ஆரோக்கியம் நிறைந்த ஆட்டுக்கால் மிளகு ரசம் செய்முறை!

தேவையான பொருட்கள்: ஆட்டுக்கால், சின்ன வெங்காயம், பூண்டு, இஞ்சி, காய்ந்த மிளகாய், தனியா, சீரகம், மிளகு, மஞ்சள் தூள், வெண்ணெய், நெய், கொத்தமல்லி, உப்பு

செய்முறை: சின்ன வெங்காயத்தை தோல் நீக்கி வைக்கவும். கொத்தமல்லியை பொடியாக நறுக்கி கொள்ளவும்.

ஆட்டுக்காலை நன்றாக சுத்தம் செய்த துண்டுகளாக்கி கொள்ளவும்.

சின்ன வெங்காயம், இஞ்சி மற்றும் பூண்டு ஆகியவற்றை தோல் நீக்கி, மூன்றையும் சேர்த்து கொரகொரப்பாக அரைத்துக் கொள்ளவும்.

வெறும் கடாயில் காய்ந்தமிளகாய், தனியா, சீரகம், மிளகை போட்டு வறுத்து ஆறியதும் பொடித்து கொள்ளவும்.

ஒரு பாத்திரத்தில் வெண்ணெய், நெய் ஊற்றி சூடானதும் இடித்த வெங்காயம், இஞ்சி, பூண்டு கலவை போட்டு வதக்கவும்.

அடுத்து அதில் மசாலா பொடி, மஞ்சள் தூள், மட்டன் கால் துண்டுகளை போட்டு, 2 லிட்டர் தண்ணீர் ஊற்றி கொதிக்க விடவும்.

இது நன்றாக கொதித்து 1 லிட்டராக சுண்டி வந்ததும் கொத்தமல்லி தழை தூவி இறக்கி சூடாக பரிமாறவும்.