காலை உணவாக ஆரோக்கியமான பிரட் ஆம்லெட் வீட்டிலேயே செய்வது எப்படி?

காலையில் சத்தான உணவை சாப்பிட்டால் அன்றைய நாள் முழுவதும் புத்துணர்ச்சியுடன் வேலை செய்யலாம். இன்று முட்டை, பிரட் வைத்து ரெசிபி செய்வது எப்படி என்று பார்க்கலாம்.

தேவையான பொருட்கள்: கோதுமை பிரட், முட்டை, வெங்காயம், கொத்தமல்லி, பச்சை மிளகாய், மிளகாய்த் தூள், பட்டர், சாட் மசாலா, உப்பு - தேவையான அளவு

வெங்காயம், கொத்தமல்லி, ப.மிளகாயை பொடியாக நறுக்கி கொள்ளவும்.

ஒரு பௌலில் முட்டையை உடைத்து ஊற்றி நன்றாக அடித்துக் கொள்ளவும்.

அதனுடன், பொடியாக நறுக்கிய வெங்காயம், கொத்தமல்லி, பச்சை மிளகாய், மிளகாய்த்தூள், சாட் மசாலா, உப்பு சேர்த்து மீண்டும் ஒருமுறை நன்றாக அடித்துக் கொள்ளவும்.

ஒரு அடுப்பில் தவா வைத்து, சூடானதும், வெண்ணெய் போட்டு உருக்கியதும் பிரெட்டை அதன் மீது வைத்து இருபக்கவும் சூடு செய்து எடுக்கவும்.

பின்னர், அதே தவாவில் மீண்டும் வெண்ணெய் போட்டு உருகியதும், தயாராக உள்ள முட்டை கலவையை அதன் மீது ஊற்றி பரப்பி வேகவிடவும்.

முட்டை வெந்ததும், அதன் மீது பிரட் ஸ்லைஸ் வைத்து நான்கு புறமும் மடித்து எடுக்கவும்.

அவ்ளோதாங்க.. சுவையான சத்து நிறைந்த கோதுமை பிரட் ஆம்லெட் ரெடி..!