டீன் ஏஜ் வயதினர் அனைவருக்குமே, ஒரு ஆசை, ஒரு கனவு, ஒரு லட்சியம் இருக்கிறது. அது என்ன தெரியுமா..? சிக்ஸ் பேக் வைப்பது.

அந்த உணவு பழக்கத்தை தெரிந்து கொள்வோமா..?

பொதுவாக கார்போஹைட்ரேட் அதிகம் உள்ள உணவுகளை சாப்பிடக்கூடாது, அதற்காக கார்போஹைட்ரேட்டை முற்றிலுமாக தவிர்க்கவும் கூடாது. ஏனெனில், உங்களின் தசைகள் தொடர்ந்து சீராக இயங்க அவற்றிற்கு தொடர்ச்சியான ஆற்றல் தேவை, அவை கார்போஹைட்ரேட்டிலிருந்து கிடைக்கிறது.

உங்கள் தசைகளை வலிமையாக்குவதில் மற்ற ஊட்டச்சத்துக்களை விட புரோட்டின்கள்தான் அதிக பலனளிக்க கூடியவை. உடலில் இருக்கும் கலோரிகளை எரிப்பதில் புரோட்டினின் பங்கு மிகவும் முக்கியமானது.

உங்கள் உணவில் ஆரோக்கியமான கொழுப்புகளை சேர்த்துக் கொள்ள வேண்டியது அவசியம். கொழுப்புகள் உங்கள் உடலில் இன்சுலின் அளவை சீராக வைத்திருக்கும். வயிறை தட்டை யாக வைத்திருக்கவும், சிக்ஸ் பேக் வைத்துக் கொள்ள வேண்டும் என்ற எண்ணமும் இருந்தால் நிச்சயம் கொழுப்புகளை சேர்த்துக்கொள்ள வேண்டும்.

கெட்ட கொழுப்புகள் மற்றும் இனிப்பு வகைகளை தவிர்த்து ஒவ்வொரு மூன்று மணி நேரத்திற்கும் ஊட்டச்சத்துக்கள் நிறைந்த உணவுகளை எடுத்துக்கொள்ள வேண்டும். இது உங்களின் ஈரல் மற்றும் தசைகளை வலிமையாக்க உதவும்.

உடற்பயிற்சிக்கு முன்பும், பின்பும் நீர்சத்துக்களை உடலில் சேர்த்துக் கொள்ள வேண்டும். இது உங்களுக்கு அதிக உடற்பயிற்சி செய்வதற்கான ஆற்றலை வழங்கும்.

உங்கள் நாளை எப்பொழுதும் அதிகமான உணவு வகைகளுடன் தொடங்குங்கள். நார்ச்சத்துக்கள் மற்றும் கார்போஹைட்ரேட்டை அதிகம் சேர்த்து கொள்ளுங்கள். இது தேவையில்லாமல் பசி ஏற்படுவதை தடுக்கும். நாளின் கடைசி உணவானது (இரவு உணவு) நிச்சயமாக கார்போஹைட்ரேட் இல்லாமல் புரோட்டின் அதிகம் உள்ள உணவாக இருக்க வேண்டும்.