விந்தணு இயக்க குறைவுக்கான காரணங்கள் மற்றும் அதற்கான உணவுப் பழக்க வழக்கங்கள்!

காரணங்கள்: ஆண் இனப்பெருக்க உறுப்புகளில் ஏற்படும் அழற்சி நோய்கள் விந்தணுக்களின் இயக்கத்தைக் குறைக்கிறது.

வெரிகோசீல்: விதைப்பையிலுள்ள ரத்த நாளங்கள் விரிவடைந்து பெரிதாவதால் சிலருக்கு விந்தணுக்களின் இயக்க குறைபாடு ஏற்படுகிறது.

ஆன்டி ஸ்பெம் ஆன்டிபாடிஸ்: நோயெதிர்ப்பு எதிர் காரணிகள் விந்தணுக்கள் கர்ப்பப்பை வாய் சளிச்சவ்வை ஊடுருவிச் செல்லும் திறனைத் தடுக்கிறது.

புகைப்பிடித்தல், அதிகப்படியான குடிப்பழக்கம், விளையாட்டுகளின்போது ஏற்படும் சில காயங்கள், போதை மருந்துகளின் பயன்பாடுகள் இவைகளும் விந்தணுக்கள் இயக்க குறைபாட்டிற்கு காரணிகளாக உள்ளது.

உணவுப் பழக்க வழக்கங்கள்: உடல் வெப்பத்தை தவிர்ப்பதற்கு தினமும் இரண்டு முதல் மூன்று லிட்டர் தண்ணீர் குடிக்க வேண்டும்.

வாரம் ஒருமுறை எண்ணெய் குளியல் எடுக்க வேண்டும். காரம், புளிப்பு சுவை உணவுகளை அளவுடன் எடுக்க வேண்டும்.

பூசணி விதைகள், பாதாம், வால்நட், பிஸ்தா, சியா விதைகள், விதையுடைய மாதுளம்பழம், முழுத் தானியங்கள், அவகேடோ ஆகியவை சாப்பிட வேண்டும்

மத்திச்சாழை, சிப்பி, இறால் போன்ற மீன்கள், அத்திப்பழம், புடலங்காய், பசலைக்கீரை, தூதுவளை கீரை, முருங்கைக் கீரை, தாளிக்கீரை போன்றவைகளை உணவில் சேர்த்துக் கொள்ள வேண்டும்.