இணையத்தில் வைரலாகும் கீர்த்தி சுரேஷ் திருமண புகைப்படங்கள்!

தமிழ், மலையாளம், தெலுங்கு மொழியில் பிரபல நடிகையாக இருப்பவர் கீர்த்தி சுரேஷ். மலையாள படங்களில் குழந்தை நட்சத்திரமாக அறிமுகம் ஆனார்.

2013-ம் ஆண்டு பிரியதர்ஷன் இயக்கத்தில் வெளியான 'கீதாஞ்சலி' என்ற படத்தின் மூலம் கதாநாயகியாக அறிமுகமானார்.

தொடர்ந்து "ரஜினிமுருகன், ரெமோ, பைரவா, தானா சேர்ந்த கூட்டம், மாமன்னன், சைரன்" போன்ற படங்களில் நடித்து உள்ளார்.

'நடிகையர் திலகம்' படத்தில் கீர்த்தி சுரேஷ் சாவித்ரியாக நடித்து பாராட்டை பெற்றார். மேலும் அந்த படத்திற்கு தேசிய விருது வென்றார்.

இதற்கிடையே, கீர்த்தி சுரேஷ் தனது பள்ளி கால நண்பரான ஆண்டனியை 15 ஆண்டுகளாக காதலித்து வந்துள்ளார்.

இந்த நிலையில், கீர்த்தி சுரேஷ் - ஆண்டனி இருவரும் இன்று திருமணம் செய்துகொண்டனர். இத்திருமணம் இந்து முறைப்படி நடைபெற்றது.

திருமண நிகழ்வில் நெருங்கிய உறவினர்கள், நண்பர்கள் மற்றும் நடிகர் விஜய் ஆகியோர் கலந்துகொண்டனர்

திருமணத்தின்போது எடுக்கப்பட்ட புகைப்படங்களை கீர்த்தி சுரேஷ் தனது இன்ஸ்டாகிராமில் வெளியிட்டுள்ளார். இந்த புகைப்படங்கள் சமூக வலைதளத்தில் வைரலாகி வருகின்றன.