விவசாய கூட்டுறவு சங்க ஊழியர்கள் 2 பேருக்கு சிறை

புதுச்சேரி

புதுவை சேலியமேடு அரசு விவசாய கூட்டுறவு சங்கம் உள்ளது. இந்த சங்கத்தின் ஊழியர்களான திருமலை, சீனிவாசன் ஆகியோர் போலியான ஆவணங்களை பெற்றுக்கொண்டு சிலருக்கு கடன் பெற உதவி செய்ததாக கூறப்படுகிறது. இதுகுறித்து கடந்த 1997-ம் ஆண்டு லஞ்ச ஒழிப்பு போலீசார் வழக்குப்பதிவு செய்தனர்.

இந்த தொடர்பான வழக்கு புதுச்சேரி தலைமை குற்றவியல் நீதிமன்றத்தில் நீதிபதி மோகன் தலைமையில் நடைபெற்று வந்தது. இதில் விசாரணை முடிவடைந்து இன்று தீர்ப்பு கூறப்பட்டது. இதில் திருமலைக்கு 2 ஆண்டு சிறை தண்டனையும், ரூ.56 ஆயிரம் அபராதமும், சீனிவாசனுக்கு 2 ஆண்டு சிறை தண்டனையும், ரூ.16 ஆயிரம் அபராதமும் விதிக்கப்பட்டது. இந்த வழக்கில் அரசு தரப்பில் வக்கீல் பிரவீன்குமார் ஆஜரானார்.