ஒருநாள் போட்டியில் அதிக சதங்கள்....35வது பிறந்த நாளன்று சச்சின் தெண்டுல்கரின் சாதனையை சமன் செய்த விராட் கோலி

உலகக்கோப்பை கிரிக்கெட் தொடரில் நேற்று நடைபெற்ற ஆட்டத்தில் இந்தியா - தென் ஆப்பிரிக்கா அணிகள் ஆடின.

முதலில் பேட்டிங் ஆடிய இந்தியா 50 ஓவர்கள் முடிவில் 5 விக்கெட் இழப்புக்கு 326 ரன்கள் குவித்தது.

இந்த ஆட்டத்தில் கிங் கோலி 101 ரன்கள் அடித்து தனது 49-வது சதத்தை ருசித்தார்.

இதன் மூலம் ஒருநாள் கிரிக்கெட்டில் அதிக சதங்கள் அடித்த சச்சின் தெண்டுல்கரின் சாதனையை சமன் செய்தார்.

இதையடுத்து 327 ரன் எடுத்தால் வெற்றி என்ற இலக்குடன் தென் ஆப்பிரிக்கா அணி களம் இறங்கியது.

இந்திய வீரர்களின் சிறப்பான பந்துவீச்சை சமாளிக்க முடியாமல் தென் ஆப்பிரிக்க அணி 27.1 ஓவர்களில் அனைத்து விக்கெட்டுகளையும் இழந்து 83 ரன்களில் ஆல் அவுட் ஆனது.

இந்திய அணி தரப்பில் ஜடேஜா 5 விக்கெட்டுகள் வீழ்த்தி அசத்தினார்.

இதன் மூலம் இந்திய அணி 243 ரன் வித்தியாசத்தில் அபார வெற்றி பெற்றது.