தங்கம் விலை உயர்வு.. இன்றைய நிலவரம் என்ன..?

சென்னை,

இந்த ஆண்டு தொடக்கத்தில் இருந்தே தங்கத்தின் விலை யாரும் எதிர்பார்க்காத வகையில் உயர்ந்தவாறு இருக்கிறது. பல்வேறு நாடுகளுக்கு இடையே திடீரென ஏற்படும் போர் பதற்றம் காரணமாகவும் தங்கம் விலை ஜெட் வேகத்தில் உயர்ந்து பின்னர் கணிசமாக குறைகிறது.

அந்த வகையில், கடந்த 14-ந் தேதி வரலாறு காணாத வகையில் தங்கம் விலை உயர்ந்தது. அன்றைய தினம் கிராமுக்கு ரூ.9,320-ம், பவுனுக்கு ரூ.74,560 என விற்பனையானது. அதன் பின்னர் தங்கம் விலை ஏற்றம், இறக்கம் கண்டு வருகிறது.

இந்த சூழலில் நேற்று தங்கம் விலை சற்று குறைந்திருந்தது. அதன்படி தங்கம் விலை கிராமுக்கு ரூ.55 குறைந்து ரூ.9,050-க்கு விற்பனையானது. பவுனுக்கு ரூ.440 குறைந்து ரூ.72,400-க்கு விற்பனை செய்யப்பட்டது. அதைபோல வெள்ளி விலை ரூ.1 குறைந்து ஒரு கிராம் ரூ.120-க்கும், ஒரு கிலோ ரூ.1 லட்சத்து 20 ஆயிரத்திற்கும் விற்பனை செய்யப்பட்டது.

இந்த நிலையில், இன்று தங்கம் விலை சற்று உயர்ந்துள்ளது. அதன்படி தங்கம் விலை கிராமுக்கு ரூ.10 உயர்ந்து ரூ.9,060-க்கு விற்பனையாகிறது. பவுனுக்கு ரூ.80 உயர்ந்து ரூ.72,480-க்கு விற்பனை செய்யப்படுகிறது. வெள்ளி விலையில் மாற்றமின்றி ஒரு கிராம் ரூ.120-க்கும், ஒரு கிலோ ரூ.1 லட்சத்து 20 ஆயிரத்திற்கும் விற்பனை செய்யப்பட்டு வருகிறது.

கடந்த 5 நாட்களில் தங்கம் விலை நிலவரம்:-

05.07.2025 - ஒரு சவரன் ரூ. 72,480 (இன்று)

04.07.2025 - ஒரு சவரன் ரூ. 72,400 (நேற்று)

03.07.2025 - ஒரு சவரன் ரூ. 72,840

02.07.2025 - ஒரு சவரன் ரூ. 72,520

01.07.2025 - ஒரு சவரன் ரூ. 72,160