சுவையான சப்பாத்தி நூடுல்ஸ் செய்வது எப்படி?

பெரும்பாலானோர் வீட்டில் தினமும் சப்பாத்தி செய்து சாப்பிடுவது வழக்கமாக இருக்கும்.

சப்பாத்தி செய்யும் போது பல நேரங்களில் சப்பாத்தி மீந்து போயிடும். அதை மறுநாள் தோசைக்கல்லில் போட்டு சூடேற்றி நூடுல்ஸ் செய்து சாப்பிடலாம்.

தேவையான பொருட்கள்: சப்பாத்தி, முட்டை, பெரிய வெங்காயம், தக்காளி, இஞ்சி, பூண்டு, மஞ்சள் தூள், மிளகாய்த் தூள், மிளகுத் தூள், உப்பு - தேவையான அளவு.

செய்முறை: முதலில் முட்டையை பொரித்து எடுத்துவைக்கவும்.

பிறகு சப்பாத்தியை மெல்லிசாக நூடுல்ஸ் போல வெட்டி வைத்துக்கொள்ளவும்.

அடுத்து கடாயை சூடுசெய்து எண்ணெய் ஊற்றி வெங்காயம், இஞ்சி பூண்டு விழுது, தக்காளி போட்டு வதக்கவும்.

நன்கு வதக்கியவுடன் மஞ்சள் தூள், மிளகாய்த் தூள் போட்டு சிறிது தண்ணீர் தெளித்து குறைவான தணலில் மூடிவைக்கவும்.

பச்சை வாடை போனவுடன், வெட்டி வைத்த சப்பாத்தி, முட்டைப் பொரியல் போட்டு, மிளகுத் தூள், உப்பு ஆகியவை சேர்த்து கிளற வேண்டும்.

சிறுது நேரம் கழித்து எடுத்து சுடச்சுட பரிமாறவும். சுவையான ஆரோக்கியமான சப்பாத்தி நூடுல்ஸ் ரெடி!