ஓடிடி உலகில் அடியெடுத்து வைக்கும் பிரியங்கா மோகன் ?

சென்னை,

பவன் கல்யாண், பிரியங்கா மோகனின் மிகவும் எதிர்பார்க்கப்பட்ட ''ஓஜி'' படம் நாளை திரையரங்குகளில் வெளியாக உள்ளது. சுஜீத் இயக்கி உள்ள இந்த கேங்ஸ்டர் ஆக்சன் படத்தில் பாலிவுட் நடிகர் எம்ரான் ஹாஷ்மி வில்லனாக நடித்திருக்கிறார். மேலும், ஸ்ரேயா ரெட்டி முக்கிய கதாபாத்திரத்தில் நடித்துள்ளார். ரசிகர்கள் இப்படத்தை ஆவலுடன் எதிர்பார்த்திருக்கிறார்கள்.

இதற்கிடையில், பிரியங்கா மோகன் ஓடிடி உலகில் அடியெடுத்து வைக்க இருக்கிறார். நெட்பிளிக்ஸில் வெளியாக உள்ள ஒரு படத்தில் அவர் நடிக்க உள்ளதாக தெரிகிறது. இந்த படத்தை ஒரு தமிழ் இயக்குனர் இயக்க இருப்பதாகவும் கூறப்படுகிறது.

விரைவில் அறிவிப்பு வெளியாகும் என்று எதிர்பார்க்கப்படுகிறது. பிரியங்கா இதற்கு முன்பு எந்த வெப் தொடரிலோ அல்லது படத்திலோ நடித்ததில்லை என்பது குறிப்பிடத்தக்கது.