இனிய சம்பவங்கள் இல்லத்தில் நடைபெறும் நாள். தேக ஆரோக்கியத்தில் தெளிவு பிறக்கும். நீண்ட நாளைய பிரச்சினையொன்று நல்ல முடிவுக்கு வரலாம். கடிதம் கனிந்த தகவல்களைக் கொண்டு வந்து சேர்க்கும்.

9.11.2018 முதல் 15.11.2018 வரை

புத்தி சாதுரியம் மிகுந்த துலா ராசி அன்பர்களே!

வரவேண்டிய பணம் சிறுதடைக்குப் பின் வந்து சேரும். ஆரோக்கியத்தில் சிறு குறை தோன்றக்கூடும்.

உத்தியோகம்: உத்தியோகஸ்தர்கள் பணிகளில் கவனமாக இல்லாவிட்டால், சிறு தவறு ஏற்பட்டு உயர் அதிகாரிகள் கோபப் பார்வைக்கு இலக்காக நேரலாம்.

தொழில்: சொந்தத் தொழில் செய்பவர்கள் புதிய வாடிக்கையாளர்களின் வருகையால் அதிக வேலைகளும், பொருள் வரவும் இருக்கும். கூட்டுத்தொழில் லாபகரமாக இருக்கும். பணியாளர்களின் ஊதிய உயர்வு, ஊக்கத்தொகை பற்றி கூட்டாளிகளுடன் ஆலோசிப்பீர்கள். பங்குச்சந்தை சுமாராக நடைபெற்றாலும் எதிர்பார்க்கும் லாபம் கிடைக்கலாம்.

கலை: கலைஞர்கள் புதிய ஒப்பந்தங்களில் ஈடுபட்டுப் பரபரப்பாக பணியாற்றுவீர்கள். வருமானமும் வளர்ச்சியும் இருக்கும்.

குடும்பம்: குடும்பத்தில் அமைதி இருந்தாலும், சிறுசிறு பிரச்சினைகளும் வரலாம். சிறு கடன் தொல்லைகள் இருந்தாலும், பாதிப்பு எதுவும் இருக்காது.

வார வழிபாடு: ஞாயிற்றுக்கிழமை கந்தனுக்கு நெய் தீபமிட்டு வழிபடுங்கள்.

2018-ம் ஆண்டு புத்தாண்டு பலன்கள்

சித்திரை 3, 4 பாதங்கள், சுவாதி, விசாகம் 1, 2, 3 பாதங்கள் வரை (பெயரின் முதல் எழுத்துக்கள்: ர, ரி, ரு, ரே, த, தி, து, தே உள்ளவர்களுக்கும்)

ஜென்ம குருவும் விலகியபின்னால் செயல்கள் அனைத்திலும் வெற்றிவரும்!

பதற்றமின்றி பணிபுரிந்து பாராட்டு பெறும் துலாம் ராசி அன்பர்களே!

புத்தாண்டு பிறக்கும்போதே உங்கள் ராசியில் குருவும், உங்கள் ராசிநாதன் சுக்ரன் வெற்றிகள் ஸ்தானத்திலுமாகப் பரிவர்த்தனை யோகம் பெற்றுள்ளார்கள். யோகங் களில் மிகச்சிறந்த யோகமாகக் கருதப்படும் பரிவர்த்தனை யோகம், உங்களுக்கு இந்த ஆண்டை இனிய ஆண்டாக அமைத்துத் தரப் போகிறது. அதுமட்டுமல்ல ஏழரைச் சனியும் பூரணமாக விலகி விட்டது. எனவே கடந்த சில வருடங்களாக உங்களைச் சுற்றி வந்த சிக்கல்களும், சிரமங் களும், கடன் சுமைகளும் இனிக் குறைந்து நிம்மதியான வாழ்க்கையை அமைத்துக் கொடுக்கப் போகிறது.

வருடத் தொடக்கத்தில் உங்கள் ராசிக்கு 2-ல் விரயாதிபதி புதன் சஞ்சரிக்கிறார். தன ஸ்தானத்தில் விர யாதிபதி இருப்பதால் தனவரவு வந்து சுபச்செலவுகள் அதிகரிக்கும். குடும்பத்தில் உள்ளவர்களின் குறைகளைஎல்லாம் தீர்க்க சந்தர்ப்பங்கள் கூடிவரும். மாமன், மைத்துனர் வழியில் ஏற்பட்ட மனக்கசப்பு அகலும். மூன்றாம் இடத்தில் சூரியன், சனி, சுக்ரன் ஆகிய மூன்றும் இணைந்து கூட்டு கிரக யோகத்தை உருவாக்குகிறார் கள். எனவே வழக்குகள் சாதகமாகும். வாய்தாக்கள் ஓயும். இழப்புகளை ஈடுசெய்ய எடுத்த முயற்சி கைகூடும். உழைப்பிற்கேற்ற பலன் கிடைக்கும் நேரம் இது.

குரு- மங்கல யோகம், குரு-சந்திர யோகம் இரண்டும் ஆண்டின் தொடக்கத்தில் ஏற்படுகிறது. உங்கள் ராசிப்படி 2,7 ஆகிய இடங்களுக்கு அதிபதியானவர் செவ்வாய். சுப ஸ்தானாதிபதி செவ்வாய், குருவோடு இணைந்து உங்கள் ராசியில் சஞ்சரிப்பதால் குடும்ப முன்னேற்றம் கூடும். கடந்த சில வருடங்களாக தள்ளிப்போன திருமணம் நடைபெறும். வீடு, மனை வாங்கிக் குடியேறும் விருப்பம் நிறைவேறும். மாடு-கன்று வளர்ப்பிலும் ஆர்வம் காட்டுவீர்கள்.

ராகு-கேதுக்களின் ஆதிக்கம் நன்மைகளை வழங்கப்போகிறது. 10-ல் சஞ்சரிக்கும் ராகு முத்தான பலன்களை வழங்கும். எதிர்பாராத ஏமாற்றங்களையும், மாற்றங்களையும் தொழிலில் கொடுக்கும். சேமிப்பு உயரும் நேரம் இது. சுக ஸ்தானத்தில் கேது இருப்பதால் சுகக் கேடுகள் அடிக்கடி வரலாம். ஆரோக்கியத் தொல்லை அகல, மாற்று மருத்துவம் உங்களுக்கு கைகொடுக்கும். அதுமட்டுமல்லாமல் ராகு-கேதுக்களுக்குரிய தோஷ நிவர்த்திப் பரிகாரங்களை அனுகூல ஸ்தலத்தில் செய்து கொள்வது நல்லது.

இருப்பினும் உங்களது சுய ஜாதக அடிப்படையில் அதில் உள்ள கட்டங் களையும், புத்தாண்டு கட்டங்களையும் கொண்டு பலன் அறிந்து, அதற் கான பரிகாரங்களைச் செய்து கொள்வது சிறப்பு தரும்.

புத்தாண்டின் தொடக்க நிலை!

புத்தாண்டின் தொடக்கத்தில் உங்கள் ராசிநாதன் சுக்ரன், வலிமை இழந்திருக்கிறார். உங்கள் ராசிக்கு 8-ம் இடத்திற்கும், சுக்ரன் அதிபதியாவதால் அவர் வலிமையிழந்திருப்பதும் ஒருவழிக்கு யோகம்தான். ஆரோக்கியம் சீராகும். தொய்வடைந்த தொழிலைத் தூக்கி நிறுத்துவீர்கள். எதிர்பார்த்த லாபம் இனிதே கிடைக்கும். விலை உயர்ந்த பொருட்களை வாங்குவதில் கவனம் செலுத்துவீர்கள். வீடு மாற்றங்கள் விரும்பும் விதம் அமையும். தங்கம், வெள்ளி சேர்க்கை உண்டு. மங்கல ஓசை இல்லத்தில் கேட்கும்.

குருவின் பார்வை உங்கள் ராசிக்கு 5,7,9 ஆகிய இடங்களில் பதிவதால், பிள்ளைகளுக்கு வேலை கிடைத்து பெருமை காண்பீர்கள். உதிரி வருமானங்கள் வந்து உள்ளத்தை மகிழ்விக்கும். பூர்வீகச் சொத்துகளில் இருந்த தகராறுகள் அகலும். பூமி வாங்கும் யோகம் ஒரு சிலருக்கு வந்து சேரும். சுபகாரியப் பேச்சுகள் நல்ல முடிவிற்கு வரும் நேரம் இது. தட்டிப்போன வாய்ப்புகள் தானாக வந்து சேரும். விட்டுப்போன நண்பர்கள் விரும்பி வந்திணைவர்.

3-ம் இடத்தில் சஞ்சரிக்கும் சனியின் பார்வை, 5,9,12 ஆகிய இடங் களில் பதிகின்றது. எனவே மகப்பேறு கிட்டும் வாய்ப்பு உண்டு. செய்த பரிகாரங்களுக்கான பலன்கள் இப் பொழுது கிடைக்கப் போகிறது. பிள்ளைகளின் உயர்கல்வியை முன்னிட்டு வெளிநாடு செல்ல ஏதேனும் ஏற்பாடு செய்திருந்தால் அதிலும் வெற்றி கிடைக்கும். முன்னோர்கள் கட்டிய கோவிலை பராமரிக்கும் எண்ணம் மேலோங்கும்.

ராகு-கேதுக்களின் ஆதிக்கம் உங்கள் ராசிக்கு நன்மை தரும் விதத்திலேயே அமைகிறது. தொழில் ஸ்தானத்தில் வலிமையடைந்த ராகுவால் தொழில் தொடங்கும் வாய்ப்பு ஒரு சிலருக்கு கைகூடும். கூட்டுத் தொழில் தொடங்கும் முயற்சியில் ஆர்வம் காட்டுவீர்கள். அரசு வழியிலும் எதிர்பார்த்த சலுகைகள் கிடைக்கும். அதே நேரம் கேது 4-ல் சஞ்சரிப்பதால் ஆரோக்கியத் தொல்லை கூடும். மருத்துவச் செலவு அதிகரிக்கும். தாயின் உடல் நலத்திலும் கவனம் தேவை. பத்திரப் பதிவில் ஒருசிலருக்கு பிரச்சினைகள் உருவாகலாம்.

குருப்பெயர்ச்சி காலம்!

ஆண்டின் தொடக்கத்தில் ஜென்மத்தில் இருக்கும் குரு பகவான், அக்டோபர் 4-ந் தேதி முதல் தன ஸ்தானத்திற்கு வருகிறார். 2-ல் குரு வந்தால் திரண்ட செல்வம் சேரும் என்பார்கள். உங்கள் ராசியைப் பொறுத்தவரை 3,6 ஆகிய இடங்களுக்கு அதிபதியானவர் குரு பகவான். அவர் 2-ம்   இடத்தில் சஞ்சரிக்கும் பொழுது இல்லத்தில் மகிழ்ச்சி கூடும். எதிர்பார்த்த நற்பலன்கள் கிடைக்கும். உறவினர் பகை அகலும். உற்சாகத்துடன் செயல்படுவீர்கள். பிறருக்கு பொறுப்பு சொல்லி வாங்கிக் கொடுத்த தொகையும் வந்து சேரும்.

குருவின் பார்வை 6,8,10 ஆகிய இடங்களில் பதிவதால், அந்த இடங்களெல்லாம் புனிதமடைகின்றன. எனவே எதிரிகள் விலகுவர். லாப நோக்கத்தோடு பழகியவர்களை இனம் கண்டு கொள்வீர்கள். உத்தியோகத்தில் நீண்ட நாட்களாக எதிர்பார்த்துக் காத்திருந்த ஊதிய உயர்வும், உத்தியோக உயர்வும் வந்து சேரும். தொழிலில் இழப்புகளைச் சந்தித்தவர்கள், இப்பொழுது எழுச்சி காண்பர்.

குருவின் அதிசார காலமும், வக்ர காலமும்!

14.2.2018 முதல் 11.4.2018 வரை குரு விருச்சிக ராசியில் அதிசாரம் பெறுகிறார். 7.3.2018 முதல் 4.7.2018 வரை குரு வக்ரம் பெறுகிறார். இதற்கிடையில் பிப்ரவரி 14-ந் தேதி முதல் மார்ச் 9-ந் தேதி வரை விருச்சிக ராசிக்கு குரு- செவ்வாய் சேர்க்கை ஏற்பட்டு குரு-மங்கல யோகத்தை உருவாக்குகின்றது. இதனால் தள்ளிப்போன காரியங்கள் தானாக நடைபெறும். சுபச்செலவுகள் அதிகரிக்கும். வீட்டிற்குத் தேவையான அத்தியாவசியப் பொருட்களையும், ஆடம்பரப் பொருட்களையும் வாங்குவீர்கள். புதிய வாகனங்கள் வாங்கும் முயற்சியில் ஆர்வம் காட்டுவீர்கள்.

குருவின் அதிசார காலமும், வக்ர காலமும் அதிக நற்பலன்களை கொடுக்கும். விலகிச் சென்ற சகோதரர்கள் விரும்பி வந்து இணைவர். பணி இடத்தில் ஏற்பட்ட தொல்லை அகலும். அணி திரண்ட எதிரிகள் பின்வாங்குவர். அதிக முதலீடு செய்து தொழிலை விரிவு செய்வீர்கள். திருச்செந்தூர், ஆலங்குடி போன்ற ஸ்தலங்களுக்குச் சென்று சிறப்பு வழி பாடுகளை மேற்கொண்டால் இந்த காலம் இனிய காலமாக மாறும்.

சனியின் வக்ர காலம்!

ஏப்ரல் 25-ந் தேதி முதல் ஆகஸ்டு 20-ந் தேதி வரை மூலநட்சத்திரக் காலில் தனுசு ராசியில் சனி வக்ரம் பெறுகிறார். இது கவனமுடன் இருக்க வேண்டிய காலமாகும். உங்கள் ராசிக்கு 4,5 ஆகிய இடங்களுக்கு அதிபதியானவர் சனி பகவான். அவர் வக்ர இயக்கத்தில் இருக்கும் பொழுது பிரச்சினைகளைச் சந்திக்கக்கூடிய சூழ்நிலை உருவாகும். மனக்குழப்பம் அதிகரிக்கும். எதைச் செய்தாலும் குடும்ப பெரியவர்களை ஆலோசித்து செய்வது நல்லது. சொத்துகளால் பிரச்சினைகள் உருவாகும். துணிவும், தன்னம்பிக்கையும் குறையும்.

பஞ்சமாதிபதி வக்ரம் பெறுவது அவ்வளவு நல்லதல்ல. பிள்ளைகளால் தொல்லைகள் ஏற்படும். அவர்களின் முன்னேற்றம் கருதி ஒரு தொகையைச் செலவிடும் சூழ்நிலை உண்டு. முன்னோர் சொத்துகளை முறையாக பங்கு பிரிப்பதில் சிக்கல்கள் வரலாம். சனி- செவ்வாய் சேர்க்கை காலத்தில் கொடுத்த வாக்கைக் காப்பாற்ற இயலாது. பணப் பற்றாக்குறை அதிகரிக்கும். யாரையும் எளிதில் நம்ப வேண்டாம். சனி மற்றும் அங்காரகனுக்குரிய ஸ்தலங்களுக்குச் சென்று வழிபடுவது நல்லது.

வளர்ச்சி தரும் வழிபாடு!

‘ஓம் சரவணபவ’ என்று ஒன்பது முறை எழுதி வருவது நல்லது. செவ்வாய்க்கிழமை விரதமும், சண்முக கவசமும் பாடி சண்முக நாதரை வழிபட்டு வந்தால் சந்தோஷத்தை வர வழைத்துக் கொள்ளலாம்.

செவ்வாய் பெயர்ச்சியும், உச்சமும்!

உங்கள் ராசிக்கு 2,7 ஆகிய இடங்களுக்கு அதிபதியானவர் செவ்வாய். அவர் ஜனவரி 20-ந் தேதி முதல் மார்ச் 10-ந் தேதி வரை தன் சொந்த வீடான விருச்சிகத்தில் சஞ்சரிக்கிறார். இதன்விளைவாக குடும்பப் பிரச்சினைகள் நல்ல முடிவிற்கு வரும். எதிர்பார்த்த உதவிகள் எளிதில் கிடைக்கும். திட்டமிட்டபடியே பயணங்கள் அமையும். வாக்குவாதத்தால் தவித்தவர்கள் முருகப்பெருமானை வழிபடுவது நல்லது. திருமணத்தில் இருந்த தடைகள் அகலும்.

ஏப்ரல் 30-ந் தேதி முதல் அக்டோபர் 26-ந் தேதி வரை மகரத்தில் செவ்வாய் உச்சம் பெறு கிறார். இது மிகமிக யோகமான நேரமாகும். தனாதிபதி உச்சம் பெறும் இந்த நேரத்தில் தனவரவு திருப்தி தரும். கடன் சுமை குறையும். தொழில் வளர்ச்சி மேலோங்கும். வியாபாரத்தில் அதிரடி திட்டங்களைக் கொண்டு வந்து ஆச்சரியப்படுவீர்கள். ஊதிய உயர்வு உங்கள் மனம் போல கிடைக்கும். அரசியல் ஈடுபாடு கொண்டவர்களுக்கு அதிகாரப் பதவிகள் கிடைக்கலாம். கெட்டவை நீங்கும்; தொட்டவை துலங்கும்.

மங்கையருக்கான மகத்தான பலன்கள்!

இந்தப் புத்தாண்டின் தொடக் கம் உங்களுக்கு நன்மை தரும் விதத்திலேயே அமைகிறது. குடும்பத்தில் உறவினர்களால் குதூகலம் கூடும். கொண்டாட்டங்கள் அதிகரிக்கும். சுப நிகழ்ச்சிகளில் கலந்து கொள்ள வாய்ப்புகள் வந்து கொண்டே இருக்கும். கணவன்-மனைவிக்குள் ஒற்றுமை பலப்படும். பெற்றோர் களின் பிரியமும், பாசமும் மனதிற்கு மகிழ்ச்சியைத் தரும். குழந்தைகளின் எதிர்காலத்தில் அக்கறை காட்டுவீர்கள். குருப்பெயர்ச்சிக்குப் பிறகு குடும்பப் பிரச்சினைகள் தலை தூக்கலாம். அவற்றை சமாளிக்கும் ஆற்றல் உங்களுக்கு உண்டு. பிள்ளைகளை உங்கள் மேற்பார்வையில் வைத்துக்கொள்ளுங்கள். உத்தியோகத்தில் பணிபுரிபவர்களால் தொல்லைகள் ஏற்படலாம். மணவாழ்வு மகிழ்ச்சிக்குரியதாக அமைய ராகு- கேதுக்களுக்குரிய சிறப்பு வழிபாடுகளை மேற்கொள்ளுங்கள். வெள்ளிதோறும் அம்பிகையை வழிபடுங்கள்.

19-12-2017 முதல் 28-03-2020 வரை

சித்திரை 3, 4 பாதங்கள், சுவாதி, விசாகம் 1, 2, 3 பாதங்கள் வரை

(பெயரின் முதல் எழுத்துக்கள்: ர, ரி, ரு, ரே, த, தி, து, தே உள்ளவர்களுக்கும்)

ஏழரைச் சனிதான் விலகியது! இனிய வாழ்க்கை மலர்கிறது!

எந்த நேரமும் சந்தோஷமாக இருக்க வேண்டும் என்று விரும்பும் துலாம் ராசி நேயர்களே!

நல்லநேரம் எப்போது வரப்போகிறது என்று காத்திருந்த உங்களுக்கு வந்துவிட்டது நல்லநேரம். டிசம்பர் 19-ந் தேதியுடன் ஏழரைச் சனி விலகுகிறது. இனிய வாழ்க்கை மலரப் போகின்றது. இதுவரை கடந்த காலத்தில் ஏற்பட்ட துன்பங்களில் இருந்து விடுதலை கிடைக்கப் போகிறது. இந்த சனிப்பெயர்ச்சியின் விளைவாக முதன்மையான பலன் கிடைக்கும் ராசிகளில் உங்கள் ராசியும் ஒரு ராசியாக அமையும்.

சனி விலகுவதற்கு முன்னதாகவோ அல்லது விலகிய பின் ஓரிரு மாதங்களுக்குள்ளோ, சிறப்பு ஸ்தலங்களுக்கு சென்று வழிபட்டு வந்தால் இழந்தவைகளை ஈடுசெய்யும் வாய்ப்பு கிடைக்கும். சனிபகவான் சன்னிதியில் எள் தீபம் ஏற்றி வழிபடுவதோடு, கருப்பு வண்ண வஸ்திரம் அணிவித்து எள்ளோதரை நைவேத்தியமிட்டு எண்ணைக் காப்பு சாற்றி அபிஷேக ஆராதனைகள் செய்து வழிபட்டால் பிரச்சினைகள் தீரும்.

திருநள்ளாறு, திருக்கொள்ளிக் காடு, பெரிச்சிக்கோவில், நல்லிப்பட்டி, திருக்கொடியலூர், குச்சானூர் போன்ற ஸ்தலங்களிலும் சனி பகவான் வீற்றிருந்து அருள்பாலிக்கின்றார். வாய்ப்பிருக்கும் பொழுது அருகில் இருக்கும் ஸ்தலங்களுக்குச் சென்று வழிபட்டு ஆராதித்து வரலாம். குறிப்பாக உங்களைப் பொறுத்தவரை சனி விலகும் நேரம் என்பதால் நள மகாராஜாவிற்கு சனி விலகி நல்லருள் கொடுத்த இடமான திருநள்ளாற்றிற்குச் சென்று வழிபட்டு வருவது நல்லது.

பொதுவாக உங்கள் ராசிக்கு 4, 5 ஆகிய இடங்களுக்கு அதிபதியானவர் சனிபகவான். தாய் ஸ்தானம், சுக ஸ்தானம், வாகனம் மற்றும் வளர்ச்சிக்குரிய இடம், வீடு, நிலம், பூமி போன்றவைகளை அறியுமிடம். பூர்வீக சொத்துக்கள் மற்றும் புத்திரர்கள் சம்பந்தப்பட்ட விவரங்களை எடுத்துரைக்கும் இடங்களுக்கெல்லாம் அதிபதியானவர் சனி பகவான்.

உங்கள் ராசி ரீதியாக பார்க்கும் பொழுது முயற்சிக்கு வித்திடும் மூன்றாமிடத்தில் அவர் அடியெடுத்து வைக்கப் போவதால் இனி எடுத்த காரியங்களில் எளிதில் வெற்றி கிடைக்கும். இயல்பான வாழ்க்கையில் ஏற்பட்ட தடைகள் அகலும்.

வெற்றிகள் ஸ்தானம் தன்னில்
வேந்தனாம் சனிதான் வந்தால்
சுற்றமும் நட்பும் போற்றும்!
சுகமெல்லாம் வந்து சேரும்!
கற்றவர் நண்பராவார்!
காரிய வெற்றி கிட்டும்!
முற்றிலும் நன்மை வாய்க்க
முறையாகவே வணங்குவீரே!

என்று ஜோதிட சாஸ்திரம் சொல் கிறது.

முன்னேற்றம் தருமா? மூன்றாமிடத்துச் சனி!

டிசம்பர் 19-ந் தேதி மாபெரும் கிரகம் என்று வர்ணிக்கப்படும் சனி பகவான் மூன்றாமிடத்திற்குச் செல்கின்றார். குடும்ப ஒற்றுமைக்கு குந்தகம் விளைவித்தவர்கள் இனி விலகிச் செல்வர். கடுமையாக முயற்சித்தும் பணத்தை அதிகம் செலவிட்டும் காரியம் முடியவில்லையே என்று கவலைப்பட்ட வர்கள் இனி மகிழ்ச்சி வெள்ளத்தில் மூழ்கப் போகிறீர்கள். மாற்றங்களும், ஏற்றங்களும் வந்து சேரப்போகின்றது.

உடன்பிறப்புகளுக்குள் ஒருவருக்கொருவர் சண்டைபோட்டுக் கொள்ள வழிசெய்தவர்கள் இனி விலகிச் செல்வர். சகோதர ஒற்றுமை பலப்பட்டு மற்ற வர்கள் அதிசயிக்கும் விதத்தில் வாழ்க்கை அமையப் போகின்றது. முன்னேற்றத்திற்கு வித்திடும் இடம் மூன்றாமிடமாகும். இதை மறைவிடம் என்றும் சொல்வார்கள். மறைவிடத்திற்கு சனி வரும் பொழுதெல்லாம் நிறைவான பலனைக் கொடுக்கும் என்பது நம்பிக்கை.

அந்த அடிப்படையில் இப்பொழுது கூடப்பிறந்தவர்களின் பாசமழையில் நனையப் போகிறீர்கள். பூர்வீக சொத்துக்களைப் பிரித்துக் கொள்வதில் சகோதரர்களுக்குள் சமரசம் ஏற்பட்டு நல்ல வழி பிறக்கப் போகின்றது. நீண்ட நாட்களாக நடைபெற்று வந்த வழக்குகளில் வெற்றி கிடைக்கும். குடும்பப் பிரச்சினைகள் படிப்படியாக நல்ல முடிவிற்கு வரும். பிள்ளைகளுக்கு வேலை கிடைத்து அவர்கள் மூலமும் உங்களுக்கு உதிரி வருமானங்கள் வந்து சேரலாம். காது மற்றும் கழுத்து போன்றவற்றில் வந்த தொல்லைகள் அகலும். குடும்ப வருமானம் கூடுதலாக இருக்கும்.

தொழிலில், நீங்கள் சந்தோஷமடையும் விதத்தில் அற்புதமாகப் பணியாற்றும் பணியாளர்கள் அமையப் போகிறார்கள். நம்பிக்கைக்குரியவர்களை இனம் கண்டு கொண்டு சேர்த்துக் கொள்வீர்கள். முயற்சியில் தீவிரம் காட்டும் நேரமிது. உள்ளத்தில் ஊக்கமும், உறுதியும் வந்து சேரும். இதுபோன்ற காலங்களில் புதிய முயற்சிகளில் ஈடுபடும்பொழுது முன்பின் தெரியாதவர்கள் கூட உங்கள் முன்னேற்றத்திற்கு வித்திடுவர். பூரணமாகச் சனி விலகும் நேரம் என்பதால் இனி நற்பலன்களே உங்களை நாடி வரப்போகின்றது.

சனியின் பார்வை பலன்கள்!

உங்கள் ராசிக்கு 3-ம் இடத்தில் சஞ்சரிக்கும் சனி பகவான் 5, 9, 12 ஆகிய இடங்களைப் பார்க்கப் போகின்றார். சனியின் பார்வை பதியும் இடங்களை நாம் அறிந்து கொண்டு அதற்கு ஏற்ற விதத்தில் நமது வாழ்க்கைப் பாதையை அமைத்துக்கொள்ளலாம். குறிப்பாக அதன் பார்வை 5-ம் இடத்தில் பதிவதால் பிள்ளை செல்வம் இல்லையே என்று கவலைப்பட்டவர்களுக்கு புத்திரப்பேறு கிடைப்பதற்கான அறிகுறிகள் தென்படும். இதுவரை ஏறாத கோவில் இல்லை, பார்க்காத வைத்தியம் இல்லை, செய்யாத பரிகாரங்கள் இல்லை என்று சொல்லி ஆதங்கப்பட்டவர்களுக்கு இப்பொழுது செய்த பரிகாரங்களுக்கு பலன் கொடுக்கப்போகின்றது.

பிள்ளைகளின் உயர்கல்வியை முன்னிட்டு வெளிநாட்டில் செய்த ஏற்பாடுகள் பலன் தரும். படித்து முடித்தும் வேலையில்லாமல் இருக்கிறார்களே அவர்களும் உத்தியோகத்திற்குச் சென்றால் உதிரி வருமானங்கள் கிடைக்குமே, மிதமிஞ்சிய பொருளாதாரத்தில் மிதக்கலாமே என்று சிந்தித்தவர்களுக்கு விடை கூறும் விதத்தில் வந்துவிட்டது இந்தச் சனிப்பெயர்ச்சி. வெளிநாட்டிலும் வேலை கிடைக்கலாம். உள்நாட்டில் அரசுப்பணிக்கு முயற்சி செய்தவர் களுக்கு அதுவும் கைகூடும். பெண் குழந்தைகளின் கல்யாண வாய்ப்புகளும் ஏற்படும்.

அடுத்துச் சனியின் பார்வை ஒன்பதாமிடத்தில் பதிவதால் பெற்றோர் வழி உறவில் ஏற்பட்ட விரிசல்கள் அகலும். பூர்வீக சொத்துக்களில் இருந்த வில்லங்கங்கள் விலகும். வாகனம் வாங்கும் முயற்சியில் ஆர்வம் காட்டுவீர்கள். பழைய வாகனங்களைக் கொடுத்துவிட்டுப் புதிய வாகனங்களை வாங்கி அனைவரையும் ஆச்சரியத்தில் ஆழ்த்துவீர்கள். சனியின் பார்வை பனிரெண்டாமிடத்தில் பதிவதால் பயணங்கள் அதிகரிக்கும். குடும்பத்தின் சார்பாக முன்னோர்கள் கட்டிய கோவிலைப் பராமரித்து குடமுழுக்கு விழா செய்வதிலும் ஆர்வம் காட்டுவீர்கள்.

குதூகலம் தரும் குருப்பெயர்ச்சிக் காலம்!

4.10.2018-ல் விருச்சிக ராசியில் குரு சஞ்சரிக்கப் போகின்றார். அதன்பிறகு 28.10.2019-ல் தனுசு ராசிக்கு குரு செல்கின்றார். இந்த இரண்டு பெயர்ச்சிகளும் இழப்புகளை ஈடுசெய்யும் விதத்திலேயே இருக்கின்றது. குரு பார்க்க கோடி நன்மையல்லவா? எனவே, விருச்சிகத்தில் குருப் பெயர்ச்சி நடைபெறும் பொழுது குடும்ப முன்னேற்றம் கூடும். சுபவிரயங்கள் அதிகரிக்கும். தொழில் வளர்ச்சி கூடும். வாங்கல்- கொடுக்கல்களை ஒழுங்கு செய்து கொள்வீர்கள். ஆரோக்கியத் தொல்லையில் இருந்து விடுபட்டு அதிக உற்சாகத்துடன் பணிபுரிவீர்கள்.

தனுசு ராசியில் குரு சஞ்சரிக்கும் பொழுது வெளிநாட்டு யோகம் வெற்றி கரமாக வந்து சேரும். விவாகப் பேச்சுகள் முடிவாகும். இளைய சகோதரத்தோடு இணக்கம் ஏற்பட்டு எடுத்த முயற்சிகளில் வெற்றி கிடைக்கும். பெற்றோர்களின் ஆதரவு உண்டாகும்.

ராகு-கேது பெயர்ச்சிக் காலம்!

13.2.2019-ல் மிதுன ராசியில் ராகுவும், தனுசு ராசியில் கேதுவும் சஞ்சரிக்கப் போகிறார்கள். 9-ம் இடத்தில் ராகுவும், 3-ம் இடத்தில் கேதுவும் சஞ்சரிக்கும் பொழுது திடீர் தனலாபம் வந்து திக்குமுக்காடச் செய்யும். போட்டியாகச் செயல்பட்டவர்கள் விலகுவர். பொருளாதாரத்தில் இருந்த தேக்க நிலை மாறும். உடன்பிறப்புகள் உங்கள் முன்னேற்றத்திற்கு உறுதுணையாக இருப்பர். பூமி சம்பந்தப்பட்ட வழக்குகளில் புதிய திருப்பம் ஏற்படும்.

தொட்ட காரியங்களில் வெற்றி பெற வழிபாடு!

அருகிலிருக்கும் சிவாலயத்திற்குச் சென்று வெள்ளிக்கிழமை தோறும் அம்பிகை வழிபாட்டை மேற்கொள்ளுங்கள். பிரதோஷ நாளில் நந்தீஸ்வரர் வழிபாட்டை மேற்கொள்ளுங்கள். சிறப்பு வழிபாடாக சிவகங்கை மாவட்டம் காரைக்குடி அருகிலிருக்கும் கோவிலூரில் உள்ள கொற்றவாளஸ்வரர், திருநெல்லையம்மனை வழிபட்டு வெற்றி வாய்ப்பு களை வரவழைத்துக் கொள்ளுங்கள்.

மங்கையருக்கான மகத்தான பலன்கள்!

துலாம் ராசியில் பிறந்த பெண்களுக்கு முழுமையான ஏழரைச் சனி விலகுகிறது. இனி உங்கள் எண்ணங்கள் ஈடேறும். எடுத்த காரியங்களில் வெற்றி கிடைக்கும். பிரிந்த உறவினர்கள் மீண்டும் வந்திணைவர். பிரச்சினைகள் படிப்படியாக மாறும். இழந்த சொத்துக்கள், நகைகள் மீண்டும் பெறும் வாய்ப்புக் கிடைக்கும். கணவன்-மனைவிக் குள் ஒற்றுமை பலப்படும். ஒருவரை ஒருவர் புரிந்து கொண்டு செயல் படுவீர்கள். உடல்நலம் சீராகி உற்சாகத்தோடு காணப்படுவீர்கள்.

உத்தியோகத்தில் நல்ல முன்னேற்றங்கள் வந்து சேரும். ஊதிய உயர்வும், நினைத்த இடத்திற்கு பதவி உயர்வோடு கூடிய இடமாற்றமும் கிடைக்கும். தனுசு ராசியில் குரு சஞ்சரிப்பது மிகுந்த அற்புதமான நேரமாகும். தங்கம், வெள்ளி தடையின்றி வந்து சேரும். வாகன யோகம் முதல் அனைத்து வளர்ச்சியும் உண்டாகும். ஆரம்பத்தில் சுக ஸ்தானத்தில் கேதுவும், தொழில் ஸ்தானத்தில் ராகுவும் இருப்பதால் வருமானம் திருப்தி தரவும், வசதி வாய்ப்புகள் பெருகவும், ராகு-கேது பிரீதி செய்வது நல்லது.

சனியின் வக்ர காலம்!

25.4.2018 முதல் 21.8.2018 வரை மூல நட்சத்திரக் காலில் சனி வக்ரம் பெறகின்றார். 8.5.2019 முதல் 3.9.2019 வரை மீண்டும் பூராட நட்சத்திரக் காலில் சனி வக்ரம் பெறுகின்றார்.

உங்கள் ராசிக்கு 4, 5 ஆகிய இடங்களுக்கு அதிபதியானவர் சனிபகவான். அவர் வக்ரம் பெறுவது அவ்வளவு நல்லதல்ல. குடும்பத்தில் குழப்பங்கள் அதிகரிக்கும். கூட்டாளிகள் விலகுவர். சுகங் களும், சந்தோஷங்களும் குறையும். இதுபோன்ற காலங்களில் எச்சரிக்கை தேவை. பிள்ளைகளால் பிரச்சினைகள் அதிகரிக்கும். வெளியூரில் அல்லது வெளிநாட்டில் வசிக்கும் பிள்ளைகளை கண் காணித்துக்கொள்வது நல்லது. பூர்வீக சொத்துக்களில் மீண்டும் விவகாரங்கள் தலைதூக்கலாம். கொடுத்த பணம் குறிப்பிட்டபடி வசூலாகாமல் போகலாம். தொழிலில் புதியவர்களை நம்பி ஏமாற்றமடையும் சூழ்நிலையும் உண்டு.

27-7-2017 முதல் 13-2-2019 வரை

சித்திரை 3, 4 பாதங்கள், சுவாதி, விசாகம் 1, 2, 3 பாதங்கள் வரை

(பெயரின் முதல் எழுத்துக்கள்: ர, ரி, ரு, ரே, த, தி, து, தே உள்ளவர்களுக்கும்)

பத்தில் ராகு வருகிறது!  முத்திரை பதிக்கப் போகிறது!

எதையும் சீர்தூக்கிப் பார்த்துச் செயல்படும் துலாம் ராசி நேயர்களே!

ஜூலை மாதம் 27–ந் தேதி பெயர்ச்சியாகப் போகும் ராகு, உங்கள் ராசிக்கு 10–ம் இடம் எனப்படும் தொழில் ஸ்தானத்திற்கு வந்து முத்திரை பதிக்க வைக்கப்போகிறார். இனி பணவரவிற்கு பஞ்சம் ஏற்படாது.

பதினெட்டு மாதங்களுக்கு ஒருமுறை பெயர்ச்சியாகும் இந்த ராகு– கேதுக்கள் புதிய பாதையை உங்களுக்கு புலப்படுத்தும். அதிக நற்பலன்களை அள்ளிக்கொடுக்கும். விதிப்படியே நடக்கும் என்று வீட்டில் அடைந்து கிடந்தவர்கள்கூட, இனி பரபரப்பாகச் செயல்பட்டு பணத் தேவைகளை பூர்த்தி செய்து கொள்ளப் போகிறார்கள்.

இந்த பாம்புக்கிரகப் பெயர்ச்சி பல வழிகளிலும் உங்களுக்கு உறுதுணையாக இருக்கப் போகிறது.

சுக ஸ்தானத்தில் சஞ்சரிக்கும் கேதுவை, தொடக்கத்தில் குரு பார்க் கின்றார். செப்டம்பர் 2–க்கு மேல் உங்கள் ராசியிலேயே குரு சஞ்சரிக்கப் போகின்றார். குரு உங்கள் ராசிநாதன் சுக்ரனுக்கு பகை கிரகமாக இருந்தாலும் கூட, சுபகிரகம் என்பதால் இடையிடையே நன்மைகளையும் செய்வார். குருப்பெயர்ச்சியின் விளைவாக 5, 7, 9 ஆகிய இடங்கள் புனிதமடைகின்றன. பிள்ளைகளாலும் இல்லத்தில் உள்ளவர்களாலும் பெரியளவில் நன்மைகள் கிடைக்கும்.

டிசம்பர் மாத்தில் சனியும் பெயர்ச்சியாகப் போகிறது. ஏழரைச் சனி விலகுவதால் வாழ்வில் வசந்தம் ஏற்படும். வாய்ப்புகள் தானே தேடி வரும். இந்த மூன்று கிரகங்களின் பெயர்ச்சியும் இனிய பலன்களையே உங்களுக்கு வழங்கப் போகின்றது.

இருப்பினும் 10–ம் இடத்து ராகுவால் முத்தான பலன் கிடைக்கவும், தொழிலில் முன்னேற்றம் கூடவும், சுக ஸ்தான கேதுவால் ஆரோக்கியத் தொல்லைகளிலிருந்து விடுபடவும், நாகசாந்திப் பரிகாரங்களை அனுகூலமான நாட்களில் சிறப்பு ஸ்தலங் களுக்குச் சென்று செய்து கொள்வது நல்லது.

முத்தான தொழில் வழங்கும் பத்தாமிடத்து ராகு!

இதுவரை உங்கள் ராசிக்கு 11–ம் இடமான லாப ஸ்தானத்திற்கு ராகு பகவான் வீற்றிருந்தார். இப்பொழுது அவர் 10–ம் இடத்திற்கு மாறுகிறார். தொழில் ஸ்தானம் வலிமையடைகின்றது. எனவே தொழில் தொடங்க ஒருசிலருக்கு வாய்ப்புகள் கைகூடி வரும். உத்தியோகத்தில் உள்ளவர்களில் சிலர், விருப்ப ஓய்வு பெற்று, சுய தொழில் செய்ய முன்வருவர்.

பத்திலே அரவு நின்றால்
பணிச்சுமை அதிகரிக்கும்!
முத்தான தொழிலும் வாய்க்கும்!
முன்னேற்றம் வந்து சேரும்!

என்று ஜோதிட சாஸ்திரம் சொல்கின்றது.

அந்த அடிப்படையில் பார்க்கும் பொழுது ராகுவால் பலவித நன்மைகள் வந்து சேரப்போகின்றது. இனி கவலை என்ற மூன்றெழுத்து உங்கள் அகராதியில் இருந்து விலகும். நல்லவர்களின் தொடர்பால் நலம் காண்பீர்கள். புதிய ஒப்பந்தங்கள் அடுக்கடுக்காக வந்து சேரும். புகழ் மிக்கவர்கள் உங்களுக்குப் பின்னணியாக இருந்து காரியங்களை முடித்துக்

கொடுப்பர். தொழில் வளர்ச்சி அமோகமாக இருக்கும்.

பொருளாதார நிலை உயரும் என்பதால் அதன் மூலமாக இடம், பூமி வாங்குவதில் ஆர்வம் காட்டுவீர்கள். தன்னம்பிக்கையும், தைரியமும் கூடும். அரசுவழியில் எதிர்பார்த்த சலுகைகள் கிடைக்கலாம். அதிகாரப் பதவியில் உள்ளவர்கள் உறுதுணையாக இருப்பர். மூடிக்கிடந்த தொழிலுக்கு திறப்பு விழா நடத்தி பார்க்கும் யோகமும் உண்டு.

உத்தியோகம் சம்பந்தமாக முயற்சி செய்தவர்களுக்கு அது கிடைக்கக் கூடிய நேரமிது. ஒரு சிலருக்கு வெளிநாடு செல்லும் யோகம் வாய்க் கும். ‘சம்பள உயர்வு வரவில்லையே’ என்று சங்கடப்பட்டவர்களுக்கு சந்தோ‌ஷத் தகவல் வந்து சேரும்.

செயல் ஸ்தானத்தில் பாம்பு கிரகங் கள் சஞ்சரிக்கும் பொழுது, செயல்பாடுகளில் வெற்றி கிடைக்கும். வியாபார முன்னேற்றம் கருதியும், புதிதாகத் தொடங்கும் தொழிலுக்கு மூலதனமாகவும் பெற்றோர்களிடம் இருந்து ஒரு தொகை கிடைக்கலாம்.

குருவின் பார்வை 9–ம் இடத்தில் பதிவதால் ஒருசிலருக்கு குடும்பத் தொழிலையே கவனிக்கும் வாய்ப்பு உருவாகும். குடும்பத்தினர்களின் பொருளதாரத் தேவைகளை எல்லாம் பூர்த்தி செய்வீர்கள். பிள்ளைகளின் முன்னேற்றத்திற்கும் வழிவகுத்துக் கொடுப்பீர்கள். வீடு, பயிர், நிலம், தோட்டம் வாங்கி அதை பராமரிக்கும் யோகம் ஒருசிலருக்கு வரும்.

10–ல் ராகு வரும் பொழுது பணிச்சுமை அதிகரிக்கும் என்றும், பல பணியாளர்களை வைத்து வேலை வாங்கும் யோகம் உருவாகும் என்றும் ஜோதிட சாஸ்திரம் சொல்கின்றது. அந்த அடிப்படையில் பெரிய தொழிற்சாலைகள் நடத்தும் வாய்ப்பு அல்லது கல்வி நிலையங்கள், பொருள் உற்பத்தி நிலையம் போன்றவற்றை ஏற்படுத்தி அதை மேற்பார்வையிடும் யோகம் வந்து சேரும்.

நான்காமிடத்தில் சஞ்சரிக்கும் கேதுவின் பலன்!

சுக ஸ்தானம் என்ற வர்ணிக்கப் படும் 4–ம் இடத்தில் கேது சஞ்சரிப்பது அவ்வளவு நல்லதல்ல. ஆரோக்கியத் தொல்லை அடிக்கடி ஏற்படும். இருப்பினும் சனிப்பெயர்ச்சிக்குப் பிறகு ஓரளவு மருத்துவச் செலவுகள் குறையும். கேதுவின் சஞ்ச£ரத்தால் வீண் விரயம் ஏற்படாமலிருக்க, இல்லம் கட்டிக் குடியேறுவது, பிள்ளைகளின் திருமணம், பெற்றோர்களின் மணிவிழா, போன்ற சுப நிகழ்ச்சிகளை நடத்துவீர்கள்.

தாயின் உடல் நலத்தில் கவனம் தேவை. உறவினர்களுக்கு நீங்கள் நன்மை செய்தாலும் அது தீமையாகவே தெரியும். உள்ளத்தில் ஒன்றும், உதட்டில் ஒன்றும் வைத்துப் பேசுபவர்களை நீங்கள் இனம் கண்டு கொள்வது நல்லது. சொந்த பந்தங்களின் பகையை வளரவிடாமல் பார்த்துக் கொள்ளுங்கள். பட்டப்படிப்பை முடித்த பிள்ளைகள், பட்ட மேற்படிப்பு படிக்க வெளிநாடு செல்ல வேண்டும் என்று விரும்பினால் அதற்கு உதவித் தொகை கிடைக்கும். ஞானகாரகன் கேது ஆன்மிகத்தில் நாட்டத்தை செலுத்தும். ஆலயத் திருப்பணிகளுக்கு செலவிடுவீர்கள். உங்கள் முன்னோர் கட்டிய கோவிலைப் பராமரிக்கச் செலவிடுவீர்கள். பாதியில் நின்ற வீடு கட்டும் பணியை மீதியும் தொடருவீர்கள். அசையா சொத்துகள் வாங்குவதில் ஆர்வம் காட்டுவீர்கள். அருளாளர்களின் ஆலோசனைகளை அப்போதைக்கப்போது கைகொடுக் கும். பொதுஜன தொடர்பு நன்மை தரும். இல்லம் கட்டிக்குடியேறும் அமைப்பு கூட இனிதே நடைபெறலாம்.

பெண்களுக்கு!

துலாம் ராசியில் பிறந்த பெண்களுக்கு நன்மைகள் நடைபெறும் நேரமிது. ஆடை, ஆபரணங்கள் ஆசைதீர வாங்கி அணியும் வாய்ப்பு கிட்டும். ஆரோக்கியம் சீராகும். தாய்வழி ஆதரவு கொஞ்சம் குறையலாம். உடன் பிறப்புகளில் ஒருசிலர் மட்டும் உங்களோடு இணைந்து செயல்படுவர். கணவன்–மனைவிக்குள் அன்யோன்யம் அதிகரிக்கும். உத்தியோகம் பார்ப்பவர்கள் அதில் உயர்வு ஏற்பட்டு கரைந்த சேமிப்புகளை ஈடுகட்டுவீர்கள். வீடு வாங்கும் யோகம் உண்டு. மற்றவர்களுக்கு பொறுப்பு சொல்லி வாங்கிக் கொடுத்த தொகையும் வந்து சேரும். பணியில் இருப்பவர்கள் சக ஊழியர்களை அனுசரித்துச்செல்வது நல்லது. சுக ஸ்தான கேதுவால் உடல் ஆரோக்கியம் அடிக்கடி சீர்கெடலாம். எனவே நாகசாந்திப் பரிகாரங்களைச் செய்து நல்ல வாய்ப்புகளை வரவழைத்துக் கொள்ளுங்கள்.

வாழ்க்கை வசந்தமாக வழிபாடு!

பத்தாமிடத்து கேதுவால் பணத் தேவைகள் பூர்த்தியாகவும், தொழில் வளர்ச்சி கூடவும், சுக ஸ்தான கேதுவால் சுகங்களும், சந்தோ‌ஷங்களும் வந்து சேரவும், பாம்பு கிரகத்துக்குரிய சிறப்பு வழிபாடுகளை அனுகூல நாளில் செய்வதோடு வெள்ளிக்கிழமை தோறும் லட்சுமியை வழிபடுவது நல்லது.

பாதசாரப்படி   ராகு   தரும்   பலன்கள்!

புதன் சாரத்தில் ராகு சஞ்சரிக்கும் பொழுது (27.7.2017 முதல் 3.4.2018 வரை)

இக்காலத்தில் சுபவிரயங்கள் அதிகரிக்கும். துணிவும், தன்னம்பிக்கையும் உங்களுக்குத் தேவை. உத்தியோகத்தில் நிர்வாகத்தினரின் வழிகாட்டுதலைப் புரிந்து கொண்டு செயல்படுவது நல்லது. இல்லையேல் திடீர் மாற்றங்கள் உருவாகலாம். பதவி உயர்விற்கு உங்கள் பெயர் பரிசீலிக்கப்படும். தந்தைவழி அன்பிற்கு பாத்திரமாகி நலம் காண்பீர்கள். புதன் 12–ம் இடத்திற்கும் அதிபதியாக இருப்பதால் பயணங்கள் அதிகரிக்கும் நேரமிது.

சனி சாரத்தில் ராகு சஞ்சரிக்கும் பொழுது (4.4.2018 முதல் 11.12.2018 வரை)

இக்காலத்தில் சொத்துகள் வாங்கும் யோகம் உண்டு. பிள்ளைகளின் கல்யாணக் கனவுகளை நனவாக்குவீர்கள். பழைய வாகனங்களைக் கொடுத்துவிட்டுப் புதிய வாகனங்கள் வாங்கும் வாய்ப்பு கைகூடிவரும். தொழில் சீராக நடைபெறும். வருமானம் திருப்திகரமாக இருக்கும். திறமை பளிச்சிடும் நேரமிது.

குரு சாரத்தில் ராகு சஞ்சரிக்கும் பொழுது (12.12.2018 முதல் 12.2.2019 வரை)

இக்காலத்தில் உடல் ஆரோக்கியத்தில் கவனம் தேவை. உத்தியோக மாற்றங்கள் உறுதியாகலாம். உடன்பிறப்புகளின் பகை அதிகரிக்கும். எதிரிகளின் பலம் கூடும். இந்த நேரத்தில் மிகவும் விழிப்புணர்ச்சியோடு இருப்பது நல்லது.

பாதசாரப்படி கேது தரும் பலன்கள்!

செவ்வாய் சாரத்தில் கேது சஞ்சரிக்கும் பொழுது (27.7.2017 முதல் 29.11.2017 வரை)

இக்காலம் ஒரு பொற்காலமாகும். எதிர்பாராத தொகையும் வந்து சேரும். இயற்கையாகத் தொழிலிலும் லாபம் வந்து சேரும். சொத்துக்கள் வாங்குவதில் அதிக அக்கரை எடுத்துக்கொள்வீர்கள். சொந்த பந்தங்களுக்கும் உதவி செய்வீர்கள். மருத்துவச்செலவுகள் குறையும். உற்சாகமும், தெம்பும் உடலில் குடிகொள்ளும். இதுபோன்ற காலங்களில் செவ்வாய்க்கிழமை தோறும் விரதமிருந்து முருகப்பெருமானை வழிபடுவது நல்லது.

சந்திரன் சாரத்தில் கேது சஞ்சரிக்கும் பொழுது (30.11.2017 முதல் 7.8.2018 வரை)

இக்காலம் ஒரு இனிய காலமாகும். எடுத்த காரியங்களில் வெற்றி கிடைக்கும். தொழில் வளர்ச்சி மேலோங்கும். புதிய ஒப்பந்தங்களில் கையெழுத்திட்டு மகிழ்வீர்கள். கடன்பிரச்சினை தீரும். கண்ணியமிக்க மனிதர்கள் நீங்கள் எண்ணிய காரியத்தை எளிதில் முடித்துக் கொடுப்பர்.

சூரிய சாரத்தில் கேது சஞ்சரிக்கும் பொழுது (8.8.2018 முதல் 12.2.2019 வரை)

விழிப்புணர்ச்சி அதிகம் தேவைப்படும் நேரமிது. வீடு மாற்றங்களும், நாடு மாற்றங்களும் உருவாகலாம். உடல் உபாதைகள் அதிகரிக்கும். பலபணிகள் பாதியிலேயே நிற்கலாம். மூத்த சகோதரர்களால் முன்னேற்றத்தில் பாதிப்புகள் ஏற்படாமல் அனுசரித்துச்செல்வது நல்லது.

4-10-2018 முதல் 28-10-2019 வரை

சித்திரை 3, 4 பாதங்கள், சுவாதி, விசாகம் 1, 2, 3 பாதங்கள் வரை

(பெயரின் முதல் எழுத்துக்கள்: ர, ரி, ரு, ரே, த, தி, து, தே உள்ளவர்களுக்கும்)

இரண்டில் வந்தது குரு பகவான் இல்லற வாழ்வில் மகிழ்ச்சி வரும்!

எந்த நாளும் இனிய நாளாக அமைய என்ன செய்யலாம் என்று சிந்தித்துக் கொண்டிருக்கும் துலாம் ராசி நேயர்களே!

அள்ளிக்கொடுக்கும் வெள்ளிச் சுக்ரனின் ஆதிக்கம் பெற்ற ராசியைக் கொண்டவர்கள் நீங்கள். ஆக்கப்பூர்வமாக சிந்தித்து செயல்படுவீர்கள். வாழ்க்கையில் எல்லாச் செல்வங்களையும் ஒரு சேரப் பெற்று வாழ வேண்டுமென்று விரும்புபவர்கள் நீங்கள். வசீகரத் தோற்றத்திற்கு சொந்தக் காரர்களாக இருக்கும் நீங்கள் எடுக்கும் முயற்சிகளில் எப்பொழுதும் பின்வாங்க மாட்டீர்கள். சுய கவுரவத்திற்காகவும், புகழுக்காகவும் பணம் செலவு செய்யவும் தயங்க மாட்டீர்கள். கவிதை, கதை எழுதுவதிலும், ஆடல், பாடல், நடிப்பு, இயக்கம், படம் எடுத்தல் போன்றவற்றில் சிறந்து விளங்குபவர்களும் நீங்கள் தான்.

உங்கள் ராசியில் இதுவரை சஞ்சரித்துப் பலவித இன்னல்களையும், இதயக்குமுறல்களையும் கொடுத்த குரு பகவான், இனி புரட்டாசி 18 முதல் புதிய பாதையைக் காண வைக்கப் போகின்றார்.

புரட்டாசி 18–ல் குரு பகவான் தன்னுடைய நட்சத்திரக்காலில் வியாழக் கிழமை அன்று பெயர்ச்சியாவதால் நல்ல திருப்பங்கள் ஏற்படும். உங்கள் ராசியைப் பொறுத்தவரை 3, 6 ஆகிய இடங்களுக்கு அதிபதியானவர் குரு பகவான். உடன்பிறந்தோர், வெற்றிச் செய்திகள், வீரம், அஞ்சாநெஞ்சம், அணிகலன்கள் வாங்கும் யோகம், வழக்குகளில் திசைதிருப்பம், எதிரிகளின் பலம் ஆகியவற்றைக் குறிக்குமிடமாக 3–ம் இடம் விளங்குவதால் அதற்குரிய காரகத்துவங்களை குரு பகவான் சிறப்பாகச் செய்து கொடுப்பார்.

ஆறாமிடத்தைப் பொறுத்தவரை எதிர்ப்பு, வியாதி, கடன், இடையூறு சக்தி, களைப்பு, வீண்பழி, கண்நோய், நேரம் தவறுதல், தியாக வாழ்வு, பங்காளிப்பகை, கருத்து வேறுபாடு போன்றவற்றை எடுத்துரைக்கும் இடமாகும். இந்த இடத்தில் ஆதிபத்யங்களைக் கொண்டு தன ஸ்தானத்தில் சஞ்சரிக்கும் குரு பகவான் நல்ல பலன்களை அள்ளி வழங்குவார்.

விருச்சிக குருவின் சஞ்சாரம்!

4.10.2018–ல் விருச்சிக ராசியில் சஞ்சரிக்கும் குரு பகவான் 28.10.2019 வரை தன ஸ்தானத்தில் வீற்றிருந்து பல வழிகளிலும் உங்களுக்குப் பொருளாதார நிலையை உயர்த்திக் கொடுக்கப் போகின்றார். இடையில் 13.3.2019–ல் தனுசு ராசிக்கு அதிசாரமாக செல்கின்றார். பிறகு 10.4.2019–ல் தனுசு ராசியிலேயே வக்ரம் பெறுகின்றார். மீண்டும் 19.5.2019–ல் விருச்சிக ராசியில் சஞ்சரித்து வக்ர கதியிலேயே இருக்கின்றார். 7.8.2019–ல் விருச்சிக குரு வக்ர நிவர்த்தியாகின்றார். 28.10.2019–ல் தனுசு ராசிக்கு முறையாகச் செல்கின்றார்.

குரு பார்வை தரும் பலன்கள்!

குருப்பெயர்ச்சியின் பொழுது 6, 8, 10 ஆகிய இடங்களைப் பார்க்கின்றார். குருப்பெயர்ச்சியான உடன் உங்கள் ராசிக்கு ருண, ரோக, சத்ரு ஸ்தானத்தையும், இழப்புகள் ஸ்தானத்தையும், தொழில் ஸ்தானத்தையும் தனது இன்னல் தீர்க்கும் பார்வையால் பார்க்கப் போகின்றார்.

‘ஆறினை குரு தான் பார்த்தால் அடைந்திரும் கடன்கள் யாவும்’ என்பார்கள். எனவே குரு பார்வை 6–ல் பதியும் பொழுது, கடன் சுமை குறையும். மூடிக்கிடந்த தொழிலுக்கு திறப்பு விழா நடத்துவீர்கள். முன்னேற்றப் பாதையில் அடியெடுத்து வைப்பதற்கான அறிகுறிகள் தோன்றும். பணியிடத்தில் எதிர்பாராத விதத்தில் சலுகைகள் கிடைக்கும். நோய்கள் அகல மாற்று மருத்துவத்தை மேற்கொள்வீர்கள்.

‘எட்டினை குருதான் பார்த்தால் இழப்பினை ஈடுசெய்வீர்கள்’ என்பது முன்னோர் வாக்கு. அந்த அடிப்படையில் சென்ற ஆண்டு தொழிலில் ஏற்பட்ட இழப்புகளை ஈடுசெய்ய புதிய வாய்ப்புகள் வந்து சேரும். ஒப்பந்தங் களில் கையெழுத்திட்டு மகிழ்வீர்கள்.  மனப்பயம் அகலும். அடகு வைத்த நகைகளை மீட்டுக்கொண்டு வந்து அணிவித்து அழகு பார்ப்பீர்கள்.

‘பத்தினை குருதான் பார்த்தால் முத்தான தொழில்கள் வாய்ப்பும் முன்னேற்றமும் கூடும்’. துணிந்து எடுத்த முடிவுகளால் துயரங்களிலிருந்து விடுபடுவீர்கள். கடின உழைப்பிற்கான பலன் கிடைக்கும் நேரமிது. உத்தியோகத்தில் உள்ளவர்களுக்கு அந்நிய தேசத்திலிருந்து வரும் அழைப்புகள் மகிழ்ச்சி தரும். ஒருசிலர் வி.ஆர்.எஸ். பெற்றுக் கொண்டு விரும்பிய வண்ணம் தொழில் செய்ய கூட்டாளிகளை சேர்த்துக்கொள்ள முன்வருவர்.

உங்கள் ராசிக்கு 3–ம் இடத்தில் கேதுவும், சனியும் இணையும் நேரத்தில் உடன்பிறப்புகளை கொஞ்சம் அனுசரித்துக் கொள்வது நல்லது. பூர்வீக சொத்துக்களைப் பிரித்துக்கொள்ளும் பொழுது சகோதரர் கருத்துக்களுக்கு இணங்கிச் சென்றால் தான் காரியங்கள் முடிவடையும். என்றைக்கோ வாங்கிய சொத்தில் இடர்பாடுகளும், வில்லங்கங்களும் வரலாம். சவுபாக்கிய துர்க்கை வழிபாடு சகல பாக்கியங்களையும் வழங்கும்.

குருவின் பாதசார பலன்கள்!

குருப்பெயர்ச்சியாகும் பொழுது குரு தனது சுய சாரத்தில் சஞ்சரிக்கின்றார். 3, 6 ஆகிய இடங்களுக்கு அதிபதியான குரு, தன் காலிலேயே சஞ்சரிக்கும் பொழுது முன்னேற்றம் மிக அதிகமாக இருக்கும். பணம் முடையாக இருக்கின்றதே என்று சொன்ன நீங்கள் மூட்டை மூட்டையாக பணம் வருகின்றதே என்று சொல்லுமளவிற்கு தொழிலில் வளர்ச்சி கூடும். சகோதரர்களின் கல்யாணத்தை முன்னின்று நடத்தி வைப்பீர்கள். பொது நலத்தில் இருப்பவர்களுக்கு பொருத்த மான தலைமைப் பதவியும் கிடைக்கலாம். அரசு மூலம் கிடைக்க வேண்டிய சலுகைகளும் கிடைக்கும்.

21.10.2018 முதல் 19.12.2018 வரை அனு‌ஷ நட்சத்திரக் காலில் குரு சஞ்சரிக்கின்றார். சனி சாரத்தில் குரு பகவான் சஞ்சரிக்கும் பொழுது, வெளிவட்டாரத் தொடர்பு விரிவடையும். வியக்கும் தகவல் வீடு வந்து சேரும். அந்நிய இனத்தவர்களின் ஆதரவால் நல்ல பலகாரியங்களைச் செய்து முடிப்பீர்கள். போட்டி பந்தயங்களில் வெற்றி கிடைக்கும். பூமி வாங்கும் யோகம் உண்டு.

ஒருசிலர் எதிர்கால நலன் கருதி இடம் வாங்கி அதில் வாடகைக்கு கடை கட்டிவிட முன்வருவர். பொதுவாக சொத்துக்களில் ஆதாயம் கிடைக்கும் நேரமிது. தாயின் உடல் நலத்தில் கவனம் தேவை. பிள்ளைகள் வெளிநாடு செல்லப் போட்ட திட்டங்கள் நிறைவேறலாம்.

20.12.2018 முதல் 12.3.2019 வரை மற்றும் 18.5.2019 முதல் 27.10.2019 வரை கேட்டை நட்சத்திரக்காலில் குரு பகவான் சஞ்சரிக்கின்றார். புதன் காலில் குரு சஞ்சரிக்கும் பொழுது புதிய  வாகனங்கள் வாங்கப் போட்ட திட்டங்கள் நிறைவேறும். விலங்கு வளர்ப்பில் ஆர்வம் காட்டுவீர்கள். ஒரு சிலருக்கு மாடு கன்று வாங்கி வளர்க்கும் யோகம் உண்டு. விவசாயத்துறையில் ஈடுபட்டவர்களுக்கு நல்ல லாபம் கிடைக்கும். புதன் உங்கள் ராசிக்கு 9, 12 ஆகிய இடங் களுக்கு அதிபதியானவர். எனவே தந்தை வழியில் இருந்த கருத்து வேறுபாடுகள் அகலும். பங்காளிப் பகை மாறும். பூர்வீகக் கோவில்களைப் பராமரிக்க எடுத்த முயற்சி கைகூடும். பாகப்பிரிவினைகள் சுமுகமாக முடியும்.

13.3.2019 முதல் 17.5.2019 வரை மூலம் நட்சத்திரக் காலில் குரு பகவான் சஞ்சரிக்கின்றார். கேது சாரத்தில் குரு பகவான் சஞ்சரித்து தனுசு ராசிக்குள் பிரவேசிப்பதால் உங்கள் ராசிக்கு 7, 9, 11 ஆகிய இடங்கள் புனிதமடைகின்றன. எனவே இக்காலம் ஒரு பொற்காலமாக அமையும். உத்தியோகத்திற்காக முயற்சி செய்தவர்களுக்கு அது உடனடியாகக் கைகூடும். பணி நீக்கம் செய்யப்பட்டு பல நாட்களாக வேலையில்லாமல் இருந்தவர்கள் மீண்டும் பணியில் அமர்த்தப்படுவர். வாரிசுகளின் வளர்ச்சி பெருமைப்படத்தக்கதாக அமையும். பணப்புழக்கம் அதிகரிக்கும். கரைந்த சேமிப்புகளை ஈடுகட்டுவீர்கள். புதிய ஒப்பந்தங்கள் மூலம் கூடுதல் வருமானம் கிடைக் கும்.

செல்வ வளம் தரும் சிறப்பு வழிபாடு!

வெள்ளிக்கிழமை தோறும் மீனாட்சி அம்மன் வழிபாட்டை மேற்கொள்வது நல்லது. சுவாதி நட்சத்திரமன்று அல்லது யோகபலம் பெற்ற நாளில் சிவகங்கை மாவட்டம் கீழச்சிவல்பட்டி அருகில் உள்ள இளையாற்றங்குடியில் வீற்றிருந்து அருள்வழங்கும், நித்தியகல்யாணி சமேத கயிலாசநாதரையும், குழையத் தழுவிய காமாட்சியையும் வழிபட்டு வருவது நல்லது. அம்பிகை வழிபாடு இன்பம் வழங்கும்.

குருவின் வக்ர காலம்!

இந்த பெயர்ச்சி காலத்தில் விருச்சிக ராசியிலும், தனுசு ராசியிலும் குரு வக்ரம் பெறுகின்றார். இந்த வக்ர காலம் உங்களுக்கு வளர்ச்சி அதிகமாகவே இருக்கும். குடும்ப முன்னேற்றம் திருப்தி தரும். அருகிலிருப்பவர்களின் ஆதரவு அதிகமாகக் கிடைக்கும். பிள்ளைகளின் கல்யாணக் கனவுகளை நனவாக்குவீர்கள். குடும்ப ஒற்றுமை கூடும். பிரிந்தவர்கள் வந்திணைவர். சுயதொழில் தொடங்க முன் வருபவர்களுக்கு வங்கிகளிலும் சலுகைகள் கிடைக்கும். பணிநிரந்தரமாகவில்லையே என்று கவலைப்பட்டவர்களுக்கு பணி நிரந் தரமாகும். தொழில்புரிபவர்கள்  லாபம் சம்பாதிப்பர். பணியாளர் தொல்லை அகலும். உழைப்பிற்கேற்ற பலன் கிடைத்து மகிழும் உன்னதமான நேரமிது.

பெண்களுக்கான சிறப்புப் பலன்கள்!

இந்த குருப்பெயர்ச்சி எதிர்  பார்ப்புகளை நிறைவேற்றும் விதத்திலேயே இருக்கின்றது. வருமானம் திருப்திகரமாக இருக்கும். கணவன்–மனைவிக்குள் அன்பும், பாசமும், அதிகரிக்கும். அன்னியோன்யம் ஏற்படும். பிள்ளைகள் வழியில் எதிர்பார்த்த சுபகாரியங்கள் கை கூடும். அவர்களின் மேற்படிப்பை முன்னிட்டு வெளிநாடு செல்லும் யோகம் கூட ஏற்படலாம். மாற்று மருத்துவத்தின் மூலம் உடல்நலம் சீராகும். தாய் மற்றும் உடன்பிறப்புகளின் உதவியும் ஒத்துழைப்பும் கிடைக்கும். தனுசில் அதிசாரமாக குரு சஞ்சரிக்கும் பொழுது அதன் பார்வை லாப ஸ்தானத்தில் பதிவதால் பணிபுரியும் பெண்களுக்கு பதவி உயர்வும், ஊதிய உயர்வும் கிடைக்கும். உங்கள் பெயரில் சொத்துக்கள் வாங்க குடும்ப உறுப்பினர்கள் சம்மதிப்பர். வைரவர் வழிபாடு வளர்ச்சியைக் கூட்டும். குலதெய்வ வழிபாடு குடும்ப முன்னேற்றத்தைக் கொடுக்கும். குருப் பெயர்ச்சி சமயத்தில் குருவிற்குரிய சிறப்பு ஸ்தலங்களுக்குச் சென்று வழிபட்டு வருவது நல்லது.