முகத்தில் உள்ள கருமை நீங்க சந்தனத்தை எப்படியெல்லாம் பயன்படுத்தலாம்...!!

சந்தனத்தை முகத்திற்கு பூசி வந்தால், முகத்தில் உள்ள கருமை நீங்கி, முகம் வெள்ளையாகவும், பொலிவோடும், பிரகாசமாகவும் இருக்கும்.

முகத்தை ஆரோக்கியமாக வைப்பதற்கு சந்தனத்தை எப்படியெல்லாம் பயன்படுத்த வேண்டும் என கொடுக்கப்பட்டுள்ளது.

சந்தனப் பவுடரை பால் சேர்த்து பேஸ்ட் செய்து, முகத்தில் தடவி நன்கு காய்ந்த பின், கழுவ வேண்டும். இதனால் முகத்தில் உள்ள அழுக்குகள் வெளியேற்றப்பட்டு, முகம் பொலிவோடு இருக்கும்.

கற்றாழை ஜெல்லியில் சந்தனப் பொடியை சேர்த்து கலந்து பேஸ்ட் செய்து முகத்தில் தடவி உலர வைத்துக் கழுவ வேண்டும். இதனால் வெயிலால் பாதிக்கப்பட்ட சருமம் குணமாகும்.

சந்தனப் பவுடர் மற்றும் மஞ்சள் தூளை ஒன்றாக கலந்து, அதை பால் அல்லது தயிர் சேர்த்து பேஸ்ட் செய்து, முகத்தில் தடவி வந்தால், முகம் பிரகாசமாக இருக்கும்.

பருக்கள் அதிகம் உள்ளவர்கள், சந்தனப் பொடி மற்றும் வேப்பிலைப் பொடியை நீர் சேர்த்து பேஸ்ட் செய்து, முகத்தில் தடவ வேண்டும்.

இதில் உள்ள பாக்டீரியல் தன்மை, முகத்தில் பருக்களைப் போக்கி, முகத்தைப் பொலிவாக்கும்.

சந்தனப் பொடியை ரோஸ் வாட்டர் சேர்த்து பேஸ்ட் செய்து, முகத்திற்கு பூசி வந்தால், முகம் பிரகாசமாகவும், புத்துணர்ச்சியுடனும் இருக்கும்.

சந்தனப் பொடியுடன், கடலை மாவை சேர்த்து, பால் ஊற்றி பேஸ்ட் செய்து, முகத்தில் தடவி சிறுது நேரம் கழித்து தேய்த்து கழுவ, முகம் அழகாக ஜொலிக்கும்.