40-வது பிறந்தநாளை கொண்டாடும் நடிகை நயன்தாராவின் கடந்து வந்த பாதை!

கேரளாவைச் சேர்ந்த நயன்தாரா, தமிழில் 2005-ல் 'ஐயா' படத்தில் நடிகர் சரத்குமாருக்கு ஜோடியாக அறிமுகமானார்.

தொடர்ந்து சந்திரமுகி, கஜினி, பில்லா 2, யாரடி நீ மோகினி என அடுத்தடுத்து ஹிட் படங்களை கொடுத்தார்

2018-ம் ஆண்டில் போர்ஸ் இதழில் இடம்பிடித்த டாப் 100 லிஸ்டில் இடம்பிடித்த ஒரே தென்னிந்திய நடிகை என்ற பெருமையும் பெற்றார்

இயக்குநர் விக்னேஷ் சிவனுடன் 2022-ல் காதலித்து திருமணம் செய்துகொண்டனர். இந்த தம்பதிக்கு உயிர் மற்றும் உலகம் ஆகிய 2 மகன்கள் உள்ளனர்.

திருமணத்திற்கு பிறகு, பாலிவுட்டில் அறிமுகமான முதல் படமான ஜவான் படத்தில் நடிகர் ஷாருக்கானுடன் சேர்ந்து நடித்து மாபெரும் வெற்றியை கொடுத்தார். இந்த படம் பாக்ஸ் ஆபிஸிலும் ரூ.1000 கோடிக்கு மேல் வசூலை வாரிக்குவித்தது.

நடிகை நயன்தாராவின் சிறுவயது வாழ்க்கை முதல் முன்னணி கதாநாயகியாக உயர்ந்தது வரை உள்ள சம்பவங்களை தொகுத்து ஒரு ஆவணப்படம் தயாராகி உள்ளது.

இந்நிலையில் நானும் ரவுடிதான் திரைப்படத்தின் சிறு காட்சியை பயன்படுத்த ரூ. 10 கோடி இழப்பீடு கேட்பதாக அந்த படத்தின் தயாரிப்பாளர் தனுஷ் மீது குற்றச்சாட்டை முன்வைத்தார்.

இந்த சர்ச்சைக்கு பிறகு 'நயன்தாரா - பியாண்ட் தி பேரி டேல்' என்ற அவரின் ஆவணப்படம் நெட்பிளிக்ஸ் ஓ.டி.டி தளத்தில் வெளியானது

நயன்தாரா இன்று 40-வது பிறந்தநாளை கொண்டாடும் நிலையில், அவரது புதிய படத்தின் டைட்டில் டீசரை படக்குழு வெளியிட்டுள்ளது. இப்படத்திற்கு 'ராக்காயி' என பெயரிடப்பட்டுள்ளது.