மேற்கத்திய நாடுகளின் ஆயுதங்களை அழித்ததாக ரஷிய பாதுகாப்பு அமைச்சகம் தகவல்

ரஷியாவின் தாக்குதலை எதிர்கொள்ள உக்ரைனுக்கு மேற்கத்திய நாடுகள் நிதி, ஆயுதம் உள்ளிட்ட உதவிகளை அளித்து வருகின்றன. இந்த நிலையில், உக்ரைனின் மைகோலைவ் நகரில் மேற்கத்திய நாடுகளின் ஆயுதங்களை தாக்குதல் நடத்தி அழித்ததாக ரஷிய பாதுகாப்பு அமைச்சகம் தெரிவித்துள்ளது. முன்னதாக நேற்று உக்ரைன் அதிபர் ஜெலன்ஸ்கி மைகோலைவ் நகருக்கு சென்று ஆய்வு மேற்கொண்டு இருந்த நிலையில், ரஷியா இத்தகைய செய்தியை வெளியிட்டுள்ளது.