Rasi palan | Rahu Ketu Peyarchi Palangal 2019 | Kadagam Rasi palan

இடமாற்றம் பற்றிய இனிய தகவல் வந்து சேரும் நாள். விருந்தினர் வருகை உண்டு. பயணத்தில் பால்ய நண்பர் ஒருவரை சந்தித்து மகிழ்வீர்கள். வருமானம் போதுமானதாக இருக்கும். துணிந்து எடுத்த முடிவால் தொழிலில் வெற்றி கிட்டும்.

20.9.2019 முதல் 26.9.2019 வரை

உற்சாகத்துடன் காரியங்களைச் செய்யும் கடக ராசி அன்பர்களே!

உங்கள் பணிகளில் தீவிர அக்கறை செலுத்தி உயர் அதிகாரிகளின் நன்மதிப்பைப் பெற வேண்டியதிருக்கும். தொழில், வியாபாரத்தில் படிப்படியான முன்னேற்றத்தை காண்பீர்கள். என்றாலும் பணியாளர்களால் சில பிரச்சினைகள் ஏற் படக்கூடிய நிலை உண்டு. எனவே கவனத்துடன் செயல்படுவதும் அவசியம். மாணவர்கள் உற்சாகமிழக்கக் கூடும் என்பதால், அதற்கு இடம் கொடுக்காமல் பாடத்தில் கவனம் செலுத்துங்கள்.தொடர்ந்து முயற்சி செய்து வருவதன் மூலம் கலைஞர்கள் புதிய வாய்ப்புகள் சிலவற்றைப் பெறுவார்கள். சகக் கலைஞர் களுடன் சுமுகமான நட்புறவு தேவை. அரசியல்வாதிகள் மிகுந்த பரபரப்பும், குழப்பமுமாக இருந்துவருவார்கள்.
குடும்பத்தில் அமைதியான சூழ்நிலை நிலவிவரும். அவ்வப்போது சிறு சச்சரவுகளும் தோன்றலாம். அவற்றை பெண்களே தங்களின் பக்குவமான அணுகுமுறையால் நிவர்த்தி செய்து விடுவார்கள்.

பெண்களுக்கு ஆடை, ஆபரணச் சேர்க்கை உண்டு. பழைய நண்பர் ஒருவரை நீண்ட நாள் கழித்துச் சந்திப்பீர்கள். அரசு வழியிலான அனுகூலங்கள் சிலருக்கு அமையக்கூடும். வலுவான பயண அமைப்பு ஜாதகத்தில் அமையப் பெற்றவர்கள் வெளிநாட்டுப் பயண வாய்ப்பை பெறக்கூடும். பிற மொழி பேசும் ஒருவரின் ஆதரவு கிடைக்கும். சகோதர வழியில் செலவுகள் உண்டு. கோர்ட்டு வழக்குகள் சாதகமாக முடியும். பங்குச் சந்தையில் ஈடுபடுவோருக்கு எதிர்பாராத லாபம் உண்டாகும்.

இந்த வாரம் வியாழக்கிழமை நவக்கிரக சன்னிதியில் உள்ள குரு பகவானை வணங்கி வாருங்கள். உங்கள் இன்னல்கள் தீரும்.

2019-ம் ஆண்டு புத்தாண்டு பலன்கள்

1-1-2019 முதல் 31-12-2019 வரை

புனர்பூசம் 4-ம் பாதம், பூசம், ஆயில்யம் முடிய

(பெயரின் முதல் எழுத்துக்கள் : ஹி, ஹீ, ஹே, ஹோ, ட, டி, டே, டோ உள்ளவர்களுக்கு)

ஜென்ம ராகு செல்கிறது, நன்மைகள் தேடி வருகிறது!

எந்தக்காரியம் முடிய யாரை, எப்படி அணுகவேண்டும் என்ற நுணுக்கத்தை கற்று வைத்திருக்கும் கடக ராசி நேயர்களே!

பிறக்கப் போகும் புத்தாண்டு பெருமைக்குரிய ஆண்டாக உங்களுக்கு அமையப் போகின்றது. ஆண்டின் தொடக்கத்தில் குருவின் அருட்பார்வை முழுமையாக உங்கள் ராசியில் பதிகின்றது. எனவே பணப் புழக்கம் நன்றாக இருக்கும். ஜென்மத்தில் ராகுவும், 7-ல் கேதுவும் இருப்பதால் வருடத் தொடக்கத்தில் சில தடுமாற்றங்கள் ஏற்பட்டாலும் அதை சரிசெய்து கொள்ளும் மனப்பக்குவம் உண்டு. கணவன்-மனைவிக்குள் கருத்து வேறுபாடுகள் ஏற்படாமல் இருக்க ஒருவரையொருவர் புரிந்து கொண்டு செயல்படுவது நல்லது.

பிடிவாத குணம் உங்களுக்குப் பிறவியிலேயே உண்டு. கையை கடிக்கும் விவகாரங்களில் தலையிட மாட்டீர்கள்.

புத்தாண்டின் தொடக்க நிலை

புத்தாண்டின் தொடக்கத்தில் உங்கள் ராசியில் ராகு சஞ்சரிக்கின்றார். சப்தம ஸ்தானத்தில் கேது சஞ்சரிப்பதால் வீடு மாற்றங்களும், இட மாற்றங்களும் உங்களுக்கு எதிர்பார்த்தபடியே அமையும். பணிபுரியும் இடத்தில் பல நாட்களாக பிரச்சினையை உருவாக்கிய சக ஊழியர்கள் இப்பொழுது இடம்மாறிச் செல்வர். வெளிநாடு செல்பவர்களுக்கு வெளிநாட்டு யோகம் கை கூடும். வெளிநாட்டில் இருந்து சொந்த ஊர் வரவேண்டும் என்று நினைத்தவர்களுக்கு அதுவும் கைகூடும். தாயின் ஆரோக்கியம் சீராகும்.

5-ம் இடத்தில் குரு அமர்ந்து உங்கள் ராசியைப் பார்ப்பதால் மனக்கவலையும் தீரும். பணக்கவலையும் தீரும்.

குரு இருக்கும் இடம் புத்திர ஸ்தானம் என்பதால் பிள்ளைகள் வழியில் சுப காரியப்பேச்சுகள் கைகூடும். உத்தியோகம் கிடைக்காத பிள்ளைகளுக்கு உத்தியோகம் கிடைத்து மகிழ்வீர்கள். அதன்மூலம் உதிரி வருமானங்களும் பெருகி உங்கள் தேவைகளைப் படிப்படியாக பூர்த்தி செய்து கொள்வீர்கள். பூர்வீக சொத்துக்களில் இருந்த முறையான பங்கீடுகள் உங்களுக்கு கிடைக்கும். புத்தாண்டின் தொடக்கம் புதிய பாதையை அமைத்துக்கொடுக்கும்.

9-ம் இடத்தில் செவ்வாய் இருப்பது யோகம் தான். பரம்பரைச் சொத்துக்களால் நன்மை கிடைக்கும். முன்னோர்கள் கட்டி வைத்த முறையான ஆலயத் திருப்பணிகளை சீர்செய்ய வாய்ப்பு கைகூடிவரும். வாகனம் வாங்கும் யோகம் உண்டு.

6-ல் சூரியன், புதன், சனி ஆகிய மூன்று கிரகங்களும் சஞ்சரிக்கின்றன. மறைந்த புதன் நிறைந்த தன லாபத்தை கொடுக்கும். ஜென்ம ராகு, சப்தம கேது ஆதிக்கத்தால் ஏற்ற, இறக்கமான நிலை இல்லாமல், சீரான சிறப்பான நிலை அமைய, நாகசாந்திப் பரிகாரங்களை பிப்ரவரி 13-ந் தேதிக்குள் செய்வது நல்லது. செய்ய இயலாதவர்கள் ஏப்ரல் 13-ந்தேதிக்குள் முறையான வழிபாடுகளை மேற்கொள்வது நல்லது.

ராகு-கேது பெயர்ச்சிக்காலம்

புத்தாண்டின் தொடக்கத்தில் ஜென்மத்தில் ராகுவும், சப்தம ஸ்தானத்தில் கேதுவும் சஞ்சரிக்கின்றார்கள். பிப்ரவரி 13-ந் தேதி அவை பின்னோக்கிச் சென்று முன்னேற்றப் பாதையை கொடுக்கப் போகின்றது. அன்றைய தினம் 12-ம் இடத்தில் ராகு, 6-ம் இடத்தில் கேது சஞ்சரிக்கப் போகின்றார்கள். 12-ம் இடத்து ராகுவால் பயணங்

களில் பலன் கிடைக்கும்.

உத்தியோகத்தில் உள்ளவர்களுக்கு திடீர் இடமாற்றம், இலாகா மாற்றம், வெளிநாட்டு யோகம், அதிக சம்பளத்துடன் கூடிய வேலை வாய்ப்பு போன்றவைகள் தானாக வந்து சேரும். அலைச்சல் அதிகமாக உள்ள இந்த நேரத்தில் ஆதாயமும் அதிகமாக கிடைக்கும். புனித யாத்திரைகளும், புண்ணிய நதிகளில் நீராடும் யோகமும் உண்டு. வெளிவட்டாரப் பழக்க வழக்கம் மீண்டும் விரிவடையும். வீட்டிற்குத் தேவையான விலை உயர்ந்த அத்தியாவசியப் பொருட்கள் மற்றும் ஆடம்பரப் பொருட்களை வாங்கும் முயற்சிகளில் மனதைச் செலுத்துவீர்கள். மக்கள் செல்வங்கள் மணமாலை சூடும் வாய்ப்புக்கு உகந்த நேரமாக இந்த நேரம் அமைகின்றது.

6-ல் சஞ்சரிக்கும் கேதுவால் ஆரோக்கியப் பாதிப்புகள் ஏற்பட்டாலும், குரு வீட்டில் கேது சஞ்சரிப்பதால் அவை உடனுக்குடன் நிவர்த்தியாகும். அறுவை சிகிச்சையிலிருந்து தப்பித்துக்கொள்வீர்கள். அனுபவமிக்கவர்கள் மற்றும் ஆன்மிக குருவின் வழிகாட்டுதலின்படி வாழ்க்கையை வளமாக்கிக்கொள்ளலாம்.

உத்தியோகத்தில் உள்ளவர்கள் வி.ஆர்.எஸ். பெற்றுக்கொண்டு விருப்ப ஓய்வில் வெளிவந்து சுய தொழில் தொடங்கும் முயற்சியில் ஆர்வம் காட்டுவர். அதற்குப் பங்கு சேர பால்ய நண்பர்களோ, பழகிய நண்பர்களோ முன்வருவார்கள். பொருளாதாரப் பற்றாக்குறையைப் போக்கிக் கொள்ளவும், நிலையான வருமானத்திற்கு வழிவகுத்துக்கொள்ளவும் கிரகங்கள் சாதகமாக விளங்கும் நேரம்இது.

குருப்பெயர்ச்சிக் காலம்

ஆண்டின் தொடக்கம் முதல் உங்கள் ராசிக்கு 5-ம் இடத்தில் சஞ்சரித்து வந்த குரு பகவான், அக்டோபர் 28-ந் தேதி 6-ம் இடத்திற்கு செல்கின்றார். உங்கள் ராசிக்கு 6, 9 ஆகிய இடங்களுக்கு அதிபதியானவர் குருபகவான். 6-க்கு அதிபதி 6-ல் சஞ்சரிக்கும் பொழுது எதிர்பாராத சில நல்ல திருப்பங்கள் ஏற்படும். உறவினர்களால் ஏற்பட்ட பிரச்சினை அகலும். மாற்று வைத்தியத்தால் உடல்நலம் சீராகும். பெரிய மனிதர்களின் அபிமானத்திற்கு ஆளாவீர்கள். தொழில் வர்த்தகத் துறையில் மிகுந்த முன்னேற்றமும், பிரபலமாகும் யோகமும் கிடைக்கலாம். பூர்வீக சொத்துக்கள் சம்பந்தமாக உறவினர்கள் தொடுத்த வழக்கு சமரச நிலைக்கு வரலாம்.

குருவின் பார்வை குடும்ப ஸ்தானத்தில் பதிவதோடு தொழில் ஸ்தானத்திலும், பயண ஸ்தானத்திலும் பதிகின்றது. எனவே வெளிவட்டாரப் பழக்க வழக்கம் விரிவடையும். தெய்வப் பிரார்த்தனைகளை நிறைவேற்றும் பொருட்டு தல யாத்திரைகளை மேற்கொள்வீர்கள். மங்கல நிகழ்ச்சிகள் மனையில் நடைபெறுவதற்கான அறிகுறிகள் தோன்றும்.

வளமான எதிர்காலம் அமைய, வரும் வாய்ப்புகளை உபயோகப்படுத்திக்கொள்வீர்கள். உத்தியோகத்தில் பணி நிரந்தரம் பற்றிய தகவல் வந்து சேரும். ஒருசிலருக்கு மேலதிகாரிகளின் ஆதரவோடு நல்ல இடத்திற்கு இடமாறுதல் கிடைக்கும். வியாபாரத்தில் இருப்பவர்களுக்கு புதிய ஒப்பந்தங்கள் அடுக்கடுக்காக வந்து சேரும். அதே நேரத்தில் நல்ல பணியாளர்கள் உங்களை விட்டு விலகவும் நேரிடும். நவீன வாகனங்களை வாங்கி மகிழும் யோகம் உண்டு.

குருவின் அதிசாரமும், வக்ரமும்

ஆண்டின் தொடக்கத்தில் விருச்சிகத்தில் சஞ்சரிக்கும் குரு அதிசாரமாக மார்ச் 13-ந் தேதி தனுசு ராசிக்குச் செல்கின்றார். இடையில் வக்ரமாகவும் உலா வருகின்றார். அப்பொழுது எதிர்பாராத சில மாற்றங்கள் ஏற்படும். பணிபுரியும் இடத்தில் கவனமுடன் செயல்படுவது நல்லது.

உடலில் அடிக்கடி சோர்வு ஏற்படும். உயரதிகாரிகளின் நெருக்கடி நிலை அதிகரிக்கும். வீண் பழிகளுக்கு ஆளாகாமல் பார்த்துக்கொள்வது நல்லது. புதிய வேலை தேடுபவர்களுக்கு தகுதிக்கேற்ற பணி அமைவதில் தாமதம் உண்டாகலாம்.

கவனமுடன் செயல்பட வேண்டிய காலம்

7.5.2019 முதல் 24.6.2019 வரை சனி, செவ்வாய் பார்வை காலமாகும். இக்காலத்தில் மிதுனச் செவ்வாயை தனுசு சனி பார்க்கின்றது. இக்காலத்தில் விரயங்கள் கொஞ்சம் அதிகமாக இருக்கும். எடுக்கும் முயற்சிகள் கை நழுவிச் செல்லலாம். வாகனப் பழுது களால் கவலை ஏற்படும். ெவளிநாட்டுப் பயணம் வருவதற்கான அறிகுறிகள் தென்பட்டாலும் கடைசி நேரத்தில் அது கிடைக்காமல் போகலாம். உத்தியோகத்தில் சக பணியாளர்களால் தொல்லை உண்டு. நீண்ட தூரப் பயணங்களை யோசித்து ஏற்றுக்கொள்வது நல்லது.

5.6.2019 முதல் 29.6.2019 வரை ரிஷப சுக்ரனை, விருச்சிக குரு பார்க்கின்றார். இக்காலத்தில் பிள்ளைகள் வழியில் சுபகாரியப் பேச்சுகள் கைகூடலாம். தேர்வில் முதலிடம் பெற்று பிள்ளைகள் உங்களுக்கு பெருமை சேர்க்கலாம். பெற்றோர் வழியில் உங்களுக்கு ஆதரவு கூடுதலாகக் கிடைக்கும். பிரபலஸ்தர்கள் உங்கள் முன்னேற்றத்திற்கு உறுதுணையாக விளங்குவர். நண்பர்கள் நம்பிக்கைக்குரிய விதம் நடந்து கொள்வர். நகை வாங்குவதில் நாட்டம் செலுத்துவீர்கள். அடகுவைத்த நகைகளை மீட்டுக்கொண்டு வந்து அணிந்து அழகு பார்க்கும் வாய்ப்பும் கிடைக்கும்.

வளர்ச்சி தரும் வழிபாடு

அமாவாசை தோறும் முன்னோர் வழிபாட்டையும், பவுர்ணமி தோறும் கிரிவல வழிபாட்டையும் மேற்கொள்வது நல்லது. வைத்தீஸ்வரன் கோவில் சென்று பஞ்ச அர்ச்சனைகள் செய்து வழிபட்டு வந்தால் நெஞ்சம் மகிழும் வாழ்க்கை அமையும்.

சனியின் வக்ர காலம்

8.5.2019 முதல் 3.9.2019 வரை தனுசு ராசியில் பூராடம் நட்சத்திரக் காலில் சனி வக்ரம் பெறுகின்றார். இக்காலத்தில் நன்மை, தீமை இரண்டும் கலந்தே நடைபெறும். உங்கள் ராசிக்கு 7, 8 ஆகிய இடங்களுக்கு அதிபதியானவர் சனி பகவான். அஷ்டமாதிபதி வக்ரம் பெறுவது நன்மைதான், என்றாலும் சப்தமாதிபதியும் அல்லவா வக்ரம் பெறுகின்றார். எனவே வாழ்க்கைத்துணை வழியே அடிக்கடி பிரச்சினைகள் வந்து அலைமோதும். விட்டுக்கொடுத்துச் செல்வது நல்லது. மேலும் ஒருசிலர் பணியின் காரணமாக வெவ்வேறு இடங்களில் பிரிந்திருக்கவும் நேரிடலாம்.

பெண்களுக்கான சிறப்புப் பலன்கள்

கடக ராசியில் பிறந்த பெண்களுக்கு இந்தப் புத்தாண்டு பிப்ரவரி மாதத்திற்கு பிறகு பிரச்சினைகளிலிருந்து விடுபடும் ஆண்டாக அமையப்போகின்றது. வருடத்தொடக்கத்தில் ஜென்மத்தில் சஞ்சரிக்கும் ராகு பின்னோக்கிச் சென்று முன்னேற்றமான வாழ்க்கையை அமைத்துக்கொடுக்கப் போகின்றது. மேலும் குரு பார்வையாலும், குடும்ப முன்னேற்றம் கூடுதலாகவே இருக்கும். கணவன்- மனைவிக்குள் அன்னியோன்யம் அதிகரிக்கும். ஆடம்பரப் பொருட்களையும், ஆபரணங்களையும் வாங்கி அணிந்து அழகு பார்ப்பீர்கள். பிள்ளைகளின் மங்கல நிகழ்ச்சிகள் குறிப்பிட்டபடி நடைபெறும். கொடுக்கல்-வாங்கல்கள் ஒழுங்காகும். தாய்வழி ஆதரவும், சகோதர வழி ஒத்துழைப்பும் கிடைக்கும். குருப் பெயர்ச்சிக்குப் பிறகு உடன்பிறப்புகளின் குணத்தில் மாற்றங்கள் ஏற்படலாம். உத்தியோக முயற்சியில் ஈடுபட்டிருப்பவர்களுக்கு நல்ல பணி கிடைக்கும். பணிபுரிபவர்களுக்கு சம்பள உயர்வும், சந்தோஷமான தகவல்களும் வந்து சேரும். இனிய பலன்கள் நடைபெற சர்ப்ப சாந்திப் பரிகாரங்களைச் செய்வதோடு குலதெய்வப் பிரார்த்தனைகளையும் நிறைவேற்றுவது நல்லது.

விகாரி வருட ராசிபலன்கள்

14.4.2019 முதல் 13.4.2020 வரை

(புனர்பூசம் 4-ம் பாதம், பூசம், ஆயில்யம் முடிய)

(பெயரின் முதல் எழுத்துக்கள் : ஹி, ஹீ, ஹே, ஹோ, ட, டி, டே, டோ உள்ளவர்களுக்கு)

விபரீத ராஜயோகம் வீடுதேடி வருகிறது!

கடக ராசி நேயர்களே,

விகாரி வருடம் பிறக்கும் பொழுது உங்கள் ராசியிலேயே பிறக்கின்றது. உங்கள் ராசிநாதன் சந்திரனுக்கு 6-ம் இடத்தில் குரு, சனி, கேது ஆகிய முப்பெரும் கிரகங்களும் சஞ்சரிக்கின்றன. சனி பகவான் உங்கள் ராசிக்கு 7, 8 ஆகிய இடங்களுக்கு அதிபதியாவார். அஷ்டமாதிபதியாக விளங்கும் சனி பகவான் 6-ல் சஞ்சரிக்கும் பொழுது 6-க்கு அதிபதியான குருவும் இணைந்திருப்பதால் வருடத் தொடக்கத்திலேயே விபரீத ராஜயோகம் செயல்படப் போகின்றது. இல்லம் நோக்கி இனிய செய்திகள் வந்து கொண்டேயிருக்கும்.

12-க்கு அதிபதியான புதனும் நீச்சம் பெறுகின்றார். எனவே பணவரவிற்கு பஞ்சமிருக்காது. எதை எந்த நேரத்தில் எப்படிச் செய்யவேண்டுமென்று விரும்புகின்றீர்களோ, அதை அந்த நேரத்தில் அப்படியே செய்து முடிக்கும் அளவற்ற ஆற்றலும் உங்களுக்கு பிறக்கும். சென்ற ஆண்டு வருமானத்தைக் காட்டிலும் இந்த ஆண்டு வருமானம் கூடுதலாக கிடைக்கும். உத்தியோக ஸ்தானத்தில் வீற்றிருக்கும் சனியால் ஜீவன ஸ்தானம் பலப்படுகின்றது. எனவே வியாபாரத்தை விருத்தி செய்ய சந்தர்ப்பங்கள் கைகூடிவரும்.

குரு பகவான் 9-ம் இடத்திற்கும், 6-ம் இடத்திற்கும் அதிபதியாவார். எதிரிகளின் தொல்லை அதிகரித்தாலும் கூட உங்களைப் பார்த்தால் அவர்கள் சரணடைந்து விடுவர். தன்னிச்சையாக நீங்கள் எடுத்த சில முடிவுகள் உங்களுக்கு எதிர்ப்புகளை உருவாக்கும். இருப்பினும் சமூகத்தில் உயர்ந்த அந்தஸ்து பெற்றவர்களின் நட்பால் பகையை நட்பாக்கிக் கொள்ளப்பாடுபடுவீர்கள். சென்ற ஆண்டில் தலைக்கு மேல் இருந்த கடன் சுமை இப்பொழுது படிப்படியாகக் குறையும். வீடு கட்டுவதற்கோ, அல்லது தொழிலை விரிவு செய்யவோ, நீங்கள் கடன் வாங்கியிருந்தால் அது இப்பொழுது வட்டியுடன் சேர்ந்து பெரியளவில் விஸ்வரூபமெடுத்துக் காட்சி தரலாம். ஏதேனும் ஒரு முன்னோர் சொத்துக்களை விற்று, அதில் வரும் லாபத்தைக்கொண்டு கடனைத் திருப்பிச் செலுத்தி நிம்மதிப்பெருமூச்சு விடும் வாய்ப்பும் ஒருசிலருக்கு உண்டு.

தனுசு குருவின் சஞ்சாரம்

(14.4.2019 முதல் 17.5.2019 வரையிலும் மீண்டும் 28.10.2019 முதல் 13.4.2020 வரையிலும்)

இக்காலத்தில் குருவினுடைய பார்வை உங்கள் ராசிக்கு 2, 10, 12 ஆகிய இடங்களில் பதிகின்றது. வாக்கு, தனம், குடும்பம், தொழில், கர்மம், செயல், எதிர்கால முன்னேற்றம், வாகன யோகம், வெளிநாட்டுப் பயணம், இடமாற்றம், அரசபதவி, பிள்ளைகளின் முன்னேற்றம், சுபவிரயங்கள், அரசுவழிச்சலுகைகள் போன்றவைகளை அறிந்து கொள்ளும் இடத்தில் எல்லாம் குருவின் பார்வை பதிகின்றது. அது யோகம்தான்.

குரு இருக்குமிடத்தைக் காட்டிலும், பார்க்குமிடத்திற்குத் தான் பலன் அதிகம். எப்படிப்பட்ட கடுமையான சூழ்நிலையாக இருந்தாலும், பற்றாக்குறை பட்ஜெட்டால் அவதிப்பட்டாலும் குருவின் பார்வை பலம் இருந்தால் அதிலிருந்து விடுபடும் வாய்ப்புத் தானாக வந்து சேரும். கல்யாணமானாலும் சரி, கடைதிறப்பு விழாவாக இருந்தாலும் சரி, எல்லாவற்றிற்கும் குருபகவான் தான் பச்சைக்கொடி காட்ட வேண்டும். அந்த குரு பகவான் இப்பொழுது உங்கள் ராசிக்கு 2-ம் இடமான குடும்ப ஸ்தானத்தை 9-ம் பார்வையாகப் பார்ப்பதால் ஒளிமயமான எதிர் காலத்திற்கு உத்திரவாதம் கிடைக்கப்போகின்றது. படிப்படியாக முன்னேற்றம் வந்து சேரும்.

குருவின் பார்வை பலத்தால் பல நன்மைகள் வந்து சேரப்போகின்றது. இல்லத்திற்குத் தேவையான விலை உயர்ந்த பொருட்களை வாங்கி மகிழ்வீர்கள். கல்யாண வயது வந்த பிள்ளைகள் இருந்தால் அவர்களுக்கு திருமணத்தை பேசிமுடித்து மங்கல ஓசை மனையில்கேட்க வழிவகுத்துக் கொள்வீர்கள். தங்கம், வெள்ளி, ஆடை, ஆபரணங்கள் வாங்குவதில் தனிக்கவனம் செலுத்துவீர்கள். பல இடங்களிலிருந்து வரன்கள் வந்து பரிசீலனை செய்து பார்த்ததில் எதுவும் பொருந்தவில்லையே என்று ஏக்கத்தோடு இருந்தவர்களுக்கு ஆக்கப் பூர்வமான தகவல் இப்பொழுது வரப்போகின்றது.

10-ம் இடத்தைக் குரு பார்ப்பதால் முத்தான தொழிலும் வாய்க்கும், முன்னேற்றமும் அதிகரிக்கும் என்பது ஜோதிட நியதி. அந்த அடிப்படையில் பார்க்கும் பொழுது 10-ம் இடத்தில் குருவின் பார்வை பதிவதால் இதுவரை தொழில் அமையவில்லையே என்று கவலைப்பட்டவர்களுக்கு புதிய தொழில் அமையும். கூட்டாளிகள் வந்திணைந்து பொருளாதாரத்தைப் பெருக்கிக் கொடுக்க முன்வருவர். கேட்ட உதவிகள் வங்கிகளிலும், வள்ளல்களிடமும் கிடைக்கும்.

அரசுப்பணிக்கு முயற்சித்தவர் களுக்கு அரசாங்க வேலை கிடைப்பதற்கான அறிகுறிகள் தோன்றும். கர்ம ஸ்தானம் என 10-ம் இடம் கருதப்படுவதால் பெற்றோர்களின் உடல் நலத்தில் கவனம் தேவை. பெற்றோர்களின் உடல் நலத்தில் ஏதேனும் சிறு தொல்லைகள் ஏற்பட்டாலும் அது பெரியளவில் வளர்ச்சியடைய விடாமல் ஆரம்பத்திலேயே மருத்துவ ஆலோசனை களைப் பெறுவது நல்லது.

குருவின் பார்வை 12-ம் இடத்தில் பதிவதால் இடமாற்றம், ஊர்மாற்றம் கேட்காமலேயே ஒருசிலருக்கு கிடைக்கும். பாகப்பிரிவினைகள் சுமுகமாக முடியும். இதுவரை தங்கள் கருத்துக் களுக்கு ஒத்துவராத சகோதரர்கள் இப்பொழுது ஒத்து வருவர். தந்தை வழியில் மட்டுமல்லாமல் தாங்கள் வாங்கிய சொத்துக்களிலேயே இருந்த வில்லங்கங்கள் இப்பொழுது விலகும்.

உத்தியோகத்தில் உள்ளவர் களுக்கு சகபணியாளர்கள் வெளிநாடு சென்றது போல் தாங்கள் செல்ல முடியவில்லையே என்ற கவலை இனி மாறும். வெளிநாட்டிலிருந்து கேட்ட சம்பளம் கொடுப்பதாகச் சொல்லி இப்பொழுது அழைப்புகள் வந்து சேரலாம். வாகன மாற்றம் செய்ய உகந்த நேரமிது.

விருச்சிக குருவின் சஞ்சாரம்

(18.5.2019 முதல் 28.10.2019 வரை)

இக்காலத்தில் குரு பகவான் வக்ர இயக்கத்தில் சஞ்சரிக்கின்றார். குறிப்பாக 7.8.2019 வரை வக்ர இயக்கத்திலும் பிறகு வக்ர நிவர்த்தியாகி விருச்சிகத்திற்குள்ளேயே உலா வருகின்றார். உங்கள் ராசிக்கு 5-ம் இடத்தில் குரு பகவான் சஞ்சரிக்கும் பொழுது 1, 9, 11 ஆகிய இடங்களில் பதிகின்றது. எனவே உடல்நலம் சீராகி உற்சாகப்படுத்தும். உள்ளத்தில் இருந்த கலக்கம் அகலும். தெள்ளத்தெளிவாக சிந்தித்து முடிவெடுப்பீர்கள். பணத்தேவைகள் உடனுக்குடன் பூர்த்தியாகும்.

அரசியல் மற்றும் பொதுநலத்தில் இருப்பவர்களுக்கு அதிக நன்மைகள் கிடைக்கும். மக்கள் செல்வாக்கு மேலோங்கும். கொடுத்த வாக்குறுதி களைக் காப்பாற்றுவீர்கள். பெயர், புகழ் உயரக்கூடிய நேரமிது. தொழிலில் பெரிய அளவு முதலீடு செய்து லாபம் சம்பாதிப்பதில் அக்கரை காட்டுவீர்கள். பழைய பங்குதாரர்களை விலக்கிவிட்டுப் புதிய பங்குதாரர்களை இணைத்துக் கொள்ள முன்வருவீர்கள்.

உத்தியோகத்தில் இருந்த கெடுபிடிகள் அகலும். இதுவரை உங்கள் கருத்துக்களுக்கு ஒத்துவராத மேலதிகாரிகளின் இப்பொழுது குணம் மாறுவர். நீங்கள் கேட்ட சலுகைகளை கேட்ட மாத்திரத்திலேயே கொடுப்பர். அசதி, அவநம்பிக்கை அனைத்தும் விலகும். தந்தை வழியில் ஏற்பட்ட தகராறுகள், பங்காளிப் பகை மாறும். சொத்துக்கள் வாங்க, விற்க உகந்த நேரமிது.

சனியின் சஞ்சார நிலை

ஆண்டு முழுவதும் சனி பகவான் 6-ம் இடத்தில் சஞ்சரிக்கின்றார். 8.5.2019 முதல் 3.9.2019 வரை தனுசு ராசியிலேயே வக்ரம் பெறுகின்றார். 6-ம் இடத்தில் சஞ்சரிக்கும் சனியின் பார்வை 3, 8, 12 ஆகிய இடங்களில் பதிகின்றது. எனவே சகோதர வர்க்கத்தினர்களின் மனமாற்றங்கள் ஏற்படலாம். உங்களோடு ஒத்துவராத சகோதரர்கள் இப்பொழுது ஒத்துவருவர். இழப்புகளை ஈடுசெய்ய தொழில் ரீதியாக புதிய ஒப்பந்தங்கள் வந்து சேரும். வெளிநாட்டில் தங்கிப் பணி புரிய வேண்டுமென்று விரும்பியவர் களுக்கு அங்கு தங்குவதற்கான உரிமம் இதுவரை கிடைக்காதிருந்தால் இப்பொழுது அது கிடைக்கும். பார்த்தவர் வியக்குமளவு வீடு கட்டும் யோகம் உண்டு. உடன்பிறப்புகளின் இல்லத் திருமண விழாக்களை முன்நின்று நடத்திவைப்பீர்கள். சனியின் வக்ர காலத்தில் வாழ்க்கைத் துணையோடு பிரச்சினைகள் ஏற்படாதிருக்க சுய ஜாதக அடிப்படையில் பரிகாரங் களைச் செய்து கொள்வது நல்லது.

ராகு-கேதுக்களின் சஞ்சாரம்

உங்கள் ராசிக்கு 12-ம் இடத்தில் ராகுவும், 6-ம் இடத்தில் கேதுவும் வருடம் முழுவதும் சஞ்சரிக்கின்றார்கள். இதன் விளைவாக வியாபாரத்தில் சில புதிய மாற்றங்களை செய்ய முன்வருவீர்கள். உலுக்கியெடுத்த பிரச்சினைகள் ஒவ்வொன்றாக மாறும். வெளிநாட்டிலிருந்து வியக்கும் தகவல் வந்து சேரும். வியாபாரம் தொழிலில் புதியவர்கள் வந்திணைவர். எதிரிகளின் பலம் கொஞ்சம் கூடுதலாக இருக்கும். நண்பர்களை நம்பி மிகப்பெரிய பொறுப்புகளை ஒப்படைக்க வேண்டாம்.

சனி-செவ்வாய் பார்வைக்காலம்

(14.4.2019 முதல் 23.6.2019 வரை)

இக்காலத்தில் கொஞ்சம் விழிப்புணர்ச்சியோடு செயல்படுவது நல்லது. எதைச் செய்தாலும் குடும்பப் பெரியவர்களை கலந்து ஆலோசித்துச் செய்வது நன்மை தரும். நிதானம், பொறுமை ஆகியவற்றை அதிகம் கடைப்பிடிக்க வேண்டிய நேரமிது. வாங்கிய சொத்துக்களை விற்பதும், அதற்கு இணையான சொத்துக்களை வாங்குவதும் வாடிக்கையாகும்.

பெண்களுக்கான சிறப்புப் பலன்கள்

கடக ராசியில் பிறந்த பெண்களுக்கு ஆண்டின் தொடக்கத்தில் சந்திரபலம் நன்றாக இருப்பதால் தெளிந்த சிந்தனையோடு செயல்படுவீர்கள். பிறந்த வீட்டிற்கும், புகுந்த வீட்டிற்கும் பெருமை சேர்க்கும் விதத்தில் நடந்துகொள்வீர்கள். மூன்றாம் நபரால் ஏற்பட்ட முன்னேற்றத் தடைகள் அகலும். வரவு செலவுகள் திருப்தி தரும். கணவன் மனைவிக்குள் நெருக்கம் அதிகரிக்கும். தொழிலில் உங்கள் பெயரை இணைத்துக்கொள்ள குடும்ப உறுப்பினர்கள் சம்மதிப்பர். பெற்றோர்களின் ஆரோக்கியத்தில் கவனம் தேவை. தாய் மற்றும் சகோதர வர்க்கத்தினர் உங்கள் குணமறிந்து நடந்து கொள்வர். பணிபுரியும் பெண்களுக்கு மேலதிகாரிகளின் அனுகூலத்தோடு உயர் பதவிகள் கிடைக்கும். இடம் வாங்கும் யோகம் உண்டு. சங்கிலித் தொடர்போல வந்த கடன்சுமை இனி குறையும். குருப்பெயர்ச்சிக்குப் பிறகு குடும்பத்தில் கல்யாண வாய்ப்புகள் கைகூடும். பவுர்ணமி வழிபாடும், நரசிம்மர் வழிபாடும் பலன்களை அள்ளித்தரும்.

வருடம் முழுவதும் வசந்த காலமாக வழிபாடு

திங்கட்கிழமை தோறும் தையல் நாயகி பதிகம் படித்து, வைத்தீஸ்வரர் - தையல்நாயகி வழிபாட்டையும் மேற்கொள்ளுங்கள். பவுர்ணமி தோறும் மலை வலம் வருவதன் மூலம் மகத்துவம் கிடைக்கும்.

19-12-2017 முதல் 28-03-2020 வரை

புனர்பூசம் 4-ம் பாதம், பூசம், ஆயில்யம் வரை.

(பெயரின் முதல் எழுத்துக்கள்: ஹி, ஹீ, ஹே, ஹோ, ட, டி, டே, டோ உள்ளவர்களுக்கும்)

ஆறாமிடத்தில் சனி ஆதரவு கூடும் இனி!

பிரச்சினைகளைத் தீர்த்து வைக்க பெரிதும் ஆர்வம் காட்டும் கடக ராசி நேயர்களே!

சந்திக்கும் நண்பர்களை எல்லாம் சிந்திக்க வைக்கும் விதத்தில் பழகும் உங்களுக்கு இதுவரை 5-ம் இடத்தில் சஞ்சரித்து வந்த சனி பகவான் இப்பொழுது 6-ம் இடத்திற்கு வருகின்றார்.

உங்கள் ராசிக்கு 7, 8 ஆகிய இடங்களுக்கு அதிபதியானவர் சனி பகவான். ஜாதகத்தில் 6, 8, 12 ஆகிய மூன்று இடங்களும் மறைவிடங்களாகக் கருதப்படுபவை. அந்த மறைவிடங்களுக்கு அதிபதி மறைவிடத்திலேயே சஞ்சரிக்கும் பொழுது மிகுந்த நற்பலன்களைக் கொடுக்கும் என்பார்கள்.

அந்த அடிப்படையில் பார்க்கும் பொழுது எட்டுக்கு அதிபதியான சனி பகவான் இப்பொழுது 6-ம் இடத்தில் சஞ்சரிக்கின்றார். எனவே அற்புதமான பலன்களை அள்ளி வழங்கப்போகின்றார். பணம் பல வழிகளிலும் வந்து பையை நிரப்பும். கனவுகள் நனவாகும் நேரமிது. தொழில் வளர்ச்சியில் தொல்லை தந்தவர்கள் விலகுவர். உத்தியோகத்தில் உங்களுக்கு இனி நல்ல வாய்ப்புகள் வந்து சேரப் போகின்றன.

இதுபோன்ற நேரங்களில் சனி பகவான் மேலும் நன்மைகளைச் செய்ய ஒவ்வொரு சனிக்கிழமையும் விரதம்இருந்து சனி பகவானுக்கு எள் தீபம் ஏற்றி வழிபடுவது நல்லது. ஆதியந்தப் பிரபு வழிபாட்டை மேற்கொள்வதன் மூலமும் நீங்கள் ஆனந்தமான வாழ்க்கையை அமைத்துக்கொள்ள இயலும். தேனி அருகில் உள்ள குச்சானூர் சனி பகவான் ஆலயத்திற்குச் சென்று ஈஸ்வரனின் அருளைப் பெற்று வருவது நல்லது.

அதிர்ஷ்டம் தருமா ஆறாமிடத்துச் சனி?

மிகப்பெரிய கிரகமான சனி பகவான் உங்கள் ராசிக்கு 8, 9-ம் இடங் களுக்கு அதிபதியாவார். 8-ம் இடம் என்பது இழப்புகள், விரயங்களைக் கொடுக்கும் இடமாகும். 9-ம் இடம் என்பது பிதுர்ரார்ஜித ஸ்தானமாகும். அந்த இரண்டு இடங்களுக்கும் அதிபதியாக விளங்கும் சனிபகவான் 6-ம் இடத்தில் சஞ்சரிக்கும் பொழுது ‘கெட்டவன் கெட்டிடின் கிட்டிடும் ராஜயோகம்’ என்பதற்கு ஏற்ப ராஜயோகத்தை வழங்குவார்.

ஆறிலே சனிதான் வந்து

ஆட்சியை நடத்தும் நேரம்

பாரிலே புகழைப் பெற்றோர்

பலருமே பழக்கம் ஆவார்!

ஆர்வமாய் சனியைத்தொழுதால்

ஆதாயம் நமக்குச் சேரும்!

போராடும் உள்ளம்மாறிப்

பொருள் வளம் அதிகரிக்கும்!

என்று ஜோதிட சாஸ்திரம் சொல்கின்றது.

ஆறாமிடம் என்பது எதிர்ப்பு, வியாதி, கடன் ஆகியவற்றைக் கொடுக்கும் இடமாகும். அந்த இடத்தில் சனி பகவான் சஞ்சரிக்கும் பொழுது மறைமுக எதிர்ப்பு கள் மாறும். பகை பாராட்டிய உறவினர்கள் பாசம் காட்ட முன்வருவர். நகை, தோட்டம் என்று வாங்கிச் சேர்ப்பீர்கள்.

உடல் ஆரோக்கியத் தொல்லை அகலும். சஞ்சரிக்கும் சனியால் சிறுசிறு பாதிப்புகள் ஏற்பட்டாலும் அஷ்டமாதிபதியாகி 6-ம் இடத்தில் இருப்பதால் எளிதில் குணமாகிவிடும். ரத்த அழுத்தம், நரம்பு சம்பந்தப்பட்ட நோய்கள் ஏற்பட்டவர்கள் ஆரம்பத்திலேயே மருத்துவ சிகிச்சைகளை மேற்கொள்வது நல்லது.

உத்தியோகத்தில் சிறப்பான முன்னேற்றம் கிடைக்கும். பலமுறை நேர்முகத் தேர்வுக்குச் சென்றும் பலன் கிடைக்கவில்லையே என்று ஏங்கியவர்களுக்கு இப்பொழுது வேலை கிடைப்பதற்கான நல்ல தகவல் வந்து சேரும். அலுவலகங்களில் எதிர்பார்த்த சலுகைகள் கிடைக்கும். வாகனம் வாங்க, வீடுகட்ட எதிர்பார்த்த கடனுதவி கிடைக்கும். உத்தியோகத்தில் நீண்ட நாட்களாக வராமலிருந்த பதவி உயர்வும், ஊதிய உயர்வும் வரலாம். படிப்பிற்கேற்ற வேலை கிடைக்கவில்லையே, இருக்கும் வேலையிலும் தொல்லைகள் அதிகரிக்கிறதே, விருப்ப ஓய்வில் வெளிவரவும் முடியவில்லையே என்றெல்லாம் கவலைப்பட்டவர்களுக்கும், பணி நிரந்தரம் பற்றிய தகவல் பரிசீலனையில் இருப்பவர்களுக்கும், இக்காலத்தில் எதிர்பார்ப்புகள் நடைபெறும்.

மந்தன் பார்வையால் ஏற்படும் மகத்தான பலன்கள்!

சனி பகவான் 6-ம் இடத்தில் சஞ்சரிக்கும் பொழுது, அதன் பார்வை 3, 8, 12 ஆகிய இடங்களில் பதிகின்றது. எந்த கிரகங்களுக்கும் பார்வை பலன் உண்டு. அதே நேரத்தில் சனியின் பார்வைக்கும், குருவின் பார்வைக்கும் பலன் அதிகம். நமக்கு யோகம் தரும் கிரகமாக இருந்து பார்த்தால் நல்ல பலன் அதிகம் கிடைக்கும். நமக்கு தோஷம் தரும் கிரகமாக இருந்து பார்த்தால் பொருளாதாரப் பற்றாக் குறையும், மன நிம்மதியிழப்பும் உருவாகும். அந்த அடிப்படையில் சனி 3-ம் இடத்தைப் பார்ப்பதால் சகோதர வர்க்கத்தினருக்குள் இருந்த சச்சரவுகள் அகலும். உடன்பிறப்புகள் உங்கள் குணமறிந்து நடந்து கொள்வர். சகோதரிகளுக்கு காலாகாலத்தில் கல்யாணம் நடைபெறவில்லையே என்ற கவலை இனி அகலும்.

சனியின் பார்வை 8-ம் இடத்தில் பதிவதால் ஆரோக்கியத் தொல்லை அதிகரிக்கலாம். ஆகாரத்தில் கட்டுப்பாடு செலுத்தி ஆரோக்கியத்தைச் சீராக்கிக் கொள்ளுங்கள். ஏதேனும் சிறு தொல்லைகள் வந்தால் மருத்துவ ஆலோசனைகளைப் பெறுவது நல்லது. இந்த நேரத்தில் விபரீத ராஜயோகம் செயல்படுவதால் மூடிக்கிடந்த தொழிலுக்கு இனி திறப்பு விழா நடத்துவீர்கள். முக்கிய நபர்களின் ஒத்துழைப்போடு கடன் சுமையை குறைத் துக் கொள்வீர்கள். நீண்டதூரப் பயணங்கள் செல்லப்போட்ட திட்டம் நிறைவேறும். உடன்பணிபுரிபவர்கள் எல்லாம் அமெரிக்கா, லண்டன் என்று சென்று கொண்டிருக்கிறார்களே, நம்மை மட்டும் ஏன் இன்னும் அனுப்பவில்லை என்று கேள்விக்கணை தொடுத்தவர்கள் இப்பொழுது சந்தோஷத்தோடு வெளிநாடு செல்லும் வாய்ப்பு கைகூடப்போகின்றது.

சனியின் பார்வை 12-ம் இடத்தில் பதிவதால் திடீர் திடீரெனப் பயணங்கள் உருவாகும். பிறருக்கு பொறுப்பு சொல்லி வாங்கிக் கொடுத்த தொகை வந்து சேரும். புண்ணிய காரியங்களுக்கு பொருளுதவி செய்வீர்கள். முன்னோர்கள் கட்டி வைத்த கோவிலைப் பராமரித்து புதுப்பிக்கும் முயற்சியில் ஆர்வம் காட்டுவீர்கள்.

தோட்டம் வாங்கி பயிரிட்டு வரவைப் பெருக்கிக் கொள்ளும் வாய்ப்பு ஒருசிலருக்கு உண்டு. சுயஜாதகத்தில் செவ்வாய் பலம்பெற்றிருந்தால் பூமி யோகம் கிட்டும். தொழில் நிலையம் நடத்துபவர்கள் வாடகை வீட்டை விலைக்கு வாங்கும் யோகம் உருவாகும். அலுவலகம், கடை போன்றவைகளை சொந்த இடத்தில் வைத்துக் கொள்ள ஆசைப்படுவர். புதிய வாகனங்கள் வாங்கி பயணிக்க வேண்டுமென்று ஆர்வம் கொண்டவர்கள் இப்பொழுது புதிய வாகனங்கள் வாங்கும் வாய்ப்பு கைகூடிவரலாம்.

குதூகலம் தரும் குருப்பெயர்ச்சிக் காலம்!

4.10.2018-ல் விருச்சிக ராசியில் குரு சஞ்சரிக்கப் போகின்றார். அதன்பிறகு 28.10.2019-ல் தனுசு ராசிக்கு குரு செல்கின்றார்.

விருச்சிக ராசியில் குரு சஞ்சரிக்கும் பொழுது உங்கள் ராசியில் அவரது பார்வை பதிகின்றது. அது மட்டுமல்ல 9, 11 ஆகிய இடங்களிலும் அவரது பார்வை பதிகின்றது. எனவே உடல் ஆரோக்கியம் சீராகும். உள்ளத்தில் உற்சாகமும், தெம்பும் கொடிகட்டிப் பறக்கும். பொருளாதார நிலையில் மிகப்பெரிய முன்னேற்றம் ஏற்படும். பெற்றோர் வழி ஆதரவு கிடைக்கும். தொழிலில் கூடுதல் லாபம் கிடைக்கும். பணி ஓய்விற்குப் பிறகும் மீண்டும் பணிபுரிய வாய்ப்புக் கூடிவரும்.

தனுசு ராசியில் குரு சஞ்சரிக்கும் பொழுது, இல்லத்தில் சுபகாரிய நிகழ்வுகள் கைகூடும். கல்யாண மாலை சூடும் வாய்ப்பும், வீடு, இடம், வாங்கும் யோகமும், வெளிநாடு செல்லும் யோகமும் உருவாகலாம். புதிய தொழில் தொடங்கும் முயற்சி கை கூடும். தொழிலில், பங்குதாரர்களை விலக்கி விட்டுத் தனித்து இயங்கும் வாய்ப்பும் உருவாகலாம்.

ராகு-கேது பெயர்ச்சிக் காலம்!

13.2.2019-ல் மிதுன ராசியில் ராகுவும், தனுசு ராசியில் கேதுவும் சஞ்சரிக்கப் போகிறார்கள். 12-ம் இடத்தில் ராகு சஞ்சரிக்கப் போவது யோகம் தான். பயணங்களால் பலன் கிடைக்கும். பணிகளிலிருந்த தொய்வு நிலை அகலும்.

மறைந்த ராகுவால் நிறைந்த தன லாபம் உண்டு. புனிதப் பயணங்கள் அதிகரிக்கும். புகழ்மிக்கவர்கள் உங்களுக்குப் பின்னணியாக இருந்து சில காரியங்களை முடித்துக் கொடுப்பர்.

கேது பலத்தால் உத்தியோக மாற்றங்கள் உறுதியாகலாம். அரசு வேலை கிடைப்பதற்கான அறிகுறிகள் தென்படும். ஆடை, ஆபரண சேர்க்கை உண்டு. அழகான வீடுகட்டிக் குடியேறும் யோகம் உருவாகும்.

மங்கையருக்கான மகத்தான பலன்கள்!

கடக ராசியில் பிறந்த பெண்களுக்கு சனிப்பெயர்ச்சி சந்தோஷங்களை வழங்கும் பெயர்ச்சியாகவே இருக்கிறது. குடும்ப வருமானமும் கூடுதலாகவே கிடைக்கும். குடியிருக்கும் வீட்டை விலைக்கு வாங்கும் யோகமும் ஒருசிலருக்கு உண்டு. திருமணம் கைகூடும். பரிகாரங்கள் செய்வதன் மூலம் குழந்தை பாக்கியம் கிட்டும். புகுந்த வீட்டில் மதிப்பும், மரியாதையும் உயரும். சேமிப்புகளால் கணிசமான தொகை உங்கள் கைகளில் புரளும். கணவன்-மனைவிக்குள் அன்பும், பாசமும் கூடும். தாய்வழி ஒத்துழைப்பு உண்டு. சனிப் பெயர்ச்சியின் தொடக்கத்தில் ஜென்ம ராகு, 9-ல் கேது இருப்பதால் யோகபலம் பெற்ற நாளில் சர்ப்ப சாந்திப் பரிகாரங்களைச் செய்தால் நினைத்தது நிறை வேறும்.

தொட்ட காரியங்களில் வெற்றி பெற வழிபாடு!

வெள்ளிக்கிழமை தோறும் சிவாலயத்திற்கு சென்று விநாயகப் பெருமானையும், சனிக்கிழமை தோறும் அனுமனையும் வழிபட்டு வாருங்கள். ஆதியந்த பிரபு வழிபாடும் உங்களுக்கு அனுகூலம் தரும். சிறப்பு வழிபாடாக சிவகங்கை மாவட்டம் கீழச்சிவல்பட்டி அருகிலுள்ள இரணியூரில் வீற்றிருந்து அருள் வழங்கும் ஆட்கொண்ட நாதர் சிவபுரந்தேவியை வழிபட்டு அனைத்து யோகங்களையும் வரவழைத்துக் கொள்ளுங்கள்.

சனியின் வக்ர காலம்!

25.4.2018 முதல் 21.8.2018 வரை மூல நட்சத்திரக் காலில் சனி வக்ரம் பெறுகின்றார். 8.5.2019 முதல் 3.9.2019 வரை மீண்டும் பூராட நட்சத்திரக் காலில் சனி வக்ரம் பெறுகின்றார்.

இதுபோன்ற வக்ர காலங்களில் உங்களுக்கு வளர்ச்சி கூடுதலாகவே இருக்கும். அஷ்டமாதிபதி வக்ரம் பெறுவதால் எதிர்பாராத நல்ல திருப்பங்கள் ஏற்படும். அதே நேரத்தில் 7-க்கு அதிபதியாகவும் சனி இருப்பதால் வாழ்க்கைத் துணை வழியே பிரச்சினைகள் ஏற்படலாம். குடும்ப உறுப்பினர்கள் உங்கள் குணமறிந்து நடந்து கொள்ள மறுப்பர். பிள்ளைகளாலும், பிரச்சினைகள் வரலாம். மாமன், மைத்துனர் வழியிலும் மனக்கசப்பு ஏற்படும். வாங்கிய இடத்தை விற்கும் சூழ்நிலையால் கவலை கொள்வீர்கள். மகிழ்ச்சி குறையாமலிருக்க மற்றவர்களை அனுசரித்துச் செல்வது நல்லது.

13.2.2019 முதல் 31.8.2020 வரை

புனர்பூசம், 4-ம் பாதம், பூசம், ஆயில்யம்

(பெயரின் முதல் எழுத்துக்கள்: ஹி, ஹீ, ஹே, ஹோ, ட, டி, டே, டோ உள்ளவர்களுக்கும்)

சுப விரயங்களை அதிகரிக்கும்

பன்னிரண்டாம் இடத்து ராகு

ராகு-கேதுக்கள் உங்கள் ராசியில் இருந்து விலகி, பன்னிரண்டாம் இடத்திலும், ஆறாம் இடத்திலும் சஞ்சரிக்கப் போகின்றன. 12-ம் இடத்தில் ராகுவும், 6-ம் இடத்தில் கேதுவும் அமரப்போகிறார்கள். ஜென்மத்தை விட்டுப் பாம்புக் கிரகங்கள் விலகும் பொழுது, நற்பலன்களை வழங்க உங்கள் சுய ஜாதகத்திற்கு அனு கூலம் தரும் தலங்களில் நாகசாந்திப் பரிகாரங்களை யோகபலம் பெற்ற நாளில் செய்து கொள்ளுங்கள்.

இன்னும் 1½ ஆண்டுகளுக்கு ராகு பகவான், புனர்பூசம் நட்சத்திரக் காலில் குரு சாரத்திலும், பிறகு திருவாதிரை நட்சத்திரக் காலில் சுய சாரத்திலும், மிருகசீரிஷ நட்சத்திரக் காலில் செவ்வாய் சாரத்திலும் சஞ்சரிப்பார். அதே போல கேதுபகவான் உத்ராடம் நட்சத்திரக் காலில் சூரிய சாரத்திலும், பூராடம் நட்சத்திரக் காலில் சுக்ர சாரத்திலும், மூலம் நட்சத்திரக் காலில் சுய சாரத்திலுமாக சஞ்சரிப்பார்.

இந்த நட்சத்திரப் பாதசார அடிப்படையிலும், குருப்பெயர்ச்சி மற்றும் குருவின் அதிசார காலம், சனியின் வக்ர காலத்திற்கு ஏற்பவும், சுய ஜாதகத்தின் திசாபுத்தி அடிப்படையிலும் உங்களுக்குரிய பலன்கள் நடைபெறும்.

பலன் தரும் 12-ம் இடத்து ராகு!

அக்கறை செலுத்த வைக்கும் 6-ம் இடத்து கேது!

கடந்த 1½ ஆண்டு காலமாக உங்கள் ராசியிலேயே சஞ்சரித்து சர்ப்ப தோஷத்தை உருவாக்கிய ராகு, 12-ம் இடத்திற்குச் சென்று பலவிதங்களில் நன்மையை வழங்கப் போகிறார். உலுக்கி எடுத்த பிரச்சினைகள் ஒவ்வொன்றாகத் தீரும். உள்ளத்தில் தெளிவு பிறக்கும். வாழ்க்கையில் ஆச்சரி மூட்டும் நல்ல மாற்றங்கள் உருவாகும். இல்லத்தில் தடைபட்டு வந்த சுபகாரியங்கள் துரிதமாக நடைபெறும். இடமாற்றம், ஊர் மாற்றம், வீடு மாற்றங்கள் எதிர்பார்த்தபடி வந்து சேரும். வியாபாரம், தொழிலில் ஏற்பட்ட பிரச்சினைகள் அகலும். புதிய தொழில் தொடங்கும் முயற்சியில் ஆர்வம் காட்டுவீர்கள். வெளிநாட்டு வாய்ப்புகள் அனுகூலம் தரும். ஏற்றுமதி, இறக்குமதி வணிகம் செய்வதில் ஈடுபாடு காட்டினால் யோகம் உண்டு. உத்தியோகத்தில் உள்ளவர் களுக்கு வெளிநாட்டில் பணிபுரிய வேண்டும் என்ற ஆசை நிறைவேறலாம்.

6-ம் இடம் என்பது எதிர்ப்பு, வியாதி, கடன் என்பதைக் குறிக்கும். அந்த இடத்திற்கு கேது வரும்பொழுது எதிரிகளின் பலம் கொஞ்சம் கூடும். உறவினர்களும், உடனிருப்பவர்களும் பகையாகலாம். அன்பும் அரவணைப்பும் தான் உங்களின் ஆயுதம். 6-ம் இடத்து கேதுவால் ஆரோக்கிய பாதிப்பு அடிக்கடி ஏற்படும். அதே நேரத்தில் கேது இருப்பது குரு வீடு என்பதால் பெரிய பாதிப்பு இருக்காது. அலைச்சலை குறைத்துக் கொள்ளுங்கள். நண்பர்களை நம்பி மிகப்பெரிய பொறுப்புகளை ஒப்படைக்க வேண்டாம். செலவுகள் கரையத்தான் செய்யும்.

இன்னும் ஒரு மாதத்தில், அதாவது 13.3.2019 முதல் 17.5.2019 வரையிலான காலகட்டத்தில், குரு அதிசார பலம் பெற்றுத் தனுசு ராசிக்கு வருகிறார். அதன் பார்வை 12-ம் இடத்தில் பதிகிறது. அப்பொழுது சுபவிரயங்கள் அதிகரிக்கும். நீங்கள் கண்ட கனவுகள் எல்லாம் நனவாகும். நிகழ்காலத் தேவைகள் பூர்த்தியாகும். இடமாற்றங்களும், ஊர் மாற்றங்களும், நாடு மாற்றங்களும் ஏற்பட்டு, தடம் மாறிச் சென்ற வாழ்க்கைப் பாதையை சரியாக அமைத்துக் கொடுக்கும்.

குரு சாரத்தில் ராகு சஞ்சாரம்

(13.2.2019 முதல் 19.8.2019 வரை)

புனர்பூசம் நட்சத்திரக் காலில் குரு சாரத்தில் ராகு சஞ்சரிக்கும் பொழுது, நல்ல மாற்றங்களும், ஏற்றங்களும் உங்களுக்கு வந்து சேரும். குறிப்பாக செய்தொழிலில் புதிய வேகத்துடனும், உற்சாகத்துடனும் செயல்பட்டு லாபத்தை குவிப்பீர்கள். கடன் பாக்கிகள் வந்து சேரும். பூர்வீக சொத்துக்களில் இருந்த வில்லங்கங்கள் விலகும். சொத்துக்களை விற்பதன் மூலம் வரும் லாபத்தை தொழிலுக்கு மூலதனமாக்குவீர்கள். ஸ்தல யாத்திரைகளை குடும்பத்துடன் மேற்கொள்ள வாய்ப்பு உருவாகும். சிதலமடைந்த கோவிலுக்கு திருப்பணி செய்ய முன்வருவீர்கள். பெற்றோர்களின் பாசமழையில் நனையும் வாய்ப்பு உண்டு.

சுய சாரத்தில் ராகு சஞ்சாரம்

(20.8.2019 முதல் 27.4.2020 வரை)

திருவாதிரை நட்சத்திரக் காலில் சுய சாரத்தில் ராகு சஞ்சரிக்கும் பொழுது, அலைச்சல் அதிகரிக்கும். வெளிநாடு செல்லும் திட்டம் நிறைவேறும். உழைப்பிற்கேற்ற பலன் கிடைக்கும். வியாபாரப் போட்டிகள் அகலும். தூரத்தில் இருக்கும் பிள்ளைகளுடன் சேர்ந்து வாழும் வாய்ப்பு சிலருக்கு கிடைக்கும். புதிய நண்பர்கள் அறிமுகமாவர். பொதுநலத்தில் உள்ளவர்களுக்கு புதிய பொறுப்புகள் வரலாம். அரசு வழிச் சலுகைகள் உண்டு. மனப் போராட்டங்கள் அகல மாற்று இனத்தவர்கள் உறுதுணையாக இருப்பர். இல்லத்தில் சுப நிகழ்வுகள் ஒன்றன்பின் ஒன்றாக நடைபெறும் சூழல் உருவாகும்.

செவ்வாய் சாரத்தில் ராகு சஞ்சாரம்

(28.4.2020 முதல் 31.8.2020 வரை)

மிருகசீரிஷம் நட்சத்திரக் காலில் செவ்வாய் சாரத்தில் ராகு சஞ்சரிக்கும் பொழுது, மாற்றங்களும் ஏற்றங்களும் வந்து சேரும். செவ்வாய் உங்கள் ராசிக்கு, 5,10 ஆகிய இடங்களுக்கு அதிபதியானவர். அவரது சாரத்தில் ராகு வரும்பொழுது, பூர்வ புண்ணியத்தால் கிடைக்க வேண்டிய பலன்கள் அனைத்தும் கிடைக்கும். பாகப்பிரிவினைகள் சுமுகமாகும். பங்காளிப் பகை மாறும். கிளைத்தொழில் தொடங்கும் வாய்ப்புகளும், அதற்கான உதவிகளும் கிடைக்கும். ஆற்றல் மிக்கவர்கள் உங்களுக்கு பக்கபலமாக இருப்பார்கள்.

சூரிய சாரத்தில் கேது சஞ்சாரம்

(13.2.2019 முதல் 16.4.2019 வரை)

உத்ராடம் நட்சத்திரக் காலில் சூரிய சாரத்தில் கேது சஞ்சரிக்கும் பொழுது, அற்புதமான பலன்களை வழங்குவார். உங்கள் ராசிக்கு 2-ம் இடமான தன ஸ்தானத்திற்கு அதிபதி சூரியன். கேதுவுக்கு சூரியன் பகை கிரகமாக இருந்தாலும் கூட, தனாதிபதியின் சாரத்தில் சஞ்சரிக்கும் பொழுது, பொருளாதாரத்தில் மிகுந்த முன்னேற்றம் ஏற்படும். புகழ்மிக்கவர்கள் உங்களுக்கு பின்னணியாக இருந்து, பல காரியங்களை முடித்துக் கொடுப்பர். பாகப்பிரிவினை சுமுகமாகும். பிள்ளை களின் எதிர்கால நலன்கருதி எடுத்த விஷயங்கள் நல்ல முறையில் முடியும். சுபகாரியப் பேச்சுகள் கை கூடும்.

சுக்ர சாரத்தில் கேது சஞ்சாரம்

(17.4.2019 முதல் 23.12.2019 வரை)

பூராடம் நட்சத்திரக் காலில் சுக்ர சாரத்தில் கேது சஞ்சரிக்கும் பொழுது, பயணங்கள் அதிகரிக்கும். சில நல்ல வாய்ப்புகள் வந்து சேரும். வெளிநாட்டில் உள்ள மாற்று இனத்தவர்களின் ஒத்துழைப்போடு தொழிலில் முன்னேற்றம் காண்பீர்கள். பங்காளிப் பகை மாறும். சொத்துப் பிரச்சினை சுமுகமாகும். நோயின் தாக்கம் குறைந்து உற்சாகத்துடன் பணிபுரிவீர்கள். பொன், பொருள் வாங்கிச் சேர்க்கும் யோகம் உண்டு. வீடுகட்டுவது தொடர்பான திட்டங்கள் வெற்றியாகும். உறவினர்களின் மனக்கசப்பு மாறும். கலைத்துறையில் பிரகாசிக்க நினைப்பவர்களுக்கு, இது சிறப்பான நேரமாகும்.

சுய சாரத்தில் கேது சஞ்சாரம்

(24.12.2019 முதல் 31.8.2020 வரை)

மூலம் நட்சத்திரக் காலில் தன சுய சாரத்தில் கேது சஞ்சரிக்கும் பொழுது, கூடுதல் கவனத்துடன் இருப்பது நல்லது. ஆரோக்கியத்தில் அதிக அக்கறை காட்ட வேண்டும். அலைச்சலைக் குறைத்துக் கொள்வதோடு, ஆகாரத்தில் கட்டுப்பாடு செலுத்தினால் தான் திருப்தியான வாழ்க்கை நடத்த இயலும். வியாபாரப் போட்டி அதிகரிக்கும். கூட்டாளிகளை நம்ப இயலாது. சுபகாரியப் பேச்சுகளில் இருந்த தடை அகலும். குடும்பத்தில் பிரச்சினை வராமல் பார்த்துக் கொள்ளுங்கள். உத்தியோகத்தில் உள்ளவர்கள் மேலதிகாரிகளை அனுசரித்துச் செல்லுங்கள்.

வழிபாடு

12-ம் இடத்து ராகுவால் நற்பலன்கள் நடக்கவும், 6-ம் இடத்து கேதுவால் சீரான வாழ்க்கை அமையவும், பவுர்ணமி தோறும் கிரிவலம் வருவது நல்லது. பிரதோஷ நாளில் நந்தியை வழிபடுவதும் சிறப்பான பலன் தரும்.

கவனம் தேவைப்படும் காலம்

ராகு-கேது பெயர்ச்சி வந்து விட்டது. இதுவரை மகரத்தில் இருந்த கேது தனுசு ராசிக்கு வருகிறார். அங்கு சனியோடு இணைகிறார். அப்படி இருவரும் இணைந்து சஞ்சரிக்கும் போது, 8.5.2019 முதல் 3.9.2019 வரையான காலகட்டத்தில் சனி பகவான் வக்ரம் பெறுகிறார். இக்காலத்தில் உங்களிடம் எதிர்மறையான சிந்தனைகள் அதிகரிக்கும். எதையும் திட்வட்டவமாக முடிவெடுக்க இயலாது. நன்றாக பழகி வந்த உறவினர்கள் கூட பகையாக மாறும் வாய்ப்பு உருவாகும். ஆதரவு கொடுப்பதாகச் சொன்னவர்கள், கடைசி நேரத்தில் உதவ முடியாது என்று கையை விரித்து விடுவார்கள். இந்த காலத்தில் உங்களுக்கு தன்னம்பிக்கையும், துணிவும் தான் அதிகம் தேவை. அதோடு குலதெய்வ வழிபாட்டையும், கூடுதலாக பிற தெய்வங்களின் வழிபாட்டையும் செய்து வந்தால், நலமுடன் வாழ வழி பிறக்கும்.

பெண்களுக்கான பலன்கள்

ராகு-கேது பெயர்ச்சியால், எடுத்த முயற்சியில் வெற்றி கிடைக்கும். எதிர்பாராது வரும் இடமாற்றங்கள் நன்மை தருவதாக அமையும். உத்தியோகத்தில் மேலதிகாரிகளின் ஆதரவு கிடைக்கா விட்டாலும், எதிர்பார்த்த சலுகைகள் வந்து சேரும். குருவின் அதிசார காலத்தில் குடும்பத்தில் சுப காரியங்கள் நடைபெறும். வீடுகட்டும் யோகம் அல்லது வீடு வாங்கும் யோகம் உண்டு. கணவன் - மனைவிக்குள் ஒற்றுமை பலப்படும். தங்கம், வெள்ளி போன்ற விலை உயர்ந்த பொருட்களை வாங்கி மகிழ்வீர்கள். இதுவரை கொடிகட்டிப் பறந்த குடும்பப் பிரச்சினைகள் படிப்படியாக அகலும். பணவரவு திருப்தியாகும். தாய்வழி ஆதரவும், சகோதர ஒற்றுமையும் திருப்தி தரும். ஆனால் அதற்கு, ராகு-கேது பெயர்ச்சியான 2 மாதத்திற்குள் உங்களுக்கு யோகபலம் பெற்ற நாளில் அனுகூலம் தரும் ஸ்தலத்தில் சர்ப்ப சாந்திப் பரிகாரங்களைச் செய்ய வேண்டியது அவசியம்.

4-10-2018 முதல் 28-10-2019 வரை

புனர்பூசம் 4–ம் பாதம், பூசம், ஆயில்யம் வரை.

(பெயரின் முதல் எழுத்துக்கள்: ஹி, ஹீ, ஹே, ஹோ, ட, டி, டே, டோ உள்ளவர்களுக்கும்)

பஞ்சம ஸ்தானத்தில் குரு பார்வை! நெஞ்சம் மகிழும் வாழ்வமையும்!

வார்த்தைகளால் பிறரை வசப் படுத்தும் ஆற்றலைப் பெற்ற கடக ராசி நேயர்களே!

சிந்திக்கும் ஆற்றலை வரவழைத்துக் கொடுக்கும் சந்திரனின் ஆதிக்கம் பெற்ற ராசியைக் கொண்டவர்கள் நீங்கள். அறிவுப்பூர்வமாக எதையும் சிந்தித்து செயல் படுத்துவீர்கள். மூளை பலம் உங்களுக்கு அதிகமாகவே இருக்கும். கற்பனைத்திறன் பெற்ற நீங்கள் மற்றவர்களுக்கு அற்புத ஆலோசனைகளை வழங்குவீர்கள். தெய்வபலமும் உங்களுக்கு கைகொடுக்கும். தன்னம்பிக்கையும் உங்களுக்கு உறு துணையாக இருக்கும். சந்தேகம் உங்களுக்கு உடன்பிறப்பைப் போல் இருந்தாலும் மற்றவர்களை நம்பிச் சில பொறுப்புகளை ஒப்படைக்க எளிதாக உங்கள் மனம் இடம்தராது. சந்தர்ப்பங்களை சாதகமாக மாற்றிக்கொள்ள வேண்டுமென்று சொல்பவர்கள் நீங்கள்.

உங்கள் வாசல் தேடி வருகிறது குருப்பெயர்ச்சி. புரட்டாசி 18 முதல் வசந்தகாலம் வரப்போகின்றது. இதுவரை அசதியிலிருந்த நீங்கள் இனி வசதியோடு வாழ வழிபிறக்கும். 4–ம் இடத்தில் கடந்த ஓராண்டாக சஞ் சரித்து வந்த குரு பகவான் அர்த்தாஷ்டம குரு என்ற நிலையிலிருந்து மாறி இப்பொழுது பஞ்சம ஸ்தானத்தில் அடியெடுத்து வைப்பதால் மிஞ்சும் பலன்கள் உங்களுக்கு வரப்போகின்றது. அஞ்சிய நிலை மாறும். அடுக் கடுக்காக நல்ல பலன்கள் வந்து சேரும்.

புரட்டாசி 18–ல் குரு பகவான் தன்னுடைய நட்சத்திரக் காலில் வியாழக் கிழமை அன்று பெயர்ச்சியாவதால் மிகுந்த பலம் பெற்றவராக விளங்குகின்றார். அவரது பார்வைக்கும் மிகுந்த பலன் உண்டு. சமுதாயத்தில் நல்ல அந்தஸ்த்தை வழங்குவார். வேலை நிரந்தரமாகும். வீடு கட்டும் யோகம் முதல் வெற்றிக்கொடி பறக்கும் யோகம் வரை, குரு பகவான் உங்களுக்கு நன்மைகளை கொடுப்பார்.

விருச்சிக குருவின் சஞ்சாரம்!

விருச்சிக ராசியில் சஞ்சரிக்கும் குருபகவான் 4.10.2018 முதல் 28.10.2019 வரை பஞ்சம ஸ்தானத்தில் வீற்றிருந்து பல வழிகளிலும் உங்களுக்கு நன்மைகளை வாரி வழங்கப் போகிறார். இடையில் 13.3.2019–ல் தனுசு ராசிக்கு அதிசாரமாகச் செல்கின்றார். பிறகு 10.4.2019–ல் தனுசு ராசியிலேயே வக்ரம் பெறுகின்றார்.

மீண்டும் 19.5.2019–ல் விருச்சிக ராசியில் சஞ்சரித்து வக்ர கதியிலேயே இருக்கின்றார். 7.8.2019–ல் விருச்சிக குரு வக்ர நிவர்த்தியாகின்றார். 28.10.2019–ல் தனுசு ராசிக்கு முறையாகச் செல்கின்றார்.

குருப்பெயர்ச்சியின் போது 1, 9, 11 ஆகிய இடங்களைப் பார்க்கின்றார். எனவே அஷ்டலட்சுமி கடாட்சம் உங்கள் இல்லத்திற்கு வரப்போகின்றது. மனக்கலக்கம் அகலும். பணப்புழக்கம் அதிகரிக்கும்.

குரு பார்வை தரும் பலன்கள்!

குருப்பெயர்ச்சி காலத்தில் குரு பகவான் பெயர்ச்சியானவுடன் உங்கள் ராசியைப் பார்க்கின்றது. “ஐந்திலே குரு தான் வந்தால் அனைத்திலும் வெற்றி கிட்டும், வையகம் போற்றும் வாழ்வும் வளமுடன் வந்துசேரும்” என்பது முன்னோர் வாக்கு. எனவே ஜென்மத்தைக் குரு பார்க்கும்பொழுது முன்னேற்றத்தின் முதல்படிக்குச் செல்ல வாய்ப்புகள் கைகூடிவரும். தொழில் சீராக நடைபெறும். தொல்லை தந்த எதிரிகள் விலகிச் செல்வார்கள். நல்லவர்களோடு நட்பு கிட்டும். கடந்த சில மாதங்களாக நடைபெறாமல் இருந்த கட்டிடப் பணி முதல் மற்ற பணிகள் அனைத்தும் விறுவிறுப்பாக நடைபெறும் நேரமிது. குறிப்பாக பாயில் படுத்தவர்கள் கூட பம்பரமாகப் பணியாற்றும் நேரமிது.

“ஒன்பதைக் குருதான் பார்த்தால் உன்னத நிலைதான் வாய்க்கும்” என்பார். இதன் விளைவாக தந்தை வழி ஆதரவு கிடைக்கும். பொன், பொருள் சேர்க்கை அதிகரிக்கும். மண், மனை வாங்கும் யோகமும் உண்டு. மங்கல நிகழ்ச்சிகள் உங்களுக்கும் நடைபெறலாம், உங்கள் உடன்பிறப்புகளுக்கும் நடைபெறலாம். பூர்வீக சொத்துப் பிரச்சினை அகலும். என்றைக்கோ வாங்கிப் போட்ட சொத்தை இப்பொழுது விற்பதன் மூலம் பெரிய தொகை ஒன்று கைக்கு கிடைக்கும். வெளி மாநிலம் அல்லது வெளிநாடு செல்லப் போட்ட திட்டம் நிறைவேறும்.

“பதினொன்றை குருதான் பார்த்தால் பணத்தேவை பூர்த்தியாகும்” என்று ஜோதிட சாஸ்திரம் சொல்கின்றது. எனவே பொருளாதார மேம்பாடு அதிகரிக்கும் நேரமிது. கடன் சுமை குறையப் புதிய வழி பிறக்கும். பழைய தொழிலைக் கொடுத்து விட்டுப் புதிய தொழில் தொடங்கும் முயற்சியில் ஆர்வம் காட்டுவீர்கள்.

உத்தியோகத்தில் உள்ளவர் களுக்கு இதுவரை தாமதப்பட்டுவந்த பதவி உயர்வு இப்பொழுது தானாக வந்து சேரும். அன்னிய தேசம் சென்று சம்பாதிக்க வேண்டும் என்று எண்ணியவர்களுக்கு வாய்ப்புகள் கைகூடி வரும். புண்ணிய காரியங்களுக்கு செலவிடுவீர்கள். விலகிச்சென்ற சொந்தங்கள் விரும்பி வந்திணைவர்.

உங்கள் ராசிக்கு 6–ம் இடத்தில் கேதுவும், சனியும் இணையும் நேரத்தில் கொஞ்சம் கூடுதல் கவனம் தேவை. உறவினர் பகை உருவாகலாம். ஊர் மாற்றங்கள், இட மாற்றங்கள் தானாக வந்து சேரும். பிறருக்கு நன்மை செய்தால் கூட தீமையாக தெரியலாம். எதிரிகளின் தொல்லை மேலோங்கும். உத்தியோகத்தில் சக பணியாளர்களின் ஒத்துழைப்பு குறையலாம். திசாபுத்தி பலம் இழந்தவர்களுக்கு பணி நிரந்தரமாகவில்லையே என்ற கவலை மேலோங்கும். அரசியல் மற்றும் பொதுநலத்தில் உள்ளவர்களுக்கு திடீரெனப் பொறுப்பு கள் மாற்றப்படலாம்.

குருவின் பாதசார பலன்கள்!

குரு, பெயர்ச்சியாகும் பொழுது தனது சுய சாரத்தில் சஞ்சரிக்கின்றார். எனவே வெற்றிக்கனியை எட்டிப்பிடிக்கும் நேரமிது. எதிர்பார்த்த பணவரவுகள் வந்து இடையூறுகளை அகற்றும். பிள்ளைகளின் கல்யாணக் கனவு களை நனவாக்குவீர்கள். மேற்படிப்பு படிக்க வெளிநாடு செல்ல வேண்டும்என்று விரும்பிய பிள்ளைகளுக்கு அதற்குரிய கடமைகளைச் செய்து கொடுப்பீர்கள். கட்டிடப்பணியில் இருந்த தொய்வு அகலும்.

21.10.2018 முதல் 19.12.2018 வரை அனு‌ஷ நட்சத்திரக்காலில் குரு சஞ் சரிக்கின்றார். சனி சாரத்தில் குரு பகவான் சஞ்சரிக்கும் பொழுது எந்தக் காரியத்தையும் உங்கள் மேற்பார்வையில் வைத்துக்கொள்வது நல்லது. நண்பர்கள் நம்பிக்கைக்குரிய விதம் நடந்துகொள்ள மாட்டார்கள். பிறரிடம் ஒப்படைத்த பொறுப்புகள் மீண்டும் உங்களிடமே திரும்பி வரலாம்.

பிறஇனத்தாரின் ஒத்துழைப்போடு தொழில் முன்னேற்றம் காண்பீர்கள். பழைய பங்குதாரர்கள் விலகலாம். கணவன்–மனைவிக்குள் ஒற்றுமை குறையலாம். உறவில் விரிசல் ஏற்படாமல் பார்த்துக்கொள்வது நல்லது.

20.12.2018 முதல் 12.3.2019 வரை மற்றும் 18.5.2019 முதல் 27.10.2019 வரை கேட்டை நட்சத்திரக்காலில் குரு பகவான் சஞ்சரிக்கின்றார். புதன் காலில் குரு சஞ்சரிக்கும் பொழுது புதிய திருப்பங்கள் பலவும் உருவாகும். பயணத்தால் பலன் கிடைக்கும். பாகப்பிரிவினைகளில் இருந்த சிக்கல்கள் அகலும். நீதிமன்ற வழக்குகள் சாதகமாக முடியும். புதிய வாகனங்கள் வாங்க வேண்டுமென்ற ஆவல் நிறைவேறும். கருத்து வேறுபாடுகளோடு இருந்த நண்பர்கள் இப்பொழுது பகை மறந்து பணிபுரிய வருவர்.

13.3.2019 முதல் 17.5.2019 வரை மூலம் நட்சத்திரக் காலில் குரு பகவான் சஞ்சரிக்கின்றார். கேது சாரத்தில் குரு பகவான் சஞ்சரித்து தனுசு ராசிக்குள் பிரவேசிக்கின்றார். அதன் பார்வை 2, 10, 12 ஆகிய இடங்களில் பதிகின்றது. எனவே உடல்நலனில் கொஞ்சம் அக்கறை காட்டுவது நல்லது. புதிய வாகனம் வாங்கும் முயற்சி கைகூடும். அரசுப்பணிபுரிபவர்கள் தங்கள் பணியில் கொஞ்சம் விழிப்புணர்ச்சியோடு இருக்க வேண்டும். விரயங்கள் அதிகரிக்கும். வம்பு வழக்குகள் வாயில் தேடி வராமலிருக்க முன் எச்சரிக்கையோடு இருப்பது நல்லது.

குருவின் வக்ர காலம்!

இந்தக் குருப்பெயர்ச்சிக் காலத்தில் விருச்சிக ராசியிலும், தனுசு ராசியிலும் குரு வக்ரம் பெறுகின்றார். இந்த வக்ர காலத்தில் அடுக்கடுக்காக பிரச்சினைகள் வந்து சேரலாம். அருகில் இருப்பவர்கள் வீண் பழிகள் சுமத்தலாம். கோபத்தைக் குறைத்துக்கொண்டு செயல்படுவது நல்லது. குழப்பங்களில் இருந்து விடுபட, சான்றோர்கள் மற்றும் அருளாளர்களின் ஆலோசனை கைகொடுக்கும். கொள்கைப் பிடிப்பைக் கொஞ்சம் தளர்த்திக் கொள்வது நல்லது. வியாபார விரோதங்களை வளர்த்துக்கொள்ள வேண்டாம். பிள்ளைகளை உங்கள் மேற்பார்வையில் வைத்துக்கொள்வதன் மூலம் பிரச்சினைகள் குறையும்.

செல்வ வளம் தரும் சிறப்பு வழிபாடு!

உங்கள் ராசிநாதன் சந்திரன் என்பதால் திங்கள் தோறும் தெற்கு நோக்கிய அம்பிகையை வழிபாடு செய்வதோடு சதுர்த்தி விரதம்இருந்து விநாயகரையும் வழிபடவும். புதுக்கோட்டை மாவட்டம் பில்லமங்கலத்தில் உள்ள மகிஷாசுரமர்த்தினியின் அவதாரமான பொன்னழகியம்மனை வழிபட்டு எந்த நாளையும் இனிய நாளாக அமைத்துக்கொள்ளுங்கள்.

பெண்களுக்கான சிறப்புப் பலன்கள்!

கடக ராசியில் பிறந்த பெண்களுக்கு, இந்த குருப்பெயர்ச்சி நன்மை தரும் விதத்திலேயே அமையும். கல்ய£ணக் கனவு நனவாகும். பிறந்த வீட்டிலும், புகுந்த வீட்டிலும் பெருமை கூடும். கணவன்–மனைவிக்குள் உறவு பலப்படும். பிணக்குகள் அகன்று இணக்கம் ஏற்படும். பழைய நகைகளைக் கொடுத்துவிட்டுப் பதிய நகைகளை வாங்கும்யோகம் உண்டு. பிள்ளைகளின் கல்வி முன்னேற்றமும், கல்யாண வாய்ப்பும் எதிர்பார்த்தபடியே அமையும். விலகிச்சென்ற சொந்தங்கள் விரும்பி வந்து சேருவர். கரைந்த சேமிப்புகளை ஈடுகட்டும் விதத்தில் சேமிப்பை உயர்த்தினாலும் சுபவிரயங்கள் அதிகரிக்க நேரிடும். சொத்துக்கள் உங்கள் பெயரில் வாங்கும் யோகம் உண்டு. தாய்வழி ஆதரவும், சகோதர வழி ஒத்துழைப்பும் சீராகவே இருக்கும். பணிபுரியும் பெண்களுக்கு ராகு–கேது பெயர்ச்சி காலத்தில் பணி மாற்றங்களும் ஏற் படலாம். மேலதிகாரிகளை அனுசரித்துக் கொள்வது நல்லது. அம்பிகை வழிபாடும், குரு வழிபாடும் செய்வதோடு ராகு–கேதுக்களுக்குரிய சிறப்புப் பரிகாரங்களை செய்தால் செல்வ நிலையும் உயரும். செயல்பாட்டிலும் வெற்றி கிடைக்கும்.