட்சைபெறும் நிலை, தெய்வப்பற்று, தீர்த்த யாத்திரை செய்யும் யோகம், கண்ணியமான வாழ்க்கை, வாகனம் வாங்கி மகிழும் யோகம் போன்றவற்றை எல்லாம் எடுத்துரைக்கும் இடமாகும்.

குருவின் பார்வைப்படி “ஐந்தும், ஒன்பதும் மிஞ்சும் பலன்தரும்” என்பதால் தொழிலில் இனி அதிகளவில் லாபம் கிடைக்கும். தொல்லை தந்த எதிரிகள் விலகிச் செல்வார்கள். தடைகளை நீக்குவது குருபார்வை என்பதால் மங்கல ஓசை மனையில் கேட்கவும், மழலைப்பேறு வாய்க்கவும் வழிகிடைக்கும். 

தனுசு குருவின் சஞ்சாரம்

உங்கள் ராசிக்கு குருபகவான் 9, 12 ஆகிய இடங்களுக்கு அதிபதியாவார். அதாவது பிதுர்ரார்ஜித ஸ்தானம் மற்றும் அயன, சயன ஸ்தானம் மற்றும் விரய ஸ்தானம் ஆகிய ஸ்தானங் களுக்கு அதிபதியானவர். அவர் 28.10.2019 முதல் 15.11.2020 வரை தனுசு ராசியில் சஞ்சரித்தாலும் இடையில் 27.3.2020 முதல் 7.7.2020 வரை மகர ராசியில் சஞ்சரிக்கின்றார். 13.5.2020 முதல் 9.9.2020 வரை குரு வக்ர கதியில் இயங்குகின்றார். 

முதலில் மகரத்தில் வக்ரம் பெறுகின்றார். பிறகு தனுசில் வக்ரம் பெறுகின்றார். மகர ராசியில் குருபகவான் சஞ்சரிக்கும் பொழுது அங்கு நீச்சம் பெறுகின்றார். அதாவது மகர ராசி குருவிற்கு நீச்ச வீடாகும்.

மகர ராசியில் குரு நீச்சம் பெற்று வலிமை இழக்கிறாரே, எப்படி நமக்கு நல்ல பலன்களை அள்ளித்தருவார் என்று நீங்கள் நினைக்க வேண்டாம். ஏற்கனவே தனுசு ராசியில் சனி சஞ் சரித்துக் கொண்டிருக்கின்றார். எனவே சனி வீட்டில் குருவும், குரு வீட்டில் சனியுமாக இருந்து பரிவர்த்தனை யோகமும், நீச்சபங்க ராஜயோகமும் பெறுகின்றார். எனவே வக்ர இயக்கத்தில் கூட வளர்ச்சி பெற வழிவகுத்துக் கொடுப்பார்.

தனுசில் சஞ்சரிக்கும் குருபகவான் கேதுசாரம் பெற்று மூல நட்சத்திரக் காலிலும், சுக்ர சாரம் பெற்று பூராடம் நட்சத்திரக் காலிலும், சூரிய சாரம் பெற்று உத்ராட நட்சத்திரக் காலிலுமாக சஞ்சரிக்கப் போகின்றார்.

அந்தந்தக் காலங்களில் கிரக நிலைக்கு ஏற்பவும், சாரபலத்திற்கு ஏற்பவும் ஏற்றங்களும், நல்ல மாற்றங்களும் வந்து கொண்டேயிருக்கும். ஏற்றங்கள் வருகிற பொழுது உங்கள் மனம் மகிழ்ச்சியடையும். மாற்றங்களால் மனக்குழப்பம் ஏற்படுகின்ற பொழுது மகிழ்ச்சியை வரவழைத்துக்கொள்ளவும், தடைகற்களை படிக்கற்களாக மாற்றவும் வழிபாடு உங் களுக்குத் துணையாக இருக்கும். 

குருவின் பார்வை பலன்

‘ஜென்மத்தை குருதான் பார்த்தால் சிறப்பான வாழ்க்கை சேரும், நன்மைகள் அதிகம் வாய்க்கும், நம்பிக்கை அனைத்தும் நடக்கும்’ என்று ஜோதிட சாஸ்திரம் சொல்கின்றது. அந்த அடிப்படையில் இந்த குருப்பெயர்ச்சியின் விளைவாக குருவின் பார்வை  1, 3, 5 ஆகிய மூன்று இடங்களிலும் பதிகின்றது.

ஜென்ம ராசியை குரு பார்ப்பதால் உடல் ஆரோக்கியம் சீராகும். உற்சாகத்தோடு பணிபுரிய இயலும். உன்னத வாழ்விற்கு அடித்தளம் அமைத்துக்கொடுக்க உறவினர்களும், நண்பர்களும் போட்டி போட்டுக்கொண்டு வருவர். வாரிவழங்கும் வள்ளலாக மாற வசதிகள் பெருகும். உடலில் இருந்த எண்ணிலடங்கா பிணிகளெல் லாம் இடம் தெரியாமல் ஓடி ஒளியும். புகழ், செல்வாக்கு அதிகரிக்கும். கல்யாண காரியங்கள் கைகூடும். கடமையிலிருந்த தொய்வு அகலும்.

குருவின் பார்வை 3-ம் இடத்தில் பதிவதால் முன்னேற்றப்பாதையை நோக்கி அடியெடுத்து வைக்கப் போகிறீர்கள். தைரிய ஸ்தானத்தை சப்தம பார்வையாக குரு பார்க்கப் போகின்றார். 3-ம் இடம் என்பது தைரிய ஸ்தானம் மற்றும் சகோதர ஸ்தானம் என்று அழைக்கப்படும் இடமாகும். எனவே உங்கள் ஆற்றலும், திறமையும் வெளிப்படும். பாகப்பிரிவினைகள் பாதகமில்லாமல் அமையலாம். சகோதர, சகோதரிகளின் திருமணம்     தடைகள் இல்லாமல் நடைபெற வழி பிறக்கும். இதுவரை உங்களோடு கருத்து வேறுபாடு ஏற்பட்டு விலகிச் சென்ற சகோதரர்கள் இனித் தானாக வந்திணைவர்.

குருவின் பார்வை பஞ்சம ஸ்தானத்தில் பதிவதால் நெஞ்சம் மகிழும் சம்பவங்கள் நிறையவே நடைபெறப் போகின்றது. குறிப்பாக ஐந்தாம் இடம் என்பது புத்திர ஸ்தானம், பூர்வ புண்ணிய ஸ்தானம் என்று குறிப்பிடுவது வழக்கம். எனவே அந்த இடத்தில் குரு பார்வை பதிந்து புனிதமடையச்செய்வதால் வந்த துயரங்கள் வாசலோடு நிற்கும். வரன்பார்த்து, பிள்ளைகளின் கல்யாண முயற்சிகள் கைகூடவில்லையே, மனம் ஒத்துப் போனால் பணப்பிரச்சினை வருகின்றது. கணப் பொருத்தம், ரஜ்ஜுப் பொருத்தம், பொருந்தாமல் வந்த ஜாதகங்களை எல்லாம் திருப்பிக்கொடுக்க நேரிடுகின்றதே, நமக்குப் பிடித்த சம்பந்தமாக இருந்தால் அவர்கள் பதில்சொல்ல மறுக்கிறார்களே என்றெல்லாம் மனக்குழப்பம் அடைந்த பெற்றோர்கள் இனி பணப் புழக்கத்திற்கும் குறைவு ஏற்படாமல் வரன்களும் திருப்திகரமான முறையில் வந்து ஆச்சரியத்தில் ஆழ்த்தப்போகின்றது.

பெற்றோர்களைப் பிரிந்த பிள்ளைகள் இனி மீண்டும்வந்து இணையலாம். பெண் பிள்ளைகளுக்கு உச்சி முதல் உள்ளங்கால் வரை நகை பூட்டி மணக்கோலம் காண வழிவகுத்துப் புன்னகையும், பொன்னகையும் அணிந்த தோற்றத்தோடு புகுந்த வீட்டிற்கு அனுப்பும் வாய்ப்பு கைகூடும். பூர்வீக சொத்துப் பிரச்சினைகள் ஒவ்வொன்றாக மாறும். பெற்றோர் வழிச் சொத்துக்களை பிரித்துக் கொடுப்பதில் இருந்த குறுக்கீடு சக்திகள் அகலும்.

அடகு வைத்த நகைகளை மீட்டுக் கொண்டு வருவீர்கள். அதிக லாபம் தொழிலில் கிடைக்கும். பிள்ளை களின் கல்யாண முயற்சியும், கடல் தாண்டும் முயற்சியும் கைகூடும். மகப்பேறு வாய்க்காதவர்களுக்கு இப் பொழுது செய்யும் வழிபாடுகளாலும், பரிகாரங்களாலும் பிள்ளைச் செல்வம் இல்லத்தில் துள்ளி விளையாடும். 

மகர குருவின் சஞ்சார காலம்!

27.3.2020 முதல் 7.7.2020 வரை மகர ராசியில் குரு சஞ்சரிக்கின்றார். இதற்கிடையில் 13.5.2020 முதல் குரு பகவான் மகர ராசிக்குள் வக்ர இயக்கத்தில் இருக்கின்றார். இந்த மகர குருவின் சஞ்சாரம் எப்படி இருக்கின்றது என்பதைப் பற்றிப் பார்ப்போம்.

மகர ராசி குருவிற்கு நீச்ச வீடாகும். அதாவது குரு பகவான் வலிமையிழக்கின்ற ராசி மகர ராசி. உங்கள் ராசிக்கு 9, 12 ஆகிய இடங்களுக்கு அதிபதியானவர் குரு பகவான். 12-ம் இடத்திற்கு அதிபதி வலிமையிழப்பது யோகம் தான். “கெட்டவன் கெட்டிடில் கிட்டிடும் ராஜயோகம்” என்பதற்கேற்ப சில நடக்காத காரியங்கள் இப் பொழுது நடைபெறும். வியாபாரம் சூடு பிடிக்கும். பயணங்கள் அதிகரிக்கும். அத்தியாவசியச் செலவுகள்மட்டுமின்றி ஆடம்பரச் செலவுகளையும் செய்ய முன்வருவீர்கள்.

அதே நேரத்தில் குரு சனி வீட்டிலும், சனி குரு வீட்டிலுமாக இருப்பதால் பரிவர்த்தனை யோகம் என்ற ஒரு யோகம் உண்டு. யோகங்களில் இது முதன்மையான யோகம் என்பதால் இக்காலத்தில் புதிய புதிய வாய்ப்புகளும் வந்து சேரும். குறிப்பாக தொழில் மாற்றுச் சிந்தனைகள் மேலோங்கும். அரசுவழி வேலைக்கு முயற்சி செய்தவர்களுக்கு அது கைகூடலாம்.

குறிப்பாக பத்தாமிடத்து குரு பதவி மாற்றம் தரும் என்பதால் இக்காலத்தில் இடமாற்றம், ஊர் மாற்றம், உத்தியோக மாற்றங்கள் கைகூடலாம். அந்நிய தேசத்திற்கான அழைப்பு ஒரு        சிலருக்கு வந்து சேரலாம். தொழில் புரிபவர்களுக்குப் பங்குதாரர்களை விலக்கிவிட்டுப் புதியவர்களைச் சேர்த்துக்கொள்ளும் நிர்ப்பந்தம் கூட உருவாகலாம்.

செல்வ வளம் தரும் சிறப்பு வழிபாடு!

இந்தக் குருப்பெயர்ச்சியின் விளைவாக இனிய பலன்கள் கிடைக்க நவகிரகத்தில் வீற்றிருந்து அருள்பாலிக்கும், குருவையும், வடக்கு நோக்கி வீற்றிருந்து வரம்தரும் பிள்ளையார்பட்டி கற்பக விநாயகரையும் வழிபட்டு வளர்ச்சியைக் கூட்டிக் கொள்ளுங்கள். பவுர்ணமி கிரிவலம் பலன்களை அதிகம் அள்ளித் தரும்.

குருவின் வக்ர காலம்!

13.5.2020 முதல் 9.9.2020 வரை தனுசு ராசியிலும், மகர ராசியிலுமாக வக்ரம் பெறுகின்றார். இக் காலத்தில் மனக்குழப்பம் அதிகரிக்கும். மாற்றுக் கருத்துடையோரின் எண்ணிக்கை உயரும். பணப் புழக்கம் குறையும். பக்கத்தில் இருப்பவர்களால் சிக்கல்கள் உருவாகலாம். எதையும் ஒரு முறைக்குப் பலமுறை யோசித்துச்செய்வது நல்லது. நிதானத்துடன் செயல்பட்டால் தான் நிம்மதி கிடைக்கும். மற்றவர்களுக்குப் பொறுப்பு சொல்வதைத் தவிர்க்க வேண்டிய நேரமிது. சேமிப்புகள் கரையலாம். திடீர் திருப்பங்கள் அதிகரிக்கும்.  மற்றவர்களை நம்பி ஒப்படைத்த பொறுப்புகள் மீண்டும் உங்களிடமே வந்து சேரும். விரயங்களிலிருந்து விடுபட விழிப்புணர்ச்சி தேவை. உறவினர் பகை ஏற்படாமல் பார்த்துக்கொள்ளுங்கள். இக்காலத்தில் முன்னோர் வழிபாட்டை முறையாகச் செய்வதோடு திசைமாறிய தென்முகக்கடவுளையும், நந்தியெம்பெருமானையும் வழிபட்டு வருவது நல்லது.

பெண்களுக்கான சிறப்பு பலன்கள்

மேஷ ராசியில் பிறந்த பெண்களுக்கு இந்தக் குருப் பெயர்ச்சி இனிய பெயர்ச்சியாக அமையப் போகின்றது. மங்கல நிகழ்ச்சிகள் மனையில் நடை பெறும். உடல் ஆரோக்கியம் சீராகும். கணவன்-மனைவிக்குள் கனிவும், பாசமும் கூடும். அணி மணிகளும், ஆடைகளும் அதிகம் சேரும். புனிதப் பயணங்களையும், உல்லாசப் பயணங்களையும் மேற்கொள்ளும் வாய்ப்பு உருவாகும். தாய், தந்தையரின் அன்பும், ஆதரவும் பெருகும்.  பிள்ளைகளின் எதிர்கால நலன் கருதி எடுத்த முயற்சிகளில் வெற்றி கிட்டும். பெண் பிள்ளை களின் திருமண முயற்சி மற்றும் வெளிநாடு சென்று மேற் படிப்பு படிக்க விரும்புபவர்களுக்காக எடுத்த முயற்சிகளிலும் அனு          கூலம் உண்டு. பணிபுரியும் பெண்களுக்கு பணிநிரந்தரம், அரசு வேலை, இலாகா மாற்றம், உத்தியோக உயர்வு, ஊதிய உயர்வுகள் எதிர்பார்த்தபடி கிடைக்கும். வியாழக்கிழமை விரதமிருந்து குருதட்சிணாமூர்த்தி வழிபாட்டையும், தெசா புத்திக்கேற்ற தெய்வ வழிபாடு களையும் மேற்கொண்டால் நாளும் நல்லதே நடக்கும்.