சிவகார்த்திகேயன் ஜோடியாக மிருணாள் தாகூர்?

சிவகார்த்திகேயன் நடித்த ‘மாவீரன்’ படம் சமீபத்தில் திரைக்கு வந்தது.

இந்த படத்துக்கு ரசிகர்கள் மத்தியில் வரவேற்பு கிடைத்தது.

இதில் மிஷ்கின், அதிதி ஷங்கர், சரிதா ஆகியோரும் நடித்து இருந்தனர்.

தற்போது சிவகார்த்திகேயன் ராஜ்குமார் பெரியசாமி இயக்கும் படத்தில் நடித்து வருகிறார்.

இதை கமல்ஹாசனின் ராஜ்கமல் பிலிம்ஸ் இண்டர் நேஷனல் பட நிறுவனம் தயாரிக்கிறது.

இதில் சாய்பல்லவி நாயகியாக நடிக்கிறார்.

இந்த படத்துக்கு பிறகு ஏ.ஆர்.முருகதாஸ் இயக்கும் படத்தில் சிவகார்த்திகேயன் நடிக்க இருக்கிறார்.

இதில் அவருக்கு ஜோடியாக நடிக்க இந்தி நடிகை மிருணாள் தாகூரிடம் படக்குழுவினர் பேசி வருகிறார்கள்.

மிருணாள் தாகூர் இந்தியில் பிரபல நடிகையாக இருக்கிறார்.

ஏற்கனவே துல்கர் சல்மானுடன் நடித்த சீதாராமம் படம் மிருணாள் தாகூருக்கு பெயர் வாங்கி கொடுத்தது.

அதில் ராணுவ வீரரை காதலிக்கும் இளவரசி கதாபாத்திரத்தில் நடித்து இருந்தார்.

தற்போது தெலுங்கில் நானியுடன் புதிய படத்தில் நடித்து வருகிறார்.