சண்டே ஸ்பெஷல்...தேங்காய் சேர்த்து பிஷ் பிரை செய்யலாம் வாங்க..!

குழந்தைகளுக்கு மீன் வறுவல் என்றால் மிகவும் பிடிக்கும். இன்று மீன், தேங்காய் சேர்த்து வறுவல் செய்வது எப்படி என்று பார்க்கலாம்.

தேவையான பொருட்கள்: துண்டு மீன், சோளமாவு, எலுமிச்சை சாறு, பச்சை மிளகாய், கொத்தமல்லி, பூண்டு விழுது, எலுமிச்சை பழம், மிளகு பொடி, மிளகாய்த்தூள், இஞ்சி - சிறிய துண்டு, தேங்காய் துருவல், கறிவேப்பிலை ஆகியவை.

செய்முறை: இஞ்சி, கறிவேப்பிலை, கொத்தமல்லி, பச்சை மிளகாயை மிக்ஸியில் போட்டு கொரகொரப்பாக அரைத்து கொள்ளவும்.

இந்த விழுதோடு மிளகாய்த்தூள், எலுமிச்சை சாறு, மிளகு தூள், பூண்டு விழுது, சோளமாவை சேர்த்து நன்றாக கலக்கவும்.

இந்த மசாலாவை மீனுடன் சேர்த்து பிரட்டி 4 மணி நேரம் பிரிட்ஜ் பீரீசரில் வைக்கவும்.

அடுத்து ஊற வைத்த மீனை தேங்காய் துருவலில் போட்டு பிரட்டவும்.

தோசைக்கல்லில் எண்ணெய் ஊற்றி சூடானதும் அதில் மீனை போட்டு மிதமான தீயில் பொரித்து எடுக்கவும்.

மாறுபட்ட சுவையில் தேங்காய் பிஷ் பிரை ரெடி.