8-வது முறையாக சாம்பியன் பட்டத்தை வென்ற இந்திய அணி...!!!

இலங்கையில் 16-வது ஆசிய கோப்பை கிரிக்கெட் தொடர் கடந்த மாதம் 30-ந் தேதி தொடங்கியது.

இதில் இந்தியா மற்றும் இலங்கை அணிகள் இறுதிப்போட்டிக்குள் நுழைந்தன.

இறுதிப்போட்டியில் டாஸ் வென்ற இலங்கை அணி பேட்டிங் தேர்வு செய்தது.

இந்த நிலையில் மழை காரணமாக ஆட்டம் தொடங்குவதில் தாமதம் ஏற்பட்டது.

பின்னர் களம் இறங்கிய இலங்கைக்கு அதிர்ச்சி காத்திருந்தது.

பும்ரா ஆட்டம் தொடங்கிய முதல் ஓவரிலேயே குசல் பெராரே விக்கெட்டை வீழ்த்தினார்.

இதன் பின்னர் சிராஜ் வீசிய 4-வது ஓவரில் நிசாங்கா, சமரவிக்ரம, அசலன்கா மற்றும் தனஞ்சயா டி சில்வா ஆகிய 4 பேரும் அவுட் ஆகி வெளியேறினர்.

மேலும் தனது அடுத்த ஓவரில் இலங்கை அணி கேப்டன் தசுன் ஷனகா விக்கெட்டை வீழ்த்தினார்.

தொடக்கம் முதலே தடுமாறிய இலங்கை அணி வெறும் 15.2 ஓவர்களில் அனைத்து விக்கெட்டுகளையும் இழந்து 50 ரன்களில் சுருண்டது.

இதையடுத்து 51 ரன்கள் எடுத்தால் வெற்றி என்ற எளிய இலக்குடன் இந்திய அணி களமிறங்கியது.

இறுதியில் 6.1 ஓவரில் விக்கெட் இழப்பின்றி இந்திய அணி 51 ரன்கள் எடுத்து வெற்றி பெற்றது.