நிலவின் தென்துருவத்தில் இறங்கி வரலாறு படைத்தது, இந்தியா...!!!

சந்திரயான்-3 எல்.வி.எம்.3-எம்.4 ராக்கெட் மூலம் கடந்த மாதம் 14-ந்தேதி விண்ணில் ஏவப்பட்டது.

இந்த ராக்கெட் 179 கி.மீ. உயரத்தை அடைந்ததும் சந்திரயான்-3 விண்கலத்தை புவி சுற்று வட்டப்பாதையில் செலுத்தியது.

பின்னர் நிலவு சுற்றுவட்டப்பாதையை நோக்கி கடந்த 1-ந்தேதி செலுத்தப்பட்டது.

அதன்பிறகு கடந்த 17-ந்தேதி உந்துகலனில் இருந்து ‘லேண்டர்’ கருவி வெற்றிகரமாக பிரிக்கப்பட்டது.

நேற்று மாலை 5.44 மணிக்கு நிலவில் லேண்டரை தரையிறக்கும் பணி தொடங்கப்பட்டது.

அதன்படி மாலை 6.04 மணியளவில் நிலவின் மேற்பரப்பில் லேண்டர் வெற்றிகரமாக தரையிறங்கியது.

இதன்மூலம் நிலவின் தென்துருவத்தில் தரையிறங்கிய முதல் நாடு என்ற பெருமை இந்தியா வசமானது.

தற்போது லேண்டரில் இருந்து ரோவர் வெளியே வந்து, நிலவில் தனது நடைபயணத்தை தொடங்கி உள்ளது.

நிலவில் லேண்டர் தரையிறங்கிய அந்த கணம் தரை கட்டுப்பாட்டு நிலையம், விஞ்ஞானிகள் மற்றும் பார்வையாளர்களின் கரவொலியால் அதிர்ந்தது.

இந்த வெற்றியை மக்கள் பட்டாசுகளை வெடித்தும், ஒருவருக்கு ஒருவர் இனிப்பு வழங்கியும் கொண்டாடினர்.