தமிழ் சினிமாவின் முன்னணி கதாநாயகியான நயன்தாரா, கடந்த ஜூன் மாதம் இயக்குனர் விக்னேஷ் சிவனை காதலித்து திருமணம் செய்து கொண்டார்.

இவர்களது திருமணம் சென்னையை அடுத்த மாமல்லபுரத்தில் கோலாகலமாக நடந்தது.

திருமணம் முடிந்த கையோடு தம்பதியினர் தேனிலவு பயணமாக தாய்லாந்துக்கு புறப்பட்டனர். ஒரு வாரத்துக்கு பிறகு நாடு திரும்பினார்கள்.

அதன் பின்னர் ஷாருக்கானுடன் இணைந்து நடிக்கும் ‘ஜவான்' படத்தின் படப்பிடிப்பு பணிகளில் நயன்தாரா பிசியானார்.

அதேபோல செஸ் ஒலிம்பியாட் தொடக்க மற்றும் நிறைவுவிழா பணிகளில் விக்னேஷ் சிவன் மும்முரமாக ஈடுபட்டிருந்தார்.

இந்த நிலையில் செஸ் ஒலிம்பியாட் போட்டி தொடர் நிறைவு பெற்றதை தொடர்ந்து வெளிநாடு பயணம் மேற்கொள்ள திட்டமிட்டனர்.

அதன்படி நயன்தாரா, விக்னேஷ் சிவன் தம்பதி 10 நாட்கள் பயணமாக ஸ்பெயினுக்கு புறப்பட்டுச் சென்றனர்.

‘இது 2-வது தேனிலவு பயணமா? சீக்கிரம் நல்ல செய்தி சொல்லுங்கள்', என ரசிகர்களும் சமூக வலைதளங்களில் கருத்துகளை பதிவிட்டு வருகிறார்கள்.

வெளிநாடு பயணம் முடிந்த பின்னர் ‘ஜவான்' படத்தின் 2-ம் கட்ட படப்பிடிப்பு பணிகளில் நயன்தாரா பங்கேற்க இருக்கிறார்.

அதேபோல அஜித்குமார் நடிக்கும் புதிய படத்தின் பணிகளில் விக்னேஷ் சிவன் ஈடுபட உள்ளார்.