ஷ்ரத்தா ஸ்ரீநாத் தனது பெயரை ஷ்ரத்தா ரமா ஸ்ரீநாத் என மாற்றிக் கொள்ளப் போவதாக டுவிட்டரில் அறிவித்தார்.

ரமா என்பது தனது அம்மா பெயர் என்றும் இன்ஸ்டாகிராமில் பெயரை ஏற்கனவே மாற்றி விட்டதாகவும், தற்போது ட்விட்டரிலும் மாற்ற முடிவு செய்து இருக்கிறேன் என்றும் பதிவிட்டார்.

ஷ்ரத்தா ஸ்ரீநாத் பதிவை பார்த்த ரசிகர்கள் வலைத்தளத்தில் அவரை கேலி செய்தனர். அவதூறாக விமர்சித்தும் பதிவுகள் வெளியிட்டனர்.

இந்த பதிவுகளை பார்த்து கடுப்பான ஷ்ரத்தா ஸ்ரீநாத் “உங்கள் கேவலமான பதிவுகளுக்கு நன்றி. இனிமேல் 4 மாதத்துக்கு டுவிட்டர் பக்கம் வரமாட்டேன்” என பதிவிட்டார்.

அதையும் சிலர் கேலி செய்து, நீங்கள் வராவிட்டால் டுவிட்டர் நஷ்டமாகி விடும். கிளம்புங்க காத்து வரட்டும் என பதிவிட்டனர்.

இன்னும் சிலர் விமர்சனத்தை கண்டு கொள்ள வேண்டாம் என்று ஷ்ரத்தாவுக்கு ஆறுதல் தெரிவித்து உள்ளனர்.