தினத்தந்தி
நாம் எடுத்துக் கொள்ளும் உணவுகளுக்கும் உடலில் நடைபெறும் செயல்பாடுகளுக்கும் நெருங்கிய தொடர்பு உள்ளது. உணவில் உள்ள புரத அமைப்பு, ஹிஸ்டமைன் பண்புகள் மற்றும் அழற்சியைத் தூண்டும் மூலக்கூறுகள் சில நேரங்களில் சரும அழற்சியை ஏற்படுத்தலாம்.
சிப்பி: சிப்பியில் உள்ள சில புரதங்களை நோயெதிர்ப்பு மண்டலம் ஏற்காததால், சருமத்தில் அரிப்பு மற்றும் எரிச்சல் ஏற்படலாம்.
நட்ஸ்: நட்ஸ் வகைகள் சிலருக்கு சரும அழற்சியை ஏற்படுத்தலாம். குறிப்பாக வேர்க்கடலை அரிப்பு போன்ற பிரச்சினைகளைத் தூண்டலாம்.
பசும்பால்: பசும்பாலில் உள்ள கேசின் மற்றும் whey புரதங்கள் சிலருக்கு அழற்சியை ஏற்படுத்தி, எக்ஸிமா போன்ற தோல் பிரச்சினைகளை உருவாக்கலாம்.
முட்டை: முட்டையில் உள்ள புரதங்கள் சிலருக்கு அலர்ஜி ஏற்படுத்தி, சொறி, சிரங்கு போன்ற பிரச்சினைகளை உருவாக்கலாம்.
கோதுமை: கோதுமையில் உள்ள குளுட்டன் சிலருக்கு அழற்சியை ஏற்படுத்தி, தோலில் வறட்சி மற்றும் அரிப்பு ஏற்படலாம்.
மீன்: சில மீன்கள் சிலருக்கு அழற்சியை ஏற்படுத்தலாம். கருவாடாக பதப்படுத்தும்போது இந்த பாதிப்பு அதிகரிக்கலாம்.
எள்: எள் பொதுவாக பாதுகாப்பானது. ஆனால் சிலருக்கு மட்டும் தோல் பிரச்சினைகள் தோன்றலாம்.
இவை அனைவருக்கும் ஒரே மாதிரியாக பாதிப்பை ஏற்படுத்தாது; உடல் தன்மையைப் பொறுத்து மாறுபடும்.