ஒரு மணி நேரத்துக்கு ஒருமுறை ரெயில்

புதுச்சேரி

புதுச்சேரி ரெயில் பயணிகள் சங்க தலைவர் சாமி என்ற கருப்பசாமி, செயலாளர் மனோகர், பொருளாளர் திருப்பதி மற்றும் நிர்வாகிகள் தென்னக ரெயில்வே கூடுதல் பொது மேலாளர் மல்லையாவிடம் கொடுத்த மனுவில் கூறியிருப்பதாவது:-

புதுச்சேரி-விழுப்புரம் இடையே 1 மணி நேரத்திற்கு ஒரு முறை பயணிகள் ரெயிலை இயக்க வேண்டும். புதுச்சேரியில் இருந்து கன்னியாகுமரி, மங்களூரு, யஷ்வந்த்பூர் ஆகிய இடங்களுக்கு வாரத்தில் 3 நாட்கள் இயக்க வேண்டும். புதுச்சேரி- கடலூர் இடையே 21 கி.மீ. தூரம் புதிய ரெயில் பாதை அமைக்கும் திட்டத்தை தொடங்க மத்திய, மாநில அரசுகள் நடவடிக்கை எடுக்க வேண்டும். மதுரை-விழுப்புரம் பயணிகள் ரெயிலை புதுச்சேரி வரை நீட்டிக்க வேண்டும்.

இவ்வாறு அதில் கூறப்பட்டுள்ளது.