விலையுயர்ந்த பொருட்களை வாங்கி மகிழும் நாள். சுணங்கிய காரியம் சுறுசுறுப் பாக நடைபெறும். பணக் கவலை தீரும். பக்கபலமாக இருப்பவர்கள் உங்களுக்கு நல்ல தகவலைக் கொண்டு வந்து சேர்ப்பர்.    

24-1-2020 முதல் 30-1-2020 வரை

தெளிவான சிந்தனை கொண்ட மகர ராசி அன்பர்களே!

கொடுக்கல், வாங்கலில் ஈடுபட்டுள்ளவர்கள் கவனமாக இருக்க வேண்டிய தருணம் இது. கஷ்டமான சூழ்நிலைகளை நீங்கள் திறமையாக சமாளிப்பீர்கள். சில ஆன்மிகப் பணிகளை முன்னின்று நடத்துவீர்கள். விலை உயர்ந்த நகைகளை அணிந்து கொண்டு வெளியில் சென்று வரும் பெண்கள், கவனமுடன் இருப்பது நல்லது. சில பெண்கள், திடீர் திருமண யோகத்தை பெறுவாா்கள். சிலர் புதிய வாகன வசதிகளைப் பெற வாய்ப்புண்டு. சிலர் மனைவியின் பெயரில் அசையாச் சொத்துக்கள் வாங்கி மகிழ்வீர்கள். வெளிநாட்டில் இருந்து நல்ல செய்தி ஒன்று தேடி வரும். தொல்லைகள் வரும்போது தென்றலாக நல்ல செய்தியும் வரும். சிலரைத் தேடி வம்பு வழக்குகளும் வரலாம்.

வீட்டு விஷயங்களில் அறிவுரை கூறாது தள்ளியே நில்லுங்கள். தம்பதிகளுக்கு இடையில் அதிருப்தி ஏற்படலாம். கணவன்- மனைவி இடையே சிறு சச்சரவு தோன்றும்போது, மவுனத்தைக் கடைப்பிடித்து வருவதுதான் சிறந்த பலன் அளிக்கும். காவல், ராணுவ பணிபுரிவோர் இடமாறுதல் அடைய வாய்ப்பு ஏற்படும். நீண்ட நாள் காத்திருந்தவர்களுக்கு திருமணச்செய்தி கள் சாதகமாகும். தயக்கம் இல்லாமல் முடிவு எடுங்கள். ரசாயன தொழில் புரிவோரும், தீப்பெட்டி தொழில் புரிவோரும் அரசு வழியில் கவனமாக இருப்பது நல்லது. கலைத்துறை சம்பந்தமான தொழில்புரிவோர் பணத்தட்டுப்பாடு காரணமாக, தொழில் முடக்கம் அடைய நேரலாம். ஆனாலும் அவற்றில் இருந்து விரைவில் மீள்வீர்கள்.

இந்த வாரம் சனிக்கிழமை பெருமாளை துளசி மாலை சூட்டி வழிபட்டால் நன்மைகள் பல உண்டாகும்.

தை மாத ராசி பலன்கள்

15-1-2020  முதல் 12-2-2020 வரை

விரயங்கள் அதிகரிக்கும் நேரம்

விகாரி வருட தை மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சனி விரய ஸ்தானத்தில் இருக்கிறார். அவரோடு குருவும் கேதுவும் இணைந்திருக்கிறார்கள். எனவே பயணங்களும், பணத்தேவைகளும் அதிகரிக்கும். ‘நினைத்ததை நினைத்த நேரத்தில் செய்ய முடியவில்லையே’ என்று கவலைப்படுவீர்கள். நேசித்தவர்களோடு கூட யோசித்துப் பேசும் சூழ்நிலை உருவாகும்.

அஷ்டமாதிபதி சூரியன் உங்கள் ராசியிலேயே சஞ்சரிப்பதால் உணர்ச்சிவசப்படுவதை தவிர்ப்பது நல்லது. வீண் பழிகளுக்கு கூட ஒருசிலர் ஆளாக நேரிடும். வாழ்க்கைத் தேவைகள் பூர்த்தியாவது கடினம். வருமானம் ஒருபுறம் வந்தாலும் செலவு பலமடங்கு ஏற்பட்டு திக்குமுக்காட வைக்கும். பற்றாக்குறையின் காரணமாக பக்கத்தில் இருப்பவர்களிடம் கூட ஒருசிலர் கைமாற்று வாங்க நேரிடும். திட்டமிட்டுச் செலவு செய்வதே நல்லது. யாரிடம் பேசினாலும் அதிகாரத்துடன் பேசாமல் அன் பாகப் பேசினால்தான் காரியங்களை சாதித்துக்கொள்ள இயலும். கடமையில் கண்ணும் கருத்துமாக இருங்கள். பிறருக்கு பொறுப்பு சொல்லி பிரச்சினைகளை உருவாக்கிக் கொள்ள வேண்டாம். விரோதங்கள் தானாக வந்து சேரும். அரசியலில் உள்ளவர்களுக்கு சோதனையான நேரம் இது. கணக்கு வழக்குகளை கச்சிதமாக வைத்துக் கொள்ள வேண்டும். ஏனோ, தானோ என்று எதையும் செய்யாமல் எதிலும் அதிக கவனம் செலுத்தி செயல்பட்டால்தான் உங்கள் மீது பழி வராமல் இருக்கும். பெண் கள் விஷயத்தில் மிகுந்த கவனத்தோடு செயல்படுங்கள். 

6-ல் ராகு இருப்பது நன்மைதான் என்றாலும், 6-க்கு அதிபதி புதன் உங்கள் ராசியில் அல்லவா சஞ்சரிக்கிறார். எனவே எதிர்ப்புகளுக்கு மத்தியில் உங்கள் வாழ்க்கைப் பாதை செல்லும். மறைமுகப் பகை அதிகரிக்கும். உத்தியோகத்தில் உள்ளவர்கள் சகபணியாளர்களால் தொல் லைகளைச் சந்திக்க நேரிடும். ‘வரவேண்டிய பதவி உயர்வு தாமதப்படுகின்றதே’ என்று கவலைப்படுவீர்கள். மேலதிகாரிகள் உங்கள் திறமைக்கு அங்கீகாரம் கொடுக்கமாட்டார்கள். விருச்சிகச் செவ்வாயின் சஞ்சாரத்தால் சொத்து விற்பனையில் லாபம் கிடைக்கலாம். பூர்வீக சொத்து பிரச்சினைகள் நல்ல முடிவுக்கு வரும். புதிய சொத்து வாங்கும் வாய்ப்பு ஒரு சிலருக்கு உண்டு.

ஏழரைச் சனியின் ஆதிக்கம் நடக்கிறது. அதிலும் குறிப்பாக விரயச் சனியின் ஆதிக்கம் நடைபெறுகிறது. எனவே சனிக்கிழமை தோறும் விநாயகப் பெருமானையும், சனிபகவானையும், அனுமானையும் தொடர்ந்து வழிபட்டு வருவது நல்லது. தைப்பூசத்தன்று முருகப்பெருமானை வழிபட்டால் உங்கள் முயற்சி வெற்றியாகும்.

கும்ப புதன் சஞ்சாரம்

ஜனவரி 28-ந் தேதி கும்ப ராசிக்கு புதன் செல்கிறார். அங்குள்ள சுக்ரனோடு இணைந்து புத- சுக்ர யோகத்தை உருவாக்குகிறார். எனவே உத்தியோகத்திற்கான நல்ல தகவல் வந்து சேரும். வரவேண்டிய சம்பளப் பாக்கி     கள் கூட ஒருசிலருக்குத் தானாக வரலாம். என்ன இருந்தாலும் குடும்பச்சுமை கொஞ்சம் கூடுதலாகவே இருக்கும். நகை வாங்குவதிலும் ஆர்வம் காட்டுவீர்கள். அடகு வைத்த பொருளை மீட்கும் வாய்ப்பு ஒருசிலருக்கு வாய்க்கும்.

உச்ச சுக்ரன் சஞ்சாரம்

பிப்ரவரி 4-ந் தேதி மீன ராசிக்குச் சுக்ரன் செல்கிறார். அங்கு சுக்ரன் உச்சம் பெறுகிறார். உங்கள் ராசிக்கு 5, 10 ஆகிய இடங்களுக்கு அதிபதி உச்சம் பெறுவது யோகம்தான். இக்காலத்தில் உங்கள் எண்ணங்கள் எளிதில் நிறைவேறும். பிள்ளைகளுக்கு வேலை கிடைத்து உதிரி வருமானங்கள் பெருகும். பிள்ளைகளின் கல்யாணக் கனவுகளை நனவாக்குவீர்கள். அவர்கள் வெளிநாடுசென்று பணிபுரிய நினைத்தால், அதற்குரிய ஏற்பாடுகளை செய்து கொடுப்பீர்கள். ஒருசிலருக்கு வெளிநாட்டு யோகம் அமையலாம். அரசியல் ஈடுபாடு கொண்டவர் களின் அனுகூலத்தோடு நல்ல காரியங்கள் பலவும் செய்யும் நேரம் இது.

தனுசு செவ்வாய் சஞ்சாரம்

செவ்வாய் உங்கள் ராசிக்கு 4, 11-க்கு அதிபதியானவர். சுகஸ்தானம் மற்றும் லாப ஸ்தானத்திற்கு அதிபதியான இவர், மாதத் தொடக்கத்தில் லாப ஸ்தானத்தில் வீற்றிருக்கின்றார். பிப்ரவரி 9-ந் தேதி தனுசு ராசிக்கு செல்கிறார். எனவே சகோதர ஒற்றுமை பலப்படும். தக்க விதத்தில் பூமி வாங்கும் யோகமும், வீட்டை விரிவுசெய்து கட்டும் முயற்சியில் அனுகூலமும் உண்டு. இந்தநேரத்தில் எதைத் தொட்டாலும் தொட்ட காரியங்களில் வெற்றி கிடைக்கும்.

இம்மாதம் ஒவ்வொரு சனிக்கிழமையும் விரதமிருந்து சனிகவசம் பாடி சனிபகவானை வழிபடுவது நல்லது.

பணத்தேவையைப் பூர்த்தி செய்யும் நாட்கள்:- ஜனவரி: 19, 20, 21, 26, 27 பிப்ரவரி: 1, 2, 3, 12

மகிழ்ச்சி தரும் வண்ணம்:- ஊதா

பெண்களுக்கான சிறப்புப் பலன்கள்

இம்மாதம் எதையும் ஒருமுறைக்குப் பலமுறை யோசித்துச் செய்யுங்கள். நீங்கள் பிறருக்கு நன்மை செய்தாலும் கூட அது தீமையாகவே தெரியும். குடும்ப உறுப்பினர்கள் உங்கள் குணமறிந்து நடந்து கொள்ள மாட்டார்கள். கணவன் - மனைவிக்குள் விட்டுக்கொடுத்துச் செல்வதன் மூலமும், அன்பு காட்டி அரவணைத்துச் செல்வதன் மூலமும் ஒற்றுமை பலப்படும். தாயும் உடன்பிறப்புகளும் தள்ளி இருக்கவே நினைப்பர். சகோதர பாசம் குறையும். பணிபுரியும் பெண்களுக்கு கேட்ட சலுகைகள் கிடைப்பது அரிதாகும். நூதனப் பொருட்களை வாங்குவதில் ஒரு சிலர் ஏற்றங்களை சந்திப்பார்கள். பொதுவாகவே இம்மாதம் கேது உங்கள் ராசியில் இருப்பதால் தடைகளும், தாமதங்களும் அதிகரிக்கத்தான் செய்யும். தட்டுப்பாடுகள் அகல வழிபாடுகள் உங்களுக்கு கைகொடுக்கும்.

2020-ம் ஆண்டு புத்தாண்டு பலன்கள்

1-1-2020 முதல் 31-12-2020 வரை

உத்ராடம் 2,3,4  பாதங்கள், திருவோணம், அவிட்டம் 1,2 பாதங்கள் வரை

(பெயரின் முதல் எழுத்துக்கள்: போ, ஜ, ஜி, ஜீ, ஜே, ஜோ, க, கா, கி உள்ளவர்களுக்கும்)

மாற்றங்களை ஏற்றுக் கொள்ள வேண்டிய நேரம்

விரய ஸ்தானத்தில் சூரியன், புதன், வியாழன், கேது, சனி ஆகிய 5 கிரகங்கள் வீற்றிருந்தபடியும், ஏழரைச் சனியில் விரயச் சனியின் ஆதிக்கத்தோடும் புத்தாண்டு பிறக்கிறது. செவ்வாய் உங்களுக்கு லாபாதிபதியானவர். அவர் லாப ஸ்தானத்திலேயே சஞ்சரிக்கிறார். எனவே வருமானம் திருப்திகரமாக இருக்கும் என்றாலும் செலவுகளும் அதிகரிக்கும். குடும்பச்சுமை கூடும். வீண் விரயங்களை எப்படியாவது குறைக்க வேண்டுமென்று முடிவு செய்வீர்கள். பிள்ளைகள் வழியிலோ, பிற உறவினர்களின் வழியிலோ விரயங்கள் வருவதைத் தவிர்க்க இயலாது.
உங்கள் ராசிநாதன் 12-ம் இடத்தில் இருக்கின்ற பொழுது, பயணங்கள் அதிகரிக்கும். அதே நேரத்தில் அலைச்சலுக்கேற்ற ஆதாயம் கிடைக்காது. உத்தியோகத்தைப் பற்றிய மனக்குழப்பம் அதிகரிக்கும்.  

ஏழரைச் சனியில் உங்களுக்கு இப்பொழுது வரும் சுற்று எத்தனையாவது சுற்று என்பதைக் கணக்கிட்டுப் பார்த்துக்கொள்ளுங்கள். முதல்சுற்று அல்லது மூன்றாவது சுற்றாக இருந்தால் கொஞ்சம் பிரச்சினைகள் அதிகரிக்கத்தான் செய்யும். பிரச்சினைகளுக்கு வடிகால் அர்ச்சனைகளும், வழிபாடுகளும்தான். உங்களுக்கு அனுகூலம் தரும் ஆலயங்களை நோக்கி அடியெடுத்து வைத்தால் வாழ்க்கை வளமாவதோடு மட்டுமல்லாமல் வருங்காலத்தையும் நலமாக்கிக்கொள்ள முடியும்.

குருவின் சஞ்சார பலன்கள்

ஆண்டு தொடக்கத்தில் உங்கள் ராசிக்கு 12-ம் இடத்திற்கு அதிபதியான குரு பகவான் 12-ம் இடத்திலேயே சஞ்சரிக்கிறார். 12-ம் இடம் என்பது விரய ஸ்தானமாகும். அதே நேரத்தில் 3-ம் இடத்திற்கும் குருதான் அதிபதி. 3-ம் இடம் என்பது சகோதர- சகாய ஸ்தானமாகும். எனவே உடன்பிறப்புகளால் உங்களுக்கு விரயங்கள் ஏற்படலாம். அவர்கள் முன்னேற்றத்திற்கு நீங்கள் உறுதுணையாக இருக்கலாம். நீண்ட நாள் வழக்குகள் நல்ல முடிவுக்கு வரும்.

குருவின் பார்வை 4-ம் இடத்தில் பதிவதால் குடும்ப முன்னேற்றம் கருதி எடுத்த முயற்சிகளில் வெற்றி கிடைக்கும். குடியிருக்கும் வீட்டை விலைக்கு வாங்க முயற்சிப்பவர்களுக்கு அந்த எண்ணம் கைகூடும். பூர்வீக சொத்தைப் பிரித்துக்கொள்வதில் அண்ணன் - தம்பிகளுக்குள் இருந்த பிரச்சினைகள் அகலும். அதிக கோபத்துடன் இருந்த உடன்பிறப்புகள் கோபம் தணிந்து வருவார்கள்.

குருவின் பார்வை 6-ம் இடத்தில் பதிவதால் உத்தியோகத்தில் நல்ல மாற்றங்களையும், ஏற்றங்களையும் எதிர்பார்க்கலாம். மேல் அதிகாரிகள் உங்களுக்கு சாதகமாக பல சலுகைகள் வழங்குவதாக கூறுவார்கள். பணிநிரந்தரம் பற்றிய தகவல் ஒருசிலருக்கு வந்து சேரலாம். உத்தியோக ஸ்தானம் குரு பார்வையின் மூலம் புனிதமடைவதால் பணியிடை நீக்கம் செய்யப்பட்டவர்கள் கூட, மீண்டும் பணியில் சேர வாய்ப்புஉண்டு. குருவின் பார்வை 8-ம் இடத்திலும் பதிவதால் இழப்புகளை ஈடுசெய்ய புதிய வாய்ப்புகள் வரலாம். என்னயிருந்தாலும் விரய ஸ்தானத்தின் பலம் கூடுதலாக இருப்பதால் வருமானத்தைக் காட்டிலும் விரயம் அதிகமாகத்தான் இருக்கும். ஒருதொகை செலவழிந்த பின்னரே அடுத்த தொகை கைக்கு வந்து சேரும்.

மகர குருவின் சஞ்சாரம்

8.7.2020 முதல் 9.9.2020 வரை தனுசு ராசிக்குள் குரு வக்ரம் பெறுகிறார். இக்காலத்தில் சனியும் தனுசு ராசிக்குள்ளேயே வக்ரம் அடைகிறார். இந்த இரண்டு கிரகங்களும் வக்ரம்பெறும் போது பொறுமை மிகவும் அவசியம். புது முயற்சிகளில் தடை ஏற்படலாம். எதிர்பாராத விரயங்களும் உண்டு. ஏமாற்றங்களையும் சந்திக்க நேரிடும்.

15.11.2020-ல் மகர ராசிக்கு குருபகவான் பெயர்ச்சியாகி செல்கிறார். அது குருவுக்கு நீச்ச வீடாகும். குரு நீச்சம் பெற்றிருந்தாலும் அவரது பார்வை நமக்கு உச்சம்பெற்ற வாழ்க்கையை அமைத்துக் கொடுக்கும். ஜென்ம குருவாக இருந்தாலும் அதன்பார்வை அற்புதமான இடங்களில் பதிகின்றது. 5, 7, 9 ஆகிய மூன்று இடங்களும் புனிதமடைகின்றன. எனவே பிள்ளைகளால் பெருமை, பிரச்சினைகளில் இருந்து விடுபடும் வாய்ப்பு, தொல்லை தந்த எதிரிகள் விலகும் சூழ்நிலை, துணிவும் தன்னம்பிக்கையும் கூடும் யோகம், கல்யாண முயற்சி கைகூடுதல், அதிக பணப்புழக்கம் என பல நற்பலன்கள் நாடிவரப் போகிறது. குருப்பெயர்ச்சிக்கு முன்னதாக குரு பீடங்களுக்கு சென்று முறையாக வழிபட்டு வாருங்கள்.

ராகு -கேது பெயர்ச்சிக் காலம்

ஆண்டின் தொடக்கத்தில் உங்கள் ராசிக்கு 12-ம் இடத்தில் சஞ்சரித்து வரும் கேது பகவான் 1.9.2020-ல் 11-ம் இடத்திற்கு வரப்போகிறார். அதே நேரத்தில் 6-ம் இடத்தில் சஞ்சரித்து வரும் ராகு அதே நாளில் 5-ம் இடத்திற்கு வரப்போகிறார். எனவே நல்ல மாற்றங்கள் இல்லம் தேடி வரும். ஆன்மிகத்தின் மூலம் இல்லறம் சிறப்படையும். பின்னோக்கிச் செல்லும் இந்த இரண்டு கிரகங்களும்தான், உங்கள் வாழ்க்கைப் பாதை முன்னோக்கிச் செல்ல வழிகாட்டும். ராகு -கேது பரிகாரமும், விநாயகர், துர்க்கை வழிபாடும் வெற்றிக்கு வித்திடும்.

ராகு -கேதுக்கள் சுயபலமற்ற கிரகங்களாகும். எனவே அவர்கள் யார் வீட்டில் சஞ்சரிக்கிறார்களோ, அந்த கிரகத்திற்குரிய பலன்களே அதிகம் கிடைக்கும் வகையில் நடந்துகொள்வார்கள். அந்த அடிப்படையில் செவ்வாய் வீட்டில் கேதுவும், சுக்ரன் வீட்டில் ராகுவும் சஞ்சரிக்கப் போகிறார்கள். செவ்வாய் உங்கள் ராசிக்கு 4, 11 ஆகிய இடங்களுக்கு அதிபதியாவார். சுக ஸ்தானம் மற்றும் லாப ஸ்தானத்திற்கு அதிபதியான செவ்வாய் வீட்டில் கேது சஞ்சரிப்பதால் சுகங்களும், சந்தோஷங்களும், பணவரவும் வரும். தொழில் விருத்தியும் அமையும். சுக்ரன் வீட்டில் ராகு சஞ்சரிக்கப் போகிறார். சுக்ரன் உங்கள் ராசிக்கு 5, 10 ஆகிய இடங்களுக்கு அதிபதியாவார். அவர் வீட்டில் ராகு சஞ்சரிக்கும் பொழுது தொழில் வளர்ச்சி, வியாபார விருத்தி, துணிந்து எடுத்த முடிவுகளால் வெற்றி, பிள்ளைகளின் வாழ்வில் முன்னேற்றம், பூர்வீக சொத்துக்களால் ஆதாயம் போன்றவை கிடைக்கும்.

குறிப்பாக ‘பிள்ளைகளுக்கு வேலை கிடைக்கவில்லையே’ என்று கவலைப்பட்டவர்களுக்கு இப்பொழுது வேலையும் கிடைக்கும். மாலையும் கிடைக்கும். அந்த அமைப்பு இப்பொழுது இருக்கிறது. அள்ளிக் கொடுக்கும் சுக்ரன் வீட்டில் ராகு சஞ்சரிக்கிறார் அல்லவா? எனவே கொடுக்கும் ராகு தொழில் வளர்ச்சியைப் பெருக்குவார். வியாபாரத்தில் பணியாளர்களின் தொல்லை அகலும். தங்கம், வெள்ளி மற்றும் விலைஉயர்ந்த பொருட்களை வாங்குவதில் ஆர்வம் காட்டுவீர்கள்.

சனிப்பெயர்ச்சிக் காலம்!

உங்கள் ராசிக்கு 12-ம் இடத்தில் சஞ்சரித்து வந்த சனிபகவான், 29.4.2020 முதல் 14.9.2020 வரை தனுசு ராசிக்குள் வக்ரம் பெறுகிறார். 13.2.2020 முதல் 22.3.2020 வரை தனுசு ராசியில் செவ்வாய்- சனி சேர்க்கை ஏற்படுகிறது. 3.5.2020 முதல் 17.6.2020 வரை தனுசு ராசியில் இருக்கும் சனி, கும்பத்தில் இருக்கும் செவ்வாயைப் பார்க்கிறார். இக்காலத்தில் மிகுந்த கவனம் தேவை. கொடுக்கல் வாங்கல்களில் ஏமாற்றம் ஏற்படலாம். பணவிரயங்கள் கூடும். வீண்பழிகளுக்கு ஆளாக நேரிடும். எதையும் ஒருமுறைக்குப் பலமுறை யோசித்துச் செய்வதன் மூலமே வெற்றிக்கான வழியை அமைத்துக்கொள்ள இயலும்.

26.12.2020-ல் உங்கள் ராசிக்கு சனி வருகிறார். விரயச் சனியில்இருந்து விடுபட்டு ஜென்மச் சனியாக மாறுகிறது. மற்றவர்களுக்கெல்லாம் ஜென்மச்சனி ஆரோக்கியத் தொல்லைகளை அதிகம் கொடுக்கும். அன்றாடப் பணிகளில் கஷ்டத்தை ஏற்படுத்தும். ஆனால் உங்களைப் பொறுத்தவரை ராசிநாதனாக இருப்பதால் பெரிய அளவில் பாதிப்புகளை ஏற்படுத்தாது. தெய்வீக சிந்தனையை அதிகரித்துக் கொள்வதன் மூலமும், நேர்மறைச் சொற்களைப் பேசுவதன் மூலமும் நிகழ்காலமும் இனிதாக அமையும். எதிர்காலமும் இனிமையாக அமையும்.

செல்வ வளம் தரும் வழிபாடு

அமாவாசை தோறும் முன்னோர் வழிபாட்டையும், சனிக்கிழமை தோறும் அனுமன் வழிபாட்டையும் மேற்கொள்ளுங்கள். சிவகங்கை மாவட்டம் காரைக்குடி அருகில் உள்ள மாத்தூர் ஐநூற்றீஸ்வரர், பெரியநாயகி அம்மன், மாப்பிள்ளை நந்தி யோக தட்சிணாமூர்த்தி, மகிழமரத்தடி முனீஸ்வரர் ஆகிய தெய்வங்களை யோகபலம் பெற்ற நாளில் சென்று வழிபட்டு வாருங்கள்.

குருவின் வக்ர காலமும், பரிவர்த்தனை யோகமும்

27.3.2020 முதல் மகர ராசிக்கு குரு வக்ர இயக்கத்தில் செல்கிறார். அங்கு 7.7.2020 வரை இருக்கிறார். அந்த நேரத்தில் சனியும், தனுசு ராசியில் வக்ரம் அடைகிறார். இருவரும் தங்களின் வீடுகளை மாற்றிக்கொண்டிருப்பதால் பரிவர்த்தனை யோகம் நடக்கிறது. இது மிகச் சிறந்த யோகமாகும். உங்கள் ராசிக்கு 3, 12 ஆகிய இடங்களுக்கு அதிபதியானவர் குரு. சனிபகவான் உங்கள் ராசிநாதனாகவும், தனாதிபதியாகவும் விளங்குபவர். எனவே இக்காலத்தில் உங்களுக்கு நன்மை கிடைக்குமென்றே கருதலாம். உங்கள் ஆற்றல் பளிச்சிடும் நேரமிது. அதிகார பதவியில் உள்ளவர்களின் ஆதரவு கிடைக்கும். கவலைகள் அகலவும், வருங்காலத்தை நலமாகவும் தீட்டிய திட்டங்கள் வெற்றிபெறும். மங்கல ஓசை மனையில் கேட்க வழிபிறக்கும்.

பெண்களுக்கான பலன்கள்

இந்தப் புத்தாண்டு வருடத் தொடக்கத்தில் அதிக விரயத்தைக் கொடுத்தாலும், வருட மத்தியில் கொஞ்சம் வளர்ச்சியைக் கொடுக்கும். ஏழரைச் சனியின் ஆதிக்கத்தில், ஏற்படும் விரயங்களை சுப விரயங்களாக மாற்றிக்கொள்ளுங்கள். கோபத்தைக் குறைத்துக் கொண்டு குணமுடன் செயல்படுங்கள். உறவினர் பகை உருவாகாமல் பார்த்துக் கொள்ளுங்கள். ஊர் மாற்றங்கள், இடமாற்றங்கள், வீடு மாற்றங்கள், தவிர்க்க முடியாமல் வரலாம். பணியாளர்களின் தொல்லையும் உண்டு. கணவன் - மனைவிக்குள் விட்டுக் கொடுத்துச்செல்வது நல்லது. குடும்பத் தகவல்களை மூன்றாம் நபரிடம் பகிர்ந்துகொள்ள வேண்டாம். தாய் வழி ஆதரவு திருப்தி தரும். சகோதரர்களில் ஒருசிலர் உங்களுக்கு உறுதுணையாக இருப்பர். குருப்பெயர்ச்சிக்குப் பிறகு நற்பலன்கள் அதிகரிக்கும். பணிபுரியும் இடத்தில் பெண்களுக்கு எதிர்பார்த்த சலுகைகள் கிடைக்கும். வாகனம் வாங்க, வீடுகட்ட எடுத்த முயற்சியில் அனுகூலம் உண்டு. சனிக்கிழமை தோறும் விநாயகர், அனுமன், சனிபகவான் ஆகியோரை வழிபடுங்கள்.

19-12-2017 முதல் 28-03-2020 வரை

உத்ராடம் 2, 3, 4 பாதங்கள், திருவோணம், அவிட்டம் 1, 2 பாதங்கள் வரை

(பெயரின் முதல் எழுத்துக்கள்: போ, ஜ, ஜி, ஜீ, ஜே, ஜோ, க, கா, கி உள்ளவர்களுக்கும்)

ஏழரைச் சனியின் ஆதிக்கம் எதிலும் கொஞ்சம் சோதிக்கும்!

எதையும் அலசி ஆராய்ந்த பிறகே களத்தில் இறங்கும் மகர ராசி நேயர்களே!

முடியாத காரியத்தைக் கூட முடித்துக் கொடுக்கும் வல்லமை பெற்ற உங்களுக்கு இதுவரை லாப ஸ்தானத்தில் சஞ்சரித்து வந்த சனிபகவான் இப்பொழுது விரய ஸ்தானத்தில் சஞ்சரிக்கப் போகின்றார். இப்பொழுது ஏழரைச் சனி ஆரம்பமாகிவிட்டது. ஏழரைச் சனி என்றவுடனேயே நீங்கள் பயப்பட வேண்டியதில்லை. உங்கள் ராசிநாதனாகவும், தனாதிபதியாகவும் விளங்குபவர் சனி பகவான். எனவே அவரை விரும்பி வழிபடுகின்ற பொழுது திரும்பிய பக்கமெல்லாம் தினந்தோறும் நல்ல செய்தி வந்து கொண்டே இருக்கும்.

உங்கள் ராசியைப் பொறுத்தவரை ராசிநாதனாக விளங்குபவர் சனி பகவான். அவர் விரய ஸ்தானத்தில் சஞ்சரித்தாலும் கூட தனாதிபதியாகவும் விளங்குபவர் என்பதால் பணத்தைக் கொடுத்தே விரயத்தையும் கொடுப்பர்.

அப்படிப்பட்ட சிறப்பு வாய்ந்த சனி பகவானை ஒவ்வொரு சனிக்கிழமையும் போற்றிக் கொண்டாடி வழிபட வேண்டும். சனி பகவானை வாரந் தோறும் வழிபட்டு வரலாம். சிறப்பு ஸ்தலங்களாக விளங்கும் மதுரை, தேனி அருகிலுள்ள குச்சானூர் சென்றும் வழிபட்டு வரலாம். திருவாரூர் மாவட்டம் திருக்கொள்ளிக் காட்டிலுள்ள அக்னீஸ்வரரையும் வழிபட்டு வரலாம். திருநள்ளாறு, பெரிச்சிக் கோவில் வன்னிமரத்தடி சனீஸ்வரரையும் சென்று வழிபட்டு வரலாம். சனிக் கிழமை தோறும் காகத்திற்கு எள் கலந்த சோறு வைத்து திருப்தியடையச் செய்யலாம்.

உங்கள் சுய ஜாதகத்தில் சனி சஞ்சரிக்கும் நிலையறிந்து, அதன் பாதசார பலமறிந்து, பரிகாரங்களையும் செய்து கொள்வது நல்லது. மேலும் சனிப்பெயர்ச்சி காலத்தில் உங்கள் ராசியிலேயே கேதுவும், சப்தம ஸ்தானத்தில் ராகுவும் வீற்றிருப்பது சர்ப்ப தோஷத்தை உருவாக்குகின்றார். எனவே, ஏற்ற இறக்கமான நிலை மாறவும், எடுத்த காரியங்களில் தடை ஏற்படாதிருக்கவும் கொடுத்த வாக்கைக் காப்பாற்றவும், தனவரவில் இருந்த சிக்கல்கள் அகலவும் யோகபலம் பெற்ற நாளில் சர்ப்ப சாந்திப் பரி காரங்களைச் செய்து கொள்வது நல்லது.

பன்னி ரெண்டாம் வீட்டில்
பகலவன் மைந்தன் நின்றால்
எண்ணில்லா மாற்றம் சேரும்
ஏமாற்றம் நட்பால் சேரும்!
புண்ணியம் வந்து சேர
புகழ்மிகு வாழ்வும் காண
எந்நாளும் சனியின் முன்னால்
எள்தீபம் ஏற்று வீரே!

என்று ஜோதிட சாஸ்திரம் சொல்கின்றது.

எனவே, விரயச் சனியின் ஆதிக்கத்தில் வீண் விரயங்கள் ஏற்படாமல் சுபவிரயம் ஏற்பட விழிப்புணர்ச்சி உங்களுக்குத் தேவை.

தொடங்கிவிட்டது ஏழரை! துணிந்து செயல்பட்டால் சாதனை!

மிகப்பெரிய கிரகமாக சொல்லப் படும் சனி பகவான் இப்பொழுது 12-ம் இடத்தில் சஞ்சரித்து 2, 6, 9 ஆகிய இடங்களைப் பார்க்கிறது. விரயாதி பதியைப் பார்க்கும் அந்த இடங்களின் ஆதிபத்யங்கள் எல்லாம் விரயங்கள் ஏற்படும் என்பது நியதி. எனவே குடும்பச் செலவுகள் கூடுதலாக இருக்கும். குடும்ப உறுப்பினர்களை திருப்திப் படுத்த இயலாது.

அவர்களுக்கு என்னதான் நீங்கள் செய்தாலும் அவர்கள் திருப்தியடையவும் மாட்டார்கள். நன்றிகாட்டவும் மாட்டார்கள். இருந்தாலும் நீங்கள் இரக்க குணமுடையவர் என்பதால் செய்ய வேண்டிய கடமைகளைச் செய்து கொண்டே இருப்பீர்கள். பொதுவாக 12-ல் வாசம் செய்யும் சனி இடமாற்றம், ஊர் மாற்றம், வாகன மாற்றம், உத்தியோக மாற்றம், இலாகா மாற்றம் போன்றவைகளை ஏற்படுத்தலாம். அவற்றை ஏற்றுக் கொள்வதா, வேண்டாமா என்று சிந்திப்பீர்கள். உங்கள் சுய ஜாதகத்தின் பலமறிந்து முடிவெடுத்துக் கொள்வது நல்லது.

உத்தியோகத்தில் இருப்பவர்களில் ஒருசிலருக்கு வெளிநாட்டு யோகம் எண்ணியபடி வந்து சேரும். பொங்கு சனியின் ஆதிக்கத்தில் இருப்பவர்கள் புகழ் ஏணியின் உச்சிக்கு செல்வர். பொருளாதாரத்தில் மேம்பாடு காண்பர். அசையா சொத்துகள் வாங்குவதில் ஆர்வம் காட்டுவர். கட்டிய வீட்டைப் பழுது பார்க்கும் யோகம் ஒரு சிலருக்கு ஏற்படும்.

பெயர்ச்சியாகும் சனி ஏழரைச் சனியின் தொடக்கமாக அமையப் போவதால் அந்தச் சனியை வரவேற்க நீங்கள், பெயர்ச்சியாகும் நேரத்திலேயே ஆலயத்தை நோக்கி அடியெடுத்து வைப்பது நல்லது. அல்லது அன்றைய தினம் எந்த நேரத்திலாவது உள்ளூரில் இருக்கும் ஆலயத்திற்கு சென்று சனி பகவானை வழிபட்டு வருவது நல்லது.

நவக்கிரகங்கள் நம் ராசியை நாடிவரும் பொழுது, அவற்றைப் போற்றிக் கொண்டாடினால் நன்மைகளை வாரி வழங்குவார். சனி மட்டுமல்ல, எந்த கிரகம் நம் ராசிக்கு வந்தாலும் வரும் கிரகத்தை வழிபட்டால் வளர்ச்சியின் உச்சத்திற்கு செல்ல இயலும். வரும் கிரகம் நமக்கு நன்மைகளை வழங்க அதை எந்த ஆலயத்திற்கு, எந்த நாளில் சென்று வழிபட்டால் எளிதில் வரம் கிடைக்கும் என்பதையும் நீங்கள் அறிந்து கொண்டு நன்மைகளை அதிகம் பெறலாம்.

ஏழரைச்சனியில் விரயச்சனியின் ஆதிக்கத்தில் பிறந்திருப்பவர்கள் சக்கரத்தாழ்வார் வழிபாட்டை மேற்கொள்வது நல்லது. மதுரை ஒத்தக்கடை அருகிலுள்ள திருமோகூர் சக்கரத்தாழ்வார் வழிபாடு மற்றும் அதற்கு அருகிலுள்ள லட்சுமி நரசிம்மர் திருக்கோவில் வழிபாடு, காரைக்குடி அருகிலுள்ள அரியக்குடி திருவேங்கடமுடையான் லட்சுமி வழிபாடு போன்றவற்றை செய்து வந்தால் தடைக் கற்கள் எல்லாம் தானாக விலகி ஓடும்.

சனியின் பார்வை பலன்கள்!

உங்கள் ராசிக்கு அதிபதியாகவும், தனாதிபதியாகவும், விளங்கும் சனி பகவான் 12-ம் இடத்தில் இருந்து கொண்டு 2, 6, 9 ஆகிய இடங்களைப் பார்க்கின்றார். எனவே, கொடுக்கல்- வாங்கல்களில் ஒன்றில் வரும் லாபம் மற்றொன்றில் விரயமாகலாம். வருமானப் பற்றாக்குறை அகலும் என்றாலும் மனநிம்மதி இருக்காது. கூட்டாளிகளை நம்பிச் செயல்படும் பொழுது. கொஞ்சம் விழிப்புணர்ச்சியோடு இருப்பது நல்லது. வீட்டு பராமரிப்பு செலவு கூடும்.

ஆறாமிடத்தைச் சனி பார்ப்பதால் உத்தியோகம் மற்றும் ஜீவன ஸ்தானம் பலம் பெறுகிறது. எனவே, அலுவலகப் பணிகளில் இருந்த தடைகள் அகலும். உத்தியோகத்தில் நீண்ட நாட்களாக எதிர்பார்த்து காத்திருந்த உயர் பதவிகள் தேடி வரலாம். பிள்ளைகளின் வேலை வாய்ப்புக் கருதி எடுத்த முயற்சிகளிலும் வெற்றி கிடைக்கும். எதிரிகளின் தொல்லை குறையும். உடன் பணிபுரிபவர்கள் பகையை மறந்து உங்களுக்கு ஒத்துழைப்பு செய்ய முன்வருவர்.

சனியின் பார்வை 9-ம் இடத்தில் பதிவதால் தந்தை வழி உறவில் இருந்த விரிசல்கள் அகலும். முன்னோர் சொத்துகளில் முறையான பங்குகள் கிடைக்கும். கிடைத்த பங்கீடுகளை அண்ணன், தம்பிகளிடம் ஒப்படைத்து விட்டு அதற்குரிய தொகையைப் பெற்றுக் கொண்டு புதிய சொத்துகள் வாங்குவதில் ஆர்வம் காட்டுவீர்கள். புனிதப்பயணம் மேற்கொள்வீர்கள். தூரதேசப் பயணங்கள் கூட லாபம் தருவதாக அமையும். இல்லத்தில் மங்கல ஓசையும், மழலையின் ஓசையும் கேட்பதற்கான அறிகுறிகள் தென் படும்.

குதூகலம் தரும் குருப்பெயர்ச்சிக் காலம்!

4.10.2018-ல் விருச்சிக ராசியில் குரு சஞ்சரிக்கப் போகின்றார். அதன்பிறகு 28.10.2019-ல் தனுசு ராசிக்கு குரு செல்கின்றார். இந்த இரண்டு குருப்பெயர்ச்சிகளும் உங்களுக்கு சில மாற்றங்களைக் கொடுக்கலாம். வரும் மாற்றங்கள் ஏற்றுக்கொள்ளக் கூடியதாக இருக்கும்.

விருச்சிகத்தில் குரு சஞ்சரிக்கும் பொழுது அதன் பார்வை 3, 5, 7 ஆகிய இடங்களில் பதிகின்றது. எனவே, சகோதர உறவு பலப்படும். பூர்வ புண்ணிய ஸ்தானம் பலமடைவதால் மக்கள் செல்வங்களால் மகிழ்ச்சியும், கல்யாணக் கனவுகளும் நனவாகும்.

தனுசு ராசியில் சனி சஞ்சரிக்கும் பொழுது, தாய்வழி ஆதரவு கிடைக்கும். பதவி உயர்வு, ஊதிய உயர்வு போன்றவைகள் கிடைக்கலாம்.

ராகு-கேது பெயர்ச்சிக் காலம்!

13.2.2019-ல் மிதுன ராசியில் ராகுவும், தனுசு ராசியில் கேதுவும் சஞ்சரிக்கப் போகின்றார்கள். இதன் விளைவாக உங்கள் ராசிக்கு 6-ல் ராகுவும், 12-ல் கேதுவும் சஞ்சரிக்கப் போகின்றார்கள். இதனால் வருமானம் திருப்தி தரும். வாழ்வில் வசந்தம் சேரும். ஆன்மிகச் செலவுகள் அதிகரிக்கும். வெளிநாட்டு யோகம் உண்டு. உயர்ந்த மனிதர்களின் சந்திப்பால் நன்மைகளை வரவழைத்துக் கொள்வீர்கள். வீட்டிற்குத் தேவையான விலை உயர்ந்த பொருட்களை வாங்கும் யோகமுண்டு. கூட்டு முயற்சியால் லாபம் உயரும்.

தொட்ட காரியங்களில் வெற்றி பெற வழிபாடு!

சனிக்கிழமை தோறும் சிவாலயத்திற்குச் சென்று அனுமன் வழிபாட்டை மேற்கொள்ளுங்கள். மேலும் சிறப்பு வழிபாடாக வைத்தீஸ்வரன் கோவிலுக்குச் சென்று அங்குள்ள வலம்புரி விநாயகர், செல்வ முத்துக்குமரன், வைத்தியநாதர், தையல்நாயகி, அங்காரகன், தன்வந்திரி ஆகிய தெய்வங்களை வழிபட்டு வாருங்கள். வளர்ச்சி கூடும். வளமான வாழ்வும் அமையும்.

சனியின் வக்ர காலம்!

25.4.2018 முதல் 21.8.2018 வரை மூல நட்சத்திரக் காலில் சனி வக்ரம் பெறுகின்றார். 8.5.2019 முதல் 3.9.2019 வரை மீண்டும் பூராட நட்சத்திரக் காலில் சனி வக்ரம் பெறுகின்றார்.

இக்காலத்தில் மிகமிக கவனம் தேவை. ஆரோக்கியத் தொல்லை அதிகரிக்கும். ஆர்வத்தோடு செய்த செயல்களைப் பாதியிலேயே விட்டுவிடுவீர்கள். அரசுப் பணியில் உள்ள வர்களுக்கு தொல்லைகள்அதிகரிக்கும். திடீர் என பணி மாற்றங்கள் ஏற்படலாம். யாரையும் நம்பிச் செயல்பட இயலாது. உறவினர் பகை அதிகரிக்கும்.

மங்கையருக்கான மகத்தான பலன்கள்!

மகர ராசியில் பிறந்த பெண்கள் நிதானமாகச் செயல்பட வேண்டும். விரயச்சனி தொடங்கிவிட்டது. விழிப்புணர்ச்சி அதிகம் தேவை. கணவன்-மனைவிக்குள் விட்டுக்கொடுத்துச் செல்வது நல்லது. ஒருவரை ஒருவர் புரிந்து கொண்டு செயல்பட்டால் சச்சரவுகள் ஏற்படாது. தாய்வழி ஆதரவு கிடைக்கும். ஆனால் உடன்பிறந்த வர்களின் ஆதரவை ஓரளவே எதிர்பார்க்க இயலும். குடும்பச் சுமை கூடும். செலவுகள் அதிகரிக்கும். வாங்கல்-கொடுக்கல் களில் திருப்தி ஏற்படாது.

குருப்பெயர்ச்சிக்குப் பின்னால் ஓரளவு நன்மைகள் கிடைக்கும். பிள்ளைகளின் கல்யாண முயற்சி கைகூடும். அவர்களின் கல்விக்காக எடுத்த முயற்சிகளிலும் வெற்றி கிடைக்கும். உத்தியோகத்தில் உள்ளவர்களுக்கு இடமாற்றங்கள், ஊர் மாற்றங்கள் வந்து சேரும். ஒருசிலருக்கு வெளிநாட்டு யோகமும் உண்டு. ஜென்ம கேது, சப்தம ராகுவிற்கு பரிகாரமாக சர்ப்ப சாந்திப்பரிகாரங்களைச் செய்து கொள்வது நல்லது.

28-10-2019 முதல்15-11-2020 வரை

உத்ராடம் 2,3,4 பாதங்கள், திருவோணம், அவிட்டம் 1,2 பாதங்கள் வரை

(பெயரின் முதல் எழுத்துக்கள்: போ, ஜ, ஜி, ஜீ, ஜே, ஜோ, க, கா, கி உள்ளவர்களுக்கும்)

பன்னிரண்டினிலே குருபகவான்! பணவிரயங்கள் இனி அதிகம்!

நிதானத்தால் நினைத்ததைச் சாதிக்கலாம் என்று சொல்லும் மகர ராசி நேயர்களே!

உங்கள் ராசிநாதன் சனி. ஒருவருக்கு ஆரோக்கியம் சீராக இருக்க வேண்டுமானால் சனிபகவானின் அருளுக்கு பாத்திரமாக வேண்டும். உங்களைப் பொறுத்தவரை பிறர் துன்பங்களைக் கண்டு இளகும் மனம் பெற்றவர்களாக விளங்குவீர்கள். எதையும் எளிதில் நம்பமாட்டீர்கள். நம்பிவிட்டால் அவரை கடைசிவரை கைவிடமாட்டீர்கள். எந்த ஒரு காரியத்தைச் செய்வதாக இருந்தாலும் செய்வதற்கு முன்பாக, அதனால் என்ன லாபம் கிடைக்கும் என்பதை எடைபோட்டுப் பார்ப்பீர்கள். வந்தவர் களுக்கு விருந்தளிப்பதிலும், நொந்தவருக்கு மருந்தளிப்பதிலும் உங் களுக்கு நிகர் நீங்கள்தான். சிக்கனத்தின் சிகரமாக விளங்குவீர்கள். தேவைப்பட்டால் மட்டுமே பணத்தைச் செலவழிக்க முன்வருவீர்கள்.

இப்படிப்பட்ட குணங்களைப் பெற்ற உங்களுக்கு இந்தக் குருப்பெயர்ச்சி எப்படிப்பட்ட பலன்களைக் கொடுக்கும் என்பதைப் பற்றிப் பார்ப்போம்.

தனுசு ராசியில் அடியெடுத்து வைக்கும் குரு பகவான் உங்கள் ராசிக்கு 3, 12 ஆகிய இடங்களுக்கு அதிபதியாவார். மேலும் 12-ம் இடம் என்பது விரய ஸ்தானம் மற்றும் அயன சயன ஸ்தானமாகும். அங்கு அடியெடுத்து வைக்கும் குரு பகவானால் விரய ஸ்தானம் புனிதமடைகின்றது. மேலும் குருவின் சொந்த வீடு தனுசு என்பதால் வீண் விரயங்களைவிடச் சுப விரயங்களையே அதிகமாக வழங்கும்.

மூன்றாமிடம் என்பது சகோதரம், வெற்றி, தொண்டை சம்பந்தம், பொழுதுபோக்கு விஷயம், பணியாளர்கள் சேர்க்கை போன்றவற்றை அறிந்து கொள்ள உதவும் இடமாகும். 12-ம் இடம் என்பது விரயங்கள், கடன் தீர்த்தல், மனப்போராட்டம், வாக்குவாதங்கள், நித்திரை, சுகம், வெளிநாட்டு முயற்சி, இடமாற்றம், ஊர்மாற்றம், வீடு மாற்றங்கள், சுபகாரியங்க்ள கைகூடுதல், பாதநோய், பணிநீக்கம், தெய்வத் திருப்பணிகள் போன்றவற்றைக் குறிப்பிடும் இடமாகும். மேலும் மூதாதையர்கள் சொத்துக்களைப் பற்றி அறிந்து கொள்ள உதவும் இடமாகவும் கருதலாம்.

அந்த அடிப்படையில் பார்க்கும் பொழுது சகோதரர்களால் சகாயங்கள் கிடைக்க வழிபிறக்கும். பஞ்சாயத்துக்கள் சாதகமாக முடியும். பணப்பொறுப்புகள் சொல்லி வாங்கிக் கொடுத்த தொகையும் வந்து சேரும். பாகப்பிரிவினைகள் சுமுகமாக முடியும். கழுத்து, காது போன்றவற்றில் ஏற்பட்ட தொல்லைகள் அகலும். வெளிநாட்டு பயண முயற்சி கைகூடும். குறிப்பாக ஏழரைச்சனியின் ஆதிக்கம் மேலோங்கி இருக்கும் நேரம் இது. விரயச் சனியின் ஆதிக்கம் இருப்பதால் மனக்குழப்பம் அதிகரிக்கும். எந்த வேலையைச் செய்தாலும் ஒரு முறைக்கு இருமுறை செய்யும் சூழ்நிலை உருவாகும். பழைய வாகனங்களால் பிரச்சினைகள் உருவாகலாம்.

உழைப்பிற்கேற்ற பலன் கிடைப்பது அரிது. உத்தியோகத்தில் வேலைப்பளு அதிகரிக்கும். சுய தொழில் தொடங்கலாமா என்று கூடச் சிந்திப்பீர்கள். எல்லாவற்றிற்கும் ஆதாரமாகவும், அடிப்படையாகவும் விளங்குவது உங்கள் சுய ஜாதகம்தான். எனவே அதை ஆராய்ந்து திசாபுத்தி பலம் பெற்றிருந்தால் நீங்கள் எடுத்த முயற்சிகளில் வெற்றி கிடைக்கும். இல்லையேல் ஏழரைச் சனியில் விரயச் சனி விலகும்வரை கொஞ்சம் பொறுமையோடு இருப்பது நல்லது. குருவின் பார்வைக்கு பலன் உண்டு என்பதால், அந்தப் பலன்கள் நல்ல விதமாக அமைய விரதங்களிலும், வழிபாடு களிலும் நம்பிக்கை வைத்து குருகவசம் பாடி குருபகவானை வழிபடுங்கள்.

தனுசு சுக்ரனின் சஞ்சாரம்

இப்பொழுது பெயர்ச்சியாகும் குரு 28.10.2019 முதல் 15.11.2020 வரை தனுசு ராசியில் சஞ்சரித்தாலும், இடையில் 27.3.2020 முதல் 7.7.2020 வரை மகர ராசியில் சஞ்சரிக்கப் போகிறார். 13.5.2020 முதல் 9.9.2020 வரை குரு வக்ர இயக்கத்தில் இருக்கிறார். முதலில் மகர ராசியிலும், பிறகு தனுசு ராசியிலும் வக்ரம் பெறுகிறார். குருபகவானுக்கு மகர ராசி நீச்ச வீடாகும். உங்களைப் பொறுத்தவரை மகரம் உங்கள் ராசியாக விளங்குவதால் இக்காலத்தில் ஏற்படும் பரிவர்த்தனை யோகம் வளர்ச்சியையும், தளர்ச்சியையும் இணைந்தே கொடுக்கும். விரயாதிபதி குரு நீச்சம் பெறுவது நன்மைதான் என்றாலும், அவர் சகாய ஸ்தானாதிபதியாகவும் விளங்குவதால் மனமகிழ்ச்சி தரும் செய்தி வந்தால், வந்த கொஞ்ச நேரத்தில் மனக்கசப்பு தரும் செய்தியும் வரலாம். உடன்பிறப்புகள் உங்களை விட்டு விலக நேரலாம். இந்த காலத்தில் கொஞ்சம் கவனத்தோடு செயல்படுங்கள். பிறருக்கு பொறுப்பு சொல்லி வாங்கிக் கொடுத்த தொகையால் பிரச்சினைகள் எழலாம்.

குருவின் பார்வை பலன்

இந்த குருப்பெயர்ச்சியின் விளைவாக 4, 6, 8 ஆகிய இடங்களை குரு பார்வை செய்கிறார். அதனால் அந்த இடங்கள் புனிதமடைகின்றன.

குருவின் பார்வை 4-ம் இடத்தில் பதிவதால் தாய்வழி ஆதரவு கிடைக்கும். தனவரவு திருப்திகரமாக இருக்கும். மாமன், மைத்துனர் வழியில் ஏற்பட்ட மனக்கசப்புகள் மாறும். ஆடை, ஆபரண சேர்க்கை உண்டு. பெண் பிள்ளைகளை மேற்படிப்பு படிக்க வைப்பதா அல்லது வேலையில் சேர்த்து விடுவதா அல்லது திருமணம் செய்து வைப்பதா என்றெல்லாம் மனக்குழப்பத்தில் இருந்த உங்களுக்கு நல்ல பதில் கிடைக்கப் போகிறது. கரைந்த சேமிப்புகளை ஈடுகட்டுவீர்கள். வாகனம் வாங்கும் முயற்சி கை கூடும். அங்ஙனம் வாங்கும் பொழுது அதிர்ஷ்ட எண் ஆதிக்க அடிப்படையில் வாகனங்களுக்கு உரிய எண் அமைந்தால் நல்லது. இடம், வீடு வாங்கும் யோகம் உண்டு.  பழைய சொத்துக்களை விற்றுவிட்டுப் புதிய சொத்துக்ளை வாங்கும் யோகம் ஒருசிலருக்கு உண்டு.

குருவின் பார்வை 6-ம் இடத்தில் பதிவதால் நீண்ட நாள் நோயில் இருந்து நிவாரணம் பெறுவீர்கள். ஒவ்வொரு நாளும் தொடங்கும் பொழுதே ஆரோக்கியத்தொல்லை கொடுக்கின்றதே? பயணத்திற்கு உடல் இடம் கொடுக்கவில்லையே என்றெல்லாம் நினைத்திருந்த உங்களுக்கு, இனி உடல்நலம் பூரண குணமாகி உற்சாகத்தோடு பணிபுரிவீர்கள். ரணசிகிச்சையால் குணமடைய வேண்டிய நோய்கள் கூட சாதாரண மருத்துவத்திற்கு கட்டுப்படும். மனக்கவலைகள் இனிமாறும். வீண் பழிகளில் இருந்து விடுபடுவீர்கள். அலைச்சலுக்கேற்ற ஆதாயம் கிடைக்கும். உத்தியோக உயர்வும், ஊதிய உயர்வும் கிடைப்பதற்கான அறிகுறிகள் தென்படும். மேலதிகாரிகள் உங்கள் குரலுக்கு செவிசாய்ப்பர். கேட்டபடியே சலுகைகள் கிடைக்கும். உங்கள் திறமை பளிச்சிடும் நேரம் இது. திடீரென ஒருசிலருக்கு இலாகா மாற்றங்கள் ஏற்படலாம். வரும் மாற்றங்களை ஏற்றுக் கொள்வதுதான் நல்லது. ஒரு சிலருக்கு பணிநிரந்தரம் பற்றிய தகவல் வரலாம். காரணம் குருவின் பார்வை தான்.

குருவின் பார்வை அஷ்டம ஸ்தானத்தில் பதிவதால் பொதுவாழ்வில் உங்களுக்கு ஏற்பட்ட கலக்கம் இனி அகலும். இதுவரை ஏற்பட்ட இழப்புகளை ஈடுசெய்யும் விதத்தில் புதிய ஒப்பந்தங்கள் வரலாம். வழக்கமாகச் செய்யும் பணிகளில் ஏற்பட்ட சுணக்கம் அகலும். ஆரோக்கியத் தொல்லை குறைய மாற்று மருத்துவம் கைகொடுக்கும். இதுவரை குணமாகாத நோய்கள் புதிய மருத்துவத்தால் உடனடியாக நிவராணம் கிடைத்து உடலைச் சீர்படுத்தும்.

மகர குருவின் சஞ்சார காலம்

27.3.2020 முதல் 7.7.2020 வரை மகர ராசியில் குரு சஞ்சரிக்கிறார். இதற்கிடையில் 13.5.2020 முதல் குருபகவான் மகர ராசியில் வக்ர இயக்கத்திலும் இருக்கின்றார். இந்த மகர குருவின் சஞ்சாரம் உங்களைப் பொறுத்தவரை உங்கள் ராசியிலேயே நடைபெறுவதால் நன்மைகள் நடை பெறும் என்றே கருதலாம். நல்ல சந்தர்ப்பங்கள் வந்து கொண்டேயிருக்கும். உங்கள் மரியாதைக்கு இழுக்கு ஏற்படும் வகையில் நடைபெற்ற சில பிரச்சினைகளில் இருந்து விடுபடுவீர்கள். உறவுகளோடு ஏற்பட்ட விரிசல் அகலும். உங்கள் மீது வீண் பழி சுமத்தியவர்கள் தன் தவறை ஒப்புக்கொள்வர்.

மகரத்தில் சஞ்சரிக்கும் குரு 5, 7, 9 ஆகிய மூன்று இடங்களையும் பார்க்கப் போகிறார். குரு நீச்சம் பெற்றிருந்தாலும் கூட அதன் பார்வைக்கு பலன் உண்டு. சுபகாரியப் பேச்சுக்கள் நல்ல முடிவிற்கு வரும். வாரிசுகளால் ஏற்பட்ட தொல்லை அகலும். கைநழுவிச் சென்ற கல்யாண காரியங்கள் மீண்டும் கைகூடி வரலாம். முன்னோர் வழி சொத்துக்களில் முறையான பங்குகள் கிடைக்க எடுத்த முயற்சி வெற்றி பெறும்.

செல்வ வளம் தரும் சிறப்பு வழிபாடு!

இந்த குருப்பெயர்ச்சியின் விளைவாக நன்மைகள் கிடைக்க வியாழக்கிழமை தோறும் தட்சிணாமூர்த்தியை வழிபடுவதோடு, சிவகங்கை மாவட்டம் வைரவன்பட்டியில் உள்ள இசைஒலி கேட்கும் கற்தூண்களுக்கு மத்தியில் உள்ள யோக தட்சிணாமூர்த்தியையும், வைரவர், வளரொளிநாதர், வடிவுடையம்மன் வழிபாட்டையும் மேற்கொள்ளுங்கள்.

குருவின் வக்ர காலம்!

13.5.2020 முதல் 9.9.2020 வரை தனுசு ராசியிலும், மகர ராசியிலுமாக குரு வக்ரம் பெறுகிறார். இந்த கால கட்டத்தில் குடும்ப சுமை அதிகமாகவே இருக்கும். ஒரு சிலருக்கு குடியிருக்கும் வீட்டால் பிரச்சினைகள் வரலாம். எந்த ஒரு காரியத்திலும் உங்களால் கொள்கைப் பிடிப்போடு செயல்பட இயலாது. சொந்த ஊாில் இருந்து வெளிநாடு சென்றவர்களுக்கு சரியான வேலை அமையாமல் மீண்டும் தாயகம் திரும்பும் சூழ்நிலை உருவாகும். சொந்த வீடு, மனை வாங்குவதற்கான வாய்ப்புகள் வந்தாலும், அதற்கான பத்திரப்பதிவில் தாமதங்கள் ஏற்படும். பக்கபலமாக இருப்பவர்களை நம்பி எதையும் செய்ய முடியவில்லையே என்று கவலைப்படுவீர்கள். சேமிப்பு கரையாமல் இருக்க எந்த நேரமும் விழிப்புணர்ச்சி தேவைப்படும். எந்த ஒரு காாியத்தையும் ஒரு முறைக்கு பலமுறை யோசனை செய்து செய்யுங்கள். மேலும் இறை வழிபாடு உங்களை நல்ல பாதையில் வழிநடத்தும்.

பெண்களுக்கான சிறப்பு பலன்கள்

இந்தக் குருப்பெயர்ச்சியால் விரயங்கள் அதிகரிக்கலாம். வீடு மாற்றங்களும், இடமாற்றங்களும் ஏற்பட்டு மன அமைதியை இழக்கச் செய்யலாம். உறவினர் பகை உருவாகமல் பார்த்துக்கொள்வது நல்லது. கணவன் - மனைவிக்குள் ஒற்றுமைக் குறைவு ஏற்படாமல் இருக்க அன்பும், அரவணைப்பும் தேவை. அடுத்தவர்களிடம் குடும்பப் பிரச்சினைகளைச் சொல்ல வேண்டாம். தாய்வழி ஆதரவு திருப்தி தரும். உடன் பிறப்புகளின் இல்லங்களில் நடைபெறும் விழாக்களை முன்னின்று நடத்துவீர்கள். பணிபுரியும் பெண்களுக்கு எதிர்பாராத மாற்றம் வந்து இதயத்தை வாட்டும். ஒரு சிலருக்கு அந்த மாற்றங்கள் ஏற்றுக்கொள்ளக் கூடிய மாற்றங்களாகவே அமையும். சுபவிரயங்கள் அதிகரிக்கும். பெண் குழந்தைகளின் சுபச் சடங்குகள், பெற்றோர்களின் மணிவிழா, முத்துவிழா போன்ற நிகழ்ச்சிகளை, மகர குருவின் சஞ்சார காலத்தில் நடத்தலாம். மொத்தத்தில் இந்த குருப் பெயர்ச்சியால் நன்மை கிடைக்க குரு கவசம் பாடி குருவை வழிபடுவது நல்லது.